Գոշավանք
Գոշավանք․․․ Պայծառակերպություն․․․ Սրբապատկերի և խաչվառների օծում
Տիրոջ Պայծառակերպության տոնը բոլորիս հրավիրում է՝ պայծառակերպվել ու այլակերպվել՝ Քրիստոսի օրինակով։ «Եթե մեկը կամենում է հետևել ինձ, թող ուրանա իր անձը, վերցնի իր խաչը և գա իմ հետևից, որովհետև ով կամենա իր անձը փրկել, այն կկորցնի, և ով ինձ համար իր անձը կորցնի, կգտնի այն (Մատթեոս 16։24-25): Որքան էլ պարադոքսալ թվա. հանրային բարիքի համար սեփական
... Ավելին.Գոշավանք․․․ Պայծառակերպություն․․․ Սրբապատկերի և խաչվառների օծում
Տիրոջ Պայծառակերպության տոնը բոլորիս հրավիրում է՝ պայծառակերպվել ու այլակերպվել՝ Քրիստոսի օրինակով։
«Եթե մեկը կամենում է հետևել ինձ, թող ուրանա իր անձը, վերցնի իր խաչը և գա իմ հետևից, որովհետև ով կամենա իր անձը փրկել, այն կկորցնի, և ով ինձ համար իր անձը կորցնի, կգտնի այն (Մատթեոս 16։24-25):
Որքան էլ պարադոքսալ թվա. հանրային բարիքի համար սեփական անձն ուրացած մարդը կարող է միայն սեփական անձը գտնել։
Մեր ազգի, մեր պետության կյանքի այս դժվար ժամանակահատվածում է՛լ ավելի շոշափելի է դարձել սեփական անձը ուրանալու անհրաժեշտությունը։
Տիրոջ օրինակը մեր առջև ունենալով՝ քայլենք անանձնական սիրով ու նվիրումով, որովհետև դա է ՀԱՂԹԱՆԱԿԻ ճանապարհը․․․
․․․
Պայծառակերպության տոնին Գոշավանքում կրկնակի տոն էր, քանի որ Բագրատ արքեպիսկոպոս Գալստանյանի կողմից օծվեցին Սերինե Ալեքսանյանի կողմից նվիրաբերված Սուրբ Սեղանի չքնաղ սրբապատկերն ու 2 խաչվառները։
Պատարագիչն էր Գոշավանքի վանահայր Տեր Թադեոս քահանա Թադևոսյանը։
ՀՈԳԵԳԱԼՈՒՍՏԻ ՆԱԽԱՏՈՆԱԿ․ ԳՈՇԱՎԱՆՔ
Հիսուս Քրիստոսի Հարությունից 50 օր անց առաքյալների վրա իջավ խոստացված Սուրբ Հոգին։ Սուրբ Հոգու էջքը աշակերտների վրա տեղի ունեցավ Երուսաղեմում՝ վերնատանը, ուր Տիրոջ պատվերի համաձայն նրանք հավաքված էին: Հոգեգալուստը հռչակվել է Գոշավանքի ուխտի օր։ Մեծն Մխիթար Գոշի հայացքի ներքո այսօր կատարվեց Երեկոյան ժամերգություն, Հոգեգալուստի նախատոնակ։
... Ավելին.ՀՈԳԵԳԱԼՈՒՍՏԻ ՆԱԽԱՏՈՆԱԿ․ ԳՈՇԱՎԱՆՔ
Հիսուս Քրիստոսի Հարությունից 50 օր անց առաքյալների վրա իջավ խոստացված Սուրբ Հոգին։
Սուրբ Հոգու էջքը աշակերտների վրա տեղի ունեցավ Երուսաղեմում՝ վերնատանը, ուր Տիրոջ պատվերի համաձայն նրանք հավաքված էին:
Հոգեգալուստը հռչակվել է Գոշավանքի ուխտի օր։
Մեծն Մխիթար Գոշի հայացքի ներքո այսօր կատարվեց Երեկոյան ժամերգություն, Հոգեգալուստի նախատոնակ։
Աստվածամոր վերափոխման տոնը Գոշավանքում
Մայր Սուրբ, բարեխօսեա…
ԳՈՇԱՎԱՆՔ․ ԿԱԹՈՂԻԿԵ ՍՈՒՐԲ ԷՋՄԻԱԾՆԻ ՏՈՆ
Այսօր տոնն է Հայոց Լուսավորչի տեսիլքի, երբ Քրիստոս մուրճի հարվածով ցույց տվեց Հայոց Մայր Տաճարի կառուցման վայրը։ Ինչպես ասում է Բագրատ Սրբազանը․-« ․․․Սուրբ Խաչի պատմությունը Աստծո և մարդկության խելահեղ սիրո պատմությունն է, Սուրբ Էջմիածնի պատմությունը Քրիստոսի՛ և հայությա՛ն խելահեղ սիրո պատմությունն է»։ Այսօր Ագապէ կամերային երգչախումբն առաջին անգամ Պատարագ երգեց (աղոթեց)։ Երգչախմբի անդրանիկ ելույթը 2018թ-ին
... Ավելին.ԳՈՇԱՎԱՆՔ․ ԿԱԹՈՂԻԿԵ ՍՈՒՐԲ ԷՋՄԻԱԾՆԻ ՏՈՆ
Այսօր տոնն է Հայոց Լուսավորչի տեսիլքի, երբ Քրիստոս մուրճի հարվածով ցույց տվեց Հայոց Մայր Տաճարի կառուցման վայրը։
Ինչպես ասում է Բագրատ Սրբազանը․-« ․․․Սուրբ Խաչի պատմությունը Աստծո և մարդկության խելահեղ սիրո պատմությունն է, Սուրբ Էջմիածնի պատմությունը Քրիստոսի՛ և հայությա՛ն խելահեղ սիրո պատմությունն է»։
Այսօր Ագապէ կամերային երգչախումբն առաջին անգամ Պատարագ երգեց (աղոթեց)։ Երգչախմբի անդրանիկ ելույթը 2018թ-ին ևս կայացել է Տավուշում՝ Հաղարծնի վանքում։
Շնորհավոր Կաթողիկե Սուրբ Էջմիածնի տոնը։
12 ՄՈՆԹԵԱԿԱՆՆԵՐ ՄԿՐՏՎԵՑԻՆ ԳՈՇԱՎԱՆՔՈՒՄ
Խաչի երևման տոնին ռազմամարզական վարժարանի ավարտական կուրսի 12 սաներ մկրտվեցին Գոշավանքում։ «Պարծենալու այլ բան չունենաք, քան ԱՍՏՎԱԾ, ՀԱՅՐԵՆԻՔՆ ու ԱԶԳԸ։ Հուսով եմ, որ իրենք կրթությամբ, հմտություններով և, հատկապես, հոգով ու նվիրումով կգան ոչ միայն համալրելու մեր բանակի սպայական կազմը, այլ նաև իրենց մեծագույն ներդրումը բերելու, մեր բանակը վերստին դարձնելու ՀԱՂԹԱՆԱԿԱԾ բանակ» – ասաց Բագրատ Սրբազանը
... Ավելին.12 ՄՈՆԹԵԱԿԱՆՆԵՐ ՄԿՐՏՎԵՑԻՆ ԳՈՇԱՎԱՆՔՈՒՄ
Խաչի երևման տոնին ռազմամարզական վարժարանի ավարտական կուրսի 12 սաներ մկրտվեցին Գոշավանքում։
«Պարծենալու այլ բան չունենաք, քան ԱՍՏՎԱԾ, ՀԱՅՐԵՆԻՔՆ ու ԱԶԳԸ։
Հուսով եմ, որ իրենք կրթությամբ, հմտություններով և, հատկապես, հոգով ու նվիրումով կգան ոչ միայն համալրելու մեր բանակի սպայական կազմը, այլ նաև իրենց մեծագույն ներդրումը բերելու, մեր բանակը վերստին դարձնելու ՀԱՂԹԱՆԱԿԱԾ բանակ» – ասաց Բագրատ Սրբազանը մկրտվողներին ուղղված խոսքում։
Հայաստանի տարբեր ծագերից եկած, Դիլիջանի անտառապատ բարձունքին ապրող և սովորող աղջիկներն ու տղաները պատրաստության շրջան էին անցել մինչև մկրտությունը։
Շնորհավորում ենք, սիրելի՛ մոնթեականներ, որ դարձաք մեր մեծ քրիստոնեական ընտանիքի անդամ։
Ծաղկազարդը Գոշավանքում
Ծաղկազարդը Գոշավանքում
Կիրակնամուտ Գոշավանքում
Մոտենում է Մեծ Պահքը, որը Տավուշ-ՏաՀույսի թեմի հոգևորականների միասնական առատ աղոթքի շրջանն է։ Այս ճանապարհորդությունը սկսեցինք մեծ վարդապետ Մխիթար Գոշի հայացքի ներքո գտնվող Գոշավանքից։ Թեմի բոլոր հոգևորականները՝ առաջնորդ Բագրատ եպիսկոպոս Գալստանյանի հանդիսապետությամբ կատարեցին կիրակնամուտի երեկոյան ժամերգություն, որի ավարտին փակվեց խորանի վարագույրը: Վարագույրի փակվելը խորհրդանշում է մարդու արտաքսումից հետո դրախտի դռների փակվելը: Խորանը փակ կմնա ամբողջ
... Ավելին.Կիրակնամուտ Գոշավանքում
Մոտենում է Մեծ Պահքը, որը Տավուշ-ՏաՀույսի թեմի հոգևորականների միասնական առատ աղոթքի շրջանն է։ Այս ճանապարհորդությունը սկսեցինք մեծ վարդապետ Մխիթար Գոշի հայացքի ներքո գտնվող Գոշավանքից։
Թեմի բոլոր հոգևորականները՝ առաջնորդ Բագրատ եպիսկոպոս Գալստանյանի հանդիսապետությամբ կատարեցին կիրակնամուտի երեկոյան ժամերգություն, որի ավարտին փակվեց խորանի վարագույրը:
Վարագույրի փակվելը խորհրդանշում է մարդու արտաքսումից հետո դրախտի դռների փակվելը: Խորանը փակ կմնա ամբողջ Մեծ Պահքի ընթացքում։
Ծաղկազարդը Գոշավանքում
Ծաղկազարդը Գոշավանքում
Շողակաթ Սուրբ Էջմիածնի տոն․ Գոշավանք․ Բագրատ Սրբազանի քարոզը
Ո՞ր արժեքներն են մեզ կապում Աստծո հետ: Ի՞նչն է, որ մեզ իսկապես հավատքի զգացում է տալիս․ մշակո՞ւյթն է, մեր կենցաղավարությո՞ւնն է, մեր սեփական ջանքերով Աստծված փնտրելու հայտնագործությունը կամ հայտնությո՞ւնը, ավանդության միջից եկած զանազան արտահայտությունները կամ ինքնաարտահայտություննե՞րը՝ տարբեր տեսքերով և տարբեր կերպերով, զորօրինակ՝ մոմավառությունը կամ այլ բարեպաշտական սովորություններ, որոնք շատ հաճախ տեղի են ունենում առանց նույնիսկ
... Ավելին.Շողակաթ Սուրբ Էջմիածնի տոն․ Գոշավանք․ Բագրատ Սրբազանի քարոզը
Ո՞ր արժեքներն են մեզ կապում Աստծո հետ: Ի՞նչն է, որ մեզ իսկապես հավատքի զգացում է տալիս․ մշակո՞ւյթն է, մեր կենցաղավարությո՞ւնն է, մեր սեփական ջանքերով Աստծված փնտրելու հայտնագործությունը կամ հայտնությո՞ւնը, ավանդության միջից եկած զանազան արտահայտությունները կամ ինքնաարտահայտություննե՞րը՝ տարբեր տեսքերով և տարբեր կերպերով, զորօրինակ՝ մոմավառությունը կամ այլ բարեպաշտական սովորություններ, որոնք շատ հաճախ տեղի են ունենում առանց նույնիսկ անդրադառնալու, որ դրանք միջոց և գործիք են Աստծո հետ ինչ-որ ձևով առնչվելու։ Արդյո՞ք այս բոլորի մեջ մենք հռչակում ենք՝ ասելով․ Դո՛ւ ես Քրիստոսը, կենդանի Աստծո որդին։ Այդյո՞ք սա մեզ համար կարևոր հայտարարություն և չափանիշ է։ Արդյո՞ք մենք ուզում ենք, որ այդպես լինի, թե՞ պատկերացնում ենք Աստծուն այնպես, ինչպես մենք ենք ցանկանում: Այսօրվա՝ Շողակաթ Սուրբ Էջմիածնի տոնը մեզ հենց այդ բաժանարար գծի մասին է պատմում․ Սուրբ Գրիգոր Լուսավորչի տեսիլքի մասին է պատմում մեզ, ով իր աղոթքի և մեծ ձգտումի մեջ ունեցավ մեծ լույսի տեսիլքը, որով Քրիստոս իջավ Հայաստան աշխարհ, հարվածեց գետնին և ասաց՝ այստեղ Իմ անունով տաճար կկառուցեք։ Եվ այդ լույսը տարածվեց ողջ շրջակայքով, որտեղ այսօր կանգած են Սուրբ Գայանե, Սուրբ Հռիփսիմե, Սուրբ Շողակաթ եկեղեցիները։ Այդ լույսի, այդ շողի կաթոցն էր, որ հիմքը դրեց ՆՈՐ ՀԱՅՈՒԹՅԱՆ, նոր մտածումների, նոր ապրումների, նոր զգացումների, նոր հանձնառության, նոր կենցաղավարության և ընդհանրապես՝ նոր կյանքի և նոր սկզբի։
… Այն մտքով, որ Դուք եկել եք այստեղ, անպայման չի նշանակում, որ ճիշտ եք եկել։ Ձեր այստեղ գտնվելը ձեզ օգուտ չէ անպայման, հիշե՛ք սա։ Որովհետև ես չեմ կարծում, որ ամենամաքուր մտքով եք այստեղ գտնվում․․․ ․․․ Ձեզ շատ եմ խնդրում, ժողովուրդ ջան, երբ ուզում եք աղոթքի գնալ, կամ ձեր պատկերացրած աղոթքին եք ուզում գնալ՝ հրաժարվեք ամեն ինչից։
… Ժողովո՛ւրդ ջան, պատասխանատվություն կրեք կյանքում, պատասխանատվություն՝ բոլոր առումներով․ պատասխանատվություն կյանքի նկատմամբ, պատասխանատվություն միմյանց նկատմամբ և պատասխանատվություն Աստծո նկատմամբ՝ Իր ճանապարհից դուրս չգալու նկատմամբ։
Բագրատ եպիսկոպոս Գալստանյան