Սահմանապահ Տավուշ
ՎԱՐԱԳԱ ՍՈՒՐԲ ԽԱՉԸ ՀԱՍԱՎ ՇԱՄՇԱԴԻՆ
Արդեն տասնչորս տարի է՝ Վարագա Սուրբ Խաչի տոնի օրերին Տավուշ աշխարհը բացառիկ պատվի է արժանանում. տերունական Խաչափայտի մասունքը վերադառնում է Իր տուն՝ Նոր Վարագավանք: Արդեն երրորդ տարին է, որ Վարագա Սուրբ Խաչը շրջապտույտ է կատարում բոլոր տարածաշրջաններով՝ տավուշցիներին մեր Տիրոջ ֆիզիկական ներկայությանը հպվելու հնարավորություն տալով: «Մերն է պատիվը և օրհնությունը, որ Աստված մեզ այսպիսի մեծ
... Ավելին.ՎԱՐԱԳԱ ՍՈՒՐԲ ԽԱՉԸ ՀԱՍԱՎ ՇԱՄՇԱԴԻՆ
Արդեն տասնչորս տարի է՝ Վարագա Սուրբ Խաչի տոնի օրերին Տավուշ աշխարհը բացառիկ պատվի է արժանանում. տերունական Խաչափայտի մասունքը վերադառնում է Իր տուն՝ Նոր Վարագավանք: Արդեն երրորդ տարին է, որ Վարագա Սուրբ Խաչը շրջապտույտ է կատարում բոլոր տարածաշրջաններով՝ տավուշցիներին մեր Տիրոջ ֆիզիկական ներկայությանը հպվելու հնարավորություն տալով:
«Մերն է պատիվը և օրհնությունը, որ Աստված մեզ այսպիսի մեծ սրբության պահակներն է կարգել, և դա այլ վայրում չէ, քան հերոսական Բերդ աշխարհում, Շամշադինում և Տավուշում ընդհանրապես:
Մենք խորապես հավատում ենք, որ այս օրհնությունը տարածական շարժում ունի և գնում է ամենուր՝ ընդունողին և չընդունողին, զգացողին և անզգային, իմաստունին և տգետին, քանդողին և կառուցողին, հափշտակողին և արդարորեն բաշխողին: Նրանք, ովքեր կընդունեն, կփոխեն իրենց կյանքը և իրենց կյանքով պատճառ կլինեն բոլորիս կյանքի փոփոխությանը»:
ՎԱՐԱԳԱ ՍՈՒՐԲ ԽԱՉԸ ՀԱՍԱՎ ՏՈՒՆ
ԵՐԱՆԵԼԻ ԵՆՔ Տարվա բացառիկ օրերից,ՄԻ ԳԻՇԵՐ ՎԱՐԱԳԱՎԱՆՔՈՒՄ Թեմակալ առաջնորդ Բագրատ Սրբազանի օրհնությամբ Տավուշի թեմի երիտասարդները Վարագա Սուրբ խաչի պահպանություն կատարեցին վանքում: ԱՅԴ ԳԻՇԵՐ ԱՂՈԹՔՈՎ ՆԿԱՐԵԼ ԵՆՔ ՍԵՐՆ ՈՒ ԲԱՐՈՒԹՅՈՒՆԸ,ԳԱՄԵԼ ՆՐԱՆՑ ՄԵՐ ՀՈԳՈՒՆ,Երբեք վանքի հատակն այդքան տաք չէր եղել ու մթությունն այդքան լուսավոր,,, ԵՐԱՆԵԼԻ ԵՆՔ,,,,,
... Ավելին.ՎԱՐԱԳԱ ՍՈՒՐԲ ԽԱՉԸ ՀԱՍԱՎ ՏՈՒՆ
ԵՐԱՆԵԼԻ ԵՆՔ
Տարվա բացառիկ օրերից,ՄԻ ԳԻՇԵՐ ՎԱՐԱԳԱՎԱՆՔՈՒՄ
Թեմակալ առաջնորդ Բագրատ Սրբազանի օրհնությամբ Տավուշի թեմի երիտասարդները Վարագա Սուրբ խաչի պահպանություն կատարեցին վանքում: ԱՅԴ ԳԻՇԵՐ ԱՂՈԹՔՈՎ ՆԿԱՐԵԼ ԵՆՔ ՍԵՐՆ ՈՒ ԲԱՐՈՒԹՅՈՒՆԸ,ԳԱՄԵԼ ՆՐԱՆՑ ՄԵՐ ՀՈԳՈՒՆ,Երբեք վանքի հատակն այդքան տաք չէր եղել ու մթությունն այդքան լուսավոր,,,
ԵՐԱՆԵԼԻ ԵՆՔ,,,,,
ՎԱՐԱԳԱ ՍՈՒՐԲ ԽԱՉԱՓԱՅՏԻ ՄԱՍՈՒՆՔԸ ԳՈՇԱՎԱՆՔՈՒՄ
Սեպտեմբերի 30-ին Քրիստոսի Խաչափայտի մասունքակիր ճաճանչը ուղեկցեց մեզ Գոշավանք՝ մեծ վարդապետ Մխիթար Գոշին տերունական Խաչի կենսական մասունքի հետ հանդիպելու: «Մեր հայրերի բնութագրմամբ՝ ուրախությունը հոգու սնունդն է, և այսօր մեր Տիրոջ արյամբ օծված Խաչի մասունքի ներկայությունը այդ ուրախության մեծագույն ներկայությունն է մեր կյանքում»: Բագրատ Սրբազան
... Ավելին.ՎԱՐԱԳԱ ՍՈՒՐԲ ԽԱՉԱՓԱՅՏԻ ՄԱՍՈՒՆՔԸ ԳՈՇԱՎԱՆՔՈՒՄ
Սեպտեմբերի 30-ին Քրիստոսի Խաչափայտի մասունքակիր ճաճանչը ուղեկցեց մեզ Գոշավանք՝ մեծ վարդապետ Մխիթար Գոշին տերունական Խաչի կենսական մասունքի հետ հանդիպելու:
«Մեր հայրերի բնութագրմամբ՝ ուրախությունը հոգու սնունդն է, և այսօր մեր Տիրոջ արյամբ օծված Խաչի մասունքի ներկայությունը այդ ուրախության մեծագույն ներկայությունն է մեր կյանքում»:
Բագրատ Սրբազան
ՏԵՐ ԱԲԵԼ ՔԱՀԱՆԱ ՔԱՐՏԱՇՅԱՆ
«Փառք եմ տալիս Աստծուն, որ հնարավորություն ունեմ մեր ժողովրդի կյանքում շաղախվելու, ապրելու. սա ինձ համար մեծ ուրախություն է…». սահմանամերձ Մովսեսի սահմանապահ կյանքից անբաժան Տեր Աբել քահանա Տեսանյութը՝ Շողակաթ ՀԸ-ի
... Ավելին.ՏԵՐ ԱԲԵԼ ՔԱՀԱՆԱ ՔԱՐՏԱՇՅԱՆ
«Փառք եմ տալիս Աստծուն, որ հնարավորություն ունեմ մեր ժողովրդի կյանքում շաղախվելու, ապրելու. սա ինձ համար մեծ ուրախություն է…». սահմանամերձ Մովսեսի սահմանապահ կյանքից անբաժան Տեր Աբել քահանա
Տեսանյութը՝ Շողակաթ ՀԸ-ի
ՍԱՀՄԱՆԻՆ ԿԱՆԳՆԱԾ ԵԿԵՂԵՑՈՒ ԶԱՆԳԵՐԸ ՎԵՐՍՏԻՆ ՀՆՉԵՑԻՆ
Այսօր՝ սեպտեմբերի 10-ին, սահմանապահ Ոսկեպարում օծվեցին հակառակորդի նշանառության տակ գտնվող Սուրբ Աստվածածին եկեղեցու դռները, սուրբ սեղանը, սպասքն ու նոր զանգը՝ Տավուշի թեմի առաջնորդ Տեր Բագրատ եպիսկոպոս Գալստանյանի ձեռամբ: Օծման արարողությանը մասնակցում էին Իջևանի և Նոյեմբերյանի տարածաշրջանի հոգևոր հովիվները: Երկար լռությունից հետո 7-րդ դարի այս եկեղեցուց սահմանի երկու կողմերում տարածվեցին հայոց հաղթանակի ու խաղաղության ղողանջները․ «Աստված
... Ավելին.ՍԱՀՄԱՆԻՆ ԿԱՆԳՆԱԾ ԵԿԵՂԵՑՈՒ ԶԱՆԳԵՐԸ ՎԵՐՍՏԻՆ ՀՆՉԵՑԻՆ
Այսօր՝ սեպտեմբերի 10-ին, սահմանապահ Ոսկեպարում օծվեցին հակառակորդի նշանառության տակ գտնվող Սուրբ Աստվածածին եկեղեցու դռները, սուրբ սեղանը, սպասքն ու նոր զանգը՝ Տավուշի թեմի առաջնորդ Տեր Բագրատ եպիսկոպոս Գալստանյանի ձեռամբ: Օծման արարողությանը մասնակցում էին Իջևանի և Նոյեմբերյանի տարածաշրջանի հոգևոր հովիվները:
Երկար լռությունից հետո 7-րդ դարի այս եկեղեցուց սահմանի երկու կողմերում տարածվեցին հայոց հաղթանակի ու խաղաղության ղողանջները․
«Աստված թող մեզ անպակաս անի այսպիսի օրերից՝ ուրախության, հույսի ու սիրո օրերից, որպեսզի կարողանանք ստեղծագործ ու խաղաղ կյանքի նվիրվել…»
Սահմանապահ Ոսկեպարի Սուրբ Աստվածածին եկեղեցին այսօր նոր կյանք ու նոր շունչ ստացավ․
«Եվս 7 և 70 դար հենց այստեղ թող մեր ժողովուրդը շարունակի իր կյանքը այս սահմանագծին, որը պահելու պատիվն ու երջանկությունը մեզ է տրված»:
Ժամերգություն սահմանին՝ հակառակորդի նշանառության տակ
Հունիսի 24-ին Տավուշի թեմի հոգևոր դասը թեմի առաջնորդ գերաշնորհ Տ. Բագրատ եպս. Գալստանյանի հանդիսապետությամբ կիրակնամուտի ժամերգություն կատարեց Ոսկեպարի Սբ. Աստվածածին եկեղեցում: Բացի ոսկեպարցիներից, ժամերգությանը ներկա էին նաև մեր զինվորները, որոնք իրենց մշտարթուն զգոնությամբ պահում են մեր Հայրենիքի սահմանները: Ոսկեպարի Սբ. Աստվածածին եկեղեցին կառուցվել է 7-րդ դարում և այժմ գտնվում է հայ-ադրբեջանական սահմանի ուղղակի հարևանությամբ:
... Ավելին.Ժամերգություն սահմանին՝ հակառակորդի նշանառության տակ
Հունիսի 24-ին Տավուշի թեմի հոգևոր դասը թեմի առաջնորդ գերաշնորհ Տ. Բագրատ եպս. Գալստանյանի հանդիսապետությամբ կիրակնամուտի ժամերգություն կատարեց Ոսկեպարի Սբ. Աստվածածին եկեղեցում: Բացի ոսկեպարցիներից, ժամերգությանը ներկա էին նաև մեր զինվորները, որոնք իրենց մշտարթուն զգոնությամբ պահում են մեր Հայրենիքի սահմանները:
Ոսկեպարի Սբ. Աստվածածին եկեղեցին կառուցվել է 7-րդ դարում և այժմ գտնվում է հայ-ադրբեջանական սահմանի ուղղակի հարևանությամբ:
Եպիսկոպոսական Սուրբ Պատարագ և երիտասարդների օրհնություն Սուրբ Սարգսի տոնի առթիվ
Փետրվարի 11-ին Սուրբ Սարգսի տոնի առթիվ Նոյեմբերյան քաղաքի սրբի անունը կրող եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Սուրբ Պատարագին մասնակցում էին արժանապատիվ Տեր Սմբատ, Տեր Սիմեոն և Տեր Թորգոմ քահանաները, ուխտավորներ տարբեր բնակավայրերից: Սուրբ Սարգիս զորավարը իր որդու` Մարտիրոսի եւ 14 քաջ մարտիկների հետ նահատակվել է
... Ավելին.Եպիսկոպոսական Սուրբ Պատարագ և երիտասարդների օրհնություն Սուրբ Սարգսի տոնի առթիվ
Փետրվարի 11-ին Սուրբ Սարգսի տոնի առթիվ Նոյեմբերյան քաղաքի սրբի անունը կրող եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Սուրբ Պատարագին մասնակցում էին արժանապատիվ Տեր Սմբատ, Տեր Սիմեոն և Տեր Թորգոմ քահանաները, ուխտավորներ տարբեր բնակավայրերից:
Սուրբ Սարգիս զորավարը իր որդու` Մարտիրոսի եւ 14 քաջ մարտիկների հետ նահատակվել է հանուն քրիստոնեական հավատքի: Սարգիս զորավարը ոչ միայն գերազանց սպարապետ էր, այլեւ հիանալի քարոզիչ: Նա իր իշխանության տակ գտնվող քաղաքներում քանդում էր մեհյանները, կառուցում եկեղեցիներ, տարածում քրիստոնեությունը:
Նոյեմբերյանի Սուրբ Սարգիս եկեղեցու հայացքն ուղղված է դեպի իր մայր Սուրբ Սարգիսը, որտեղ պահվել է սրբի մասունքը: Այն, գտնվելով մի քանի կիլոմետրի վրա, դուրս է այսօրվա մեր հայրենիքի սահմաններից: Անդրադառնալով այս հանգամանքին, Բագրատ Սրբազանը հույս հայտնեց, որ տարիների ընթացքում այս քաղաքը և այս տարածաշրջանը կրկին բարձրագույն աստիճանով, իր ժողովրդի տներն ու սրտերը մտած հավատքի ճշմարտությամբ ի վերջո կկարողանա վերադարձ ունենալ դեպի այն սկիզբը, որից ծնվել է որպես Մաշտոցի հոգևոր քարոզչության զավակ ու ժառանգ, որպես Սուրբ Սարգսով ապրած ու զորացած ժողովուրդ:
«Մեր Տերն ասում է. «Իմ պատճառով բոլորդ ատվելու եք»: Չի լինելու մեկը, որ սիրված լինի Իմ պատճառով, այլ ատվելու եք. հարձակվելու են ձեզ վրա, բաժանումներ են լինելու ձեր ընտանիքներում, ձեր հարազատների, բարեկամների մեջ. այդ բոլորը Իմ պատճառով: Որովհետև այն, ինչ դուք ընդունելու եք որպես հետևորդներ, բարձրագույն Ճշմարտությունն է և ոչ բոլորին է հասանելի: Եվ այդ պատճառով էլ առաքյալն ասում է, որ մեր պատերազմը մարմնի և արյան հետ չէ. մեր պատերազմը հոգու պատերազմ է, մեր պատերազմը այն պետությունների և իշխանությունների հետ է, ովքեր չարիքի գործիք են. նրանք, ովքեր կարողանում են քայքայել ու փչացնել կյանքը թե՛ մարդկանց մտքում, թե՛ հոգում և թե՛ նաև խաթարել մարդու բնական ձգտումը դեպի հավիտենականություն: Եվ այդ պատճառով էլ ասում է. «Ձեր ոտքերը թող խաղաղության Ավետարանի մեջ լինեն, բայց այս ամենի վրա առեք հավատի վահանը, փրկության սաղավարտը և Հոգու սուսերը, որ Աստծո Խոսքն է»։
«Սուրբ Սարգիսը նահատակությամբ կնքեց իր կյանքը, բայց մինչև նահատակությունը ավիրեց ու ոչնչացրեց մարդկանց ստեղծած պաշտամունքային արժեքները, որ կոչվում էին կուռքեր: Ավիրեց, և վճարեց իր կյանքով: Մենք էլ ենք այդպես լինելու. կամ ապրելու ենք հարմարված մեր սահմանափակ իրականության հետ և մեջ, կամ պատռելու ենք հարմարվելու բանտը, դուրս ենք գալու այդտեղից՝ ազատությանը վայել այդ մեծ ճախրանքն ու սխրանքն ունենալու, որի համար էլ, հավանաբար, մեր կյանքը կլինի նահատակության կյանք կա՛մ ֆիզիկապես, կա՛մ հոգեպես»:
Հավարտ Սուրբ Պատարագի Բագրատ Սրբազանը կատարեց նաև երիտասարդների օրհնության կարգ՝ Սուրբ Սարգսի բարեխոսությամբ նրանց կյանքերում Աստծո առաջնորդություն ու Աստվածային սիրո լեցունություն խնդրելով:
Զինվորների օրհնություն Նոյեմբերյանի Սուրբ Սարգիս եկեղեցում
Փետրվարի 11-ին Հայ առաքելական եկեղեցին նշում է Սուրբ Սարգսի տոնը: Սուրբ Սարգիսն ազգությամբ «հռովմ» էր (հույն) և Կոստանդիանոս կայսրի կողմից «իշխան և ստրատելատ» էր կարգված Կապադովկիայի վրա, որի մայրաքաղաքն էր Կեսարիան: Սարգիս զորավարը բազմաթիվ հաղթական ճակատամարտերի արդյունքում հռչակված էր իբրև ամենահաղթ ռազմիկ: Տոնի օրը Նոյեմբերյան քաղաքի Սուրբ Սարգիս զորավարի անունը կրող եկեղեցում եպիսկոպոսական Սուրբ և Անմահ
... Ավելին.Զինվորների օրհնություն Նոյեմբերյանի Սուրբ Սարգիս եկեղեցում
Փետրվարի 11-ին Հայ առաքելական եկեղեցին նշում է Սուրբ Սարգսի տոնը:
Սուրբ Սարգիսն ազգությամբ «հռովմ» էր (հույն) և Կոստանդիանոս կայսրի կողմից «իշխան և ստրատելատ» էր կարգված Կապադովկիայի վրա, որի մայրաքաղաքն էր Կեսարիան: Սարգիս զորավարը բազմաթիվ հաղթական ճակատամարտերի արդյունքում հռչակված էր իբրև ամենահաղթ ռազմիկ:
Տոնի օրը Նոյեմբերյան քաղաքի Սուրբ Սարգիս զորավարի անունը կրող եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանայնը: Բագրատ Սրբազանը նաև օրհնեց եկեղեցում ներկա գտնվող զինվորներին՝ խնդրելով սրբի բարեխոսությունը նրանց համար, որպեսզի կարողանան ամուր ու անառիկ պահել մեր Հայրենիքի սահմանները:
«Չկա ավելի մեծ սեր, քան այն, որ մեկն իր կյանքը տա իր բարեկամների համար» (Հովհ. 15.13)
Եպիսկոպոսական Սուրբ Պատարագ հակառակորդի դեմ դիմաց. Այգեպար
Սահմանապահ Այգեպար գյուղի միջնակարգ դպրոցը ողողված էր խաղաղությամբ ու սիրով: Այսօր՝ փետրվարի 5-ին, այստեղ եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Պատարագին մասնակցում էին այգեպարցիներ, ինչպես նաև բնակիչներ Բերդի տարածաշրջանի այլ բնակավայրերից: Այգեպարցիների համար սահմանապահ լինելու իրականությունն ամենօրյա կյանքով է արտահայտվում: Այգեպարում տներն ադրբեջանական սահմանից 100 մետր հեռավորության վրա են,
... Ավելին.Եպիսկոպոսական Սուրբ Պատարագ հակառակորդի դեմ դիմաց. Այգեպար
Սահմանապահ Այգեպար գյուղի միջնակարգ դպրոցը ողողված էր խաղաղությամբ ու սիրով: Այսօր՝ փետրվարի 5-ին, այստեղ եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Պատարագին մասնակցում էին այգեպարցիներ, ինչպես նաև բնակիչներ Բերդի տարածաշրջանի այլ բնակավայրերից:
Այգեպարցիների համար սահմանապահ լինելու իրականությունն ամենօրյա կյանքով է արտահայտվում: Այգեպարում տներն ադրբեջանական սահմանից 100 մետր հեռավորության վրա են, մանկապարտեզն ու դպրոցը՝ 700 մետր, և այս առումով այն ամենաթիրախային համայնքներից մեկն է: Գյուղը հիմնադրվել է 1937 թվականին, և մինչև այժմ Այգեպարում երբեք Սուրբ Պատարագ չէր մատուցվել: Այս համայնքի հոգևոր հովվությունն իրականացնող Տեր Արամ քահանա Միրզոյանի խոսքով՝ սահմանագծին ապրող ժողովուրդը վկայում է իր կյանքով և արժանի է լավագույնին. «Այսօր մենք կանգնած ենք հակառակորդին դեմ հանդիման, և դրանով վկայում ենք, որ այստեղ մենք ենք՝ մեր տեսակով, մեր դիմագծով, մեր հավատքով: Այստեղ ապրում են հայ քրիստոնյաներ, այստեղ ապրում է Խաչյալ Փրկչին հավատացող ժողովուրդ»:
Սուրբ Պատարագի խորհրդի օրհնությունը ողջ գյուղում տարածվեց Այգեպարի միջնակարգ դպրոցի՝ դիրքերին նայող պատուհաններից մեկի առջևից: Իր քարոզում թեմակալ առաջնորդը խոսեց Ավետարանի այսօրվա պատգամի մասին.
«Այսօր Ավետարանը խոսում էր փոթորկի մասին, և ապա՝ անհանգստացած մարդկանց կողքին Մեր Տիրոջ հայտնվելու, այդ ծովը զսպելու, ալիքների վրայով քայլելու, իշխանություն ունենալու, և Իր հետևորդներին մի հստակ պատգամ տալու մասին, ասելով՝ «Ես եմ, մի՛ վախեցեք»: Ես հավատում եմ, որ մեր կյանքի բոլոր փոթորիկների մեջ մենք տեսել, բայց շատ հաճախ չենք զգացել մեր Տիրոջ զսպող ներկայությունը, ով անընդհատ մեզ ոչ միայն շշնջում է, այլև հռչակում է, ասելով՝ «Մի՛ վախեցեք, Ես Եմ»:
«Այս խոսքերն են մեզ այսօր Այգեպար բերել, և այս արտահայտությունն է, որ ձեր կյանքի իմաստն ու առանցքն է կազմում: Դուք այս համայնքում ապրում եք առանց պարտադրանքի: Կյանքի ծովի փոթորիկների ալիքների միջից ձեր հայացքն անընդհատ ուղղում եք դեպի այն մեծ տեսիլքը, որով հայտնվում է մեր Տերը, ասելով՝ «մի՛ վախեցեք, Ես Եմ»: Սա անում եք մեծով ու փոքրով, ավագից մինչև կրտսեր: Սա անում եք այս դպրոցում կրթվելով, ձեր ամենօրյա կյանքը շահեցնելով, ստեղծագործելով, փորձելով ելքեր գտնել նաև մեզ այսօր պարտադրված իրավիճակից:
«Դուք իրոք քաջ ու հերոսական ժողովուրդ եք, որովհետև դուք Աստծո խոսքերը ոչ միայն խոսքով, այլ ամենօրյա կյանքով եք ապրում, ամեն պահ լսելով՝ «մի՛ վախեցեք, Ես, Եմ»:
Բագրատ Սրբազանը նշեց, որ այգեպարցիների հավատքի ու քրիստոնեական ինքնության մեծագույն արտահայտությունը նրանց ամենօրյա կանքն է այստեղ. «Չեմ ուզի, որ մեր երեխաները խոսեն կռվից, պատերազմից, փամփուշտից ու հրացանից: Չեմ ուզի, որ կրակոցից չվախենան: Բայց ստիպված ենք եղել, դուք եք ինքներդ ձեզ ստիպել: Դա հայրենիքի տեր լինելու և ձեր քրիստոնեական ինքնության լավագույն արտահայտությունն է, որի համար ես ամեն օր շնորհակալություն եմ հայտնում Աստծուն, որ մեզ այսպիսի ժողովուրդ է պարգևել: Որպես այս թեմի առաջնորդ՝ այսօր նաև երախտագիտության զգացումով եմ ոտք դրել այս համայնք՝ այսօրվա Սուրբ Պատարագը որպես երախտագիտության Պատարագ ընծայելու ձեզ»:
«Թող լռեն բոլոր տեսակի ատելության ձայները, լսելի լինեն միայն խաղաղության ավետիսները, ու մեր ականջներում ու սրտերում անդադար հնչեն մեր Տիրոջ խոսքերը, որ ասում է՝ «մի՛ վախեցեք, Ես Եմ»:
Սուրբ Պատարագից հետո կատարվեց նաև Ջրօրհնեքի արարողություն, և խաչքավոր դարձավ պարոն Գագիկ Ադամյանը: Ապա օրհնված ջուրը բաժանվեց այգեպարցիներին՝ իրենց տները տանելու: