Երաժշտական ժառանգությամբ երբեմնի հարուստ վանական համալիրը կրկին անգամ զգաց հոգևոր երաժշտության զորությունը:
Ապրիլի 24, 2017
Հաղարծնի հոգևոր-մշակութային շաբաթն իր մեկնարկը տվեց հոգևոր երաժշտության բարձրակետով: Ելույթ ունեցավ «Հայաստանի փոքրիկ երգիչներ» երգչախումբը:
Հայաստանի փոքրիկ երգիչներ երգչախումբը միջազգային մրցույթների դափնեկիր է, «Եվրոպայի մշակույթի դեսպան» տիտղոսակիր մանկապատանեկան երգչախումբ, որը հիմնադրվել է 1992 թվականի նոյեմբերի 6-ին։ Երգչախումբն ակտիվ գործունեություն է ծավալում Հայաստանում և արտերկրում։ Մասնակցում է միջազգային փառատոնների, մեծ նշանակություն ունեցող պետական ծրագրերի և բարեգործական համերգների։ Երգչախմբային Արվեստի Համաշխարհային ֆեդերացիայի կողմից ճանաչվել է աշխարհի լավագույն երգչախմբերից մեկը։ Երգչախմբի հիմնադիրն ու գեղարվեստական ղեկավարն է խմբավար, մանկավարժ և Երևանի Կոմիտասի անվան կոնսերվատորիայի պրոֆեսոր Տիգրան Հեքեքյանը։