Բերքաբեր
ԴՐՈՇԱԿԱԽՈՍՈՒԹՅՈՒՆ․ ՍԱՀՆԱՄԱՊԱՀ ԲԵՐՔԱԲԵՐ
«Եռագույն» Համահայկական միացյալ դրոշակախոսության նախաձեռնության ղեկավար Գևորգ Գևորգյանը Տավուշի սահմանապահ Բերքաբեր համայնքում էր։ Դրոշը մեր պետականության խորհրդանիշներից է։ Մեծ պատասխանատվությամբ ՀԱՅՈՑ ԵՌԱԳՈՒՅՆԸ կախենք մեր տների ճակատներին, որ յուրաքանչյուր անցորդ հասկանա՝ ՍԱ ՀԱՅԻ ՏՈՒՆ Է։
... Ավելին.ԴՐՈՇԱԿԱԽՈՍՈՒԹՅՈՒՆ․ ՍԱՀՆԱՄԱՊԱՀ ԲԵՐՔԱԲԵՐ
«Եռագույն» Համահայկական միացյալ դրոշակախոսության նախաձեռնության ղեկավար Գևորգ Գևորգյանը Տավուշի սահմանապահ Բերքաբեր համայնքում էր։
Դրոշը մեր պետականության խորհրդանիշներից է։ Մեծ պատասխանատվությամբ ՀԱՅՈՑ ԵՌԱԳՈՒՅՆԸ կախենք մեր տների ճակատներին, որ յուրաքանչյուր անցորդ հասկանա՝ ՍԱ ՀԱՅԻ ՏՈՒՆ Է։
Արևագալի ժամերգություն Բերքաբերի Սուրբ Գևորգ եկեղեցում
Արդեն 5-րդ տարին է, ինչ Մեծ Պահոց շրջանին Տավուշի թեմի բոլոր հոգևորականները Բագրատ սրբազանի օրհնությամբ յուրաքանչյուր չորեքշաբթի և շաբաթ օրերին կանգնում են միասնական աղոթքի։ Չորեքշաբթի օրերին կատարվում է Արևագալի ժամերգություն որևէ համայնքում։ Այսօր մեր բոլոր հոգևորականները միաբանվել էին սահմանապահ Բերքաբերի Սուրբ Գևորգ եկեղեցում։
... Ավելին.Արևագալի ժամերգություն Բերքաբերի Սուրբ Գևորգ եկեղեցում
Արդեն 5-րդ տարին է, ինչ Մեծ Պահոց շրջանին Տավուշի թեմի բոլոր հոգևորականները Բագրատ սրբազանի օրհնությամբ յուրաքանչյուր չորեքշաբթի և շաբաթ օրերին կանգնում են միասնական աղոթքի։
Չորեքշաբթի օրերին կատարվում է Արևագալի ժամերգություն որևէ համայնքում։
Այսօր մեր բոլոր հոգևորականները միաբանվել էին սահմանապահ Բերքաբերի Սուրբ Գևորգ եկեղեցում։
Սահմանապահներն առաջնագծի համար. Բերքաբեր
Զորքը կանգնած է, բայց դա կապ չունի, մենք էլ ենք կանգնում։
... Ավելին.Սահմանապահներն առաջնագծի համար. Բերքաբեր
Զորքը կանգնած է, բայց դա կապ չունի, մենք էլ ենք կանգնում։
ՍԱՀՄԱՆԱՊԱՀ ՏԱՎՈՒՇԸ ԳՆԴԱԿՈԾՈՒԹՅԱՆ ՏԱԿ Է
Վերջին օրերին ադրբեջանական զինուժի կողմից հրազենային խոշոր տրամաչափի զինատեսակներից պարբերաբար գնդակոծվում է ՀՀ հյուսիս-արևելյան հատվածի Տավուշի սահմանագիծը և այդ սահմանագծի բնակավայրերը: Սահմանային գյուղերում կատարված իրավիճակի մասին հավաստի տեղեկություններ ունենալու նպատակով, այսօր կապվել ենք սահմանապահ Չինարիի, Վազաշենի, Այգեհովիտի, Ոսկևանի, Բերքաբերի, Կոթիի և Բաղանիսի համայնքապետերի հետ. Սահմանապահ Չինարիի համայնքի ղեկավար Սամվել Սաղոյանը նշեց, որ վերջին օրերին սահմանում
... Ավելին.ՍԱՀՄԱՆԱՊԱՀ ՏԱՎՈՒՇԸ ԳՆԴԱԿՈԾՈՒԹՅԱՆ ՏԱԿ Է
Վերջին օրերին ադրբեջանական զինուժի կողմից հրազենային խոշոր տրամաչափի զինատեսակներից պարբերաբար գնդակոծվում է ՀՀ հյուսիս-արևելյան հատվածի Տավուշի սահմանագիծը և այդ սահմանագծի բնակավայրերը:
Սահմանային գյուղերում կատարված իրավիճակի մասին հավաստի տեղեկություններ ունենալու նպատակով, այսօր կապվել ենք սահմանապահ Չինարիի, Վազաշենի, Այգեհովիտի, Ոսկևանի, Բերքաբերի, Կոթիի և Բաղանիսի համայնքապետերի հետ.
Սահմանապահ Չինարիի համայնքի ղեկավար Սամվել Սաղոյանը նշեց, որ վերջին օրերին սահմանում լարվածությունը շատացել է. Սույն թվականի սեպտեմբերի 14-ին, հակառակորդի կողմից խոշոր տրամաչափի (մասնավորապես «դեշեկա») գնդացիրներով կրակել են հենց գյուղի ուղղությամբ: Գյուղապետի խոսքով՝ գնդակոծությունները նպատակային և թիրախավորված են եղել հենց գյուղի ուղղությամբ: Կրակել են երկու բնակելի տների վրա, որից մեկի խմելու ջրի բակն է վնասվել, մյուսինը՝ տանիքը և տան պատերից որոշ հատվածներ: Հակառակորդը կրակ է բացել նաև մանկապարտեզի ուղղությամբ : Բարեբախտաբար Չինարիում մարդկային կյանքին վնասող դեպքեր չեն եղել, նյութական խոշոր վնասներ չի գրանցվել: Երեկ ևս նկատվել են հրադադարի որոշակի խախտումներ, իսկ այսօր իրավիճակը խաղաղ է:
Բաղանիսի ուղղությամբ ուժգին գնդակոծությունը եղել է սույն թվականի սեպտեմբերի 12-ի լույս 13-ի գիշերը, ժամը 02:15-ի ժամանակահատվածում: Մեծ վնասներ չկան, միայն գյուղի դպրոցի սպորտդահլիճի տանիքն է վնասվել, մի քանի բնակելի տան տանիքներ և 1 ջերմոց:
Մնացած ժամանակ հանգիստ է եղել և մինչև հիմա խաղաղ է:
Մինչ այս, կարճատև կրակոցներ են եղել նաև սեպտեմբերի 2-ին, 7-ին, 9-ին՝ 5-25 րոպե տևողությամբ:
Գյուղապետ Նարեկ Սահակյանի խոսքով, հակառակորդը ակտիվանում է հիմնականում երեկոյան ժամերին (ժամը 20:00-ից սկսած): Թիրախը գյուղն է, խաղաղ բնակչությունը և ոչ մեկը ապահովագրված չէ: Պրն. Սահակյանը նշեց, որ բարեբախտաբար ցերեկային ժամերին չեն կրակում և դպրոցի ու մանկապարտեզի երեխաների անդորրը չի խախտվել:
Կոթիի վարչական ղեկավար Ֆելիքս Մելիքյանից տեղեկացանք, որ Կոթիում գնդակոծությունը սկսվել է ս.թ. սեպտեմբերի 2-ին՝ երկար տևողությամբ, այնուհետև ամսի 4-ից 6-ը, սակայն ՝թույլ : Իսկ երեկ՝ սեպտմեբերի 15-ին, գիշերը ժամը ՝ 23:45-ին հրաձգային խոշոր տրամաչափի զինատեսակներից սկսել են ուժգին կրակել գյուղի ուղղությամբ՝ մոտ տասը րոպե կրակահերթով:
Գյուղի բնակիչ 60-ամյա Սուրեն Սեփխանյանը, ով գնդակոծության պահին եղել է գյուղի կենտրոնում, ոտքից վիրավորվել է: Նրան անմիջապես տեղափոխել են Նոյմբեյանի բժշկական կնետրոն, բոլոր անհրաժեշտ միջոցները ձեռնարկել են: Թեև կյանքին վտանգ չի սպառնում, այնուամենայնիվ, հիվանդին տեղափոխել են Երևան: Նրա վիճակը լավ է:
Համայնքապետի խոսքով, հայկական կողմի արձագանքից հետո, հակառակորդն անմիջապես դադարեցրել է կրակը:
Սահմանապահ Կոթիում այլ վնասներ չկան, բացի մի քանի տանիքների թեթևակի վնասները:
Վազաշենի համայնքապետն ասաց, որ իրավիճակն արդեն խաղաղ է. «Հենակետերում կրակոց գրեթե ամեն օր կա, սակայն օրեր առաջ (սեպտեմբերի 11-ին) տեղի ունեցածն արդեն բնակավայրի ուղղությամբ էր, համացանցում տարածված տեսանյութի օրն ու պահն է, և, ի ուրախություն մեզ, ոչ մի նյութական և մարդկային վնաս չենք կրել. Երեխան է վախեցել, մնացյալ ամեն ինչ կարգին է, սովոր ենք…»
Սահմանապահ Բերքաբերի և Ոսկևանի ուղղությամբ, բարեբախտաբար, այս անգամ վտանգավոր գնդակոծություն չի եղել:
Այգեհովիտի համայնքի ղեկավարի հետ զրույցում ճշտեցինք, որ գյուղի ուղղությամբ գնդակոծությունը եղել է երկու օր առաջ, կրակը բաց է թողնվել մասնավորապես խաղողի այգիների ուղղությամբ, բերքահավաքի ժամանակ (խաղողի այգիները գտնվում են հակառակորդի անմիջապես դիտակետում՝ սահմամագծից մոտ 500-700 մ. հեռավորության վրա), որի հետևանքով վնասվել է բնակիչներից մեկի «ուազ» մեքենայի աջ կողմի դիմապակին:
Տեղացիներն անմիջապես տեղեկացրել են համապատասխան մարմիններին և դադարեցրել են խաղողաքաղը:
«Վիրիավորներ չկան: Հաջորդ օրն էլ, էլի գնացինք խաղողաքաղի: Մեզ համար սա արդեն սովորական բան է, պայքարում ենք, մեր գյուղը հենց դրա վրա է հիմնված. Մնալու ենք, արարելու ենք, պայքարելու ենք ու ստեղծելու ենք մինչև վերջ, որովհետև մեր պայքարը ազնիվ է… »,- իր խոսքը եզրափակեց համայնքի ղեկավար Լևոն Գրիգորյանը:
Տավուշի թեմի մամլո դիվան
Սուրբ Ծննդյան խորհուրդը համակել էր ամբողջ սահմանապահ Բերքաբերը
Տավուշի թեմի սահմանապահ Բերքաբեր գյուղում մեծից փոքրի ցնծության մեջ էին, տոնում էին Սուրբ Ծննդյան ավետիսը: Հունվարի 8-ին Տավուշի թեմի Բերքաբեր գյուղի Սուրբ Գևորգ եկեղեցում մեր Տիրոջ Աստվածահայտնության և մկրտության խորհրդի առթիվ Տավուշի թեմի առաջնորդ գերաշնորհ Բագրատ Սրբազանի ձեռամբ կատարվեց Ջրօրհնյաց հանդես: Այս կարևոր արարողության խաչքավորը պարոն Գևորգ Ղազարյանն էր, ով մեծ խոնարհությամբ ու ուրախությամբ իր
... Ավելին.Սուրբ Ծննդյան խորհուրդը համակել էր ամբողջ սահմանապահ Բերքաբերը
Տավուշի թեմի սահմանապահ Բերքաբեր գյուղում մեծից փոքրի ցնծության մեջ էին, տոնում էին Սուրբ Ծննդյան ավետիսը:
Հունվարի 8-ին Տավուշի թեմի Բերքաբեր գյուղի Սուրբ Գևորգ եկեղեցում մեր Տիրոջ Աստվածահայտնության և մկրտության խորհրդի առթիվ Տավուշի թեմի առաջնորդ գերաշնորհ Բագրատ Սրբազանի ձեռամբ կատարվեց Ջրօրհնյաց հանդես:
Այս կարևոր արարողության խաչքավորը պարոն Գևորգ Ղազարյանն էր, ով մեծ խոնարհությամբ ու ուրախությամբ իր հոգու վրա կրեց այդ կարևոր առաքելությունը, վերջինս ընտրվեց Բերքաբերի Սուրբ Գևորգ եկեղեցու խաչի քավոր արժանապատիվ տեր Արշավիր քահանայի առաջարկությամբ և գերաշնորհ Բագրատ Սրբազանի օրհնությամբ:
Այս կարևորագույն իրադարձությանը մասնակից դարձան Բերքաբերի դպրոցականները, գյուղի բնակիչները:
Սահմանագոտում ապրող մարդիկանց համար նմանօրինակ իրադարձությունները շատ կարևոր են: Բերքաբերում Ջրօրհնեքը վերածվեց համահայկական տոնի, օրհնված ջուրը մտավ յուրաքանչյուր տուն: