Գետահովիտ
ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ՍՏՈՐԱԳՐՎԵՑ Հայ-Ամերիկյան Առողջության Կենտրոնի և Տավուշի թեմի միջև
Տավուշի թեմում գործարկվել է Գետահովիտի «Անդրանիկ և Հովհաննես Ճեմճեմյան» հոգևոր-վերականգնողական կենտրոնը, որը կոչված է քաղցկեղը հաղթահարած երեխաների և իրենց ընտանիքների հոգևոր վերականգնմանը։ Հայ-Ամերիկյան Առողջության Կենտրոնի և Տավուշի թեմի միջև համաձայնագիր ստորագրվեց, որի շնորհիվ Հայ-Ամերիկյան Առողջության Կենտրոնում քաղցկեղի բուժումն ավարտած երեխաներն ու իրենց ընտանիքները հնարավորություն ունեն վերականգնման շրջան անցնել Գետահովիտի բարձունքում գտնվող չնաշխարհիկ կենտրոնում։ Քաղցկեղը միայն
... Ավելին.ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ՍՏՈՐԱԳՐՎԵՑ Հայ-Ամերիկյան Առողջության Կենտրոնի և Տավուշի թեմի միջև
Տավուշի թեմում գործարկվել է Գետահովիտի «Անդրանիկ և Հովհաննես Ճեմճեմյան» հոգևոր-վերականգնողական կենտրոնը, որը կոչված է քաղցկեղը հաղթահարած երեխաների և իրենց ընտանիքների հոգևոր վերականգնմանը։
Հայ-Ամերիկյան Առողջության Կենտրոնի և Տավուշի թեմի միջև համաձայնագիր ստորագրվեց, որի շնորհիվ Հայ-Ամերիկյան Առողջության Կենտրոնում քաղցկեղի բուժումն ավարտած երեխաներն ու իրենց ընտանիքները հնարավորություն ունեն վերականգնման շրջան անցնել Գետահովիտի բարձունքում գտնվող չնաշխարհիկ կենտրոնում։
Քաղցկեղը միայն ֆիզիկական հիվանդություն չէ, այն ազդեցություն է ունենում և՛ քաղցկեղ ունեցող անձի և՛ իր ընտանիքի վրա, այն հոգեկան և հոգեբանական մեծ ազդեցություն ունի մարդկանց վրա։ Այդ պատճառով Հայաստանում և տարածաշրջանում եզակի՝ Գետահովիտի հոգևոր-վերականգնողական կենտրոնի գոյությունը շատ կարևոր է քաղցկեղին առերեսված ընտանիքների վերականգնման և բնականոն կյանքին վերադարձի համար։
Համաձայնագրի պաշտոնական ստորագրման արարողությանը ներկա էին Հայ-Ամերիկյան Կենտրոնի բժիշկները, որոնց ուղղված խոսքում Բագրատ Սրբազանն ասաց․ «Երբ ուսումնասիրում էի մեր բժշկության պատմությունը, մեր հայրերը շատ դիպուկ ասում են՝ բժիշկը միայն դեղահաբ տվողը չի, այլ նաև Աստծու Շնորհը փոխանցողը։ Ես վստահ եմ, որ երբ Ձեր ձեռքերը դիպչում են Ձեզ այցելողներին, այդ Շնորհը Ձեր միջոցով իրենց է փոխանցվում։ Այդ Շնորհին տեր կանգնեք»։
Տիրոջ Շնորհով՝ շուտափույթ ապաքինում բոլոր վատառողջներին, բժիշկներին՝ իմաստություն և մխիթարություն։
Հուսանք՝ շուտով կտեսնենք այս համագործակցության պտուղները։
Բարի ընթացք․․․
Մեծ օրհնություն. Գետահովիտում օծվեց Սուրբ Մատթեոս եկեղեցին
ԸՆՏԱՆԻՔԻ ՕՐ․ ՏաՈւժ-Իջևան դպրոցի սաներն ու ընտանիքի անդամներն այն նշեցին մարզական խաղերով և ծառատունկով
«Ընտանիքիս հետ» խորագրով միջոցառման համար Գետահովիվի բարձունքին գտնվող մեր կենտրոնում մոբիլիզացրել էինք նաև ծնողներին։ Վաղուց մեր ծնողներն այսքան չէին խաղացել Միջոցառման ավարտին ծառատունկ կազմակերպեցինք։ Միջոցառումը կայացավ Տավուշ-ՏաՀույսի թեմում՝ ՄԱԲՀ-ի և ԵՀԽ ՀԿՍ-ի համագործակցության շրջանակներում։
... Ավելին.ԸՆՏԱՆԻՔԻ ՕՐ․ ՏաՈւժ-Իջևան դպրոցի սաներն ու ընտանիքի անդամներն այն նշեցին մարզական խաղերով և ծառատունկով
ԸՆՏԱՆԻՔԻ ՕՐ․ ՏաՈւժ-Իջևան դպրոցի սաներն ու ընտանիքի անդամներն այն նշեցին մարզական խաղերով և ծառատունկով
ՍԿՍԵՑԻՆՔ․․․ Քաղցկեղին առերեսված երեխաների և իրենց ընտանիքների հոգևոր-վերականգնողական կենտրոնն այսօր առաջին ընտանիքներին ընդունեց
Դրախտային Տավուշ աշխարհի Գետահովիտ գյուղի ժայռոտ բարձունքին է կառուցվել քաղցկեղ ունեցող երեխաների և իրենց ընտանիքների հոգևոր-վերականգնողական կենտրոնը։ Չնաշխարհիկ բնությամբ շրջապատված կենտրոնը հագեցած է կեցության, բուժման, վերականգնման, սնվելու և ժամանցի բոլոր միջոցներով։ Այսօր քաղցկեղով խոցված երեխաները հանդիպում ունեցան մեր հոգևորականների, բժշկի, հոգեբանի, իրենց հասակակից այլ երեխաների հետ։ Հատուկ ելույթ էր պատրաստել նաև Հատիկ բենդը։ Կենտրոնը կառուցվել
... Ավելին.ՍԿՍԵՑԻՆՔ․․․ Քաղցկեղին առերեսված երեխաների և իրենց ընտանիքների հոգևոր-վերականգնողական կենտրոնն այսօր առաջին ընտանիքներին ընդունեց
Դրախտային Տավուշ աշխարհի Գետահովիտ գյուղի ժայռոտ բարձունքին է կառուցվել քաղցկեղ ունեցող երեխաների և իրենց ընտանիքների հոգևոր-վերականգնողական կենտրոնը։
Չնաշխարհիկ բնությամբ շրջապատված կենտրոնը հագեցած է կեցության, բուժման, վերականգնման, սնվելու և ժամանցի բոլոր միջոցներով։
Այսօր քաղցկեղով խոցված երեխաները հանդիպում ունեցան մեր հոգևորականների, բժշկի, հոգեբանի, իրենց հասակակից այլ երեխաների հետ։ Հատուկ ելույթ էր պատրաստել նաև Հատիկ բենդը։
Կենտրոնը կառուցվել է Իտալիայում բնակվող Լուսի Պալյանի հովանավորությամբ՝ ի հիշատակ իր եղբայրներ հոգելույս Անդրանիկ և Օհաննես Ճեմճեմյանների։
ՀՈԳԵՎՈՐ-ՎԵՐԱԿԱՆԳՆՈՂԱԿԱՆ ԿԵՆՏՐՈՆԻ ԲԱՑՈՒՄ ՔԱՂՑԿԵՂ ՈՒՆԵՑՈՂ ԵՐԵԽԱՆԵՐԻ ՀԱՄԱՐ
Գետահովիտի բարձունքին՝ Աստծո արարչագործության հետ ներդաշնակության մեջ, այսօր բացվեց քաղցկեղ ունեցող երեխաների և իրենց ընտանիքների համար հոգևոր-վերականգնողական կենտրոնի շենքը։ Այն Հայաստանում եզակի կենտրոն է լինելու, որտեղ քիմիոթերապիայից հետո երեխաները գալու են հոգևոր վերականգնման նպատակով։ Կենտրոնի կառուցվել է Իտալիայում բնակվող Լուսի Պալյանի հովանավորությամբ՝ ի հիշատակ իր եղբայրներ հոգելույս Անդրանիկ և Օհաննես Ճեմճեմյանների։ Բացմանը ներկա էին Արյունաբանական
... Ավելին.ՀՈԳԵՎՈՐ-ՎԵՐԱԿԱՆԳՆՈՂԱԿԱՆ ԿԵՆՏՐՈՆԻ ԲԱՑՈՒՄ ՔԱՂՑԿԵՂ ՈՒՆԵՑՈՂ ԵՐԵԽԱՆԵՐԻ ՀԱՄԱՐ
Գետահովիտի բարձունքին՝ Աստծո արարչագործության հետ ներդաշնակության մեջ, այսօր բացվեց քաղցկեղ ունեցող երեխաների և իրենց ընտանիքների համար հոգևոր-վերականգնողական կենտրոնի շենքը։
Այն Հայաստանում եզակի կենտրոն է լինելու, որտեղ քիմիոթերապիայից հետո երեխաները գալու են հոգևոր վերականգնման նպատակով։
Կենտրոնի կառուցվել է Իտալիայում բնակվող Լուսի Պալյանի հովանավորությամբ՝ ի հիշատակ իր եղբայրներ հոգելույս Անդրանիկ և Օհաննես Ճեմճեմյանների։
Բացմանը ներկա էին Արյունաբանական Կենտրոնի բժիշկները՝ գլխավորությամբ կենտրոնի տնօրեն Սամվել Դանիելյանի, «Սիթի օֆ սմայլ» հիմնադրամի տնօրինությունը՝ գլխավորությամբ տնօրեն Եսթեր Դեմիրճյանի, Տավուշի մարզպետարանի առողջապահության և սոցիալական ապահովության վարչության պետ Ռուբեն Տիգրանյանը և այլոք։
Տավուշի թեմի առաջնորդ Տեր Բագրատ եպիոսկոպոս Գալստանյանի գլխավորությամբ կատարվեց կենտրոնի տնօրհնյաց կարգը։ Սրբազանն իր օրհնությունը բաշխեց բոլոր ներկաներին, կառույցի շինարարներին, բարերարներին։
Բարերար Կարո Առաքելյանին շնորհվեց Տավուշի թեմի բարձրագույն՝ «Տավշո Խաչ – ՏաՀույս» շքանշանը։
Կենտրոնը գտնվում է Գետահովիտ գյուղի բարձունքին, որտեղ Խորհրդային տարիներին գործել է առողջարան, Հայաստանի վերանկախացումից հետո տարածքը վերածվել է զորամասի, իսկ վերջին տարիներին տարածքը տրամադրվել է Հայ Եկեղեցուն։ Այս վերականգնողական կենտրոնի կառուցումը Տավուշի թեմի առաջին աշխատանքն է Գետահովիտի բարձունքին սկսված մեծ առաքելության։ Շուտով կսկսվի Զինվորականների վերականգնողական կենտրոնի կառուցումը, ընթացքի մեջ է Ճամբարի կառուցումը։
Առաքելությունը շարունակվում է․․․
Աստծով
ՍՈՒՐԲ ԾՆՆԴՅԱՆ ԱՎԵՏԻՍԸ ՄԱՆՈՒԿՆԵՐԻ ՇՈՒՐԹԵՐԻՑ, ԱՅՍ ԱՆԳԱՄ՝ ԻՋԵՎԱՆՈՒՄ
Դեկտեմբերի 23-ին Իջևանի համար 3 դպրոցի դահլիճը լի էր իրենց ելույթին պատրաստվող մանուկների ուրախ իրարանցումով ու տոնական տրամադրությամբ։ Իջևանի «Լուսի Պողոսյան», 5-րդ և 3-րդ դպրոցների կիրակնօրյա դպրոցները, Գետահովիտի և Գանձաքարի «Լույս Մանկանց» դպրոցները, «Արևիկ» սոցիալ-կրթական կենտրոնի և Տավուշի թեմի մանկապատանեկան երգչախմբի սաները ներկայացան Սուրբ ծննդյան գեղեցիկ միջոցառումով: Տավուշի թեմի առաջնորդ Բագրատ Սրբազանը հավաքված մանուկների հետ
... Ավելին.ՍՈՒՐԲ ԾՆՆԴՅԱՆ ԱՎԵՏԻՍԸ ՄԱՆՈՒԿՆԵՐԻ ՇՈՒՐԹԵՐԻՑ, ԱՅՍ ԱՆԳԱՄ՝ ԻՋԵՎԱՆՈՒՄ
Դեկտեմբերի 23-ին Իջևանի համար 3 դպրոցի դահլիճը լի էր իրենց ելույթին պատրաստվող մանուկների ուրախ իրարանցումով ու տոնական տրամադրությամբ։
Իջևանի «Լուսի Պողոսյան», 5-րդ և 3-րդ դպրոցների կիրակնօրյա դպրոցները, Գետահովիտի և Գանձաքարի «Լույս Մանկանց» դպրոցները, «Արևիկ» սոցիալ-կրթական կենտրոնի և Տավուշի թեմի մանկապատանեկան երգչախմբի սաները ներկայացան Սուրբ ծննդյան գեղեցիկ միջոցառումով:
Տավուշի թեմի առաջնորդ Բագրատ Սրբազանը հավաքված մանուկների հետ խոսեց Սուրբ Ծննդյան խորհրդի և այդ կարևորագույն իրադարձության բերած մեծ ուրախության մասին։ Ներկա էին նաև համար 3 դպրոցի տնօրենը, Իջևանի հոգևոր հովիվները։ Կիրակնօրյա դպրոցներն այստեղ գտնվում են Տեր Սիմեոն քահանա առաքելյանի ու Տեր Թորգոմ քահանա Մարգարյանի խնամքի ներքո։
Միջոցառման ավարտին մանուկները նաև ամանորյա նվերներ ստացան։ Իջևանում սա իրականություն է դարձել Համլետ Զարգարյանի և իր ընտանիքի աջակցությամբ։
Նշենք, որ Սուրբ Ծննդյան և ամանորյա այցելությունների շրջանը տևելու է դեկտեմբերի 21-27-ը, և 43 դպրոցների 2000 երեխաներ կմասնակցեն միջոցառումների այս շարքին։