Չինարի
ԽՈՐԱՆԱՇԱՏ ՊԱՏԿԵՐԱԳՐՔԻ ՇՆՈՐՀԱՆԴԵՍ ԵՎ ԳԻՏԱԺՈՂՈՎ ՉԻՆԱՐԻ ԳՅՈՒՂՈՒՄ
Հենց այս պահին Խորանաշատի հովանու ներքո՝ Հայաստանի Հանրապետության սահմանագլխին գտնվող Չինարի գյուղում բացառիկ իրադարձություն է․ գիտաժողով է և ԽՈՐԱՆԱՇԱՏ եռալեզու պատկերագրքի շնորհանդես Խորանաշատի վանքի 800-ամյակի միջոցառումների շրջանակում։ Այսպիսով հանրայնացվում են, միայն գիտական և հոգևոր շրջանակներում հայտնի ճշմարտությունները՝ Խորանաշատի վանքի ժառանգությունը, Վանական վարդապետի վարքը, Խորանաշատի վանքի ճարտարապետությունը, հրամցվում են մեր ժողովրդին։ Շնորհանդեսի բացումը կատարեց Բագրատ Սրբազանը,
... Ավելին.ԽՈՐԱՆԱՇԱՏ ՊԱՏԿԵՐԱԳՐՔԻ ՇՆՈՐՀԱՆԴԵՍ ԵՎ ԳԻՏԱԺՈՂՈՎ ՉԻՆԱՐԻ ԳՅՈՒՂՈՒՄ
Հենց այս պահին Խորանաշատի հովանու ներքո՝ Հայաստանի Հանրապետության սահմանագլխին գտնվող Չինարի գյուղում բացառիկ իրադարձություն է․ գիտաժողով է և ԽՈՐԱՆԱՇԱՏ եռալեզու պատկերագրքի շնորհանդես Խորանաշատի վանքի 800-ամյակի միջոցառումների շրջանակում։
Այսպիսով հանրայնացվում են, միայն գիտական և հոգևոր շրջանակներում հայտնի ճշմարտությունները՝ Խորանաշատի վանքի ժառանգությունը, Վանական վարդապետի վարքը, Խորանաշատի վանքի ճարտարապետությունը, հրամցվում են մեր ժողովրդին։
Շնորհանդեսի բացումը կատարեց Բագրատ Սրբազանը, ելույթ ունեցան ԿԳՄՍ նախարար Վ․Դումանյանը, Մաշտոցյան Մատենադարանի տնօրեն Վ․Տեր-Ղևոնդյանը, Խորանաշատ 800 միջոցառումների համակարգող Գ․ Սաղոյանը։
Տեր Արամ քահանա Միրզոյանը, որը նաև Չինարիի զավակ է, ներկայացրեց Խորանաշատի վանքի հիմնադիր Վանական վարդապետի սրբադասման համար կատարված ուսումնասիրությունները։ Հուսանք՝ շուտով կմասնակցենք նաև մեծն վարդապետի սրբադասման արարողությանը։
800-ԱՄՅԱ ԱՎԵՏԱՐԱՆՈՎ ՍԱՀՄԱՆԱՊԱՀ ՉԻՆԱՐԻԻՑ ՕՐՀՆՎԵՑ ԱՇԽԱՐՀԻ 4 ԿՈՂՄԵՐԸ․ ԱՆԴԱՍՏԱՆ
Շարունակվում են Խորանաշատի վանքի 800-ամյակի միջոցառումները։ Մաշտոցյան մատենադարանից բերվել է 1224թ-ին արտագրված Ավետարանը, որի հիշատակարանը գրվել է միջնադարյան մեր մեծագույն վարդապետներից Վանական վարդապետի ձեռքով։ Խորանաշատի վանքում Սուրբ Պատարագից հետո Չինարիում կատարվեց Անդաստանի կարգ՝ օրհնվեց աշխարհի չորս կողմերը։ ․․․ Վահական վարդապետը Մխիթար Գոշի աշակերտն է և Խորանապատի դպրոցի հիմնադիրը։ Վանական վարդապետի աշակերտները՝ ոգեշնչված իրենց վարդապետի վարքով
... Ավելին.800-ԱՄՅԱ ԱՎԵՏԱՐԱՆՈՎ ՍԱՀՄԱՆԱՊԱՀ ՉԻՆԱՐԻԻՑ ՕՐՀՆՎԵՑ ԱՇԽԱՐՀԻ 4 ԿՈՂՄԵՐԸ․ ԱՆԴԱՍՏԱՆ
Շարունակվում են Խորանաշատի վանքի 800-ամյակի միջոցառումները։ Մաշտոցյան մատենադարանից բերվել է 1224թ-ին արտագրված Ավետարանը, որի հիշատակարանը գրվել է միջնադարյան մեր մեծագույն վարդապետներից Վանական վարդապետի ձեռքով։
Խորանաշատի վանքում Սուրբ Պատարագից հետո Չինարիում կատարվեց Անդաստանի կարգ՝ օրհնվեց աշխարհի չորս կողմերը։
․․․
Վահական վարդապետը Մխիթար Գոշի աշակերտն է և Խորանապատի դպրոցի հիմնադիրը։ Վանական վարդապետի աշակերտները՝ ոգեշնչված իրենց վարդապետի վարքով և մեր Տեր Հիսուս Քրիստոսի պատգամներին հավատարմությամբ, հարյուրամյակներ շարունակ նորանոր դպրոցների հիմնադրումով արթուն պահեցին հայ միտքը։
․․․
Խորանաշատի Ավետարանը Արևելյան Հայաստան է բերվել 1915թ-ին Վանի Սուրբ Վարդան եկեղեցուց։
Նախագահ Արմեն Սարգսյանի այցը վերջերս հրետակոծված Չինարիի դպրոց
Նախագահ Արմեն Սարգսյանն այսօր Բերդի տարածաշրջանում էր։ Նա այցելեց վերջերս հրետակոծված Չինարիի դպրոց։ Նախագահը նախորդ անգամ Չինարի էր այցելել անցած տարվա նոյեմբերին։ «Ինչ-որ իմաստով դարձել եմ այս դպրոցի, այս գյուղի բարեկամը․ ես՝ որպես նախագահ, և մենք՝ որպես ընտանիք։ Իրանակությունը, որը պիտի մեզ դեպի ապագա և դեպի հաղթանակ տանի, շատ պարզ տրամաբանություն է․ մենք հաղթելու ենք,
... Ավելին.Նախագահ Արմեն Սարգսյանի այցը վերջերս հրետակոծված Չինարիի դպրոց
Նախագահ Արմեն Սարգսյանն այսօր Բերդի տարածաշրջանում էր։ Նա այցելեց վերջերս հրետակոծված Չինարիի դպրոց։ Նախագահը նախորդ անգամ Չինարի էր այցելել անցած տարվա նոյեմբերին։
«Ինչ-որ իմաստով դարձել եմ այս դպրոցի, այս գյուղի բարեկամը․ ես՝ որպես նախագահ, և մենք՝ որպես ընտանիք։
Իրանակությունը, որը պիտի մեզ դեպի ապագա և դեպի հաղթանակ տանի, շատ պարզ տրամաբանություն է․ մենք հաղթելու ենք, եթե բոլորս միասին լինենք։ Ե՛վ գյուղում ենք բոլորս միասին, և՛ մարզում ենք բոլորս միասին, և՛ Հայաստանում ենք բոլորս միասին։
Կարող ենք տարբեր կարծիքներ ունենալ, բայց, միևնույնն է, բոլորս պետք է մեկ լինենք։ Մենք պետք է պատրաստ լինենք ամեն րոպե, ամեն վայրկյան մի կողմ դնել մեր տարբերությունները և միասնական լինել», – ասաց Նախագահն իր խոսքում։
Չինարիի սահմանապահները. երեկ ամբողջ օրը նրանց գլխավերևում ԱԹՍ-ներ են պտտվել։
Չինարիի սահմանապահները. երեկ ամբողջ օրը նրանց գլխավերևում ԱԹՍ-ներ են պտտվել։ Մենք գիտակցում ենք, որ այս հողի վրա դարերի երկայքնով հայրենիքի պաշտպանների արյուն է հեղվել: Այս հողը ներծծել է իր մեջ շատ ու շատ շինականների քրտինք և այս հողն ինչ-որ վերացական կատեգորիա չէ մեզ համար: Սա մեր իրական հայրենիքն է. Տեր Աբել քահանա Քարտաշյան
... Ավելին.Չինարիի սահմանապահները. երեկ ամբողջ օրը նրանց գլխավերևում ԱԹՍ-ներ են պտտվել։
Չինարիի սահմանապահները. երեկ ամբողջ օրը նրանց գլխավերևում ԱԹՍ-ներ են պտտվել։
Մենք գիտակցում ենք, որ այս հողի վրա դարերի երկայքնով հայրենիքի պաշտպանների արյուն է հեղվել: Այս հողը ներծծել է իր մեջ շատ ու շատ շինականների քրտինք և այս հողն ինչ-որ վերացական կատեգորիա չէ մեզ համար: Սա մեր իրական հայրենիքն է. Տեր Աբել քահանա Քարտաշյան
Տավուշում հակառակորդը թիրախավորում է խաղաղ բնակչությանը
Այսօր առավոտյան Չինարիում Ցավոք, հակառակորդը թիրախավորում է խաղաղ բնակչությանը Մենք նահանջելու տեղ չունենք՝ մենք ենք ու մեր Տունը Աստված պահի Հայաստան աշխարհը և Տավուշ-Տահույսը
... Ավելին.Տավուշում հակառակորդը թիրախավորում է խաղաղ բնակչությանը
Այսօր առավոտյան Չինարիում
Ցավոք, հակառակորդը թիրախավորում է խաղաղ բնակչությանը
Մենք նահանջելու տեղ չունենք՝ մենք ենք ու մեր Տունը
Աստված պահի Հայաստան աշխարհը և Տավուշ-Տահույսը
ՍԱՀՄԱՆԱՊԱՀ ՏԱՎՈՒՇԸ ԳՆԴԱԿՈԾՈՒԹՅԱՆ ՏԱԿ Է
Վերջին օրերին ադրբեջանական զինուժի կողմից հրազենային խոշոր տրամաչափի զինատեսակներից պարբերաբար գնդակոծվում է ՀՀ հյուսիս-արևելյան հատվածի Տավուշի սահմանագիծը և այդ սահմանագծի բնակավայրերը: Սահմանային գյուղերում կատարված իրավիճակի մասին հավաստի տեղեկություններ ունենալու նպատակով, այսօր կապվել ենք սահմանապահ Չինարիի, Վազաշենի, Այգեհովիտի, Ոսկևանի, Բերքաբերի, Կոթիի և Բաղանիսի համայնքապետերի հետ. Սահմանապահ Չինարիի համայնքի ղեկավար Սամվել Սաղոյանը նշեց, որ վերջին օրերին սահմանում
... Ավելին.ՍԱՀՄԱՆԱՊԱՀ ՏԱՎՈՒՇԸ ԳՆԴԱԿՈԾՈՒԹՅԱՆ ՏԱԿ Է
Վերջին օրերին ադրբեջանական զինուժի կողմից հրազենային խոշոր տրամաչափի զինատեսակներից պարբերաբար գնդակոծվում է ՀՀ հյուսիս-արևելյան հատվածի Տավուշի սահմանագիծը և այդ սահմանագծի բնակավայրերը:
Սահմանային գյուղերում կատարված իրավիճակի մասին հավաստի տեղեկություններ ունենալու նպատակով, այսօր կապվել ենք սահմանապահ Չինարիի, Վազաշենի, Այգեհովիտի, Ոսկևանի, Բերքաբերի, Կոթիի և Բաղանիսի համայնքապետերի հետ.
Սահմանապահ Չինարիի համայնքի ղեկավար Սամվել Սաղոյանը նշեց, որ վերջին օրերին սահմանում լարվածությունը շատացել է. Սույն թվականի սեպտեմբերի 14-ին, հակառակորդի կողմից խոշոր տրամաչափի (մասնավորապես «դեշեկա») գնդացիրներով կրակել են հենց գյուղի ուղղությամբ: Գյուղապետի խոսքով՝ գնդակոծությունները նպատակային և թիրախավորված են եղել հենց գյուղի ուղղությամբ: Կրակել են երկու բնակելի տների վրա, որից մեկի խմելու ջրի բակն է վնասվել, մյուսինը՝ տանիքը և տան պատերից որոշ հատվածներ: Հակառակորդը կրակ է բացել նաև մանկապարտեզի ուղղությամբ : Բարեբախտաբար Չինարիում մարդկային կյանքին վնասող դեպքեր չեն եղել, նյութական խոշոր վնասներ չի գրանցվել: Երեկ ևս նկատվել են հրադադարի որոշակի խախտումներ, իսկ այսօր իրավիճակը խաղաղ է:
Բաղանիսի ուղղությամբ ուժգին գնդակոծությունը եղել է սույն թվականի սեպտեմբերի 12-ի լույս 13-ի գիշերը, ժամը 02:15-ի ժամանակահատվածում: Մեծ վնասներ չկան, միայն գյուղի դպրոցի սպորտդահլիճի տանիքն է վնասվել, մի քանի բնակելի տան տանիքներ և 1 ջերմոց:
Մնացած ժամանակ հանգիստ է եղել և մինչև հիմա խաղաղ է:
Մինչ այս, կարճատև կրակոցներ են եղել նաև սեպտեմբերի 2-ին, 7-ին, 9-ին՝ 5-25 րոպե տևողությամբ:
Գյուղապետ Նարեկ Սահակյանի խոսքով, հակառակորդը ակտիվանում է հիմնականում երեկոյան ժամերին (ժամը 20:00-ից սկսած): Թիրախը գյուղն է, խաղաղ բնակչությունը և ոչ մեկը ապահովագրված չէ: Պրն. Սահակյանը նշեց, որ բարեբախտաբար ցերեկային ժամերին չեն կրակում և դպրոցի ու մանկապարտեզի երեխաների անդորրը չի խախտվել:
Կոթիի վարչական ղեկավար Ֆելիքս Մելիքյանից տեղեկացանք, որ Կոթիում գնդակոծությունը սկսվել է ս.թ. սեպտեմբերի 2-ին՝ երկար տևողությամբ, այնուհետև ամսի 4-ից 6-ը, սակայն ՝թույլ : Իսկ երեկ՝ սեպտմեբերի 15-ին, գիշերը ժամը ՝ 23:45-ին հրաձգային խոշոր տրամաչափի զինատեսակներից սկսել են ուժգին կրակել գյուղի ուղղությամբ՝ մոտ տասը րոպե կրակահերթով:
Գյուղի բնակիչ 60-ամյա Սուրեն Սեփխանյանը, ով գնդակոծության պահին եղել է գյուղի կենտրոնում, ոտքից վիրավորվել է: Նրան անմիջապես տեղափոխել են Նոյմբեյանի բժշկական կնետրոն, բոլոր անհրաժեշտ միջոցները ձեռնարկել են: Թեև կյանքին վտանգ չի սպառնում, այնուամենայնիվ, հիվանդին տեղափոխել են Երևան: Նրա վիճակը լավ է:
Համայնքապետի խոսքով, հայկական կողմի արձագանքից հետո, հակառակորդն անմիջապես դադարեցրել է կրակը:
Սահմանապահ Կոթիում այլ վնասներ չկան, բացի մի քանի տանիքների թեթևակի վնասները:
Վազաշենի համայնքապետն ասաց, որ իրավիճակն արդեն խաղաղ է. «Հենակետերում կրակոց գրեթե ամեն օր կա, սակայն օրեր առաջ (սեպտեմբերի 11-ին) տեղի ունեցածն արդեն բնակավայրի ուղղությամբ էր, համացանցում տարածված տեսանյութի օրն ու պահն է, և, ի ուրախություն մեզ, ոչ մի նյութական և մարդկային վնաս չենք կրել. Երեխան է վախեցել, մնացյալ ամեն ինչ կարգին է, սովոր ենք…»
Սահմանապահ Բերքաբերի և Ոսկևանի ուղղությամբ, բարեբախտաբար, այս անգամ վտանգավոր գնդակոծություն չի եղել:
Այգեհովիտի համայնքի ղեկավարի հետ զրույցում ճշտեցինք, որ գյուղի ուղղությամբ գնդակոծությունը եղել է երկու օր առաջ, կրակը բաց է թողնվել մասնավորապես խաղողի այգիների ուղղությամբ, բերքահավաքի ժամանակ (խաղողի այգիները գտնվում են հակառակորդի անմիջապես դիտակետում՝ սահմամագծից մոտ 500-700 մ. հեռավորության վրա), որի հետևանքով վնասվել է բնակիչներից մեկի «ուազ» մեքենայի աջ կողմի դիմապակին:
Տեղացիներն անմիջապես տեղեկացրել են համապատասխան մարմիններին և դադարեցրել են խաղողաքաղը:
«Վիրիավորներ չկան: Հաջորդ օրն էլ, էլի գնացինք խաղողաքաղի: Մեզ համար սա արդեն սովորական բան է, պայքարում ենք, մեր գյուղը հենց դրա վրա է հիմնված. Մնալու ենք, արարելու ենք, պայքարելու ենք ու ստեղծելու ենք մինչև վերջ, որովհետև մեր պայքարը ազնիվ է… »,- իր խոսքը եզրափակեց համայնքի ղեկավար Լևոն Գրիգորյանը:
Տավուշի թեմի մամլո դիվան
ԴԱՐԱՎՈՐ ԼՌՈՒԹՅՈՒՆԻՑ ՀԵՏՈ ԵՊԻՍԿՈՊՈՍԱԿԱՆ ՍՈՒՐԲ ԵՎ ԱՆՄԱՀ ՊԱՏԱՐԱԳ ՍԱՀՄԱՆԱՊԱՀ ՉԻՆԱՐԻՈՒՄ
Այսօր Տավուշի թեմի հերոսական, սահմանապահ Չինարի գյուղում քրիստոնեական սիրո, հավատամքի բաց դաս էր: Գյուղի մշակույթի տանը դարերի ընդմիջումից հետո Սուրբ և Անմահ Պատարագ մատուցվեց Տավուշի թեմի առաջնորդ Տեր Բագրատ եպիսկոպոս Գալստանյանի կողմից: Բերդի տարածաշրջանի ամբողջ հոգևոր դասը, ինչպես նաև բնակիչներ ամենատարբեր համայնքներից քահանաներ Տեր Արամի և Տեր Աբելի հովվությամբ մասնակցեցին այս կարևոր իրադարձությանը: Չինարիում տարբեր հոգևոր արարողություններ
... Ավելին.ԴԱՐԱՎՈՐ ԼՌՈՒԹՅՈՒՆԻՑ ՀԵՏՈ ԵՊԻՍԿՈՊՈՍԱԿԱՆ ՍՈՒՐԲ ԵՎ ԱՆՄԱՀ ՊԱՏԱՐԱԳ ՍԱՀՄԱՆԱՊԱՀ ՉԻՆԱՐԻՈՒՄ
Այսօր Տավուշի թեմի հերոսական, սահմանապահ Չինարի գյուղում քրիստոնեական սիրո, հավատամքի բաց դաս էր: Գյուղի մշակույթի տանը դարերի ընդմիջումից հետո Սուրբ և Անմահ Պատարագ մատուցվեց Տավուշի թեմի առաջնորդ Տեր Բագրատ եպիսկոպոս Գալստանյանի կողմից: Բերդի տարածաշրջանի ամբողջ հոգևոր դասը, ինչպես նաև բնակիչներ ամենատարբեր համայնքներից քահանաներ Տեր Արամի և Տեր Աբելի հովվությամբ մասնակցեցին այս կարևոր իրադարձությանը: Չինարիում տարբեր հոգևոր արարողություններ են կատարվել՝ կնունք, օծում, օրհնություն, բայց այստեղ պատարագ մատուցվել էր դեռևս դարեր առաջ:
Չինարին երեք կողմից շրջապատված է ադրբեջանական դիրքերով և գտնվում է թշնամու ուղիղ նշանառության տակ: Չինարի գյուղում է գտնվում հայ միջնադարյան նշանավոր վարդապետարաններից մեկը՝ Խորանաշատի վանական համալիրը, Առանց Խորանաշատի հնարավոր չէ պատկերացնել հայ միջնադարյան պատմագիտական միտքը: Խորանաշատը գրչության կենտրոն էր, վանքն ունեցել է ժամանակի չափանիշներով գործող համալսարան, հիմնադիրը Մխիթար Գոշի աշակերտներից է` Վանական Վարդապետը: Խորանաշատում ուսանել են Վարդան Արևելցին, Կիրակոս Գանձակեցին, Մաղաքիա Աբեղան, Ատեփանոս Աղթամարցին, շատ այլ նշանավոր դեմքեր: Սրբավայրը հակառակորդի հենակետից ընդամենը 70 մ հեռավորության վրա է` մինչև ատամները զինված ադրբեջանցի դիպուկահարների անմիջական թիրախում: Չինարին նաև Շամշադինում առաջին համայնքն է եղել, որ քահանա զավակ է ընծայել Սուրբ Եկեղեցուն:
Վանական վարդապետի, Կիրակոս Գանձակեցու, Վարդան Արևելցու հոգևոր հայրենիքի տարիների ստիպողական հոգևոր ամլությունն այսօր փարատվում է:
Սահմանապահ Չինարիում վերաարթնացավ դարերով լռություն ունեցած Սբ. Պատարագի խորհուրդը:
Բագրատ Սրբազանն իր քարոզում անդրադարձավ այս օրերին ստանձնած իր առաքելությանը՝ Պատարագներ մատուցելու սահմանագծի ողջ երկայնքով.
«Ես հաղթեցի աշխարհին». մեր Տիրոջ այս արտահայտությունը կարծես որպես ամպհովանի մեր ամբողջ առաքելության վրա է տարածվում: Այդ խոսքերը որքան որ իրական են Իր շրթունքներից հնչած, այդքան էլ ճշմարիտ ու իրական են այսօր ու այստեղ, այս խորհրդի մեջ»:
Դիմելով չինարեցիներին՝ նա նշեց, որ հենց իրենք են, որ խոնարհությամբ սահմանագծի վրա կրում են բոլորիս արժանապատիվ կյանքը.
«Դուք այսօրվա ապրող քրիստոնեության առաջին ճակատն եք, ոչ միայն ֆիզիկական թշնամու փամփուշտների դիմաց, այլ հենց հավատքի տարածությունը գրավելու իմաստով: Քրիստոնեությունն աշխարհում շատ դժվարություններ է ապրում, շատ հարձակումներ է տեսել ու դեռ տեսնելու է: Եվ դուք նաև այս հոգևոր կյանքի առաջնագիծն եք: Այսօր ողջ քրիստոնյա աշխարհի կրողն եք, ոչ միայն առաջնագիծը, այլև վերջին հանգրվանը: Եվ այս ճանապարհով եք Հայաստանը դարձնում քրիստոնյա աշխարհի ամրոցը:
Եվ մեր կյանքն էլ պիտի լինի վայել այն մարդկանց, ովքեր հավատում են Հիսուս Քրիստոսի անվանը, հավատում են, որ Նա հաղթել է աշխարհին, և որ իրե՛նք էլ են հաղթում աշխարհին: Եվ այդ հաղթանակն այստեղ մեկ անգամ չէ, որ նվաճվել է՝ լինի դա ֆիզիկապես, լինի դա հոգևոր իմաստով, լինի դա մտքով, թե ձեր կյանքով՝ ապրելով այս գծի վրա»:
Հավարտ Սուրբ Պատարագի կատարվեց նաև Ջրօրհնեքի կարգ, խաչքավոր դարձավ Չինարի համայնքի ղեկավար պարոն Սամվել Սաղոյանը:
Չինարեցինրին ուղղված պատգամն է՝ միշտ հիշել Քրիստոսի՝ հաղթանակի մասին խոսքերը.
«Նեղության մեջ եք լինելու»: Նեղությունը ծնվել է մեր անկման ժամանակ, և մենք մահանալու ենք նեղությամբ: Բայց մեզ հույս ու կյանք տվողը Հիսուսի հռչակավոր հաղթանակի պատգամն է՝ ուղղված բոլորին. «Ես հաղթեցի աշխարհին»: Իմ ցանկությունն է, որ յուրաքանչյուր չինարեցի հենց այդ մտքով անի իր աղոթքը. «Տե՛ր, Դու հաղթեցիր աշխարհին, ես էլ Քեզ հետ եմ հաղթելու աշխարհին»:
Տավուշի թեմի առաջնորդ գերաշնորհ Բագրատ Սրբազանն այս տարի Սուրբ Պատարագ է մատուցելու սահմանի ամբողջ երկայնքով, երեկ մեկնարկը տրվեց Մովսես գյուղում, այսօր արդեն Սուրբ Պատարագի ավետիսը համակեց ամբողջ Չինարի գյուղը: