Ներսես Շնորհալի
Առաջավորաց պահքի բարեկենդան․ Բագրատ Սրբազանի քարոզը
Ավետյաց երկրի տեսիլքը սկսելու պայմանը, նախապայմանը, ակունքը կուռքերի կամ կռապաշտության մերժումն է․ – մարդկային կռապաշտության – համացանցային կռապաշտության – աստղային գիտության կռապաշտության – տնտեսության կռապաշտության ․․․ Երբ 4-րդ դարում տեղի էր ունենում Հայոց դարձը, Տրդատ արքան հայացքը չուղղեց ո՛չ արևմուք, ո՛չ արևելք, ո՛չ հյուսիս, ո՛չ հարավ․ Աստծո պաշտամունքով, Քրիստոսին դառնալով, քրիստոնեությունն ընդունելով որպես ճշմարտության ճանապարհ,
... Ավելին.Առաջավորաց պահքի բարեկենդան․ Բագրատ Սրբազանի քարոզը
Ավետյաց երկրի տեսիլքը սկսելու պայմանը, նախապայմանը, ակունքը կուռքերի կամ կռապաշտության մերժումն է․ – մարդկային կռապաշտության – համացանցային կռապաշտության – աստղային գիտության կռապաշտության – տնտեսության կռապաշտության
․․․ Երբ 4-րդ դարում տեղի էր ունենում Հայոց դարձը, Տրդատ արքան հայացքը չուղղեց ո՛չ արևմուք, ո՛չ արևելք, ո՛չ հյուսիս, ո՛չ հարավ․ Աստծո պաշտամունքով, Քրիստոսին դառնալով, քրիստոնեությունն ընդունելով որպես ճշմարտության ճանապարհ, նա իր հայացքը դարձրեց արժեքներին, դարձրեց մեր ազգի լավագույն որակներին։
Պատմությունը վկայում է, որ այդ ժամանակվա գերտերությունների թե՛ մշակութային, թե՛ քաղաքական, թե՛ տնտեսական ազդեցության տակ գտնվող Հայաստան աշխարհն ընդլայնեց իր սահմանները, որովհետև ո՛չ վախ ունեին թշնամական բանակներից, ո՛չ մշակութային ազդեցություններից, ո՛չ տնտեսական բռնաճնշումներից, ո՛չ քաղաքական խաղերից, որովհետև այդ բոլորի վրա ունեին ՀՈԳՈՒ գերակայությունը, ազգի՝ խորքով ճանաչելու արժեքը, որն աստվածպաշտության խորհուրդն ուներ։
Չե՛մ մոռանալու քեզ, Հայրենիք, և չեմ ներելու այդ մոռացությունը, որն ինձ մղելու է ուրացության քո հանդեպ։ Եվ ես պարտավորվում եմ, ինչպես Աստված թելադրում է՝ գործելու, ապրելու շեն երկրի, Աստծո կամքը եղող երկրի, Աստծո անունը կրող երկրի տեսիլքով, որի անունը ՀԱՅԱՍՏԱՆ ԱՇԽԱՐՀ է, արի զավակները մենք ենք։
Բագրատ եպիսկոպոս Գալստանյան
Նյութական բարիք չի լինելու, մինչև չլինի հոգևոր բարիքը․ Բագրատ Սրբազանի քարոզը
Առանց վերականգնման տեսիլքի պարտությունը ոչ թե կդառնա խրատ, ճանապարհ ու մեր կյանքի ուղղություն, այլ կմնա ուղղակի պրտություն։ Եթե մեր նախաձեռնություններում կամ ծրագրերում չկա Աստծո հրավերի զգացողությունը, պատգամը, կոչումը՝ բոլորը դատարկ են և ենթակա պարտության։ ․․․ Մեր կյանքից չեն պակասել հայհոյությունը, ինքնաարդարացումը, ատելությունը, թշնամությունը։ Այս ճանապարհն անդունդի ճանապարհն է, այս ճանապարհը վերջնական կործանման ճանապարհն է։ …
... Ավելին.Նյութական բարիք չի լինելու, մինչև չլինի հոգևոր բարիքը․ Բագրատ Սրբազանի քարոզը
Առանց վերականգնման տեսիլքի պարտությունը ոչ թե կդառնա խրատ, ճանապարհ ու մեր կյանքի ուղղություն, այլ կմնա ուղղակի պրտություն։
Եթե մեր նախաձեռնություններում կամ ծրագրերում չկա Աստծո հրավերի զգացողությունը, պատգամը, կոչումը՝ բոլորը դատարկ են և ենթակա պարտության։
․․․ Մեր կյանքից չեն պակասել հայհոյությունը, ինքնաարդարացումը, ատելությունը, թշնամությունը։ Այս ճանապարհն անդունդի ճանապարհն է, այս ճանապարհը վերջնական կործանման ճանապարհն է։
… Նյութական բարիք չի լինելու, մինչև չլինի հոգևոր բարիքը։
… Նրանք, ովքեր կփորձեն բաժանարար գիծ գծել ազգային բյուրեղային արժեքի և հոգևոր մաքրամաքուր արժեքի միջև, մեղմ ասած ստախոս են, բարձր ասած՝ դավաճան, ուրացող։
Բագրատ եպիսկոպոս Գալստանյան
Բագրատ Սրբազանի Սուրբ Ծննդյան քարոզը
Աստված մեզ է ընտրել որպես իր ժողովուրդ և մեզ էլ հրավիրում է համարժեք լինելու այդ ընտրությանը։ Բագրատ եպիսկոպոս Գալստանյան
... Ավելին.Բագրատ Սրբազանի Սուրբ Ծննդյան քարոզը
Աստված մեզ է ընտրել որպես իր ժողովուրդ և մեզ էլ հրավիրում է համարժեք լինելու այդ ընտրությանը։
Բագրատ եպիսկոպոս Գալստանյան
Նռնօրհնեք Իջևանի Սուրբ Ներսես Շնորհալի եկեղեցում
Այս տարին դիմավորեցինք «Տէր ողորմեա»-յով, աղոթքով ու ՀՀ օրհներգը երգելով։Այս գիշերը մեզ համար թող դառնա ինքնաքննության, զղջումի, ապաշխարության առիթ։
... Ավելին.Նռնօրհնեք Իջևանի Սուրբ Ներսես Շնորհալի եկեղեցում
Այս տարին դիմավորեցինք «Տէր ողորմեա»-յով, աղոթքով ու ՀՀ օրհներգը երգելով։Այս գիշերը մեզ համար թող դառնա ինքնաքննության, զղջումի, ապաշխարության առիթ։
ԵՐԻՏԱՍԱՐԴՆԵՐԻ ՕՐՀՆՈՒԹՅԱՆ ԿԱՐԳ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
«Երիտասարդությունը մեծ վայելք է, բայց հիշե՛ք նաև, որ երիտասարդությունը հերոսություն է։ Մեր երիտասարդ տղաներն են այսօր պահում սահմանը։ Դուք ուսանողներ եք՝ պետք է լավագույնը վերցնեք, արվեստի մեջ եք՝ լավագույնը անեք, աղոթքի մեջ եք՝ լավագույնը պիտի տաք Աստծուն․ սա էլ է հերոսություն»։ Բագրատ Սրբազան
... Ավելին.ԵՐԻՏԱՍԱՐԴՆԵՐԻ ՕՐՀՆՈՒԹՅԱՆ ԿԱՐԳ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
«Երիտասարդությունը մեծ վայելք է, բայց հիշե՛ք նաև, որ երիտասարդությունը հերոսություն է։ Մեր երիտասարդ տղաներն են այսօր պահում սահմանը։ Դուք ուսանողներ եք՝ պետք է լավագույնը վերցնեք, արվեստի մեջ եք՝ լավագույնը անեք, աղոթքի մեջ եք՝ լավագույնը պիտի տաք Աստծուն․ սա էլ է հերոսություն»։
Բագրատ Սրբազան
ՍՈՒՐԲ ԾՆՈՒՆԴ ԵՎ ԱՍՏՎԱԾՀԱՅՏՆՈՒԹՅՈՒՆ ԵՊԻՍԿՈՊՈՍԱԿԱՆ ՊԱՏԱՐԱԳ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
Ձայն Տեառն ի վերայ ջուրց, եւ Աստուած փառաց որոտաց, եւ Տէր Ինքն ի վերայ ջուրց բազմաց․․․ Հունվարի 6-ին Հայ առաքելական եկեղեցին նշում է Հիսուս Քրիստոսի Սուրբ Ծնունդը՝ Աստծո մարդանալու ու մարդկանց հայտնվելու տոնը։ Նաև Աստվածհայտնության տոնն է՝ հիշատակվում է Քրիստոսի մկրտությունը, երբ Հայր Աստված վկայեց․ «Դա է Իմ սիրելի Որդին» ու Սուրբ Հոգին աղավնակերպ իջավ Քրիստոսի
... Ավելին.ՍՈՒՐԲ ԾՆՈՒՆԴ ԵՎ ԱՍՏՎԱԾՀԱՅՏՆՈՒԹՅՈՒՆ ԵՊԻՍԿՈՊՈՍԱԿԱՆ ՊԱՏԱՐԱԳ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
Ձայն Տեառն ի վերայ ջուրց, եւ Աստուած փառաց որոտաց, եւ Տէր Ինքն ի վերայ ջուրց բազմաց․․․
Հունվարի 6-ին Հայ առաքելական եկեղեցին նշում է Հիսուս Քրիստոսի Սուրբ Ծնունդը՝ Աստծո մարդանալու ու մարդկանց հայտնվելու տոնը։ Նաև Աստվածհայտնության տոնն է՝ հիշատակվում է Քրիստոսի մկրտությունը, երբ Հայր Աստված վկայեց․ «Դա է Իմ սիրելի Որդին» ու Սուրբ Հոգին աղավնակերպ իջավ Քրիստոսի վրա՝ դառնալով Աստծո ամբողջական հայտնությունը որպես Սուրբ Երրորդություն։
Հիսուս Քրիստոսի Սուրբ Ծննդյան և Աստվածհայտնության տոնին, Իջևանի առաջնորդանիստ Սբ․ Ներսես Շնորհալի եկեղեցում Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը։
Բագրատ Սրբազանը, փոխանցելով Փրկչի ծննդյան ավետիսը, շնորհավորեց ու իր գնահատանքը հայտնեց սահմանի երկայնքով ապրող բոլոր տավուշցիներին․ «Նրանց կյանքն ըստ էության յուրաքանչյուրիս կյաքնի վահանն ու պատվարն է․ նրանց սահմանի եզերքում ապրելը վկայությունն է տալիս մեր ժողովրդի հավերժության ու հավիտենական հաղթանակի»։
Տավուշի թեմի առաջնորդի խոսքերով՝ այս ողջ ընթացքում Տավուշ աշխարհում իրականացվող առաքելությունը Քրիստոսի լույսի հայտնության խորհուրդը փոխանցելն է եղել․
«Մենք այս ժամանակահատվածում անընդհատ փորձել ենք յուրաքանչյուրին հասնել՝ որքան հնարավոր է՝ ծառայության վայրում կլինի, տանը կլինի, փողոցում կլինի՝ դուռը թակելով և խոսելով Քրիստոսի ավետիսի լույսի մասին, Աստվածհայտնության մասին՝ փորձելով նոր կյանքի սկիզբ դնել»։
Այս առաքելության իրականացման համար, սակայն, յուրաքանչյուրը պետք է վերցնի պատասխանատվության իր բաժինը․ «Յուրաքանչյուր մարդ իր վրա պատասխանատվություն վերցնի Հովհաննես ավետարանչի խոսքերի նման ասելու, որ մենք տեսանք, լսեցինք, շոշափեցինք և քայլում ենք Իր հետ»։
«Մեր փափագն է, որ մեր ամբողջ մարզը քրիստոնյա զգացումով, հավատքի զգացումով և այդ հավատքի ուրախության մեջ ապրի․ ունենա այդ ցնծությունն ու բերկրանքը»։
Սուրբ Պատարագի ավարտին կատարվեց Ջրօրհնեքի արարողություն, եկեղեցու Խաչի քավոր դարձավ Արթուր Քասինյանը։
ՍՈՒՐԲ ԾՆՆԴՅԱՆ ՃՐԱԳԱԼՈՒՅՑ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
Թող Այս Գիշեր Թող այս գիշեր Բեթղեհէմի Աստղի լոյսից Ծնուեն բազում նոր տեսիլներ՝ երազանքներ, Թող նորոգուեն ու նորանան Յուսալքուած բազում սրտեր ու հոգիներ, Թող, որ Լո՛յսը դառնա ճամփա, Յոյսը՝ ընկեր ու բարեկամ, Կամքը՝ կամար, Սիրտը՝ հրե մի թոնրատուն, Անվերջ թխուող Սիրո համար: Թող այս գիշեր խինդը Մանկան ճայթի ամբողջ տիեզերքում, Հրաւիրող աստուածային մի հրաշքով, Թող
... Ավելին.ՍՈՒՐԲ ԾՆՆԴՅԱՆ ՃՐԱԳԱԼՈՒՅՑ ԻՋԵՎԱՆԻ ՍՈՒՐԲ ՆԵՐՍԵՍ ՇՆՈՐՀԱԼԻ ԵԿԵՂԵՑՈՒՄ
Թող Այս Գիշեր
Թող այս գիշեր Բեթղեհէմի Աստղի լոյսից
Ծնուեն բազում նոր տեսիլներ՝ երազանքներ,
Թող նորոգուեն ու նորանան
Յուսալքուած բազում սրտեր ու հոգիներ,
Թող, որ Լո՛յսը դառնա ճամփա,
Յոյսը՝ ընկեր ու բարեկամ,
Կամքը՝ կամար,
Սիրտը՝ հրե մի թոնրատուն,
Անվերջ թխուող Սիրո համար:
Թող այս գիշեր խինդը Մանկան ճայթի ամբողջ տիեզերքում,
Հրաւիրող աստուածային մի հրաշքով,
Թող տուն դառնան պանդուխտները,
Սրտաւորուեն՝ բեկուածները,
Նորալցուեն՝ հոգնածները,
Ապաքինուեն՝ խոցուածները,
Յուսաւորուեն՝ լքուածները,
Վերընձիւղուեն՝ զատուածները,
Նորագործուեն՝ անյուսութեամբ յուսակարոտ հոգիները,
Եւ վերջապէս,
Սիրառատուեն՝ սիրուց պարպուած
եւ կամ նաեւ երբէք, երբեք Սէր չը տեսած՝ չը ճաշակած,
Ժայռաբեկոր ու խղճալի մեղկ սրտերը դառնան մսուր մանկան համար,
Ու մանկանան Մանկան նման:
Թող այս գիշեր էլ ոչ մի մայր չը հառաչի իր զաւակի բաժանումից,
Ոչ մեկ զաւակ չը որբանայ,
Եւ վերստին ծնունդ առնեն արշալոյսներն հորիզոնի,
Թող երկիրը երկինք դառնայ,
Հունաւորը՝ անհունաւոր:
Թող այս գիշեր խնդայ ամբողջ տիեզերքը որպէս հզօր մի հոգեշարժ,
Եւ թող լցուի մե՛ր եզերքը՝ անդաւաճան խոստումներով,
Եւ մենք՝ որպէս արձագանքը
Տիեզերքի յաւերժացնող, համազանգի թրթիռներից կաթող սիրոյ,
Թող այս գիշեր, մե՛նք իսկ դառնանք հրեշտակներ ու հովիւներ,
Թող Ծնունդ տանք Մարիամի պէս
Եւ հիանանք նրա յանգոյն,
Թող Յովսէփի նման մե՛նք էլ
Խայտանք խոհուն, լուռ բերկրանքով,
Անհոգնաբեկ մոգերի հետ քայլենք անվերջ,
Դեպ լուսաւոր հանգրուանը խաղաղութեան եւ յաւերժի,
Եւ թող յաւէտ օրհնեալ լինի յայտնութիւնը ի՛մ Յիսուսի:
Բագրատ եպիսկոպոս Գալստանեան
Նորապսակների օրհնության կարգ Իջևանի Սուրբ Ներսես Շնորհալի եկեղեցում
Հայ Առաքելական Սուրբ Եկեղեցին ամեն տարի փետրվարի 14-ին նշում է Տեառընդառաջը: Տերունի այս տոնը հիշատակում է 40 օրական Հիսուսի ընծայումը տաճարին: Տոնի նախօրեին կատարվում է Երեկոյան ժամերգություն և նախատոնակ: Տոնի օրը Ն.Ս.Օ.Տ.Տ. Գարեգին Բ Ամենայն Հայոց կաթողիկոսի տնօրինությամբ հռչակված է նորապսակների օրհնության օր: Իջևանի Սուրբ Ներսես Շնորհալի եկեղեցում այսօր՝ Երեկոյան ժամերգությունից հետո, Տավուշի թեմի առաջնորդ գերաշնորհ
... Ավելին.Նորապսակների օրհնության կարգ Իջևանի Սուրբ Ներսես Շնորհալի եկեղեցում
Հայ Առաքելական Սուրբ Եկեղեցին ամեն տարի փետրվարի 14-ին նշում է Տեառընդառաջը: Տերունի այս տոնը հիշատակում է 40 օրական Հիսուսի ընծայումը տաճարին: Տոնի նախօրեին կատարվում է Երեկոյան ժամերգություն և նախատոնակ: Տոնի օրը Ն.Ս.Օ.Տ.Տ. Գարեգին Բ Ամենայն Հայոց կաթողիկոսի տնօրինությամբ հռչակված է նորապսակների օրհնության օր:
Իջևանի Սուրբ Ներսես Շնորհալի եկեղեցում այսօր՝ Երեկոյան ժամերգությունից հետո, Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը կատարեց նորապսակների օրհնության կարգ, խնդրելով, որ Աստված պաշտպան ու ապավեն լինի նորապսակ զույգերին իրենց ողջ կյանքի ընթացքում.
«Եվ այժմ աղաչում ենք Քեզ, Տե՛ր, օրհնիր նորապսակ այս ընտանիքները, ինչպես օրհնեցիր մեր նախահայրերին ու նախամայրերին, որովհետև Դու նրանց կանչեցիր արժանացնելու Քո քաղցր օրհնությանը և նրանց գլուխները զարդարեցիր պատվական քարերի պսակներով, որպեսզի իրենց կյանքի ընթացքում լինեն անարատ, միմյանց սիրեն հոգևոր սիրով և ապրեն միաբան ու համերաշխ…»:
Բագրատ Սրբազանն օրհնությունից հետո նորապսակներին մաղթեց, որ իրենց կյանքի ճանապարհին ուղեկցի Աստվածային սերը, և իրենց կյանքերում երբեք չկորցնեն Քրիստոսի ներկայությունը:
ՍՈՒՐԲ ԾՆՈՒՆԴ ԵՎ ԱՍՏՎԱԾՀԱՅՏՆՈՒԹՅՈՒՆ. ԵՊԻՍԿՈՊՈՍԱԿԱՆ ՍՈՒՐԲ ՊԱՏԱՐԱԳ ԻՋԵՎԱՆՈՒՄ
Հունվարի 6-ին Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը Սուրբ և Անմահ Պատարագ մատուցեց Իջևանի առաջնորդանիստ Սուրբ Ներսես Շնորհալի եկեղեցում: Պատարագին ներկա էին Երրորդ բանակային կորպուսի շտաբի պետ գնդապետ Արտյոմ Սմբատյանը, Իջևանի գնդի հրամանատար գնդապետ Վահե Հովսեփյանը, սպաներ և զինվորներ: Պատարագի որոշ հատվածներ երգում էին Տավուշի թեմի մանկապատանեկան երգչախմբի սաները (խմբավար՝ Քրիստինե Շերոյան): Հավատացյալներին
... Ավելին.ՍՈՒՐԲ ԾՆՈՒՆԴ ԵՎ ԱՍՏՎԱԾՀԱՅՏՆՈՒԹՅՈՒՆ. ԵՊԻՍԿՈՊՈՍԱԿԱՆ ՍՈՒՐԲ ՊԱՏԱՐԱԳ ԻՋԵՎԱՆՈՒՄ
Հունվարի 6-ին Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը Սուրբ և Անմահ Պատարագ մատուցեց Իջևանի առաջնորդանիստ Սուրբ Ներսես Շնորհալի եկեղեցում: Պատարագին ներկա էին Երրորդ բանակային կորպուսի շտաբի պետ գնդապետ Արտյոմ Սմբատյանը, Իջևանի գնդի հրամանատար գնդապետ Վահե Հովսեփյանը, սպաներ և զինվորներ:
Պատարագի որոշ հատվածներ երգում էին Տավուշի թեմի մանկապատանեկան երգչախմբի սաները (խմբավար՝ Քրիստինե Շերոյան):
Հավատացյալներին փոխանցելով Փրկչի ծննդյան մեծ ավետիսը՝ Բագրատ Սրբազանը հիշեցրեց, որ այսօր ծնվող Փրկիչը չի փոխվել. «Զի Հիսուս Քրիստոս երեկ և այսօր նույն և հավիտյան» (Եբր. ԺԳ.8) Մենք այսօր տոնախմբում ենք մեր Աստծո՝ մեզ հետ, մեզ նման լինելը, մարդանալը, ծնվելը, մեզ հետ ապրելը և սա այլ բան չի կարող լինել, քան այս նույնությունը, որ ժամանակ և տարածություն չի ճանաչում: Իր անփոփոխ լինելու առջև մեզ համար անփոփոխ հնչում է հրեշտակների անմեղ խոսքը, որ խաղաղության, մարդկանց մեջ հաճության և սիրո Իշխանն է այսօր մեզ համար ծնվում: Եվ այդ նույն Աստվածն է, որ անփոփոխ կերպով խոսում ու հռչակում է սիրո և խաղաղության մասին:
Աստված այսօր աղքատանում է. գալիս է Իր բարձունքներից, մեզ համար դառնում գոյութենական և շոշափելի, սակայն այս խորհուրդը իմաստ չի ունենա, եթե մենք չփորձենք մեր կյանքի յուրաքանչյուր պահը, մեր յուրաքանչյուր գործը, անելիքը՝ ուղղված թե՛ մեզ, ու թե՛ ուրիշներին բերել այդ Ծննդյան սիրո, խաղաղության ու հաշտության մեծագույն խորհրդի մեջ: Այսօր քանի՞սս ենք մեր տուն, փողոց, աշխատավայր տանելու այդ սերը մեզ հետ: Այսօր ովքե՞ր են լինելու այն հովիվները, հրեշտակները, մոգերը, որ հռչակելու են իրենց սրտով, հոգով, զգացումով, էությամբ, որ այսօր Աստված է ծնվում: Ովքե՞ր են լինելու այն մարդիկ, ովքեր ասելու են «Քրիստոս ծնավ և հայտնեցավ», քանի որ իրոք ապրում են դրանով»:
Սրբազանն իր գնահատանքը հայտնեց Պատարագին ներկա սպաներին ու զինվորներին, նշելով, որ նրանք են մեր Հայրենիքի ու հավատքի սահմաններն ու տարածությունը պաշտպանողները, ամենօրյա սիրո ճանապարհի մեջ խաղաղության կրողները լինելով՝ մեր ժողովրդի պաշտպանները, մաղթելով որ բոլորս էլ կարողանանք վայելել Խաղաղության այն պատգամը, որ այսօր հնչում է բոլոր եկեղեցիներից:
Սուրբ Պատարագի ավարտին կատարվեց Ջրօրհնեքի արարողություն, և Եկեղեցու Խաչի կնքահայր դարձավ Իջևանի փոխքաղաքապետ Արթուր Ճաղարյանը:
Ներկաները հեռացան՝ իրենց հետ տանելով Քրիստոսի Ծննդյան մեծ ավետիսը՝ հռչակելով Աստվածային Սիրո մեծագույն արտահայտությունը: