Սահմանապահ Տավուշ
Պառավաքարի եկեղեցու հողօրհնեքը
«Երկիր Մեդիայի» անդրադարձը․ Առանց հավատքի հնարավոր չէ հաղթանակ կերտել և ամուր ու պաշտպանված սահմանագիծ ունենալ․ Պառավաքարի կառուցվելիք Սուրբ Հովհաննես եկեղեցին հսկելու է Խաչի հենակետը, որտեղ մեր քաջարի զինվորներն են, և երկու խաչերը հանդիպելու են իրար․․․
... Ավելին.Պառավաքարի եկեղեցու հողօրհնեքը
«Երկիր Մեդիայի» անդրադարձը․
Առանց հավատքի հնարավոր չէ հաղթանակ կերտել և ամուր ու պաշտպանված սահմանագիծ ունենալ․
Պառավաքարի կառուցվելիք Սուրբ Հովհաննես եկեղեցին հսկելու է Խաչի հենակետը, որտեղ մեր քաջարի զինվորներն են, և երկու խաչերը հանդիպելու են իրար․․․
Մկրտվեցին Այգեձորի «Լույս մանկանց» ծրագրի 45 սաները
Հոկտեմբերի 19-ին Մովսեսի Սուրբ Աստվածածին եկեղեցում մկրտվեցին սահմանապահ Այգեձորի «Լույս մանկանց» ծրագրի 45 սաները։ Տավուշի թեմի առաջնորդ Տեր Բագրատ եպս․ Գալստանյանի, Տեր Աբել քհն․ Քարտաշյանի ու Տեր Արամ քհն․ Միրզոյանի ձեռամբ Սուրբ Մյուռոնը դրոշմվեց մանուկների ճակատներին՝ դառնալով նրանց քրիստոնյա և հայ ինքնության անհերքելի վկայությունը։ Լուսանկարները՝ Ստեփան Բադալյանի
... Ավելին.Մկրտվեցին Այգեձորի «Լույս մանկանց» ծրագրի 45 սաները
Հոկտեմբերի 19-ին Մովսեսի Սուրբ Աստվածածին եկեղեցում մկրտվեցին սահմանապահ Այգեձորի «Լույս մանկանց» ծրագրի 45 սաները։
Տավուշի թեմի առաջնորդ Տեր Բագրատ եպս․ Գալստանյանի, Տեր Աբել քհն․ Քարտաշյանի ու Տեր Արամ քհն․ Միրզոյանի ձեռամբ Սուրբ Մյուռոնը դրոշմվեց մանուկների ճակատներին՝ դառնալով նրանց քրիստոնյա և հայ ինքնության անհերքելի վկայությունը։
Լուսանկարները՝ Ստեփան Բադալյանի
Եկեղեցու հողօրհնեք սահմանապահ Պառավաքարում
Այսօր հյուսիսարևելյան սահմանագոտում՝ Պառավաքար գյուղում, թշնամու ուղիղ նշանառության տակ, սահմանում ապրող մարդիկ մի անգամ ևս վերահաստատեցին արժանապատիվ և քրիստոնեավայել ապրելու և արարելու իրենց առաքելությունը: Տահույսի թեմի gերաշնորհ առաջնորդ Բագրատ Սրբազանի և տարածաշրջանի արժանապատիվ քահանա Տեր Արամի ձեռամբ կատարվեց գյուղում կառուցվելիք Սուրբ Հովհաննես եկեղեցու հողօրհնեքի կարգ: Եկեղեցու կառուցումը հովանավորում է տեղացի գեներալ-մայոր Արիս Բրուտյանը: Պառավաքարում այսօր
... Ավելին.Եկեղեցու հողօրհնեք սահմանապահ Պառավաքարում
Այսօր հյուսիսարևելյան սահմանագոտում՝ Պառավաքար գյուղում, թշնամու ուղիղ նշանառության տակ, սահմանում ապրող մարդիկ մի անգամ ևս վերահաստատեցին արժանապատիվ և քրիստոնեավայել ապրելու և արարելու իրենց առաքելությունը:
Տահույսի թեմի gերաշնորհ առաջնորդ Բագրատ Սրբազանի և տարածաշրջանի արժանապատիվ քահանա Տեր Արամի ձեռամբ կատարվեց գյուղում կառուցվելիք Սուրբ Հովհաննես եկեղեցու հողօրհնեքի կարգ:
Եկեղեցու կառուցումը հովանավորում է տեղացի գեներալ-մայոր Արիս Բրուտյանը:
Պառավաքարում այսօր նշվում էր նաև գյուղի ստեղծման 95-ամյակը: Պառավաքար գյուղը տարածաշրջանի ամենամեծ գյուղերից մեկն է, երեք կողմից հարևան է ադրբեջանական գյուղերին: Հնում գյուղում եղել է եկեղեցի՝ Սուրբ Հովհաննես անունով:
-Նոր Սուրբ Հովհաննեսը մեր հավատքի ու արարումի նորոգումն է: Նախքան զինական ուժի հաղթանակը հայը միշտ հոգու մեջ է տարել հաղթանակը: Մեր բոլոր մեծ նշանավոր զորականները իրենց կյանքի գնով են կառուցել ու պահպանել մեր վանքերն ու եկեղեցիները, գեներալ Արիս Բրուտյանի քալն այսօր ևս դրա վկայությունն է: Եկեղեցին քարեղեն կառույց է, ձեր աղոթքներով, զորավոր հավատքով,մարդով է այն կյանք ստանալու, կյանքի կոչվելու,- իր խոսքի մեջ նշեց Բագրատ Սրբազանը
ԱՅԳԵՁՈՐՑԻ 45 ՄԱՆՈՒԿՆԵՐԻ ՄԿՐՏՈՒԹՅՈՒՆԸ
Հոկտեմբերի 19-ին Մովսեսի Սուրբ Աստվածածին եկեղեցում մկրտվեցին սահմանապահ Այգեձորի «Լույս մանկանց» ծրագրի 45 սաները։ Տավուշի թեմի առաջնորդ Տեր Բագրատ եպս․ Գալստանյանի, Տեր Աբել քհն․ Քարտաշյանի ու Տեր Արամ քհն․ Միրզոյանի ձեռամբ Սուրբ Մյուռոնը դրոշմվեց մանուկների ճակատներին՝ դառնալով նրանց քրիստոնյա և հայ ինքնության անհերքելի վկայությունը։
... Ավելին.ԱՅԳԵՁՈՐՑԻ 45 ՄԱՆՈՒԿՆԵՐԻ ՄԿՐՏՈՒԹՅՈՒՆԸ
Հոկտեմբերի 19-ին Մովսեսի Սուրբ Աստվածածին եկեղեցում մկրտվեցին սահմանապահ Այգեձորի «Լույս մանկանց» ծրագրի 45 սաները։
Տավուշի թեմի առաջնորդ Տեր Բագրատ եպս․ Գալստանյանի, Տեր Աբել քհն․ Քարտաշյանի ու Տեր Արամ քհն․ Միրզոյանի ձեռամբ Սուրբ Մյուռոնը դրոշմվեց մանուկների ճակատներին՝ դառնալով նրանց քրիստոնյա և հայ ինքնության անհերքելի վկայությունը։
ՍԱՀՄԱՆԱՊԱՀ ՈՍԿԵՊԱՐՈՒՄ ՀՈԳԵՎՈՐ ԿՐԹՕՋԱԽ ԲԱՑՎԵՑ
Հոկտեմբերի 14-ին սահմանապահ Ոսկեպար գյուղում հերթական կիրակնօրյա դպրոցը բացվեց։ Կիրակնօրյա դպրոցի ոսկեպարցի սաների համար սա իսկական տոն էր․ դասասենյակում մի խումբ լուսավոր մանուկներ էին հավաքվել՝ իրենց ելույթներով դպրոցի բացումն ազդարարելու ու հյուրերին ողջունելու։ Փոքրիկ միջոցառման ավարտից հետո Տավուշի թեմի առաջնոր Բագրատ Սրբազանը երեխաների հետ զրուցեց մեր Թարգմանիչ հայրերի ու Թարգմանչաց տոնի խորհրդի մասին՝ նշելով, որ
... Ավելին.ՍԱՀՄԱՆԱՊԱՀ ՈՍԿԵՊԱՐՈՒՄ ՀՈԳԵՎՈՐ ԿՐԹՕՋԱԽ ԲԱՑՎԵՑ
Հոկտեմբերի 14-ին սահմանապահ Ոսկեպար գյուղում հերթական կիրակնօրյա դպրոցը բացվեց։
Կիրակնօրյա դպրոցի ոսկեպարցի սաների համար սա իսկական տոն էր․ դասասենյակում մի խումբ լուսավոր մանուկներ էին հավաքվել՝ իրենց ելույթներով դպրոցի բացումն ազդարարելու ու հյուրերին ողջունելու։ Փոքրիկ միջոցառման ավարտից հետո Տավուշի թեմի առաջնոր Բագրատ Սրբազանը երեխաների հետ զրուցեց մեր Թարգմանիչ հայրերի ու Թարգմանչաց տոնի խորհրդի մասին՝ նշելով, որ այս տարածքներով Մեսրոպ Մաշտոցն է անցել, և այս փոքրիկ օջախի օրհնության օրն էլ պատահականորեն չի համընկել տոնի հետ․
«Ուրախ ենք, որ սահմանագծի շատ կարևոր այս խրամատում այսպիսի ձեռնարկ է տեղի ունենում։ Մեր նպատակն է, որ դուք լիուլի հոգևոր կրթություն ստանաք ու մեր ինքնությանը՝ հայությանը շատ հարազատ ու մոտ ապրեք»։
ՊԱՏԱՐԱԳ ՍԱՀՄԱՆԻՆ. ԵՊԻՍԿՈՊՈՍԱԿԱՆ ՊԱՏԱՐԱԳ ՈՍԿԵՊԱՐԻ ՍՈՒՐԲ ԱՍՏՎԱԾԱԾԻՆ ԵԿԵՂԵՑՈՒՄ
ՍԱՀՄԱՆԱԳԼԽԻՆ ԳՏՆՎՈՂ 7-ՐԴ ԴԱՐԻ ԵԿԵՂԵՑԻՆ ԱՅՍՕՐ ՋԵՐՄՈՒԹՅԱՄԲ ՈՒ ՍԻՐՈՎ ԷՐ ՇՆՉՈՒՄ Այսօր՝ Թարգմանչաց տոնին, սահմանապահ Ոսկեպարի Սբ․ Աստվածածին եկեղեցում Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը։ Սուրբ Պատարագին մասնակցում էին ինչպես ոսկեպարցիներ, այնպես էլ ուխտավորներ Տավուշի տարբեր ծագերից, մոտակա դիրքերը հսկող զինվորները, ներկա էր թեմի հոգևոր դասը։ Սուրբ Աստվածածին եկեղեցին գտնվում է
... Ավելին.ՊԱՏԱՐԱԳ ՍԱՀՄԱՆԻՆ. ԵՊԻՍԿՈՊՈՍԱԿԱՆ ՊԱՏԱՐԱԳ ՈՍԿԵՊԱՐԻ ՍՈՒՐԲ ԱՍՏՎԱԾԱԾԻՆ ԵԿԵՂԵՑՈՒՄ
ՍԱՀՄԱՆԱԳԼԽԻՆ ԳՏՆՎՈՂ 7-ՐԴ ԴԱՐԻ ԵԿԵՂԵՑԻՆ ԱՅՍՕՐ ՋԵՐՄՈՒԹՅԱՄԲ ՈՒ ՍԻՐՈՎ ԷՐ ՇՆՉՈՒՄ
Այսօր՝ Թարգմանչաց տոնին, սահմանապահ Ոսկեպարի Սբ․ Աստվածածին եկեղեցում Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը։ Սուրբ Պատարագին մասնակցում էին ինչպես ոսկեպարցիներ, այնպես էլ ուխտավորներ Տավուշի տարբեր ծագերից, մոտակա դիրքերը հսկող զինվորները, ներկա էր թեմի հոգևոր դասը։
Սուրբ Աստվածածին եկեղեցին գտնվում է հակառակորդի հենակետերի ուղղակի հարևանությամբ և միայն այս վերջերս է, որ այստեղ սկսել են եկեղեցական արարողություններ կատարվել։ 7-րդ դարում կառուցված այս տաճարն ընկած է այն շրջանում, որտեղով ժամանակին Մեսրոպ Մաշտոցն է անցել ու սովորեցրել, և պատահական չէ, որ Թարգմանչաց տոնի Սուրբ Պատարագը մատուցվում էր մեծ ուսուցչի ոտնահետքերը կրող ու այսօր կրկին վերածնունդ ապրող այս վայրում։
Բագրատ Սրբազանն իր քարոզում նշեց, որ Մեսրոպ Մաշտոցի, մեր մեծ հայրերի ու նրանց ժառանգների մեծագույն դերակատարությունը հայ ժողովրդի կյանքում մեր ազատագրության խորհուրդն է․
«Այսօր Թարգմանչաց տոնն է՝ մեր մեծ սուրբերի տոնը, նրանց, ովքեր մեր ինքնությունը կրեցին, պահեցին, զարգացրեցին և փոխանցեցին մեզ։ Նրանք մեր կենսագրության ճանապարհորդության յուրաքանչյուր հանգրվանում մեծագույն դերակատարութուն են ունեցել նախ Աստծուն թարգմանելու իմաստով և ապա՝ մեր ինքնությունը պահելու, զարգացնելու և փոխանցելու մեզ՝ որպես մեծագույն ժառանգություն։
Գրերի գյուտը բոլորովին կապ չունի տառեր ստեղծելու հետ։ Եղիշեն Մաշտոցի վերադարձը Հայաստան Մովսես մարգարեի վերադարձի հետ է համեմատում: Եվ սա ի՞նչ խորհուրդ ուներ իր մեջ․ մի՞թե միայն 36 այս կամ այն ձևով գրված տառերի գյուտ էր այդ․ դա մեր ժողովրդի ազատագրության խորհուրդն էր, այլապես Մաշտոցին չէր համեմատի նրա հետ, ով իր ժողովրդին տանում էր ազատագրության, ով իր ժողովրդին անապատի ճանապարհով տանում էր դեպի ավետյաց երկիր։ Ինչպես Մովսեսը, այնպես էլ Մեսրոպ Մաշտոցն էր առաջնորդում ժողովրդին դեպի ազատագրություն այն մեծասքանչ հերոսությամբ, որ գրերի գյուտն է։ Այդ պատճառով ենք ասում, որ այսօր մեր ինքնությունը վերագտնելու ու վերջնական ազատագրման տոնն է»։
«Այդ շրջանում պարզապես անվանական պետություն գոյություն ուներ․ ընդամենը մի քանի տարի անց այլևս չկար այդ թագավորությունը՝ դավաճանությունների ու խաբեությունների, անարդարությունների պատճառով։
Որևէ ժամանակ Աստծու օրենքից շեղումը մեզ տարել է անկումների՝ թե՛ անձնական և թե՛ հավաքական։ Եվ մեր թարգմանիչ հայրերը հենց այդ ալիքի դեմ կարողացան կանգնել, այդ հոսանքը փոխել, այդ ճանապարհը ցույց տալ, այդ կամուրջը կամրջել, որը ոչ մի տեսակի զենքով, ոչ մի հզոր ուժերով չկարողացավ հաղթահարվել այս ողջ ընթացքում։
Մեր 1500-ամյա մշակույթը մենք անընդհատ փչացնում ենք, փչացնում ենք ու քայքայում մեր անտարբերությամբ, հարաբերություններով, սակայն այն այնքան հարուստ է, որ չի վերջանում։ Ժամանակ առ ժամանակ Աստված անձեր, անհատներ կամ խմբեր է դուրս բերում մեր միջից, որոնք անընդհատ վերանորոգում են։ Մեր հայրերն անընդհատ այնքան ամուր ու մաքրությամբ են հաստատել, այնքան Աստվածային շնորհ ու օրհնություն են դրել մեր կենսագրության մեջ, որ այն չի փչանում ու չի ավարտվում։ Նրանք առանց բանակների, առանց որևէ համակարգերի այս հրաշքն են ստեղծել․ գնացել են ճիշտ սրտին՝ ինքնությանը՝ մաքրելու, զուլալացնելու, ամրացնելու այն և այդպիսով ապրելու չափանիշ սահմանելու»։
Սահմանագլխին կանգնած Սբ․ Աստվածածին եկեղեցին էլ կարծես վերազարթոնքի այդ տևական զորության մարմնավորումը լինի, որ երկար դադարից ու լքվածությունից հետո մի շարք նվիրյալ անձանց շնորհիվ այսօր կրկին իր նախկին շքեղությանն ու գեղեցկությանն է դարձել՝ սիրով ու ջերմությամբ առլեցուն․
«Այս տաճարն էլ ամիսներ առաջ կարծես այդ նույն քայքայման հետևանքը լիներ, և այս տաճարի ուրախության, ջերմության այսօրվա տեսքը, որ շատերիս սրտերին էլ նույն զգացումն է տվել, թո՛ղ որ մեր Տավուշ աշխարհի նոր կյանքի, վերանորոգման ու վերազարթոնքի խորհրդանիշը լինի։ Մենք մեր տունը մեր ձեռքերով քար առ քար, հոգի առ հոգի կառուցելու ենք։ Իրար հետ ձեռք ձեռքի են գնում հոգին և քարը։ Չկա հոգին՝ քարը գոյություն չունի, և այդպես է լինելու մեր ամբողջ ճանապարհորդությունը»։
Բագրատ Սրբազան, Ոսկեպար
ՎԱՐԱԳԱ ՍՈՒՐԲ ԽԱՉԻ ՏՈՆԸ ՏԱՎՈՒՇՈՒՄ
«Վարագավանքը մեր հավատքի, մեր սահմանների մշտարթուն պահապանն է…». Վարագա Սուրբ Խաչի մասունքը շրջեց Տավուշով ու հանգրվանեց իր տանը՝ Նոր Վարագավանքում: «Երկիր Մեդիայի» անդրադարձը.
... Ավելին.ՎԱՐԱԳԱ ՍՈՒՐԲ ԽԱՉԻ ՏՈՆԸ ՏԱՎՈՒՇՈՒՄ
«Վարագավանքը մեր հավատքի, մեր սահմանների մշտարթուն պահապանն է…».
Վարագա Սուրբ Խաչի մասունքը շրջեց Տավուշով ու հանգրվանեց իր տանը՝ Նոր Վարագավանքում:
«Երկիր Մեդիայի» անդրադարձը.
ՇՈՂԱԿԱԹ ՀԸ-Ի ԱՆԴՐԱԴԱՐՁԸ ՎԱՐԱԳԱ ՍՈՒՐԲ ԽԱՉԻ ՏՈՆԻՆ
«Ուրախ ենք, որ սահմանագոտու այս հոյակերտ վանքը հուշարձան չէ, այլ ուխտավայր է, սրբատեղի է, որտեղ կա կյանք, հավատք ու աղոթք». Տեր Արամ քահանա Միրզոյան Տեսանյութը՝ Շողակաթ ՀԸ-ի
... Ավելին.ՇՈՂԱԿԱԹ ՀԸ-Ի ԱՆԴՐԱԴԱՐՁԸ ՎԱՐԱԳԱ ՍՈՒՐԲ ԽԱՉԻ ՏՈՆԻՆ
«Ուրախ ենք, որ սահմանագոտու այս հոյակերտ վանքը հուշարձան չէ, այլ ուխտավայր է, սրբատեղի է, որտեղ կա կյանք, հավատք ու աղոթք». Տեր Արամ քահանա Միրզոյան
Տեսանյութը՝ Շողակաթ ՀԸ-ի
ՏՈՆ ՎԱՐԱԳԱ ՍՈՒՐԲ ԽԱՉԻ ԽԱՉԱՓԱՅՏԻ ՄԱՍՈՒՆՔԸ ԻՐ ՏԱՆՆ ԷՐ՝ ՆՈՐ ՎԱՐԱԳԱՎԱՆՔՈՒՄ
Տավուշ աշխարհով շրջապտույտից հետո Վարագա Սուրբ Խաչի մասունքը հանգրվանեց Իր իսկական տանը՝ Նոր Վարագավանքում, որտեղ Սուրբ և Անմահ Պատարագ մատուցեց Տավուշի թեմի առաջնորդ Տեր Բագրատ եպիսկոպոս Գալստանյանը: Սուրբ Խաչի այս մասունքը Հայաստան է բերվել Սուրբ Հռիփսիմեանց կույսերի միջոցով և 13-րդ դարից ապաստանել Նոր Վարագավանքում: Ավանդույթի համաձայն՝ Վարագա Սուրբ Խաչի տոնի օրը նաև տարածաշրջանի ու այս
... Ավելին.ՏՈՆ ՎԱՐԱԳԱ ՍՈՒՐԲ ԽԱՉԻ ԽԱՉԱՓԱՅՏԻ ՄԱՍՈՒՆՔԸ ԻՐ ՏԱՆՆ ԷՐ՝ ՆՈՐ ՎԱՐԱԳԱՎԱՆՔՈՒՄ
Տավուշ աշխարհով շրջապտույտից հետո Վարագա Սուրբ Խաչի մասունքը հանգրվանեց Իր իսկական տանը՝ Նոր Վարագավանքում, որտեղ Սուրբ և Անմահ Պատարագ մատուցեց Տավուշի թեմի առաջնորդ Տեր Բագրատ եպիսկոպոս Գալստանյանը:
Սուրբ Խաչի այս մասունքը Հայաստան է բերվել Սուրբ Հռիփսիմեանց կույսերի միջոցով և 13-րդ դարից ապաստանել Նոր Վարագավանքում: Ավանդույթի համաձայն՝ Վարագա Սուրբ Խաչի տոնի օրը նաև տարածաշրջանի ու այս վանքի ուխտի օրն է:
Նոր Վարագավանքը կրկին շնչում էր Տավուշ աշխարհի բոլոր ծագերից ու այլ վայրերից եկած բազմաթիվ ուխտավորների աղոթքներով ու փառաբանությամբ:
Իր քարոզում Բագրատ Սրբազանը ևս մեկ անգամ ընդգծեց, որ Խաչափայտի մասունքին դիպչելու, համբուրելու, խոնարհվելու այս հնարավորությունը մեծագույն պատիվ ու պատասխանատվություն է՝ հրավիրելով տոնի խորհրդի միջից կրկին վերաարժևորելու Սուրբ Խաչի ներկայությունը.
«Այս խորանի վրա գտնվող ճաճանչը միայն զարդ չէ. այստեղ տերունական Խաչափայտի մասունքն է զետեղված. այսօր նաև Իր արյունն է մեզ հետ: Եվ մենք անընդհատ աղոթքի մեջ ասում ենք՝ «մենք Քո արյան գինն ենք»: Դու մեզ փրկել ես Քո արյունով, տվել ես մեզ հնարավորությունը մարդկային շղթաներից, կապանքներից վեր կանգնելու, փոքր, անպետք, անիմաստ հաշիվներից, որոնցով ընդհանրապես մեր կյանքի առաջնահերթություններն ենք սահմանում:
Քրիստոսի Խաչի ներկայությունը մեզ կոչում է վեր կանգնելու, բարձր տեսնելու, զգալու կյանքի երջանկության առաջնահերթությունները, ապրելու այն մեծ ուրախության մեջ, որով Աստված մեզ կոչում է վերջնական, հավիտենական փրկության, բայց ուզում է, որ այս կյանքում էլ կարողանանք պատվով ու արժանապատիվ ապրել: Մեզ չի զրկում այս կյանքի բարիքներն ունենալուց, ստեղծելուց և փոխանցելուց, բայց նաև մեզ համար նպատակ է, թե մենք ինչպես ենք ընթանում՝ Իր հետ վերջնական հանդիպում ունենալու:
Եվ այս խորհուրդն է, որ մենք կյանքում երբեմն սովորական ենք դարձնում, ոչնչացնում ու փչացնում ենք՝ շղթաներով կապված ենք լինում թե՛ մեր անցյալից, և թե՛ իրականությանը հարմարված, որ այլևս չենք էլ զգում, որ այդ շղթաները, այդ անպիտան հարցերը մեր կյանքին ոչ մի ձևով օգտակարություն չունեն»:
Հավարտ Սուրբ Պատարագի վանքի գավիթում կատարվեց նաև Անդաստանի կարգ՝ աշխարհի չորս կողմերի օրհնություն:
«Մեր մաղթանքն է, որ մենք կարողանանք հոգով, սրտով և մտքով զգալ այն մեծ օրհնությունը, որ տերունական Խաչի ուղղակի ֆիզիկական հպումի և շփումի միջից դեպի մեզ է գալիս: Եվ առաքյալի պես մենք էլ այնքան ջանք, այնքան կամք, այնքան զորություն ունենանք՝ ծուլությունից, անտարբերությունից հեռու, որ կարողանանք մենք էլ իսկապես ասել, թե՝ աշխարհը ինձ համար խաչված է, և ես էլ աշխարհի համար եմ խաչված, որովհետև միակ պարծենալիքս Քրիստոսի Խաչն է՝ սիրո մեծագույն խորհուրդը»: