Այգեհովիտ
ԱՂՋՆԱԿ ՀՌԻՓՍԻՄԵԻ ՀԱՎԱՏՔԸ՝ ՄԻ ԱՄԲՈՂՋ ԱԶԳԻ ԴԱՐՁԻ ՊԱՏՄՈՒԹՅԱՆ ՍԿԻԶԲ․ ՀՌԻՓՍԻՄՅԱՆՑ ՏՈՆ
Այսօր՝ հունիսի 5-ին՝ Հռիփսիմյանց կույսերի հիշատակության տոնին, Պատարագ մատուցվեց սահմանապահ Այգեհովիտի՝ 17-րդ դարում կառուցված Ս. Հռիփսիմե եկեղեցում։ Եկեղեցու Սուրբ սեղանի վերաօծումը կատարվել է 2 օր առաջ, և սա առաջին Պատարագն էր նորաօծ Սուրբ սեղանին։ Մեր հոգևոր հայրերի առաջնորդությամբ Սուրբ Հռիփսիմյանց կույսերի մասունքակիր խաչից օրհնություն ստացան այգեհովիտցիները և հարակից գյուղերի բնակիչները։ Պատարագիչը Դիլիջանի հոգևոր հովիվ Տեր
... Ավելին.ԱՂՋՆԱԿ ՀՌԻՓՍԻՄԵԻ ՀԱՎԱՏՔԸ՝ ՄԻ ԱՄԲՈՂՋ ԱԶԳԻ ԴԱՐՁԻ ՊԱՏՄՈՒԹՅԱՆ ՍԿԻԶԲ․ ՀՌԻՓՍԻՄՅԱՆՑ ՏՈՆ
Այսօր՝ հունիսի 5-ին՝ Հռիփսիմյանց կույսերի հիշատակության տոնին, Պատարագ մատուցվեց սահմանապահ Այգեհովիտի՝ 17-րդ դարում կառուցված Ս. Հռիփսիմե եկեղեցում։ Եկեղեցու Սուրբ սեղանի վերաօծումը կատարվել է 2 օր առաջ, և սա առաջին Պատարագն էր նորաօծ Սուրբ սեղանին։
Մեր հոգևոր հայրերի առաջնորդությամբ Սուրբ Հռիփսիմյանց կույսերի մասունքակիր խաչից օրհնություն ստացան այգեհովիտցիները և հարակից գյուղերի բնակիչները։ Պատարագիչը Դիլիջանի հոգևոր հովիվ Տեր Շավարշ քահանա Սիմոնյանն էր։
Պատարագից հետո կատարվել Անդաստանի կարգ՝ օրհնվեցին աշխարհի չորս կողմերը։ Այգեհովիտցի ռուսաստանաբնակ Ամիր Ղևոնդյանի կողմից մատուցվեց մատաղ։
———
Գեղեցկուհի Հռիփսիմեն 37 քրիստոնյա կույսերից մեկն էր, ով Գայանե մայրապետի առաջնորդությամբ եկել էր Արարատյան երկիր` Հայաստան՝ չցանկանալով ամուսնանալ Հռոմի կայսեր հետ։
Հայոց Տրդատ արքան, տեսնելով Հռիփսիմեի գեղեցկությունը, ինքը ցանկացավ տիրանալ Հռիփսիմեին: Չկարողանալով տիրանալ գեղեցկատես Հռիփսիմեին՝ հրամայեց սպանել բոլոր կույսերին:
Կույսերը նահատակվեցին։ Նրանց նահատակությունից հետո 13-ամյա բանտարկությունից ազատ արձակվեց Սուրբ Գրիգոր Լուսավորիչը, ով կոչված էր Քրիստոսի լույսը տարածել Հայոց աշխարհում:
Նահատակ կույսերի նշխարները նահատակությունից 9 օր անց գտավ և հողին հանձնեց Սուրբ Գրիգոր Լուսավորիչը։
Տոն է․․․ Սահմանապահ Այգեհովիտում օծվում են գյուղի եկեղեցու Սուրբ սեղանն ու մկրտության ավազանը
Այգեհովիտ գյուղն ապրում է Սրվեղի վանքի հայացքի ներքո։ Գյուղում 17-րդ դարի վերջում կառուցվել է Սուրբ Հռիփսիմե եկեղեցին, որը կիսախոնարհված վիճակում էր մինչև վերջերս։ Խորհրդային տարիներին այն ծառայել էր որպես գոմ և պահեստ։ Շուրջ տասը տարի առաջ այգեհովիտցի ռուսաստանաբնակ Ամիր Ղևոնդյանի ջանքերով սկսվեց եկեղեցու բարեկարգումը։ Այսօր արդեն եկեղեցում ծեսեր են կատարվում, գյուղացիները մասնակցում են եկեղեցական արարողությունների։
... Ավելին.Տոն է․․․ Սահմանապահ Այգեհովիտում օծվում են գյուղի եկեղեցու Սուրբ սեղանն ու մկրտության ավազանը
Այգեհովիտ գյուղն ապրում է Սրվեղի վանքի հայացքի ներքո։ Գյուղում 17-րդ դարի վերջում կառուցվել է Սուրբ Հռիփսիմե եկեղեցին, որը կիսախոնարհված վիճակում էր մինչև վերջերս։ Խորհրդային տարիներին այն ծառայել էր որպես գոմ և պահեստ։
Շուրջ տասը տարի առաջ այգեհովիտցի ռուսաստանաբնակ Ամիր Ղևոնդյանի ջանքերով սկսվեց եկեղեցու բարեկարգումը։ Այսօր արդեն եկեղեցում ծեսեր են կատարվում, գյուղացիները մասնակցում են եկեղեցական արարողությունների։ Եկեղեցում սպասավորում է նորաօծ Տեր Աբգար քահանա Կարապետյանը։
Այսօրվա վերաօծումը արդարության վերականգնման մասին է․․․
—————
Տավուշ-ՏաՀույս աշխարհի Այգեհովիտ գյուղը սահմանապահ է։ Այսօր բարձր տեղերից խոսվում է այս շրջանի կացությունն ավելի վատթարացնելու անխուսափելիության մասին՝ այսպես կոչված «անկլավները» հանձնելու, տարածաշրջանը ադրբեջանցիներով վերաբնակեցնելու միջոցով։
Բայց մենք ասում ենք՝ ՈՉ։ Մեր նահատակ տղաների առջև մենք ուխտ ենք կնքել՝ իրենց հետ նույնը լինել։
Այսօր՝ վերաօծումից հետո, եկեղեցում առաջին աղոթքը հնչեց մեր նահատակ այգեհովիտցիների հոգու խաղաղության համար․․․
ՍԱՀՄԱՆԱՊԱՀ ՏԱՎՈՒՇԸ ԳՆԴԱԿՈԾՈՒԹՅԱՆ ՏԱԿ Է
Վերջին օրերին ադրբեջանական զինուժի կողմից հրազենային խոշոր տրամաչափի զինատեսակներից պարբերաբար գնդակոծվում է ՀՀ հյուսիս-արևելյան հատվածի Տավուշի սահմանագիծը և այդ սահմանագծի բնակավայրերը: Սահմանային գյուղերում կատարված իրավիճակի մասին հավաստի տեղեկություններ ունենալու նպատակով, այսօր կապվել ենք սահմանապահ Չինարիի, Վազաշենի, Այգեհովիտի, Ոսկևանի, Բերքաբերի, Կոթիի և Բաղանիսի համայնքապետերի հետ. Սահմանապահ Չինարիի համայնքի ղեկավար Սամվել Սաղոյանը նշեց, որ վերջին օրերին սահմանում
... Ավելին.ՍԱՀՄԱՆԱՊԱՀ ՏԱՎՈՒՇԸ ԳՆԴԱԿՈԾՈՒԹՅԱՆ ՏԱԿ Է
Վերջին օրերին ադրբեջանական զինուժի կողմից հրազենային խոշոր տրամաչափի զինատեսակներից պարբերաբար գնդակոծվում է ՀՀ հյուսիս-արևելյան հատվածի Տավուշի սահմանագիծը և այդ սահմանագծի բնակավայրերը:
Սահմանային գյուղերում կատարված իրավիճակի մասին հավաստի տեղեկություններ ունենալու նպատակով, այսօր կապվել ենք սահմանապահ Չինարիի, Վազաշենի, Այգեհովիտի, Ոսկևանի, Բերքաբերի, Կոթիի և Բաղանիսի համայնքապետերի հետ.
Սահմանապահ Չինարիի համայնքի ղեկավար Սամվել Սաղոյանը նշեց, որ վերջին օրերին սահմանում լարվածությունը շատացել է. Սույն թվականի սեպտեմբերի 14-ին, հակառակորդի կողմից խոշոր տրամաչափի (մասնավորապես «դեշեկա») գնդացիրներով կրակել են հենց գյուղի ուղղությամբ: Գյուղապետի խոսքով՝ գնդակոծությունները նպատակային և թիրախավորված են եղել հենց գյուղի ուղղությամբ: Կրակել են երկու բնակելի տների վրա, որից մեկի խմելու ջրի բակն է վնասվել, մյուսինը՝ տանիքը և տան պատերից որոշ հատվածներ: Հակառակորդը կրակ է բացել նաև մանկապարտեզի ուղղությամբ : Բարեբախտաբար Չինարիում մարդկային կյանքին վնասող դեպքեր չեն եղել, նյութական խոշոր վնասներ չի գրանցվել: Երեկ ևս նկատվել են հրադադարի որոշակի խախտումներ, իսկ այսօր իրավիճակը խաղաղ է:
Բաղանիսի ուղղությամբ ուժգին գնդակոծությունը եղել է սույն թվականի սեպտեմբերի 12-ի լույս 13-ի գիշերը, ժամը 02:15-ի ժամանակահատվածում: Մեծ վնասներ չկան, միայն գյուղի դպրոցի սպորտդահլիճի տանիքն է վնասվել, մի քանի բնակելի տան տանիքներ և 1 ջերմոց:
Մնացած ժամանակ հանգիստ է եղել և մինչև հիմա խաղաղ է:
Մինչ այս, կարճատև կրակոցներ են եղել նաև սեպտեմբերի 2-ին, 7-ին, 9-ին՝ 5-25 րոպե տևողությամբ:
Գյուղապետ Նարեկ Սահակյանի խոսքով, հակառակորդը ակտիվանում է հիմնականում երեկոյան ժամերին (ժամը 20:00-ից սկսած): Թիրախը գյուղն է, խաղաղ բնակչությունը և ոչ մեկը ապահովագրված չէ: Պրն. Սահակյանը նշեց, որ բարեբախտաբար ցերեկային ժամերին չեն կրակում և դպրոցի ու մանկապարտեզի երեխաների անդորրը չի խախտվել:
Կոթիի վարչական ղեկավար Ֆելիքս Մելիքյանից տեղեկացանք, որ Կոթիում գնդակոծությունը սկսվել է ս.թ. սեպտեմբերի 2-ին՝ երկար տևողությամբ, այնուհետև ամսի 4-ից 6-ը, սակայն ՝թույլ : Իսկ երեկ՝ սեպտմեբերի 15-ին, գիշերը ժամը ՝ 23:45-ին հրաձգային խոշոր տրամաչափի զինատեսակներից սկսել են ուժգին կրակել գյուղի ուղղությամբ՝ մոտ տասը րոպե կրակահերթով:
Գյուղի բնակիչ 60-ամյա Սուրեն Սեփխանյանը, ով գնդակոծության պահին եղել է գյուղի կենտրոնում, ոտքից վիրավորվել է: Նրան անմիջապես տեղափոխել են Նոյմբեյանի բժշկական կնետրոն, բոլոր անհրաժեշտ միջոցները ձեռնարկել են: Թեև կյանքին վտանգ չի սպառնում, այնուամենայնիվ, հիվանդին տեղափոխել են Երևան: Նրա վիճակը լավ է:
Համայնքապետի խոսքով, հայկական կողմի արձագանքից հետո, հակառակորդն անմիջապես դադարեցրել է կրակը:
Սահմանապահ Կոթիում այլ վնասներ չկան, բացի մի քանի տանիքների թեթևակի վնասները:
Վազաշենի համայնքապետն ասաց, որ իրավիճակն արդեն խաղաղ է. «Հենակետերում կրակոց գրեթե ամեն օր կա, սակայն օրեր առաջ (սեպտեմբերի 11-ին) տեղի ունեցածն արդեն բնակավայրի ուղղությամբ էր, համացանցում տարածված տեսանյութի օրն ու պահն է, և, ի ուրախություն մեզ, ոչ մի նյութական և մարդկային վնաս չենք կրել. Երեխան է վախեցել, մնացյալ ամեն ինչ կարգին է, սովոր ենք…»
Սահմանապահ Բերքաբերի և Ոսկևանի ուղղությամբ, բարեբախտաբար, այս անգամ վտանգավոր գնդակոծություն չի եղել:
Այգեհովիտի համայնքի ղեկավարի հետ զրույցում ճշտեցինք, որ գյուղի ուղղությամբ գնդակոծությունը եղել է երկու օր առաջ, կրակը բաց է թողնվել մասնավորապես խաղողի այգիների ուղղությամբ, բերքահավաքի ժամանակ (խաղողի այգիները գտնվում են հակառակորդի անմիջապես դիտակետում՝ սահմամագծից մոտ 500-700 մ. հեռավորության վրա), որի հետևանքով վնասվել է բնակիչներից մեկի «ուազ» մեքենայի աջ կողմի դիմապակին:
Տեղացիներն անմիջապես տեղեկացրել են համապատասխան մարմիններին և դադարեցրել են խաղողաքաղը:
«Վիրիավորներ չկան: Հաջորդ օրն էլ, էլի գնացինք խաղողաքաղի: Մեզ համար սա արդեն սովորական բան է, պայքարում ենք, մեր գյուղը հենց դրա վրա է հիմնված. Մնալու ենք, արարելու ենք, պայքարելու ենք ու ստեղծելու ենք մինչև վերջ, որովհետև մեր պայքարը ազնիվ է… »,- իր խոսքը եզրափակեց համայնքի ղեկավար Լևոն Գրիգորյանը:
Տավուշի թեմի մամլո դիվան