ՄԻՄՅԱՆՑ ՆԿԱՏՄԱՄԲ ՍԻՐՈ ՄԵՋ Է ՄԵՐ ՀՈՒՅՍԸ ԵՎ ՄԵՐ ՓՐԿՈՒԹՅՈՒՆԸ:
Պարտականությունն առանց սիրո մարդուն դրաձնում է դյուրագրգիռ: Պատասխանատվությունն առանց սիրո մարդուն դարձնում է անհարգալից: Արդարությունն առանց սիրո մարդուն դարձնում է անողոք: Ճշմարտությունն առանց սիրո մարդուն դրաձնում է քննադատամոլ: Բարեկրթությունն առանց սիրո մարդուն դարձնում է երկերեսանի: Խելամտությունն առանց սիրո մարդուն դարձնում է խորամանկ: Սիրալիրությունն առանց սիրո մարդուն դարձնում է կեղծավոր: Կարգապահությունն առանց սիրո մարդուն դարձնում է
... Ավելին.ՄԻՄՅԱՆՑ ՆԿԱՏՄԱՄԲ ՍԻՐՈ ՄԵՋ Է ՄԵՐ ՀՈՒՅՍԸ ԵՎ ՄԵՐ ՓՐԿՈՒԹՅՈՒՆԸ:
Պարտականությունն առանց սիրո մարդուն դրաձնում է դյուրագրգիռ:
Պատասխանատվությունն առանց սիրո մարդուն դարձնում է անհարգալից:
Արդարությունն առանց սիրո մարդուն դարձնում է անողոք:
Ճշմարտությունն առանց սիրո մարդուն դրաձնում է քննադատամոլ:
Բարեկրթությունն առանց սիրո մարդուն դարձնում է երկերեսանի:
Խելամտությունն առանց սիրո մարդուն դարձնում է խորամանկ:
Սիրալիրությունն առանց սիրո մարդուն դարձնում է կեղծավոր:
Կարգապահությունն առանց սիրո մարդուն դարձնում է մանրախնդիր:
Իրավասությունն առանց սիրո մարդուն դարձնում է անհողդողդ:
Իշխանությունն առանց սիրո մարդուն դարձնում է բռնակալ:
Պատիվն առանց սիրո մարդուն դարձնում է ամբարտավան:
Հարստությունն առանց սիրո մարդուն դարձնում է ագահ:
Հավատն առանց սիրո մարդուն դարձնում է մոլեռանդ:
ՖՈՏՈՇԱՐՔ: ՍԱՀՄԱՆԱՊԱՀ ՏԱՎՈՒՇ
Աշխարհ, որտեղ ամենաթանկ նվերը խաղաղությունն է, ամենամեծ երազանքը՝ սեփական տան բակում մանուկների ազատ խաղն ու ճիչը, բնաշխարհ, որտեղ թշնամություն ասելով բոլորը միայն մի բան են հասկանում:
... Ավելին.ՖՈՏՈՇԱՐՔ: ՍԱՀՄԱՆԱՊԱՀ ՏԱՎՈՒՇ
Աշխարհ, որտեղ ամենաթանկ նվերը խաղաղությունն է, ամենամեծ երազանքը՝ սեփական տան բակում մանուկների ազատ խաղն ու ճիչը, բնաշխարհ, որտեղ թշնամություն ասելով բոլորը միայն մի բան են հասկանում:
Չինարի գյուղի գյուղապետ Սամվել Սաղոյանն ու Տավուշի թեմի առաջնորդ Բագրատ Սրբազանը:
Տավուշի թեմի առաջնորդի խոսքերով՝ Չինարին դառնալու է խաղաղության դարպաս: Խաղաղությունը պետք է այստեղից տարածվի ամբողջ աշխարհում: Գյուղապետն էլ հպարտությամբ նշում է, որ իրենք չէին կարող չապրել այստեղ: Իրենք պատվով են ապրում այստեղ: Այն ուրախությունն ու ժպիտը,որ կա Չինարի գյուղում, դժվար է ուրիշ այլ տեղ գտնել, քանզի կքած բազում հոգսերի ու սեփական անձի, ընտանիքների անվտանգության պահպանման
... Ավելին.Չինարի գյուղի գյուղապետ Սամվել Սաղոյանն ու Տավուշի թեմի առաջնորդ Բագրատ Սրբազանը:
Տավուշի թեմի առաջնորդի խոսքերով՝ Չինարին դառնալու է խաղաղության դարպաս: Խաղաղությունը պետք է այստեղից տարածվի ամբողջ աշխարհում: Գյուղապետն էլ հպարտությամբ նշում է, որ իրենք չէին կարող չապրել այստեղ: Իրենք պատվով են ապրում այստեղ:
Այն ուրախությունն ու ժպիտը,որ կա Չինարի գյուղում, դժվար է ուրիշ այլ տեղ գտնել, քանզի կքած բազում հոգսերի ու սեփական անձի, ընտանիքների անվտանգության պահպանման բեռից, այնուամենայնիվ Չինարիում միշտ տոն է, ժպիտ, ցնծություն:
Երիտասարդաց միության կենտրոնական խորհուրդն ամփոփեց անցնող տարին:
Տավուշի թեմի բարեխնամ առաջնորդ Բագրատ եպիսկոպոս Գալստանյանն ու Երիտասարդաց միության կենտրոնական խորհրդի երիտասարդները Հաղարծին վանական համալիրում միասնական աղոթքով ամփոփեցին անցնող տարին, որից հետո քննարկումն ու գալիք տարվա ծրագրրերի մշակումները շարունակվեցին Դիլիջանում: Տավուշի թեմի առաջնորդը կարևորում է երիտասարդների ներգրավվածությունն ու դերը Տավուշի թեմական կյանքում և նրանց անմասն չի պահում ոչ մի իրադարձությունից:
... Ավելին.Երիտասարդաց միության կենտրոնական խորհուրդն ամփոփեց անցնող տարին:
Տավուշի թեմի բարեխնամ առաջնորդ Բագրատ եպիսկոպոս Գալստանյանն ու Երիտասարդաց միության կենտրոնական խորհրդի երիտասարդները Հաղարծին վանական համալիրում միասնական աղոթքով ամփոփեցին անցնող տարին, որից հետո քննարկումն ու գալիք տարվա ծրագրրերի մշակումները շարունակվեցին Դիլիջանում:
Տավուշի թեմի առաջնորդը կարևորում է երիտասարդների ներգրավվածությունն ու դերը Տավուշի թեմական կյանքում և նրանց անմասն չի պահում ոչ մի իրադարձությունից:
Սահմանամերձ Տավուշն իր սահմանապահ փոքրիկներով
Հայոց հողի հյուսիսային պահապանը: Տավուշի մարզի Մեհրաբի զորամասում է գտնվում զինվորների ձեռքով կառուցված այս հրաշք մատուռը
Մեհրաբի զորամասը համարվում է մարտական հերթապահություն իրականացնող առաջին կարգի գունդ, գտնվում է մշտական մարտական պատրաստականության վիճակում, աչքի է ընկնում օպերատիվությամբ ու աչալրջությամբ, զբաղվում մարտական պատրաստության ուսուցման ամենօրյա գործունեությամբ: Գունդը բարձր պատասխանատվությամբ և ամենայն մանրախնդրությամբ իր վրա կրում է մի շարք կարևոր առաքելություններ, այն է. անառիկ պահել ՀՀ հյուսիսարևելյան դարպասները, ապահովել սահմանամերձ համայնքների բնակչությաբ խաղաղ կենսագործունեությունը,
... Ավելին.Հայոց հողի հյուսիսային պահապանը: Տավուշի մարզի Մեհրաբի զորամասում է գտնվում զինվորների ձեռքով կառուցված այս հրաշք մատուռը
Մեհրաբի զորամասը համարվում է մարտական հերթապահություն իրականացնող առաջին կարգի գունդ, գտնվում է մշտական մարտական պատրաստականության վիճակում, աչքի է ընկնում օպերատիվությամբ ու աչալրջությամբ, զբաղվում մարտական պատրաստության ուսուցման ամենօրյա գործունեությամբ: Գունդը բարձր պատասխանատվությամբ և ամենայն մանրախնդրությամբ իր վրա կրում է մի շարք կարևոր առաքելություններ, այն է. անառիկ պահել ՀՀ հյուսիսարևելյան դարպասները, ապահովել սահմանամերձ համայնքների բնակչությաբ խաղաղ կենսագործունեությունը, մշտապես պատրաստ լինել հակառակորդի ցանկացած ոտնձգությաննն արժանի հակահարված տալուն:
Գնդում բարձր հիմքերի վրա է դրված ռազմահայրենասիրական դաստիարակությունը: Պարբերաբար հանդիպումներ են կազմակերպվում ինչպես Մեծ հայրենականի այնպես էլ Արցախյան պատերազմի վետերանների ու զինվորների միջև:
Զորամասում բարձր հիմքերի վրա է դրված զինծառայողների հոգևոր դաստիարակությունը: Զորամասն այն բացառիկներից է, որն ունի Սուրբ Սարգիս զորավարի անունով եկեղեցի, որտեղ պարբերաբար մատուցվում է Պատարագ:
Շռայլություն է մեզ համար ապրել և չսիրել միմյանց
«Շռայլություն է մեզ համար ապրել և չսիրել միմյանց: Այո, կլինեն գաղափարաների տարբերություններ` քաղաքում, գյուղում, դպրոցում, փողոցում, խանութում, ամենուր, և պետք է, որ լինեն այդ տարբերությունները, բայց այդ պատճառով ատելություն չենք կարող ունենալ, դա մեզ համար չափից շատ է: Ատելությունը մեր տանը տեղ չունի, և անհանդուրժող ենք լինելու բոլոր նրանց նկատմամբ, ովքեր այդ մտայնությամբկմտնեն այդ տան
... Ավելին.Շռայլություն է մեզ համար ապրել և չսիրել միմյանց
«Շռայլություն է մեզ համար ապրել և չսիրել միմյանց: Այո, կլինեն գաղափարաների տարբերություններ` քաղաքում, գյուղում, դպրոցում, փողոցում, խանութում, ամենուր, և պետք է, որ լինեն այդ տարբերությունները, բայց այդ պատճառով ատելություն չենք կարող ունենալ, դա մեզ համար չափից շատ է: Ատելությունը մեր տանը տեղ չունի, և անհանդուրժող ենք լինելու բոլոր նրանց նկատմամբ, ովքեր այդ մտայնությամբկմտնեն այդ տան տարածքից ներս»:
Տահույսի հոգևոր զարկերակ Բագրատ Եպիսկոպոս Գալստանյան
Տավուշի թեմի երիտասարդաց միությունը մասնակցեց Սրբալույս Մյուռոնի օրհնության արարողությանը:
Մայր Աթոռ Սուրբ Էջմիածնում 2016թ. սեպտեմբերի 27-ին տեղի ունեցավ սրբալույս Մյուռոնի օրհնության արարողությունը, որն ավանդաբար տեղի է ունենում 7 տարին մեկ անգամ: Ամենայն հայոց կաթողիկոսը հայ եկեղեցու մեծագույն սրբություններով օրհնեց սրբալույս Մյուռոնը, որը բաշխվեց մեր եկեղեցու բոլոր թեմերին: Մյուռոնն ունի երկու էական բաղադրիչ` ձիթենու յուղ և բալասան, որոնց խառնվում է 40-ից ավել տարբեր հոտավետ խունկերի,
... Ավելին.Տավուշի թեմի երիտասարդաց միությունը մասնակցեց Սրբալույս Մյուռոնի օրհնության արարողությանը:
Մայր Աթոռ Սուրբ Էջմիածնում 2016թ. սեպտեմբերի 27-ին տեղի ունեցավ սրբալույս Մյուռոնի օրհնության արարողությունը, որն ավանդաբար տեղի է ունենում 7 տարին մեկ անգամ:
Ամենայն հայոց կաթողիկոսը հայ եկեղեցու մեծագույն սրբություններով օրհնեց սրբալույս Մյուռոնը, որը բաշխվեց մեր եկեղեցու բոլոր թեմերին:
Մյուռոնն ունի երկու էական բաղադրիչ` ձիթենու յուղ և բալասան, որոնց խառնվում է 40-ից ավել տարբեր հոտավետ խունկերի, ծաղիկների, անուշահոտ բույսերի արմատների, ծաղկաջրերի, յուղային հյութերի և տերևների միաշաղախված հեղուկը: Մյուռոնօրհնությունից 40 օրեր առաջ մաքուր ձիթենու յուղով Մյուռոնի կաթսան դրվում Ս. Էջմիածնի Մայր Տաճարի Ավագ Ս. Խորանի վրա` ծածկվելով նրբահյուս շղարշով: Նշված օրերին երեկոյան ժամերգությունից հետո կատարվում է հատուկ արարողություն` իբրև նախապատրաստություն առաջիկա Մյուռոնօրհնության:
Հայոց Եկեղեցում Ս. Մյուռոնի օրհնությունը վերապահված է Ամենայն Հայոց Կաթողիկոսին, ով այն օրհնում է մեր եկեղեցու ավանդական երեք սրբություններով` Տիրոջ խաչափայտի մասունքով Կենաց Խաչով, աստվածամուխ Ս. Գեղարդով և Ս. Գր. Լուսավորչի Աջով:
Հայոց Եկեղեցում Մյուռոնի գործածությունը գալիս է առաքելական ժամանակներից: Ըստ ազգային ավանդության` Քրիստոսի օրհնած յուղը Հայաստան է բերել Հայոց աշխարհի առաջին լուսավորիչ Ս. Թադեոս առաքյալը: Նա իր հետ բերած սրբազան յուղով օծում է հիվանդ Աբգար թագավորին և բժշկում նրան: Այնուհետև առաքյալը մեկնում է Տարոն, ուր մշտադալար մի եղերդենու տակ թաղում է շշով բերած իր յուղը: Հետագայում Ս. Գրիգորին երևացած տեսիլքի միջոցով Հայոց առաջին Հայրապետը գտնում է Ս. Թադեոսի թաղած սուրբ յուղը և խառնում իր օրհնած Մյուռոնին: Ամեն անգամ, երբ Ամենայն Հայոց Կաթողիկոսը նոր Մյուռոն է օրհնում, Լուսավորչավանդ հին Մյուռոնը խառնում է նորին, որպեսզի հնի մեջ պահպանվող Շնորհը փոխանցվի նոր Մյուռոնին:
Մեր եկեղեցում Մյուռոնով է կատարվում Ս. Դրոշմի խորհուրդը, քահանայական, եպիսկոպոսական և կաթողիկոսական օծումները: Հնում Մյուռոնով են օծվել նաև հայ թագավորները: Մյուռոնով են օծվում նորակառույց եկեղեցու հիմքի խաչապատկեր քարե սալիկները, գմբեթի խաչը, եկեղեցու նավակատիքին` Ս. Խորանը և նրա վրայի Հիսուս մանկան հետ Տիրամոր նկարը, եկեղեցու սյուները և պատերը: Ամեն տարի` հունվարի 6-ին, Ս. Ծննդյան և Աստվածհայտնության տոնին, Ս. Պատարագից հետո կատարվող ջրօրհնեքի ժամանակ Մյուռոնը հեղվում է Հորդանան գետը խորհրդանշող ավազանի մեջ` ի հիշատակ մկրտության ժամանակ Հորդանանում Հիսուս վրա Ս. Հոգու էջքի:
Սրբալույս Մյուռոնի օրհնությունը նվիրական արարողություն է ամեն հայի համար: Այն միավորիչ ուժն է աշխարհասփյուռ հայության և շաղախող հզոր ուժը մեր «փոքր ածուի» անցյալի և ներկայի: Ս. Մյուռոնը մշտապես հիշեցնում է, որ մենք` իբրև քրիստոնյաներ, մկրտվել և ծնվել ենք Հայոց Եկեղեցու Ս. Ավազանից` մեր ճակատին կրելով Ս. Հոգու խորհրդանիշ Ս. Մյուռոնի կնիքը: Հայ ժողովուրդը դարերի ընթացքում և այժմ էլ այս խորհրդով և հոգևոր բարձր գիտակցությամբ է առաջնորդվել և ապրել Մայր Աթոռ Ս. Էջմիածնի մշտաբաշխ օրհնության ներքո: Ս. Մյուռոնն իր ճակատին կրող յուրաքանչյուր հայորդու համար այն դարձել է նաև սրբության և ազգային դրոշմի խորհրդանիշ, որն իր արտացոլումն է գտել նաև մեր ժողովրդի հոգեբանության և մտածողության մեջ:
Տավուշի թեմի երիտասարդաց միությունը հոգևորականների գլխավորությամբ ուխտագնացության մեկնեց Մայր Աթոռ Ս. Էջմիածին՝ մասնակցելու Սրբալույս Մյուռոնի օրհնության արարողությանը։
Դիլիջանի Սուրբ Խաչ եկեղեցու երիտասարդաց միություն
