Բերդ
ՏաՈւժ – Բերդում մարմնամարզական պարապմունք է
ՄԵՆՔ ՊԱՏՐԱՍՏՈՒՄ ԵՆՔ ԱՌԱՋՆՈՐԴՆԵՐ Մենք չենք պատրաստում ո՛չ զինվորներ, ո՛չ սպորտսմեններ, ո՛չ հոգևորականեր։ Մարզական և հոգևոր դասերի միջոցով մենք պատրաստում ենք ՄԱՐՄՆՈՎ, ՄՏՔՈՎ և ՀՈԳՈՎ ամուր անձինք, ովքեր լինելու են մեր ապագա առաջնորդները։
... Ավելին.ՏաՈւժ – Բերդում մարմնամարզական պարապմունք է
ՄԵՆՔ ՊԱՏՐԱՍՏՈՒՄ ԵՆՔ ԱՌԱՋՆՈՐԴՆԵՐ
Մենք չենք պատրաստում ո՛չ զինվորներ, ո՛չ սպորտսմեններ, ո՛չ հոգևորականեր։ Մարզական և հոգևոր դասերի միջոցով մենք պատրաստում ենք ՄԱՐՄՆՈՎ, ՄՏՔՈՎ և ՀՈԳՈՎ ամուր անձինք, ովքեր լինելու են մեր ապագա առաջնորդները։
ԸՆԿԵՐԱՑԱՆՔ ՈՒ ՀԻՄԱ ԲԱԺԱՆՎՈՒՄ ԵՆՔ․ ՏաՈւժ դպրոցների առաջին ճամբարը
«Կոմանդոս», «Գարեգին Նժդեհ» և «Սասնա 13 բռունցք» ջոկատների բաժանված ՏաՈւժ-Բերդ և ՏաՈւժ-Դիլիջան դպրոցները 6 օր շարունակ սովորեցին, կիրառեցին իրենց սովորածը, մրցեցին միմյանց հետ և հաղթեցին բոլորով, հաղթեցին գիտելիքով և ուժով։ Կհարցնեք՝ ի՞նչ դասեր եք արել։ Ասենք․ Առաջին օգնություն, Սուր գործիքների հետ վարվեցողություն, Ձեռային աշխատանքներ, Հետախուզական նշաններ, Կապեր, Ժայռամագլցում, Ողջ մնալու արվեստ, Մորզեի կոդ։ Այսպես է
... Ավելին.ԸՆԿԵՐԱՑԱՆՔ ՈՒ ՀԻՄԱ ԲԱԺԱՆՎՈՒՄ ԵՆՔ․ ՏաՈւժ դպրոցների առաջին ճամբարը
«Կոմանդոս», «Գարեգին Նժդեհ» և «Սասնա 13 բռունցք» ջոկատների բաժանված ՏաՈւժ-Բերդ և ՏաՈւժ-Դիլիջան դպրոցները 6 օր շարունակ սովորեցին, կիրառեցին իրենց սովորածը, մրցեցին միմյանց հետ և հաղթեցին բոլորով, հաղթեցին գիտելիքով և ուժով։
Կհարցնեք՝ ի՞նչ դասեր եք արել։ Ասենք․
- Առաջին օգնություն,
- Սուր գործիքների հետ վարվեցողություն,
- Ձեռային աշխատանքներ,
- Հետախուզական նշաններ,
- Կապեր,
- Ժայռամագլցում,
- Ողջ մնալու արվեստ,
- Մորզեի կոդ։
Այսպես է լինելու միշտ․ ՏաՈւժում սովորած և ավարտած աշակերտները դառնալու են մեր ապագա առաջնորդները՝ ամուր մտքով, հոգով և բազկով։
Շնորհակալ ենք Արթո և Անի Մուրադյաններին, Թամար Ալբարյանին՝ ճամբարի հնարավորությունն ընձեռելու համար։
Անդաստանի կարգ Խորանաշատի 800-ամյա Ավետարանով Բերդի Սուրբ Հովհաննես եկեղեցում
Հարյուրամյակների բացակայությունից հետո, Խորանաշատի վանքում գրված Ավետարանը վերադարձավ իր ծննդավայր։ Մաշտոցյան Մատենադարանը ծննդավայր է բերել 1224թ-ին գրված Ավետարանը, որի հիշատակարանը գրվել է Խորանաշատի հիմնադիր Վանական վարդապետի ձեռքով։ Այս Ավետարանը գերեվարվել է մոնղոլների կողմից և այնուհետև կրկին փրկագնվել Վանական վարդապետի կողմից։ Խորանաշատի Ավետարանը, մազապուրծ լինելով ցեղասպանությունից, Արևելյան Հայաստան է բերվել 1915թ-ին Վանի Սուրբ Վարդան եկեղեցուց։ Բերդի
... Ավելին.Անդաստանի կարգ Խորանաշատի 800-ամյա Ավետարանով Բերդի Սուրբ Հովհաննես եկեղեցում
Հարյուրամյակների բացակայությունից հետո, Խորանաշատի վանքում գրված Ավետարանը վերադարձավ իր ծննդավայր։
Մաշտոցյան Մատենադարանը ծննդավայր է բերել 1224թ-ին գրված Ավետարանը, որի հիշատակարանը գրվել է Խորանաշատի հիմնադիր Վանական վարդապետի ձեռքով։ Այս Ավետարանը գերեվարվել է մոնղոլների կողմից և այնուհետև կրկին փրկագնվել Վանական վարդապետի կողմից։
Խորանաշատի Ավետարանը, մազապուրծ լինելով ցեղասպանությունից, Արևելյան Հայաստան է բերվել 1915թ-ին Վանի Սուրբ Վարդան եկեղեցուց։
Բերդի Սուրբ Հովհաննես եկեղեցում այսօր կատարվեց Անդաստանի կարգ՝ օրհնվեց աշխարհի չորս կողմերը։
Ծաղկազարդը Բերդում
«Օրհնութի՜ւն Դաւթի Որդուն, օրհնեա՜լ է նա, որ գալիս է Տիրոջ անունով, օրհնութի՜ւն՝ բարձունքներում»։ Մատթ. 21։9
... Ավելին.Ծաղկազարդը Բերդում
«Օրհնութի՜ւն Դաւթի Որդուն, օրհնեա՜լ է նա, որ գալիս է Տիրոջ անունով, օրհնութի՜ւն՝ բարձունքներում»։ Մատթ. 21։9
Սահմանապահ Բերդ. Մոմավառություն և աղոթք մեր անմահացած հերոսների համար
Բերդի մշակույթի տան կամավորների նախաձեռնությամբ այսօր՝ հոկտեմբերի 24-ին, Բերդի Սբ. Հովհաննես եկեղեցում կայացել է մոմավառություն՝ ի հիշատակ հայրենիքի համար անմահացած նահատակների: «Համառ ու ծանր պատերազմի այս օրերին մենք բոլորս գտնում ենք մեր ժամանակի հերոսներին՝ մարդկանց, որոնք մարտի դաշտում անմահանում են՝ դառնալով հավերժ զինվորը ազգի և հայրենիքի: Ես իմ խոնարհումն եմ բերում և աղոթք եմ բարձրացնում
... Ավելին.Սահմանապահ Բերդ. Մոմավառություն և աղոթք մեր անմահացած հերոսների համար
Բերդի մշակույթի տան կամավորների նախաձեռնությամբ այսօր՝ հոկտեմբերի 24-ին, Բերդի Սբ. Հովհաննես եկեղեցում կայացել է մոմավառություն՝ ի հիշատակ հայրենիքի համար անմահացած նահատակների:
«Համառ ու ծանր պատերազմի այս օրերին մենք բոլորս գտնում ենք մեր ժամանակի հերոսներին՝ մարդկանց, որոնք մարտի դաշտում անմահանում են՝ դառնալով հավերժ զինվորը ազգի և հայրենիքի: Ես իմ խոնարհումն եմ բերում և աղոթք եմ բարձրացնում բոլոր նահատակների համար, որոնք մարտի դաշտում հերոսաբար սրբացան: Ուզում եմ միասնական աղոթք բարձրացնենք այն տղաների համար, որոնք այս վայրկյանին կենաց ու մահու կռիվ են տալիս մեր հայրենիքի, մեր հավատքի, մեր պատվի և արժանապատվության համար: Կռիվ են տալիս՝ պաշտպանելու մեր ապրելու իրավունքը և մեր ինքնությունը »,-նշել է Բերդի և տարածաշրջանի հոգևոր հովիվ տեր Արամ քահանա Միրզոյանը:
Աստվածաշնչեր տրամադրվեցին Բերդի բժկական կենտրոնի և Զինվորական հոսպիտալի բուժաշխատողներին
Բժիշկը միայն դեղահաբ տվողը չէ․ Բագրատ Սրբազան Աստծո շունչը հասցնել յուրաքանչյուր համայնք․ սա է Սուրբ էջմիածնի քարոզչական կենտրոնի «Աստվածաշունչ համայնքներին» նախաձեռնության առաքելությունը։ Այսօր Աստվածաշնչեր տրամադրվեցին Բերդի բժկական կենտրոնի և Զինվորական հոսպիտալի բուժաշխատողներին։ «Մենք դեռ հանդիպելու նմանատիպ առիթ չէինք ունեցել. մեր հանդիպումները միշտ եղել են դժվար ժամանակների մեջ, երբ մեր տղաներից վիրավոր կամ ծանր վիրավոր վիճակում
... Ավելին.Աստվածաշնչեր տրամադրվեցին Բերդի բժկական կենտրոնի և Զինվորական հոսպիտալի բուժաշխատողներին
Բժիշկը միայն դեղահաբ տվողը չէ․ Բագրատ Սրբազան
Աստծո շունչը հասցնել յուրաքանչյուր համայնք․ սա է Սուրբ էջմիածնի քարոզչական կենտրոնի «Աստվածաշունչ համայնքներին» նախաձեռնության առաքելությունը։ Այսօր Աստվածաշնչեր տրամադրվեցին Բերդի բժկական կենտրոնի և Զինվորական հոսպիտալի բուժաշխատողներին։
«Մենք դեռ հանդիպելու նմանատիպ առիթ չէինք ունեցել. մեր հանդիպումները միշտ եղել են դժվար ժամանակների մեջ, երբ մեր տղաներից վիրավոր կամ ծանր վիրավոր վիճակում են գտնվել։ Դուք շատերին, եթե չասեմ բոլորին, կյանքի եք վերադարձրել:
…Բժիշկը միայն դեղահաբ տվողը չէ։ Բժիշկը ոչ միայն դեղ է փոխանցում մարմնի համար, այլև շնորհ՝ հոգու համար», – ասաց Բագրատ Սրբազանը բուժաշխատողներին ուղղված իր խոսքում։
Պայծառակերպության տոն․ Բագրատ Սրբազանի ձեռնադրության 25 ամյակ․ Բերդի Սուրբ Հովհաննես եկեղեցի․ Քարոզ
Տերն է իմ լույսը և կյանքը, ես ումի՞ց եմ երկյուղելու / Տերն է իմ կյանքի ապավենը, ես ումի՞ց եմ դողալու… (Սաղմոս 26.1) Սաղմոսերգուի համոզված աղոթք-հայտարարությունը մեր շուրթերին, մեր հոգու մեջ, մեր կյանքի կարևոր հանգրվանին, ծնկաչոք, արցունքով, անարժանության զգացումով 25 տարի առաջ այս օրը՝ մեր Տեր Հիսուս Քրիստոսի պայծառակերպության օրը հոգելույս Գարեգին առաջին հայրապետի ձեռքով ձեռնադրվեցինք,
... Ավելին.Պայծառակերպության տոն․ Բագրատ Սրբազանի ձեռնադրության 25 ամյակ․ Բերդի Սուրբ Հովհաննես եկեղեցի․ Քարոզ
Տերն է իմ լույսը և կյանքը, ես ումի՞ց եմ երկյուղելու / Տերն է իմ կյանքի ապավենը, ես ումի՞ց եմ դողալու… (Սաղմոս 26.1)
Սաղմոսերգուի համոզված աղոթք-հայտարարությունը մեր շուրթերին, մեր հոգու մեջ, մեր կյանքի կարևոր հանգրվանին, ծնկաչոք, արցունքով, անարժանության զգացումով 25 տարի առաջ այս օրը՝ մեր Տեր Հիսուս Քրիստոսի պայծառակերպության օրը հոգելույս Գարեգին առաջին հայրապետի ձեռքով ձեռնադրվեցինք, օծվեցինք և կոչվեցինք քահանայական ծառայության։
Այդ օրվանից անցել է 25 տարի, և ինձ համար երբեք էլ չի դադարել սաղմոսերգուի ճշմարտագույն հայտարարություն աղոթքը․ Տէր լոյս իմ և կեանք իմ՝ ես յումմէ՞ երկեայց. Տէր ապաւէն կենաց իմոց՝ ես յումմէ՞ դողացայց․․․ (Սաղմոս 26.1)
․․․ Այս օրերն էլ վկայում են, որ երևացող թշնամուն խաղթելու ենք վերջնականապես, մնալու է աներևույթ թշնամին։ Պատերազմը վերջնականապես հաղթելու ենք, բայց Աստված չանի, որ պարտվենք ԽԱՂԱՂՈՒԹՅԱՆԸ։
Բագրատ եպիսկոպոս Գալստանյան
ԱՄԱՆՈՐՅԱ ԵՎ ՍՈՒՐԲ ԾՆՆԴՅԱՆ ՄԻՋՈՑԱՌՈՒՄ ՏԱՎՈՒՇ ԳՅՈՒՂՈՒՄ
ՏաՀույսում շարունակվում են Ամանորի և Սուրբ Ծննդյան միջոցառումները․ Տավուշ գյուղում խաղաղության ու սիրո տոն էր։ Դեկտեմբերի 25-ին Տավուշի դպրոցական ջերմ հարկի ներքո էին համախմբվել Նավուրի, Բերդի կիրակնօրյա դպրոցների և Տավուշ գյուղի «Լույս Մանկանց» ծրագրի սաները՝ մոտ 150 հոգի։ Մանուկների շուրթերից հնչեց Սուրբ Ծննդյան պատմությունը, նրանց երգով ու աղոթքով ևս մեկ անգամ ներկաների սրտերին հասավ Սուրբ
... Ավելին.ԱՄԱՆՈՐՅԱ ԵՎ ՍՈՒՐԲ ԾՆՆԴՅԱՆ ՄԻՋՈՑԱՌՈՒՄ ՏԱՎՈՒՇ ԳՅՈՒՂՈՒՄ
ՏաՀույսում շարունակվում են Ամանորի և Սուրբ Ծննդյան միջոցառումները․ Տավուշ գյուղում խաղաղության ու սիրո տոն էր։
Դեկտեմբերի 25-ին Տավուշի դպրոցական ջերմ հարկի ներքո էին համախմբվել Նավուրի, Բերդի կիրակնօրյա դպրոցների և Տավուշ գյուղի «Լույս Մանկանց» ծրագրի սաները՝ մոտ 150 հոգի։ Մանուկների շուրթերից հնչեց Սուրբ Ծննդյան պատմությունը, նրանց երգով ու աղոթքով ևս մեկ անգամ ներկաների սրտերին հասավ Սուրբ Ծննդյան խաղաղության պատգամը։
«Խաղաղության ավետիսն առավել որևէ տեղ ավելի շոշափելի, զգալի չէ, քան մեր տարածաշրջանում, Մեր երեխաները այդ ավետիսը, այդ աղոթքը, այդ պատգամն են հղում, մենք էլ պետք է գործենք ամբողջ ուժով, որպեսզի մեր խաղաղությունը լիակատար լինի, ամբողջական, զգալի, շոշափելի և նյութականացած․․․»․ իր խոսքում նշեց մանուկներին այցի եկած Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը։
Նա նաև շնորհակալություն հայտնեց ներկա գտնվող ծնողներին՝ իրենց զավակներին վստահելու, այս կարևոր հոգևոր առաքելությանը նվիրելու համար․ «Մեզ համար կարևոր է մեր զավակների ամբողջական կյանքը՝ հոգու, մտքի և մարմնի․ առողջ, պաշտպանված, անվտանգ և հավատքով ու սիրով լեցուն կյանք․ սա է մեզ առաջնորդողը»։
Միջոցառման ավարտին մանուկները Սուրբ Ծննդյան նվերներ ստացան՝ պատրաստված ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ ու լոսանջելեսաբնակ մի խումբ բարեկամների աջակցության շնորհիվ։
Տարածաշրջանի հոգևոր հովիվ արժանապատիվ Տեր Արամ քահանա Միրզոյանի խոսքերով՝ այս օրերին «մանուկների շուրթերից հազարավոր խաղաղության ավետիսի հնչյուններ են առ Աստված բարձրանում, և մենք առավել քան վստահ ենք, որ այդ աղոթքները պետք է տեղ հասնեն»։
ՎԱՐԱԳԱ ՍՈՒՐԲ ԽԱՉԸ ՀԱՍԱՎ ՇԱՄՇԱԴԻՆ
Արդեն տասնչորս տարի է՝ Վարագա Սուրբ Խաչի տոնի օրերին Տավուշ աշխարհը բացառիկ պատվի է արժանանում. տերունական Խաչափայտի մասունքը վերադառնում է Իր տուն՝ Նոր Վարագավանք: Արդեն երրորդ տարին է, որ Վարագա Սուրբ Խաչը շրջապտույտ է կատարում բոլոր տարածաշրջաններով՝ տավուշցիներին մեր Տիրոջ ֆիզիկական ներկայությանը հպվելու հնարավորություն տալով: «Մերն է պատիվը և օրհնությունը, որ Աստված մեզ այսպիսի մեծ
... Ավելին.ՎԱՐԱԳԱ ՍՈՒՐԲ ԽԱՉԸ ՀԱՍԱՎ ՇԱՄՇԱԴԻՆ
Արդեն տասնչորս տարի է՝ Վարագա Սուրբ Խաչի տոնի օրերին Տավուշ աշխարհը բացառիկ պատվի է արժանանում. տերունական Խաչափայտի մասունքը վերադառնում է Իր տուն՝ Նոր Վարագավանք: Արդեն երրորդ տարին է, որ Վարագա Սուրբ Խաչը շրջապտույտ է կատարում բոլոր տարածաշրջաններով՝ տավուշցիներին մեր Տիրոջ ֆիզիկական ներկայությանը հպվելու հնարավորություն տալով:
«Մերն է պատիվը և օրհնությունը, որ Աստված մեզ այսպիսի մեծ սրբության պահակներն է կարգել, և դա այլ վայրում չէ, քան հերոսական Բերդ աշխարհում, Շամշադինում և Տավուշում ընդհանրապես:
Մենք խորապես հավատում ենք, որ այս օրհնությունը տարածական շարժում ունի և գնում է ամենուր՝ ընդունողին և չընդունողին, զգացողին և անզգային, իմաստունին և տգետին, քանդողին և կառուցողին, հափշտակողին և արդարորեն բաշխողին: Նրանք, ովքեր կընդունեն, կփոխեն իրենց կյանքը և իրենց կյանքով պատճառ կլինեն բոլորիս կյանքի փոփոխությանը»: