Տոներ
Խորանաշատ 800․ Հանրապետության տոն․ Պատարագ սահմանապահ Խորանաշատում
Խորանաշատի վարդապետարանը 800 տարեկան է։ Վանքի հանրահռչակման միջոցառումների շարք է սկսվել։ Այսօր մեծաթիվ ուխտավորներով՝ զինվորականների ուղեկցությամբ և նրանց պահպանությանը ապավինելով, Սուրբ Պատարագ մատուցվեց Տավուշի թեմի առաջնորդ Բագրատ եպիսպոկոս Գալստանյանի ձեռամբ։ Հարյուրամյակների բաժանումից հետո, Խորանաշատի վանքում գրված Ավետարանը վերադարձավ իր ծննդավայր։ Մաշտոցյան մատենադարանի պատմության մեջ առաջին անգամ Ավետարանը գիշերը չի վերադառնա Մատենադարան, այլ կգիշերի հայրենի տանը՝
... Ավելին.Խորանաշատ 800․ Հանրապետության տոն․ Պատարագ սահմանապահ Խորանաշատում
Խորանաշատի վարդապետարանը 800 տարեկան է։ Վանքի հանրահռչակման միջոցառումների շարք է սկսվել։ Այսօր մեծաթիվ ուխտավորներով՝ զինվորականների ուղեկցությամբ և նրանց պահպանությանը ապավինելով, Սուրբ Պատարագ մատուցվեց Տավուշի թեմի առաջնորդ Բագրատ եպիսպոկոս Գալստանյանի ձեռամբ։
Հարյուրամյակների բաժանումից հետո, Խորանաշատի վանքում գրված Ավետարանը վերադարձավ իր ծննդավայր։ Մաշտոցյան մատենադարանի պատմության մեջ առաջին անգամ Ավետարանը գիշերը չի վերադառնա Մատենադարան, այլ կգիշերի հայրենի տանը՝ Խորանաշատում։
Տոնակատարությունները շարունակվում են․․․
ՀԱՄԲԱՐՁՄԱՆ ՏՈՆ։ ԻՋԵՎԱՆԻ ՍՈՒՐԲ ԱՄԵՆԱՓՐԿԻՉ ԵԿԵՂԵՑՈՒ 10-ԱՄՅԱԿ
Այսօր քառատոն է․ -Հիսուս Քրիստոսի Համբարձման տոն, -Իջևանի Սուրբ Ամենափրկիչ եկեղեցու վերաօծման օր, -Սարդարապատի հերոսամարտի օր, -Ավարայրի ճակատամարտի օր։ Իջևանի Սուրբ Ամենափրկիչ եկեղեցում այսօր Պատարագ մատուցեց Տեր Աբել քահանա Քարտաշյանը, այնուհետև հավատացյալները մեծ շուքով կատարեցին Համբարձման տոնի ժողովրդական ծեսը։ Իջևանի Սուրբ Ամենափրկիչ եկեղեցին գտնվում է Իջևանի հին թաղամասում՝ Ժամի թաղում։ Նախկինում այնտեղ նույնպես եկեղեցի է
... Ավելին.ՀԱՄԲԱՐՁՄԱՆ ՏՈՆ։ ԻՋԵՎԱՆԻ ՍՈՒՐԲ ԱՄԵՆԱՓՐԿԻՉ ԵԿԵՂԵՑՈՒ 10-ԱՄՅԱԿ
Այսօր քառատոն է․
-Հիսուս Քրիստոսի Համբարձման տոն,
-Իջևանի Սուրբ Ամենափրկիչ եկեղեցու վերաօծման օր,
-Սարդարապատի հերոսամարտի օր,
-Ավարայրի ճակատամարտի օր։
Իջևանի Սուրբ Ամենափրկիչ եկեղեցում այսօր Պատարագ մատուցեց Տեր Աբել քահանա Քարտաշյանը, այնուհետև հավատացյալները մեծ շուքով կատարեցին Համբարձման տոնի ժողովրդական ծեսը։
Իջևանի Սուրբ Ամենափրկիչ եկեղեցին գտնվում է Իջևանի հին թաղամասում՝ Ժամի թաղում։ Նախկինում այնտեղ նույնպես եկեղեցի է գործել, որը Խորհրդային տարիներին վեր է ածվել կինոթատրոնի։ Հայաստանի վերանկախացումից հետո իջևանցի Անդրանիկ Ղազարյանը ցանկացավ հին եկեղեցու տեղում կրկին եկեղեցի կառուցել, և 2010թ-ի մայիսի 26-ին օծվեց Սուրբ Ամենափրկիչ եկեղեցին։
12 ՄՈՆԹԵԱԿԱՆՆԵՐ ՄԿՐՏՎԵՑԻՆ ԳՈՇԱՎԱՆՔՈՒՄ
Խաչի երևման տոնին ռազմամարզական վարժարանի ավարտական կուրսի 12 սաներ մկրտվեցին Գոշավանքում։ «Պարծենալու այլ բան չունենաք, քան ԱՍՏՎԱԾ, ՀԱՅՐԵՆԻՔՆ ու ԱԶԳԸ։ Հուսով եմ, որ իրենք կրթությամբ, հմտություններով և, հատկապես, հոգով ու նվիրումով կգան ոչ միայն համալրելու մեր բանակի սպայական կազմը, այլ նաև իրենց մեծագույն ներդրումը բերելու, մեր բանակը վերստին դարձնելու ՀԱՂԹԱՆԱԿԱԾ բանակ» – ասաց Բագրատ Սրբազանը
... Ավելին.12 ՄՈՆԹԵԱԿԱՆՆԵՐ ՄԿՐՏՎԵՑԻՆ ԳՈՇԱՎԱՆՔՈՒՄ
Խաչի երևման տոնին ռազմամարզական վարժարանի ավարտական կուրսի 12 սաներ մկրտվեցին Գոշավանքում։
«Պարծենալու այլ բան չունենաք, քան ԱՍՏՎԱԾ, ՀԱՅՐԵՆԻՔՆ ու ԱԶԳԸ։
Հուսով եմ, որ իրենք կրթությամբ, հմտություններով և, հատկապես, հոգով ու նվիրումով կգան ոչ միայն համալրելու մեր բանակի սպայական կազմը, այլ նաև իրենց մեծագույն ներդրումը բերելու, մեր բանակը վերստին դարձնելու ՀԱՂԹԱՆԱԿԱԾ բանակ» – ասաց Բագրատ Սրբազանը մկրտվողներին ուղղված խոսքում։
Հայաստանի տարբեր ծագերից եկած, Դիլիջանի անտառապատ բարձունքին ապրող և սովորող աղջիկներն ու տղաները պատրաստության շրջան էին անցել մինչև մկրտությունը։
Շնորհավորում ենք, սիրելի՛ մոնթեականներ, որ դարձաք մեր մեծ քրիստոնեական ընտանիքի անդամ։
ԽՈՐԱՆԱՇԱՏ 800․ ՈԳԵՂԵՆ ՍԱՀՄԱՆԱՊԱՀԸ
Այս տարի տոնում ենք միջնադարյան Հայաստանի կրթական կենտրոններից մեկի՝ Խորանաշատի վանքի 800-ամյակը։ Այս առիթով Մաշտոցյան մատենադարանի պատմության մեջ առաջին անգամ Խորանաշատի վանքում 1224թ-ին ստեղծված Ավետարանը կտեղափոխվի Խորանաշատի վանք։ Այսօր Մաշտոցյան մատենադարանում տեղի ունեցավ մամլո ասուլիս, որին հաջորդեց «Խորանաշատի ձեռագրական գանձերը» խորագրով ցուցահանդեսի բացումը. ներկայացված են Խորանաշատի վանքում ստեղծված ձեռագրերի նմուշներ։ Սրանով ազդարարվեց Խորանաշատի 800-ամյակին նվիրված
... Ավելին.ԽՈՐԱՆԱՇԱՏ 800․ ՈԳԵՂԵՆ ՍԱՀՄԱՆԱՊԱՀԸ
Այս տարի տոնում ենք միջնադարյան Հայաստանի կրթական կենտրոններից մեկի՝ Խորանաշատի վանքի 800-ամյակը։ Այս առիթով Մաշտոցյան մատենադարանի պատմության մեջ առաջին անգամ Խորանաշատի վանքում 1224թ-ին ստեղծված Ավետարանը կտեղափոխվի Խորանաշատի վանք։
Այսօր Մաշտոցյան մատենադարանում տեղի ունեցավ մամլո ասուլիս, որին հաջորդեց «Խորանաշատի ձեռագրական գանձերը» խորագրով ցուցահանդեսի բացումը. ներկայացված են Խորանաշատի վանքում ստեղծված ձեռագրերի նմուշներ։ Սրանով ազդարարվեց Խորանաշատի 800-ամյակին նվիրված միջոցառումների սկիզբը։
Ցուցադրությունը բաց կլինի մինչև մայիսի 24-ը։
Միջոցառումները կշարունակվեն մայիսի 28-ին և 29-ին։ Մայիսի 28-ին Խորանաշատի վանքում կմատուցվի եպիկոպոսական Սուրբ Պատարագ։
«Ժամանակին Խորանաշատը գտնվում էր Հայաստանի սրտում, պատմության հոլովույթում այն դարձել է սահմանապահ վանք` ուղղակիորեն գտնվելով թշնամու դիրքերից մոտ 100մ հեռավորության վրա։ Վանքից մոտ 150մ վեր գտնվում է Վանական վարդապետի շիրիմը, որն է՛լ ավելի մոտ է սահմանագծին։
5 տարի առաջ Խորանաշատում, երկարդարյա ընդմիջումից հետո, Սուրբ Պատարագ մատուցվեց։ Բայց չմատուցվեց սովորական Պատարագ, այլ եպիսկոպոսական Պատարագ՝ թեմակալ առաջնորդի ձեռամբ։
Այս տարիների ընթացքին պարբերաբար և՛ Պատարագ ենք մատուցել, և՛ հոգևոր զանազան արարողություններ ենք կատարել՝ մեր զինված ուժերի մասնակցությամբ և պահպանությամբ։
Մեզ համար շատ կարևոր է հենց մայիս 28-ը, որովհետև այդ օրը մենք այլ տեղ չենք կարող լինել, քան մեր պետության սահմանագլխին գտնվող վանքում, որը ոչ միայն հոգևոր արժեք է, ոչ միայն կրթական ու մշակութային բովանդակության կրող է, այլ նաև իր ֆիզիկական ներկայությամբ վկայում է մեր պետականության սահմանի մասին։ Այս պատճառով մայիս 28-ը հռչակեցինք Խորանաշատի վանքի ուխտի օր։
Այս՝ արդեն 5-րդ տարում, երբ նշվում է Խորանաշատի 800-ամյակը, մայիս 28-ին մենք մեր ուխտն ու հանձնառությունն ենք վերանորոգելու մեր հոգևոր կյանքի հանդեպ՝ հավատարմություն հայտնելով մեր Աստծուն, մեր հայրերին, մեր ժառանգությանը, մեր ինքնությանը և անելիքներին՝ թե ինչ և ինչպես ենք անելու։ Սա անչափ կարևոր է մեզ համար։
Խորանաշատի 800-ամյակը մեզ համար ուղղակի հիշեցում չի լինելու՝ հիշեցինք, անցանք առաջ, այն լինելու է մեր կյանքի վերատեսության կարևոր հանգրվաններից մեկը։
Գոշավանքն է Խորանաշատի վանքի մայրը՝ Մխիթար Գոշի աշակերտ Վանական վարդապետն է Խորանաշատի հիմնադիրը։ Գոշավանքը, Խորանաշատի և մի շարք այլ վանքերի մայրը լինելով, առանց պետականության, առանց բազմահազար փորձագետների և մասնագետների, շուրջ 250 տարի մեր հոգևոր, գիտական, կրթական կյանքը պահել՝ Գոշավանքից հասցնելով մինչև Տաթևի վանք»- ասաց Բագրատ Սրբազանն իր խոսքում։
«Խորանաշատ 800-ամյակի» նախաձեռնող խմբի համակարգող Գևորգ Սաղոյանը, ով ծնունդով Չինարեցի է (Խորանաշատի վանքը գտնվում է Չինարի գյուղի բարձունքին), իր խոսքում ասաց – «Ժամանակին այս վանքն անհասանելի էր և միայն զինվորականներն էին կարողանում այցելել վանք։ Տարիների ընթացքում մեր փառապանծ բանակի և շրջակա համայնքների բնակիչների շնորհիվ այսօր ունենք իրավիճակ, երբ կարող ենք Պատարագ մատուցել ու միջոցառում կազմակերպել վանքում»։
«Կիրակոս Գանձակեցուց իմանում ենք, որ Խորանաշատը եղել է միջավայր, որտեղ մարդիկ եկել են ոչ միայն իրենք հոգևոր կյանքը հղկելու, միտքը զարգացնելու, այլ Վանական վարդապետը ներկայությունը, շարժուձևը արդեն անգիր օրենք էր աշակերտների համար»- ասաց ԿԳՄՍ նախարարի տեղակալ Արա Խզմալյանը։
Ասուլիսին մասնակցում էին Մեսրոպ Մաշտոցի անվան Մատենադարանի տնօրեն Վահան Տեր-Ղևոնդյանը, գիտական քարտուղար Վահե Թորոսյանը։ Մատենադարանի կողմից պատրաստվել և հրատարակվել է Խորանաշատի 800-ամյակին նվիրված պատկերագիրք, որի շնորհանդեսը տեղի կունենա մայիսի 28-ին։
Շնորհավո՛ր տոնդ, Խորանաշատի վանք, Շնորհակալությո՛ւն քեզ, Վանական վարդապետ,Սիրելի՛ վարդապետ, բարեխոս եղիր Տիրոջը Հայաստան աշխարհի հարատևության համար։
Սրբազանի խոսքը՝ հարության հաղթանակի տեսիլքով
Բոլորիդ սրտերը թող միայն հաղթանակի ու սխրանքի մասին մտածեն։ Այս օրերը դավաճանության և ուրացումի օրեր են։ Այս օրերը մեր ինքնության, նկարագրի վաճառքի օրեր են, այնպես, ինչպես Հուդան է 30 արծաթով վաճառում իր ինքնությունը՝ իր Տիրոջը։ Դա չի փոխվել, բայց չեն փոխվել նաև հարությունն ու հաղթանակը։ Մենք կոչված ենք ընթանալու դեպի այդ ճանապարհը։ Այն առաքյալները, որ
... Ավելին.Սրբազանի խոսքը՝ հարության հաղթանակի տեսիլքով
Բոլորիդ սրտերը թող միայն հաղթանակի ու սխրանքի մասին մտածեն։
Այս օրերը դավաճանության և ուրացումի օրեր են։ Այս օրերը մեր ինքնության, նկարագրի վաճառքի օրեր են, այնպես, ինչպես Հուդան է 30 արծաթով վաճառում իր ինքնությունը՝ իր Տիրոջը։
Դա չի փոխվել, բայց չեն փոխվել նաև հարությունն ու հաղթանակը։ Մենք կոչված ենք ընթանալու դեպի այդ ճանապարհը։
Այն առաքյալները, որ Հիսուսի հետ ամեն օր ապրում էին, այն առաքյալները, որ Հիսուսի հետ անցան, մեծամասամբ, փառքի ճանապարհով, հենց հասավ դժվարության ժամը, մեկը դավաճանեց, մեկը ուրացավ, մյուսները փախուտ տվեցին։
Անշուշտ, հետո, երբ նորից տեսան արդեն հաղթանակած, հարություն առած վարդապետին, բոլորը վերստին հավաքվեցին։Սա մարդու իրական պատկերն է, այն, ինչ այսօր տեղի է ունենում մեր երկրում․ փառքի ու հաղթանակի ժամանակներին բոլորը մեր Հայաստանի ու Արցախի շուրջն էին, դժվարության ու խոցման ժամին ոմանք դավաճանում են, ոմանք ուրանում են, ոմանք էլ փախուսստ են տալիս։Ես հավատում եմ մեր համընդհանուր ՀԱՐՈՒԹՅԱՆՆ ՈՒ ՀԱՂԹԱՆԱԿԻՆ։
Չեմ կասկածում, որովհետև ուզում եմ ոչ միայն պատմել Հիսուսի պատմությունը, այլ ապրել այն ամբողջությամբ՝ Իր արյունով, Իր խաչով և ապա Իր հաղթանակով։ Մեզ համար ուրիշ տարբերակ չկա։Ով չի հավատում այդ տեսիլքին, նա ոչ հայության հետ կապ ունի, ոչ Աստծու հետ կապ ունի, ոչ ժառանգության հետ կապ ունի, ոչ ճախրանքի ու սխրանքի հետ կապ ունի, նա մթության մեջ եկող գող է, նա համբույրով ու փողով դավաճանող է, ինչպես այսօրվա «հերոսը»։
Այս խավարի միջից հարության լույսը մեզ կոչում է հաղթանակի և կոչում է ասելու․ «Հա՛յր, եթե կամենում ես, այս բաժակը հեռացրո՛ւ մեղնից, բայց ոչ թե մեր կամքը, այլ քո՛նը թող լինի»։
ԱՎԱԳ ՈՒՐԲԱԹ․ ԽԱՉԵԼՈՒԹՅՈՒՆ ԵՎ ԹԱՂՈՒՄ
Ավագ ուրբաթ օրը Տերը Հուդայի մատնությամբ ձերբակալվեց, ծեծի ու ծաղրի ենթարկվեց և ապա, Իր վրա վերցնելով Ադամի անեծքն ու դատապարտությունը, խաչի վրա մեռնելով, բացեց Իր կողը, և կողից բխած ջրով լվաց մարդու մեղքերը, իսկ բխած արյամբ մեզ գնեց չարի ծառայությունից (Մատթ. 26:47-27:56): Ավագ ուրբաթը Հիսուս Քրիստոսի չարչարանքների, խաչելության, մահվան ու թաղման օրն է: Այսօր տեղի
... Ավելին.ԱՎԱԳ ՈՒՐԲԱԹ․ ԽԱՉԵԼՈՒԹՅՈՒՆ ԵՎ ԹԱՂՈՒՄ
Ավագ ուրբաթ օրը Տերը Հուդայի մատնությամբ ձերբակալվեց, ծեծի ու ծաղրի ենթարկվեց և ապա, Իր վրա վերցնելով Ադամի անեծքն ու դատապարտությունը, խաչի վրա մեռնելով, բացեց Իր կողը, և կողից բխած ջրով լվաց մարդու մեղքերը, իսկ բխած արյամբ մեզ գնեց չարի ծառայությունից (Մատթ. 26:47-27:56):
Ավագ ուրբաթը Հիսուս Քրիստոսի չարչարանքների, խաչելության, մահվան ու թաղման օրն է: Այսօր տեղի է ունենում Խաչելության կարգ: Երեկոյան ժամերգությունից հետո նախատոնակի արարողության ընթացքում կատարվում է Թաղման կարգ, երբ Հիսուս Քրիստոսի խորհրդանշական գերեզմանը՝ պատրաստված ծաղիկներից և ծառի ճյուղերից, պտտում են եկեղեցու շուրջ՝ ի տես հավատավոր ժողովրդի:
Իջևանի Սուրբ Ներսես Շնորհալի եկեղեցի
ԱՎԱԳ ՀԻՆԳՇԱԲԹԻ․ ԽԱՎԱՐՄԱՆ ԿԱՐԳ
Ավագ Հինգշաբթի երեկոյան հիշատակում ենք Քրիստոսի մատնությունը։ Խավարման կարգ Իջևանի Սուրբ Ներսես Շնորհալի եկեղեցում։
... Ավելին.ԱՎԱԳ ՀԻՆԳՇԱԲԹԻ․ ԽԱՎԱՐՄԱՆ ԿԱՐԳ
Ավագ Հինգշաբթի երեկոյան հիշատակում ենք Քրիստոսի մատնությունը։
Խավարման կարգ Իջևանի Սուրբ Ներսես Շնորհալի եկեղեցում։
ԱՎԱԳ ՀԻՆԳՇԱԲԹԻ․ ՄԱՏՆՈՒԹՅՈՒՆ
Ավագ Հինգշաբթի երեկոյան հիշատակում ենք Քրիստոսի մատնությունը։ Իջևանի Սուրբ Ներսես Շնորհալի եկեղեցի։
... Ավելին.ԱՎԱԳ ՀԻՆԳՇԱԲԹԻ․ ՄԱՏՆՈՒԹՅՈՒՆ
Ավագ Հինգշաբթի երեկոյան հիշատակում ենք Քրիստոսի մատնությունը։
Իջևանի Սուրբ Ներսես Շնորհալի եկեղեցի։
ԱՎԱԳ ՀԻՆԳՇԱԲԹԻ․ ՈՏՆԼՎԱ
«Դուք ինձ Վարդապետ և Տեր եք կոչում. և լավ եք անում, քանի որ իսկապես ե՛մ: Իսկ արդ, եթե ես՝ Տերս և Վարդապետս, լվացի ձեր ոտքերը, դուք էլ պարտավոր եք միմյանց ոտքերը լվանալ, որովհետև մի օրինակ տվի ձեզ, որ, ինչպես ես ձեզ արեցի, դուք էլ նույն ձևով անեք» (Հովհ. 13:13-15) Ավագ հինգշաբթի օրը Տերը գալիս է
... Ավելին.ԱՎԱԳ ՀԻՆԳՇԱԲԹԻ․ ՈՏՆԼՎԱ
«Դուք ինձ Վարդապետ և Տեր եք կոչում. և լավ եք անում, քանի որ իսկապես ե՛մ: Իսկ արդ, եթե ես՝ Տերս և Վարդապետս, լվացի ձեր ոտքերը, դուք էլ պարտավոր եք միմյանց ոտքերը լվանալ, որովհետև մի օրինակ տվի ձեզ, որ, ինչպես ես ձեզ արեցի, դուք էլ նույն ձևով անեք» (Հովհ. 13:13-15)
Ավագ հինգշաբթի օրը Տերը գալիս է Վերնատուն, որը Եկեղեցու օրինակն է, այնտեղ ուտում զատկական գառը, լվանում է Իր աշակերտների ոտքերը, նրանց հաղորդ դարձնում Իր Մարմնին ու Արյանը՝ այսպիսով հաստատելով Ս. Հաղորդության խորհուրդը, իսկ գիշերը ելնում է Ձիթենյաց լեռ, Իր աստվածային գլուխը գետին խոնարհելով՝ աղոթում Հորը և ապա ձերբակալվում (Մատթ. 26:17-46): Տերը նախ լվաց աշակերտների ոտքերը, ապա տվեց Իր Մարմինն ու Արյունը՝ կամենալով նախ սրբել նրանց ադամական մեղքից և հետո տալ Ս. Հաղորդության խորհուրդը:
Իջևանի Սուրբ Ներսես Շնորհալի եկեղեցի