Իջևան
ԿԻՐԱԿՆՕՐՅԱ ԴՊՐՈՑՆԵՐԻ ՎԻԿՏՈՐԻՆԱՆ ՄԵԿՆԱՐԿԵՑ ԻՋԵՎԱՆՈՒՄ
Մարտ ամիսը հիշարժան կլինի Տավուշի կիրակնօրյա դպրոցների համար: Մարտի 6- ին Իջևանի թիվ 3-րդ դպրոցում կայացավ վիկտորինա՝ Իջևանի տարածաշրջանի բոլոր կիրակնօրյա դպրոցների մասնակցությամբ: Հաղթող թիմը Ներքին Ծաղկավան գյուղի կիրակնօրյա դպրոցն է, որն էլ կմասնակցի մարզային փուլին, որտեղ կմրցեն մնացյալ տարածաշրջանների հաղթող թիմերը նույնպես . Դիլիջանի, Նոյեմբերյանի և Բերդի տարածաշրջանների կիրակնօրյաները: Վիկտորինան իրականացվում է Աստվածաշնչյան թեմաներով:
... Ավելին.ԿԻՐԱԿՆՕՐՅԱ ԴՊՐՈՑՆԵՐԻ ՎԻԿՏՈՐԻՆԱՆ ՄԵԿՆԱՐԿԵՑ ԻՋԵՎԱՆՈՒՄ
Մարտ ամիսը հիշարժան կլինի Տավուշի կիրակնօրյա դպրոցների համար:
Մարտի 6- ին Իջևանի թիվ 3-րդ դպրոցում կայացավ վիկտորինա՝ Իջևանի տարածաշրջանի բոլոր կիրակնօրյա դպրոցների մասնակցությամբ:
Հաղթող թիմը Ներքին Ծաղկավան գյուղի կիրակնօրյա դպրոցն է, որն էլ կմասնակցի մարզային փուլին, որտեղ կմրցեն մնացյալ տարածաշրջանների հաղթող թիմերը նույնպես . Դիլիջանի, Նոյեմբերյանի և Բերդի տարածաշրջանների կիրակնօրյաները:
Վիկտորինան իրականացվում է Աստվածաշնչյան թեմաներով:
Հիշեցնենք, որ Տավուշում այժմ կան 4 տասնյակից ավելի կիրակնօրյա դպրոցներ, ավելի քան 74 ուսուցիչ և 1974 աշակերտ:
Կիրակնօրյաները նպատակ ունեն զարկ տալու հոգևոր կրթությանը, արվեստի ճյուղերի զարգացմանը, եկեղեցու պատմության ուսումնասիրությանն ու քրիստոնեական արժեքների պահպանմանը:
Եկե՛ք սպասենք հաջորդ վիկտորինաներին և թիմերի հաղթանակներին:
ՍՈՒՐԲ ԾՆՆԴՅԱՆ ՃՐԱԳԱԼՈՒՅՑ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
Թող Այս Գիշեր Թող այս գիշեր Բեթղեհէմի Աստղի լոյսից Ծնուեն բազում նոր տեսիլներ՝ երազանքներ, Թող նորոգուեն ու նորանան Յուսալքուած բազում սրտեր ու հոգիներ, Թող, որ Լո՛յսը դառնա ճամփա, Յոյսը՝ ընկեր ու բարեկամ, Կամքը՝ կամար, Սիրտը՝ հրե մի թոնրատուն, Անվերջ թխուող Սիրո համար: Թող այս գիշեր խինդը Մանկան ճայթի ամբողջ տիեզերքում, Հրաւիրող աստուածային մի հրաշքով, Թող
... Ավելին.ՍՈՒՐԲ ԾՆՆԴՅԱՆ ՃՐԱԳԱԼՈՒՅՑ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
Թող Այս Գիշեր
Թող այս գիշեր Բեթղեհէմի Աստղի լոյսից
Ծնուեն բազում նոր տեսիլներ՝ երազանքներ,
Թող նորոգուեն ու նորանան
Յուսալքուած բազում սրտեր ու հոգիներ,
Թող, որ Լո՛յսը դառնա ճամփա,
Յոյսը՝ ընկեր ու բարեկամ,
Կամքը՝ կամար,
Սիրտը՝ հրե մի թոնրատուն,
Անվերջ թխուող Սիրո համար:
Թող այս գիշեր խինդը Մանկան ճայթի ամբողջ տիեզերքում,
Հրաւիրող աստուածային մի հրաշքով,
Թող տուն դառնան պանդուխտները,
Սրտաւորուեն՝ բեկուածները,
Նորալցուեն՝ հոգնածները,
Ապաքինուեն՝ խոցուածները,
Յուսաւորուեն՝ լքուածները,
Վերընձիւղուեն՝ զատուածները,
Նորագործուեն՝ անյուսութեամբ յուսակարոտ հոգիները,
Եւ վերջապէս,
Սիրառատուեն՝ սիրուց պարպուած
եւ կամ նաեւ երբէք, երբեք Սէր չը տեսած՝ չը ճաշակած,
Ժայռաբեկոր ու խղճալի մեղկ սրտերը դառնան մսուր մանկան համար,
Ու մանկանան Մանկան նման:
Թող այս գիշեր էլ ոչ մի մայր չը հառաչի իր զաւակի բաժանումից,
Ոչ մեկ զաւակ չը որբանայ,
Եւ վերստին ծնունդ առնեն արշալոյսներն հորիզոնի,
Թող երկիրը երկինք դառնայ,
Հունաւորը՝ անհունաւոր:
Թող այս գիշեր խնդայ ամբողջ տիեզերքը որպէս հզօր մի հոգեշարժ,
Եւ թող լցուի մե՛ր եզերքը՝ անդաւաճան խոստումներով,
Եւ մենք՝ որպէս արձագանքը
Տիեզերքի յաւերժացնող, համազանգի թրթիռներից կաթող սիրոյ,
Թող այս գիշեր, մե՛նք իսկ դառնանք հրեշտակներ ու հովիւներ,
Թող Ծնունդ տանք Մարիամի պէս
Եւ հիանանք նրա յանգոյն,
Թող Յովսէփի նման մե՛նք էլ
Խայտանք խոհուն, լուռ բերկրանքով,
Անհոգնաբեկ մոգերի հետ քայլենք անվերջ,
Դեպ լուսաւոր հանգրուանը խաղաղութեան եւ յաւերժի,
Եւ թող յաւէտ օրհնեալ լինի յայտնութիւնը ի՛մ Յիսուսի:
Բագրատ եպիսկոպոս Գալստանեան
ՏՈՆ ՍՐԲՈՑՆ ՈՐԴՒՈՑՆ ՈՐՈՏՄԱՆ․ ՍՈՒՐԲ ԵՎ ԱՆՄԱՀ ՊԱՏԱՐԱԳ ԻՋԵՎԱՆՈՒՄ
Դեկտեմբերի 28-ին Հայ առաքելական եկեղեցին տոնում էր Որոտման որդիների՝ Հակոբոս առաքյալի ու Հովհաննես ավետարանչի հիշատակը։ Տոնի առթիվ Իջևանի Սուրբ Ամենափրկիչ եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ Տեր Բագրատ եպիսկոպոս Գալստանյանը։ Պատարագին ներկա էին Տավուշի թեմի ողջ հոգևոր դասը, երեցկանայք, ինչպես նաև զանազան ոլորտներում թեմին իրենց ծառայությունը բերող մարդիկ։ Բագրատ Սրբազանի խոսքերով՝
... Ավելին.ՏՈՆ ՍՐԲՈՑՆ ՈՐԴՒՈՑՆ ՈՐՈՏՄԱՆ․ ՍՈՒՐԲ ԵՎ ԱՆՄԱՀ ՊԱՏԱՐԱԳ ԻՋԵՎԱՆՈՒՄ
Դեկտեմբերի 28-ին Հայ առաքելական եկեղեցին տոնում էր Որոտման որդիների՝ Հակոբոս առաքյալի ու Հովհաննես ավետարանչի հիշատակը։ Տոնի առթիվ Իջևանի Սուրբ Ամենափրկիչ եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ Տեր Բագրատ եպիսկոպոս Գալստանյանը։
Պատարագին ներկա էին Տավուշի թեմի ողջ հոգևոր դասը, երեցկանայք, ինչպես նաև զանազան ոլորտներում թեմին իրենց ծառայությունը բերող մարդիկ։ Բագրատ Սրբազանի խոսքերով՝ այս Պատարագով թեմում նոր ավանդույթի սկիզբ է դրվում․ «Այս օրերին, երբ տարին արդեն իր ամփոփումն է գտնում, մեր հոգևոր դասի հետ միասին որոշեցինք մի նոր ավանդույթ հիմնել մեր ողջ թեմի կյանքում․ տարին չամփոփած՝ մեր ընտանիքի Սուրբ Պատարագը մատուցելու, մեր եղբայրության՝ Հակոբոսի և Հովհաննեսի օրինակով, ընթրիքը անելու, և Տիրոջ խորհրդի մեջ ընթանալու դեպի Նոր Տարի և խոնարհությամբ դիմավորելու Իր Սուրբ Ծնունդը»։
Տավուշի թեմի առաջնորդը, ամփոփելով տարին, ընդգծեց, որ պետք է գործել և ապրել որպես մեկ ընտանիք և մեկ հավաքականություն․ «Մեր մաղթանքն է, որ կարողանանք իսկապես մեր առաքյալների՝ Որոտման որդիների նման եղբայրության խորհրդի մեջ ապրել»
«Մենք շատ անելիք ունենք՝ մեր ձեռքերը միասին, մեր սրտերը միասին, մեր հոգիները միասին։ Շատ անելիք ունենք, որովհետև տարիների երկարություն կա մեր առջև,և այդ տարիների երկարությունը լցնողը, ինչպես առաջին օրն ենք ասել, Քրիստոսին յուրաքանչյուր տուն տանելու ցանկությունն ու մղումն է»։
ՍՈՒՐԲ ԾՆՆԴՅԱՆ ԱՎԵՏԻՍԸ ՄԱՆՈՒԿՆԵՐԻ ՇՈՒՐԹԵՐԻՑ, ԱՅՍ ԱՆԳԱՄ՝ ԻՋԵՎԱՆՈՒՄ
Դեկտեմբերի 23-ին Իջևանի համար 3 դպրոցի դահլիճը լի էր իրենց ելույթին պատրաստվող մանուկների ուրախ իրարանցումով ու տոնական տրամադրությամբ։ Իջևանի «Լուսի Պողոսյան», 5-րդ և 3-րդ դպրոցների կիրակնօրյա դպրոցները, Գետահովիտի և Գանձաքարի «Լույս Մանկանց» դպրոցները, «Արևիկ» սոցիալ-կրթական կենտրոնի և Տավուշի թեմի մանկապատանեկան երգչախմբի սաները ներկայացան Սուրբ ծննդյան գեղեցիկ միջոցառումով: Տավուշի թեմի առաջնորդ Բագրատ Սրբազանը հավաքված մանուկների հետ
... Ավելին.ՍՈՒՐԲ ԾՆՆԴՅԱՆ ԱՎԵՏԻՍԸ ՄԱՆՈՒԿՆԵՐԻ ՇՈՒՐԹԵՐԻՑ, ԱՅՍ ԱՆԳԱՄ՝ ԻՋԵՎԱՆՈՒՄ
Դեկտեմբերի 23-ին Իջևանի համար 3 դպրոցի դահլիճը լի էր իրենց ելույթին պատրաստվող մանուկների ուրախ իրարանցումով ու տոնական տրամադրությամբ։
Իջևանի «Լուսի Պողոսյան», 5-րդ և 3-րդ դպրոցների կիրակնօրյա դպրոցները, Գետահովիտի և Գանձաքարի «Լույս Մանկանց» դպրոցները, «Արևիկ» սոցիալ-կրթական կենտրոնի և Տավուշի թեմի մանկապատանեկան երգչախմբի սաները ներկայացան Սուրբ ծննդյան գեղեցիկ միջոցառումով:
Տավուշի թեմի առաջնորդ Բագրատ Սրբազանը հավաքված մանուկների հետ խոսեց Սուրբ Ծննդյան խորհրդի և այդ կարևորագույն իրադարձության բերած մեծ ուրախության մասին։ Ներկա էին նաև համար 3 դպրոցի տնօրենը, Իջևանի հոգևոր հովիվները։ Կիրակնօրյա դպրոցներն այստեղ գտնվում են Տեր Սիմեոն քահանա առաքելյանի ու Տեր Թորգոմ քահանա Մարգարյանի խնամքի ներքո։
Միջոցառման ավարտին մանուկները նաև ամանորյա նվերներ ստացան։ Իջևանում սա իրականություն է դարձել Համլետ Զարգարյանի և իր ընտանիքի աջակցությամբ։
Նշենք, որ Սուրբ Ծննդյան և ամանորյա այցելությունների շրջանը տևելու է դեկտեմբերի 21-27-ը, և 43 դպրոցների 2000 երեխաներ կմասնակցեն միջոցառումների այս շարքին։
ԿՈԹԻԻ ԵՎ ԻՋԵՎԱՆԻ ԵՐԳՉԱԽՄԲԵՐԻ ՏԱՐԵԴԱՐՁԸ
ԿՈԹԻԻ ԿԻՐԱԿՆՕՐՅԱ ԴՊՐՈՑՆ ՈՒ ՄԱՆԿԱԿԱՆ ԵՐԳՉԱԽՈՒՄԲԸ ՄԵԿ ՏԱՐԵԿԱՆ ԵՆ Նոյեմբերի 26-ին սահմանապահ Կոթի գյուղի երգչախումբը տոնում էր իր գործունեության մեկամյակը։ Նույն օրը մեկ տարեկան դարձավ նաև Կոթիի կիրակնօրյա դպրոցը։ Այս գեղեցիկ իրադարձության առթիվ դպրոցում էին հավաքվել ոչ միայն կոթեցի մանուկներն ու նրանց ուսուցիչները, այլ նաև տարածաշրջանի հոգևոր հովիվ Տեր Սմբատ քահանան, նրանց ծնողներներն ու ընկերները։
... Ավելին.ԿՈԹԻԻ ԵՎ ԻՋԵՎԱՆԻ ԵՐԳՉԱԽՄԲԵՐԻ ՏԱՐԵԴԱՐՁԸ
ԿՈԹԻԻ ԿԻՐԱԿՆՕՐՅԱ ԴՊՐՈՑՆ ՈՒ ՄԱՆԿԱԿԱՆ ԵՐԳՉԱԽՈՒՄԲԸ ՄԵԿ ՏԱՐԵԿԱՆ ԵՆ
Նոյեմբերի 26-ին սահմանապահ Կոթի գյուղի երգչախումբը տոնում էր իր գործունեության մեկամյակը։ Նույն օրը մեկ տարեկան դարձավ նաև Կոթիի կիրակնօրյա դպրոցը։ Այս գեղեցիկ իրադարձության առթիվ դպրոցում էին հավաքվել ոչ միայն կոթեցի մանուկներն ու նրանց ուսուցիչները, այլ նաև տարածաշրջանի հոգևոր հովիվ Տեր Սմբատ քահանան, նրանց ծնողներներն ու ընկերները։ Երեխաներին շնորհավերեց նաև Տավուշի թեմի առաջնորդ Տեր Բագրատ եպիսկոպոս Գալստանյանը։
Առաջին ծննդյան տարեդարձը Կոթիի դպրոցի սաները նշեցին տոնական փոքրիկ ելույթով ու իրենց մասնակցությամբ նկարահանված «Խաղաղության երգի» տեսահոլովակի դիտումով։
ՆՈՒՅՆ ՕՐԸ ՏԱՎՈՒՇԻ ԹԵՄԻ ՄԱՆԿԱՊԱՏԱՆԵԿԱՆ ԵՐԳՉԱԽՈՒՄԲՆ ԷԼ ՆՇԵՑ ԻՐ ԵՐԿՐՈՐԴ ՏԱՐԵԴԱՐՁԸ
Տավուշի թեմի մանկապատանեկան երգչախումբը՝ «Խաղաղության երգի» կատարողներից ևս մեկը, նույն օրը նշում էր իր կազմավորման երկուամյակը։
Արդեն ավանդաբար մանուկները խմբավար Քրիստինե Շերոյանի նախաձեռնությամբ հավաքվել էին Տավուշի թեմի առաջնորդարանում՝ իրար շնորհավորելու և միասին ուրախանալու։ Տավուշի Թեմի Մանկապատանեկան Երգչախումբն ի մի բերեց երկամյա աշխատանքի արդյունքները՝ առաջիկայում նոր հաջողությունների հասնելու պատրաստակամությամբ։
«Արևիկ» սոցիալ-կրթական կենտրոնի ուրախ առօրյան
Մի բուռ արև ու ուրախություն Իջևանի «Արևիկ» սոցիալ-կրթական կենտրոնի առօրյայից ։)
... Ավելին.«Արևիկ» սոցիալ-կրթական կենտրոնի ուրախ առօրյան
Մի բուռ արև ու ուրախություն Իջևանի «Արևիկ» սոցիալ-կրթական կենտրոնի առօրյայից ։)
Արևիկ Սոցիալ-Կրթական Կենտրոն: Ստեղծագործում ենք աշնանային գույների մեջ
ՔՐԻՍՏՈՍԻ ԽԱՉԱՓԱՅՏԻ ՄԱՍՈՒՆՔՆ ԻՋԵՎԱՆՈՒՄ
Վարագա Սուրբ Խաչի մասունքի՝ Տավուշով շրջպտույտի կանգառներից հաջորդ քաղաքը Իջևանն էր: Քաղաքի կենտրոնական՝ Շատրվանների հրապարակում թափորից հետո կատարվեց Անդաստանի կարգ՝ երկրի չորս ծագերի օրհնություն: Տավուշի թեմի առաջնորդի խոսքերով՝ Վարագա Սուրբ Խաչի այցը տավուշցիներին նման է Քրիստոսի այցելությանը. այն ժամանակ՝ տերունական քարոզության, մարդկանց հետ ապրելու, գործելու, և այս ժամանակ՝ Իր Խաչափայտի մասունքով ուղղակի կենդանի ներկայությամբ: «Դուք՝
... Ավելին.ՔՐԻՍՏՈՍԻ ԽԱՉԱՓԱՅՏԻ ՄԱՍՈՒՆՔՆ ԻՋԵՎԱՆՈՒՄ
Վարագա Սուրբ Խաչի մասունքի՝ Տավուշով շրջպտույտի կանգառներից հաջորդ քաղաքը Իջևանն էր: Քաղաքի կենտրոնական՝ Շատրվանների հրապարակում թափորից հետո կատարվեց Անդաստանի կարգ՝ երկրի չորս ծագերի օրհնություն:
Տավուշի թեմի առաջնորդի խոսքերով՝ Վարագա Սուրբ Խաչի այցը տավուշցիներին նման է Քրիստոսի այցելությանը. այն ժամանակ՝ տերունական քարոզության, մարդկանց հետ ապրելու, գործելու, և այս ժամանակ՝ Իր Խաչափայտի մասունքով ուղղակի կենդանի ներկայությամբ:
«Դուք՝ ներկաներդ եք, որ զորացնելու ու փոխելու եք մեր կյանքը` Աստվածային օրհնությանն արժանի դարձնելու, դուք եք լինելու փոփոխողը այն մտքի ու կյանքի, որը գալիս է միայն մեկ պատգամով. սիրո պատգամով, բարիքի պատգամով, համարժեք, համապատասխան ու արժանի մեր Տիրոջ թափած Արյանն ու հաղթանակին»:
ԱՆՄՆԱՑՈՐԴ ՍԻՐՈՎ ՈՒ ՆՎԻՐՈՒՄՈՎ ՄԵԿ ԱՄԻՍ. ԱՆԳԼԵՐԵՆԻ ԴԱՍԸՆԹԱՑՆԵՐԻ ԱՄՓՈՓՈՒՄԸ ԵՊՀ ԻՄ-ՈՒՄ
Օգոստոսի 2-ին Իջևանում ամփոփվեցին անգլերենի մեկամսյա դասընթացները, որոնք անցկացվում էին ԱՄՆ-ից համալսարանական դասախոսներ Բարբարայի, Ալիսի ու Զաբելի կողմից: Նրանց խոսքերով՝ այժմ իրենք իրենց հետ տանում են Հայաստանի մի մասնիկ, և Իջևանն ու այս երիտասարդներն այժմ յուրահատուկ տեղ ունեն իրենց սրտերում: Տավուշի թեմի առաջնորդ Տեր Բագրատ եպս. Գալստանյանը գնահատանքի խոսքեր հղեց դասախոսներին, ընգծելով, որ մեկ ամիս
... Ավելին.ԱՆՄՆԱՑՈՐԴ ՍԻՐՈՎ ՈՒ ՆՎԻՐՈՒՄՈՎ ՄԵԿ ԱՄԻՍ. ԱՆԳԼԵՐԵՆԻ ԴԱՍԸՆԹԱՑՆԵՐԻ ԱՄՓՈՓՈՒՄԸ ԵՊՀ ԻՄ-ՈՒՄ
Օգոստոսի 2-ին Իջևանում ամփոփվեցին անգլերենի մեկամսյա դասընթացները, որոնք անցկացվում էին ԱՄՆ-ից համալսարանական դասախոսներ Բարբարայի, Ալիսի ու Զաբելի կողմից: Նրանց խոսքերով՝ այժմ իրենք իրենց հետ տանում են Հայաստանի մի մասնիկ, և Իջևանն ու այս երիտասարդներն այժմ յուրահատուկ տեղ ունեն իրենց սրտերում:
Տավուշի թեմի առաջնորդ Տեր Բագրատ եպս. Գալստանյանը գնահատանքի խոսքեր հղեց դասախոսներին, ընգծելով, որ մեկ ամիս շարունակ նրանց կամավորական աշխատանքը Տավուշում ազգային ու հոգևոր խորը գիտակցության մեծագույն ապացույցն ու վկայությունն է: