Դիլիջան
ՄՈՆԹԵ ՄԵԼՔՈՆՅԱՆԻ ԱՆՎԱՆ ԿՐԹԱՀԱՄԱԼԻՐԻ ՊԱՇՏՈՆԱԿԱՆ ԲԱՑՈՒՄԸ
Դիլիջանում տեղի ունեցավ Մոնթե Մելքոնյանի անվան նոր կրթահամալիրի պաշտոնական բացման արարողությունը: Միջոցառմանը ներկա էր նաև Տավուշի թեմի գերաշնորհ առաջնորդ Բագրատ Սրբազանը, ով նաև վարժարանի հոգաբարձուների խորհրդի անդամ է: Մեջբերում ենք Սրբազանի խոսքից. «Պատահական չէ,որ այս վարժարանը տեղակայված է սահմանապահ Տավուշում,սա մի նոր լեռնացած իրականություն, մի նոր լեռնացած ճշմարտություն է, որը գալիս է ձեր միջոցով վկայելու
... Ավելին.ՄՈՆԹԵ ՄԵԼՔՈՆՅԱՆԻ ԱՆՎԱՆ ԿՐԹԱՀԱՄԱԼԻՐԻ ՊԱՇՏՈՆԱԿԱՆ ԲԱՑՈՒՄԸ
Դիլիջանում տեղի ունեցավ Մոնթե Մելքոնյանի անվան նոր կրթահամալիրի պաշտոնական բացման արարողությունը:
Միջոցառմանը ներկա էր նաև Տավուշի թեմի գերաշնորհ առաջնորդ Բագրատ Սրբազանը, ով նաև վարժարանի հոգաբարձուների խորհրդի անդամ է:
Մեջբերում ենք Սրբազանի խոսքից.
«Պատահական չէ,որ այս վարժարանը տեղակայված է սահմանապահ Տավուշում,սա մի նոր լեռնացած իրականություն, մի նոր լեռնացած ճշմարտություն է, որը գալիս է ձեր միջոցով վկայելու մեր հավիտենության մասին,այսօր մի նոր ճախրանքի սկիզբ է,թև տվեք այդ ճախրանքին,լցրեք մեր կյանքը նոր հաղթանակներով»:
ՎԱՐԱԳԱ ՍՈՒՐԲ ԽԱՉԻ ՄԱՍՈՒՆՔԸ ԴԻԼԻՋԱՆՈՒՄ
Վարագա Սուրբ խաչի տոնին ընդառաջ երկու օր մեր Տիրոջ Խաչափայտի մասունքը Տավուշում շրջապտույտ կատարեց: Առաջին կանգառը Դիլիջանն էր: Ներկա գտնվողները՝ մեծից փոքր, եկել էին մեծ ջերմությամբ, հավատով ու հույսով՝ հաղորդակից լինելու Տիրոջ Խաչափայտի մասունքից բխող մեծ օրհնությանը: «Թող մեր տերունական Խաչափայտի մասունքը, ամեն անգամ այցելելով մեզ, ինչ-որ մի բան փոխի մեր կյանքում` թե հավաքական, թե
... Ավելին.ՎԱՐԱԳԱ ՍՈՒՐԲ ԽԱՉԻ ՄԱՍՈՒՆՔԸ ԴԻԼԻՋԱՆՈՒՄ
Վարագա Սուրբ խաչի տոնին ընդառաջ երկու օր մեր Տիրոջ Խաչափայտի մասունքը Տավուշում շրջապտույտ կատարեց: Առաջին կանգառը Դիլիջանն էր: Ներկա գտնվողները՝ մեծից փոքր, եկել էին մեծ ջերմությամբ, հավատով ու հույսով՝ հաղորդակից լինելու Տիրոջ Խաչափայտի մասունքից բխող մեծ օրհնությանը:
«Թող մեր տերունական Խաչափայտի մասունքը, ամեն անգամ այցելելով մեզ, ինչ-որ մի բան փոխի մեր կյանքում` թե հավաքական, թե անձնական»: (Բագրատ Սրբազան)
Այն մասին, թե ինչպես մեկ քահանայի սերը նորոգեց մարդկանց հավատը
ՃՐԱԳԱԼՈՒՅՑ
«Ես իսկ եմ յարութիւն եւ կեանք. ով հավատում է ինձ, թէպէտ եւ մեռնի, կապրի. եւ ով կենդանի է ու ինձ հաւատում է, յաւիտեանս չի մեռնի» (Հովհաննես ԺԱ 25-26): Քրիստոս Հարյավ ի մեռելոց Օրհնյալ է Հարությունը Քրիստոսի Ճրագալույց նշանակում է ճրագ լուցանել, այսինքն՝ վառել: Ճրագալույցին վառում են եկեղեցու ջահերն ու կանթեղները և վառվող մոմեր բաժանում ժողովրդին: Հատված
... Ավելին.ՃՐԱԳԱԼՈՒՅՑ
«Ես իսկ եմ յարութիւն եւ կեանք. ով հավատում է ինձ, թէպէտ եւ մեռնի, կապրի. եւ ով կենդանի է ու ինձ հաւատում է, յաւիտեանս չի մեռնի» (Հովհաննես ԺԱ 25-26):
Քրիստոս Հարյավ ի մեռելոց
Օրհնյալ է Հարությունը Քրիստոսի
Ճրագալույց նշանակում է ճրագ լուցանել, այսինքն՝ վառել: Ճրագալույցին վառում են եկեղեցու ջահերն ու կանթեղները և վառվող մոմեր բաժանում ժողովրդին:
Հատված Բագրատ Սրբազանի Սուրբ Հարության տոնի ճրագալույցի քարոզից.
«Այսօր մեր բոլոր եկեղեցիներում է հնչում և ամբողջ Հայաստանը մի մեծ սիրտ դարձած տրոփում է մեծ ավետիսով, թե՝ «Քրիստոս հարյավ ի մեռելոց»:
Հարության խորհուրդի մենք երբեք չենք զգա, եթե ապրած չլինենք խաչելության խորհուրդը: Քրիստոս մեռելներից է հարություն առել, մեռելներից հարություն առնելով՝ մեզ հստակ հույսի խոստում է տվել, որ դուք այս հոգեվիճակում մահանալու եք կոչված, բայց Ես եկել եմ ձեզ հետ գերեզմանը տարվելու, Ես եկել եմ ձեզ այդ մահվանից ազատելու: Եվ ահա սրա մասին է Հարության խորհուրդը: Մեր Տերն Իր մեկնելուց առաջ ասում է. «Ահա Ես Ձեզ հետ եմ մինչև աշխարհի վախճանը»: Եթե չենք հավատալու դրան, իմաստ չունի այս կյանքի մեջ ապրած որևէ վայրկյանը: Եթե մենք մեր աշխատանքի ապագայի արդյունքի հույսը չունենք, ապա իմաստ չունի մեր աշխատանքը: Հենց այդ հույսի մասին է մեզ հետ խեսում Հիսուսը. «Ես եկել եմ ձեզ հարության հույսը տալու, ազատելու մեղքից ու մահվանից»:
Քրիստոսի Հարության խորհուրդը այն գերեզմանված քարը գլորելու մասին է, որ այսօր դրված է մեզ վրա որպես մեղք: Մինչև սա չլինի, մենք մահացած ենք: Քրիստոսի Հարության լույսն է մեր ապրելու չափորոշիչը, խաչին գամված Քրիստոսի՝ ներողության հրավիրելու, «Հա՛յր, ների՛ր սրանց» ասելն է մեր չափորոշինչը, իր աշակերտների ոտքերը խոնարհությամբ լվացող Հիսուսի սիրո պատգամն է մեր կյանքի չափորոշիչը: Մեր ապրելն իմաստ չի ունենա, եթե չլինի այն հաստատ համոզումը, որ Աստված ինձ համար խաչվել, թաղվել ու հարություն է առել, և ես էլ նույն ճանապարհով եմ գնում»:
ՕՎՍԱՆՆԱ ԲԱՐՁՐՅԱԼԻՆ. ԾԱՂԿԱԶԱՐԴ. ՏԻՐՈՋ ՄՈՒՏՔԸ ԵՐՈՒՍԱՂԵՄ
«Օվսաննա՜ Բարձրյալին, օրհնյալ լինի Նա, որ գալիս է Տիրոջ անունով…» Ծաղկազարդը մեր եկեղեցու Տերունի տոներից է, կատարվում է Սուրբ Զատկից մեկ շաբաթ առաջ, Ավագ շաբաթվա միաշաբթի (կիրակի) օրը: Նվիրված է Հիսուս Քրիստոսի երկրային կյանքի վերջին մի քանի դրվագների՝ Հիսուսի Երուսաղեմ հանդիսավոր մուտքի և Ղազարոսին հարություն տալու հիշատակությանը: Այդ օրը նշանավորում է Հիսուս Քրիստոսի տանջանքների ու տառապանքների
... Ավելին.ՕՎՍԱՆՆԱ ԲԱՐՁՐՅԱԼԻՆ. ԾԱՂԿԱԶԱՐԴ. ՏԻՐՈՋ ՄՈՒՏՔԸ ԵՐՈՒՍԱՂԵՄ
«Օվսաննա՜ Բարձրյալին, օրհնյալ լինի Նա, որ գալիս է Տիրոջ անունով…»
Ծաղկազարդը մեր եկեղեցու Տերունի տոներից է, կատարվում է Սուրբ Զատկից մեկ շաբաթ առաջ, Ավագ շաբաթվա միաշաբթի (կիրակի) օրը: Նվիրված է Հիսուս Քրիստոսի երկրային կյանքի վերջին մի քանի դրվագների՝ Հիսուսի Երուսաղեմ հանդիսավոր մուտքի և Ղազարոսին հարություն տալու հիշատակությանը:
Այդ օրը նշանավորում է Հիսուս Քրիստոսի տանջանքների ու տառապանքների շաբաթվա սկիզբը, որ Նա կրեց՝ Իր վրա վերցնելով մարդկության մեղքերը: Ծաղկազարդի տոնի խորհրդի՝ Քրիստոսի՝ Երուսաղեմ մուտքի մասին վկայում են բոլոր չորս ավետարանիչները: Զատկի տոնախմբության համար Երուսաղեմ գնացող մարդիկ դուրս են եկել Քրիստոսին ընդառաջ՝ բացականչելով՝ «Օվսաննա Բարձրյալին, օրհնյալ լինի Նա, ով գալիս է Տիրոջ անունով, օրհնյալ լինի մեր հոր` Դավթի թագավորությունը, որ գալիս է: Խաղաղություն երկնքում եւ Փառք բարձունքներում» : Ժողովուրդը Երուսաղեմում նրան ընդունել է խանդավառությամբ` ձիթենու եւ արմավենու ճյուղերը, ինչպես նաեւ իրենց զգեստները փռելով ճանապարհի վրա:
«Այսօրվա մեր զգացումները ոչնչով տարբեր չեն այն ժամանակից, երբ Հիսուսը մտնում էր Երուսաղեմ: Եթե մեր իրականությունը և այդ օրվա իրականությունն իրարից տարբեր լինեն և ոչ մի առնչություն չունենան, ոչ մի նշանակություն չի ունենա այսօրվա մեր փառաբանությունը: Հիսուսն ամեն օր է մուտք գործում: Այսօր մենք ուղղակի վերահաստատում ենք այն մեծագույն հոգևոր իրողությունը, որ ամեն օր տեղի է ունենում մեր կյանքում: Այսօր ոչ մարդիկ են փոխվել, ո՛չ էլ Աստված, և մենք նույնությամբ շարունակում ենք այդ կյանքը…»-Բագրատ Սրբազան
Դիլիջանի Սուրբ Խաչ եկեղեցու երիտասարդաց միություն
