Բանակն ու եկեղեցին Տավուշում
Հաղարծնի շաբաթ. Օր 5. Զինծառայողի օր
Բագրատունյաց և Զաքարյանների հաղթամակների հետքերով. օգոստոսի 11-ը Հաղարծնում զինծառայողների օրն էր: Երրորդ բանակային կորպուսի տարբեր զորամասերից իրենց հոգևոր հովիվների առաջնորդությամբ ժամանած զինվորները և մեր կամավորները միասին մեծ տոնի վերածեցին բանակին նվիրված օրը: Հաղարծինը լցվեց ուրախությամբ և երգ ու պարով: Զինվորները շրջեցին վանքում, ծանոթացան նրա պատմությանը, տաղավարների աշխատանքին: Զինծառայողների այցելությունը Հաղարծին՝ Բագրատունյաց թագավորների ու Զաքարյան իշխանների
... Ավելին.Հաղարծնի շաբաթ. Օր 5. Զինծառայողի օր
Բագրատունյաց և Զաքարյանների հաղթամակների հետքերով. օգոստոսի 11-ը Հաղարծնում զինծառայողների օրն էր:
Երրորդ բանակային կորպուսի տարբեր զորամասերից իրենց հոգևոր հովիվների առաջնորդությամբ ժամանած զինվորները և մեր կամավորները միասին մեծ տոնի վերածեցին բանակին նվիրված օրը: Հաղարծինը լցվեց ուրախությամբ և երգ ու պարով: Զինվորները շրջեցին վանքում, ծանոթացան նրա պատմությանը, տաղավարների աշխատանքին:
Զինծառայողների այցելությունը Հաղարծին՝ Բագրատունյաց թագավորների ու Զաքարյան իշխանների համար կարևոր նշանակություն ունեցած այս վայր, նրանց հաղթանակները շարունակելու վճռականության հաստատումն է:
«Շատ լավ զգացողություններ ունենք, տպավորիչ էր, հետաքրքիր էր ամենակարևորը, զինվորները լիցքաթափվեցին, վերալիցքավորվեցին: Այսպիսի միջոցառումները ոգևորիչ նշանակություն ունեն զինծառայողների համար», — նշեց ավագ լեյտենանտը:
«Ես ինքս Տավուշից եմ, իմ սիրտը ցավում է այստեղի համար, նվիրված եմ իմ ժողովրդին, բնութունն է իմը, օդն իմն է»,— հավելեց ավագ լեյտենանտ Բեգլարյանը:
Ժամերգություն սահմանին՝ հակառակորդի նշանառության տակ
Հունիսի 24-ին Տավուշի թեմի հոգևոր դասը թեմի առաջնորդ գերաշնորհ Տ. Բագրատ եպս. Գալստանյանի հանդիսապետությամբ կիրակնամուտի ժամերգություն կատարեց Ոսկեպարի Սբ. Աստվածածին եկեղեցում: Բացի ոսկեպարցիներից, ժամերգությանը ներկա էին նաև մեր զինվորները, որոնք իրենց մշտարթուն զգոնությամբ պահում են մեր Հայրենիքի սահմանները: Ոսկեպարի Սբ. Աստվածածին եկեղեցին կառուցվել է 7-րդ դարում և այժմ գտնվում է հայ-ադրբեջանական սահմանի ուղղակի հարևանությամբ:
... Ավելին.Ժամերգություն սահմանին՝ հակառակորդի նշանառության տակ
Հունիսի 24-ին Տավուշի թեմի հոգևոր դասը թեմի առաջնորդ գերաշնորհ Տ. Բագրատ եպս. Գալստանյանի հանդիսապետությամբ կիրակնամուտի ժամերգություն կատարեց Ոսկեպարի Սբ. Աստվածածին եկեղեցում: Բացի ոսկեպարցիներից, ժամերգությանը ներկա էին նաև մեր զինվորները, որոնք իրենց մշտարթուն զգոնությամբ պահում են մեր Հայրենիքի սահմանները:
Ոսկեպարի Սբ. Աստվածածին եկեղեցին կառուցվել է 7-րդ դարում և այժմ գտնվում է հայ-ադրբեջանական սահմանի ուղղակի հարևանությամբ:
Եպիսկոպոսական Սուրբ Պատարագ և երիտասարդների օրհնություն Սուրբ Սարգսի տոնի առթիվ
Փետրվարի 11-ին Սուրբ Սարգսի տոնի առթիվ Նոյեմբերյան քաղաքի սրբի անունը կրող եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Սուրբ Պատարագին մասնակցում էին արժանապատիվ Տեր Սմբատ, Տեր Սիմեոն և Տեր Թորգոմ քահանաները, ուխտավորներ տարբեր բնակավայրերից: Սուրբ Սարգիս զորավարը իր որդու` Մարտիրոսի եւ 14 քաջ մարտիկների հետ նահատակվել է
... Ավելին.Եպիսկոպոսական Սուրբ Պատարագ և երիտասարդների օրհնություն Սուրբ Սարգսի տոնի առթիվ
Փետրվարի 11-ին Սուրբ Սարգսի տոնի առթիվ Նոյեմբերյան քաղաքի սրբի անունը կրող եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Սուրբ Պատարագին մասնակցում էին արժանապատիվ Տեր Սմբատ, Տեր Սիմեոն և Տեր Թորգոմ քահանաները, ուխտավորներ տարբեր բնակավայրերից:
Սուրբ Սարգիս զորավարը իր որդու` Մարտիրոսի եւ 14 քաջ մարտիկների հետ նահատակվել է հանուն քրիստոնեական հավատքի: Սարգիս զորավարը ոչ միայն գերազանց սպարապետ էր, այլեւ հիանալի քարոզիչ: Նա իր իշխանության տակ գտնվող քաղաքներում քանդում էր մեհյանները, կառուցում եկեղեցիներ, տարածում քրիստոնեությունը:
Նոյեմբերյանի Սուրբ Սարգիս եկեղեցու հայացքն ուղղված է դեպի իր մայր Սուրբ Սարգիսը, որտեղ պահվել է սրբի մասունքը: Այն, գտնվելով մի քանի կիլոմետրի վրա, դուրս է այսօրվա մեր հայրենիքի սահմաններից: Անդրադառնալով այս հանգամանքին, Բագրատ Սրբազանը հույս հայտնեց, որ տարիների ընթացքում այս քաղաքը և այս տարածաշրջանը կրկին բարձրագույն աստիճանով, իր ժողովրդի տներն ու սրտերը մտած հավատքի ճշմարտությամբ ի վերջո կկարողանա վերադարձ ունենալ դեպի այն սկիզբը, որից ծնվել է որպես Մաշտոցի հոգևոր քարոզչության զավակ ու ժառանգ, որպես Սուրբ Սարգսով ապրած ու զորացած ժողովուրդ:
«Մեր Տերն ասում է. «Իմ պատճառով բոլորդ ատվելու եք»: Չի լինելու մեկը, որ սիրված լինի Իմ պատճառով, այլ ատվելու եք. հարձակվելու են ձեզ վրա, բաժանումներ են լինելու ձեր ընտանիքներում, ձեր հարազատների, բարեկամների մեջ. այդ բոլորը Իմ պատճառով: Որովհետև այն, ինչ դուք ընդունելու եք որպես հետևորդներ, բարձրագույն Ճշմարտությունն է և ոչ բոլորին է հասանելի: Եվ այդ պատճառով էլ առաքյալն ասում է, որ մեր պատերազմը մարմնի և արյան հետ չէ. մեր պատերազմը հոգու պատերազմ է, մեր պատերազմը այն պետությունների և իշխանությունների հետ է, ովքեր չարիքի գործիք են. նրանք, ովքեր կարողանում են քայքայել ու փչացնել կյանքը թե՛ մարդկանց մտքում, թե՛ հոգում և թե՛ նաև խաթարել մարդու բնական ձգտումը դեպի հավիտենականություն: Եվ այդ պատճառով էլ ասում է. «Ձեր ոտքերը թող խաղաղության Ավետարանի մեջ լինեն, բայց այս ամենի վրա առեք հավատի վահանը, փրկության սաղավարտը և Հոգու սուսերը, որ Աստծո Խոսքն է»։
«Սուրբ Սարգիսը նահատակությամբ կնքեց իր կյանքը, բայց մինչև նահատակությունը ավիրեց ու ոչնչացրեց մարդկանց ստեղծած պաշտամունքային արժեքները, որ կոչվում էին կուռքեր: Ավիրեց, և վճարեց իր կյանքով: Մենք էլ ենք այդպես լինելու. կամ ապրելու ենք հարմարված մեր սահմանափակ իրականության հետ և մեջ, կամ պատռելու ենք հարմարվելու բանտը, դուրս ենք գալու այդտեղից՝ ազատությանը վայել այդ մեծ ճախրանքն ու սխրանքն ունենալու, որի համար էլ, հավանաբար, մեր կյանքը կլինի նահատակության կյանք կա՛մ ֆիզիկապես, կա՛մ հոգեպես»:
Հավարտ Սուրբ Պատարագի Բագրատ Սրբազանը կատարեց նաև երիտասարդների օրհնության կարգ՝ Սուրբ Սարգսի բարեխոսությամբ նրանց կյանքերում Աստծո առաջնորդություն ու Աստվածային սիրո լեցունություն խնդրելով:
Զինվորների օրհնություն Նոյեմբերյանի Սուրբ Սարգիս եկեղեցում
Փետրվարի 11-ին Հայ առաքելական եկեղեցին նշում է Սուրբ Սարգսի տոնը: Սուրբ Սարգիսն ազգությամբ «հռովմ» էր (հույն) և Կոստանդիանոս կայսրի կողմից «իշխան և ստրատելատ» էր կարգված Կապադովկիայի վրա, որի մայրաքաղաքն էր Կեսարիան: Սարգիս զորավարը բազմաթիվ հաղթական ճակատամարտերի արդյունքում հռչակված էր իբրև ամենահաղթ ռազմիկ: Տոնի օրը Նոյեմբերյան քաղաքի Սուրբ Սարգիս զորավարի անունը կրող եկեղեցում եպիսկոպոսական Սուրբ և Անմահ
... Ավելին.Զինվորների օրհնություն Նոյեմբերյանի Սուրբ Սարգիս եկեղեցում
Փետրվարի 11-ին Հայ առաքելական եկեղեցին նշում է Սուրբ Սարգսի տոնը:
Սուրբ Սարգիսն ազգությամբ «հռովմ» էր (հույն) և Կոստանդիանոս կայսրի կողմից «իշխան և ստրատելատ» էր կարգված Կապադովկիայի վրա, որի մայրաքաղաքն էր Կեսարիան: Սարգիս զորավարը բազմաթիվ հաղթական ճակատամարտերի արդյունքում հռչակված էր իբրև ամենահաղթ ռազմիկ:
Տոնի օրը Նոյեմբերյան քաղաքի Սուրբ Սարգիս զորավարի անունը կրող եկեղեցում եպիսկոպոսական Սուրբ և Անմահ Պատարագ մատուցեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանայնը: Բագրատ Սրբազանը նաև օրհնեց եկեղեցում ներկա գտնվող զինվորներին՝ խնդրելով սրբի բարեխոսությունը նրանց համար, որպեսզի կարողանան ամուր ու անառիկ պահել մեր Հայրենիքի սահմանները:
«Չկա ավելի մեծ սեր, քան այն, որ մեկն իր կյանքը տա իր բարեկամների համար» (Հովհ. 15.13)
Եպիսկոպոսական Սուրբ և Անմահ Պատարագ սահմանապահ գյուղերում. Ներքին Կարմիր աղբյուր
Տավուշի թեմում հոգևոր ուրախության ու զարթոնքի օրեր են: Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանի ձեռամբ Պատարագ է մատուցվում Տավուշի սահմանագոտու բոլոր գյուղերում: Հոգևոր ավետիսի մեկնարկը տրվել էր դեռևս անցած շաբաթ Մովսես գյուղում, խորհուրդը համակեց հերոսական Չինարին, իսկ ահա այսօր հոգևոր ցնծության օր էր Ներքին Կարմիր աղբյուր գյուղում՝ մշակույթի տանը: Սահմանապահ գյուղի հավատավոր ժողովուրդը
... Ավելին.Եպիսկոպոսական Սուրբ և Անմահ Պատարագ սահմանապահ գյուղերում. Ներքին Կարմիր աղբյուր
Տավուշի թեմում հոգևոր ուրախության ու զարթոնքի օրեր են: Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանի ձեռամբ Պատարագ է մատուցվում Տավուշի սահմանագոտու բոլոր գյուղերում: Հոգևոր ավետիսի մեկնարկը տրվել էր դեռևս անցած շաբաթ Մովսես գյուղում, խորհուրդը համակեց հերոսական Չինարին, իսկ ահա այսօր հոգևոր ցնծության օր էր Ներքին Կարմիր աղբյուր գյուղում՝ մշակույթի տանը: Սահմանապահ գյուղի հավատավոր ժողովուրդը դարավոր ընդմիջումից հետո հնարավորություն ունեցավ ճաշակելու մեր Տիրոջ կենարար մարմինն ու արյունը և հաղորդակից լինելու Սուրբ Պատարագի խորհրդին:
Բագրատ Սրբազանն իր քարոզում անդրադարձավ այս օրերին ստանձնած իր առաքելությանը՝ Պատարագներ մատուցելու սահմանագծի ողջ երկայնքով.
«Ես իմ ամենապայծառ տեսիլքներում ու պատկերացումներում, երբ դեռևս 3 տարի առաջ եկա այս գյուղ, չէի պատկերացնում, որ Աստված պետք է մեր ճանապարհն ուղղի դեպի այս համայնքի կյանքը՝ այս անգամ Սուրբ Պատարագի խորհրդի մեջ: Այս օրը պատահական օր չէ, երեկ մեր փառապանծ զավակի՝ հայոց բանակի 25-ամյա տարեդարձն էր, մեր բանակը հասուն տարիքում կարծես ծնվեց, ծնվեց արյունի ճանապարհով, մեր եղբայրների կյանքի, ընտանիքների կյանքի գնով, այդ ծնունդը սովորական ծնունդ չէր, ամեն մեկն այնտեղ ստանձնեց մի կարևորագույն պատասխանատվություն, այս համայնքն այդ ծնունդի երաշխավորներից է, այս սահմանների վրա են ծնվել մեր փառապանծ բանակի անդրանիկ զավակները, այսօր գտնվում ենք մի համայնքում, որը երես առ երես կանգնած է հակառակորդի դիմաց, մի համայնք, որ երբևէ նահանջելու մասին չի մտածել, մի համայնք, որի կյանքն անցնում է ամբողջ հայության սրտերով, համայնք, որի կյանքի ու պատվի հաշվին մենք կարողանում ենք ապրել և գործել, համայնք, որտեղ մշակի ու զինվորականի համազգեստն իրարից չեն տարբերվում»:
Հավարտ Սուրբ Պատարագի կատարվեց նաև Ջրօրհնեքի կարգ, խաչքավոր դարձավ Չինարի համայնքի ղեկավար պարոն Մանվել Կամենդատյանը:
Խորհրդանշական էր նաև, որ ՀՀ ԶՈՒ կազմավորման 25-րդ տարեդարձի առթիվ զինվորների օրհնության կարգ տեղի ունեցավ. ներկա էին Տավուշի սահմանը պահող զինվորներն ու Ռազմական ոստիկանության աշխատակիցները: Այսօր նաև մեծ հայորդի, ավագ լեյտենանտ, հետախուզության սպա Զորիկ Գևորգյանի և ապրիլյան պատերազմի հերոս նահատակ Վլադիմիր Ալիխանյանի տարեդարձն է, ովքեր հակառակորդի հետախուզադիվերսիոն ներթափանցման փորձը կասեցնելիս հերոսաբար անմահացել են: Բագրատ Սրբազանը կատարեց նաև հոգեհանգտսյան կարգ՝ հիշատակելով հայրենիքի զոհասեղանին իրենց կյանքը նվիրած հայորդիներին:
Բերդի տարածաշրջանի ամբողջ հոգևոր դասը, ինչպես նաև բնակիչներ ամենատարբեր համայնքներից, արժանապատիվ քահանաներ Տեր Արամի և Տեր Աբելի հովվությամբ մասնակցեցին այս կարևոր իրադարձությանը:
«Մեզ հետ միասին Աստված է կռվել». Ջրօրհնեք և Տնօրհնեքի կարգ սահմանապահ զորամասում
Հունվարի 14-ին Իջևանի տարածաշրջանի զորամասերից մեկում Ջրօրհնեք և Սուրբ Ծննդյան տնօրհնյաց կարգ կատարվեց: Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը նախ կատարեց Ջրօրհնեքի արարողություն, որը խորհրդանշում է Հիսուս Քրիստոսի մկրտությունը Հորդանան գետում: Արարողությանը մասնակցում էին արժանապատիվ Տեր Սիմեոն, Տեր Արշավիր քահանաները, գնդերեց բարեշնորհ Լևոն սարկավագ Հակոբյանը: Բագրատ Սրբազանի խոսքով՝ այս օրերին Սուրբ Ծննդյան տոների առիթով
... Ավելին.«Մեզ հետ միասին Աստված է կռվել». Ջրօրհնեք և Տնօրհնեքի կարգ սահմանապահ զորամասում
Հունվարի 14-ին Իջևանի տարածաշրջանի զորամասերից մեկում Ջրօրհնեք և Սուրբ Ծննդյան տնօրհնյաց կարգ կատարվեց:
Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը նախ կատարեց Ջրօրհնեքի արարողություն, որը խորհրդանշում է Հիսուս Քրիստոսի մկրտությունը Հորդանան գետում: Արարողությանը մասնակցում էին արժանապատիվ Տեր Սիմեոն, Տեր Արշավիր քահանաները, գնդերեց բարեշնորհ Լևոն սարկավագ Հակոբյանը:
Բագրատ Սրբազանի խոսքով՝ այս օրերին Սուրբ Ծննդյան տոների առիթով այցելում են գրեթե բոլոր վայրերը՝ հատկապես զորամասերը, խրամատները՝ առաջին հերթին մեր զինվորներին և սպաներին շնորհավորելու Ամանորի և Սուրբ Ծննդյան առթիվ:
Տավուշի թեմի առաջնորդը, շնորհավորելով, բարի ծառայություն մաղթեց զինվորներին. «Մաղթում եմ, որ այս խորհուրդը հասնի յուրաքանչյուրիդ սրտին ու յուրաքանչյուրիդ տուն: Թող այն նույն պատասխանատվությամբ, որ հիմա եք ծառայում, կարողանաք ծառայել մինչև այստեղ գտնվելու վերջին վայրկյանը, և վերադառնաք ձեր հայրենի օջախները»:
«Վստահ եմ, որ դուք, խաղաղության մարտիկներ լինելով, յուրաքանչյուր պահի ի վիճակի եք լինելու ցանկացած մարտական խնդիր լուծելու: Դուք եք մեր Հայրենիքի առաջին կրողները, որ ապրում եք՝ Հայրենիքը շալակած ձեր ուսերին»:
Ջրօրհնեքից հետո զորամասում կատարվեց նաև Տնօրհնեքի կարգ, որից հետո Տավուշի թեմի երիտասարդները հանդես եկան մի քանի երաժշտական համարներով:
Խաղաղության համար պայքարող ահմանապահներին գլխավոր մաղթանքը խաղաղությունն է. «Մեզ հետ միասին զանազան դաշտերի մեջ Աստված է կռվել: Թող, սակայն, այդ կռվի կարիքը դուք երբեք չունենաք»:
Ամենայն Հայոց Կաթողիկոսն ընդունեց Տավուշի Բերդի տարածաշրջանի զոհված զինծառայողների ընտանիքներին
– Շնորհավոր Սուրբ Ծնունդ, ՀԱՅՐԻ՛Կ Ահա այսպիսի խոսքերով Ամենայն Հայոց Հայրապետին անակնկալ մատուցեց փոքրիկ Ալվինան, Հայոց Հորն ընծայելով իրենց ձեռագործ աշխատանքը: Ալվինան 2008թ. Չինարի գյուղի մատույցներում կորցրել էր հորը՝ դեռ չծնված: Կյանքի և մահվան խաչմերուկում ապրող մանուկների համար երկօրյա տոն էր: Հունվարի 11-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ
... Ավելին.Ամենայն Հայոց Կաթողիկոսն ընդունեց Տավուշի Բերդի տարածաշրջանի զոհված զինծառայողների ընտանիքներին
– Շնորհավոր Սուրբ Ծնունդ, ՀԱՅՐԻ՛Կ
Ահա այսպիսի խոսքերով Ամենայն Հայոց Հայրապետին անակնկալ մատուցեց փոքրիկ Ալվինան, Հայոց Հորն ընծայելով իրենց ձեռագործ աշխատանքը: Ալվինան 2008թ. Չինարի գյուղի մատույցներում կորցրել էր հորը՝ դեռ չծնված:
Կյանքի և մահվան խաչմերուկում ապրող մանուկների համար երկօրյա տոն էր:
Հունվարի 11-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Տավուշի մարզի Բերդի տարածաշրջանի համայնքների զոհված զինծառայողների ընտանիքներին` օրհնությամբ Տավուշի թեմի առաջնորդ Գերաշնորհ Տ. Բագրատ եպիսկոպոս Գալստանյանի:
Հանդիպմանը ներկա էին Բերդի տարածաշրջանի հոգևոր հովիվներ արժանապատիվ Տ. Արամ քահանա Միրզոյանը և արժանապատիվ Տ. Աբել քահանա Քարտաշյանը, Բերդի տարածաշրջանում մարզպետի ներկայացուցիչ Դավիթ Մխիթարյանը և զինվորական կոմիսար փոխգնդապետ Գագիկ Խաչատրյանը, երկօրյա այցի հովանավորությունը ստանձնած մոսկվաբնակ Կարո Առաքելյանը և կազմակերպչական աշխատանքներում իր ներդրումը ունեցած Ալիկ Ավագյանը:
Բագրատ Սրբազանը, տավուշցիների անունից շնորհավորելով Ամենայն Հայոց Հայրապետին Ամանորի և Սուրբ Ծննդյան տոների առիթով, Նորին Սրբությանը մաղթեց քաջառողջություն, երկար տարիների կյանք ու բեղուն գործունեություն: Տավուշի թեմի առաջնորդը նաև իր խորին երախտագիտությունը հայտնեց Վեհափառ Հայրապետին՝ Տավուշի սահմանապահ ժողովրդի հանդեպ ցուցաբերվող հատուկ ուշադրության համար:
19 մայրերին և 39 երիտասարդներին ու պատանիներին հայրական իր օրհնությունը բերեց Ամենայն Հայոց Կաթողիկոսը` փոխանցելով ամենքին Տեր Հիսուս Քրիստոսի Ս. Ծննդյան կենդանարար ավետիսը:
Նորին Սրբությունը վստահությամբ ընդգծեց, որ այս այցելությունն իր անջնջելի դրոշմն է թողնելու Մայր Աթոռ ժամանած պատանի տավուշցիների հոգում և, իրենց հոգևոր հովիվների գործունեության շնորհիվ, նրանք հաղորդ են դառնալու Ս. Էջմիածնի խորհրդի մեջ ամփոփված արժեքներին, որոնցով ոգեշնչվել են իրենց հայրերը և այսուհետ ևս պիտի ոգեշնչվեն հայոց ազգի զավակներ:
Մանուկներին և պատանիներին Հայոց Հայրապետը պատգամեց` իրագործողը լինել այն ինձերի և փափագների, որ իրենց ծննդյան առաջին իսկ օրվանից ունեցել են իրենց մայրերը և Հայրենիքի խաղաղության համար իրենց կյանքն ընծայած հայրերը` նշելով, որ վերջիններիս քաջարի ոգին կյանքի ողջ ընթացքում պիտի ուղեկից լինի նրանց զավակներին:
– Այս երեխաները դեռ չծնված՝ արդեն իսկ հայրենատեր են, պետության պատիվն սկսվում է նրանցից,- իր խոսքի մեջ շեշտեց Բագրատ Սրբազանը՝ տավուշցիների անունից շնորհավորելով Ամենայն Հայոց Հայրապետին Ամանորի և Սուրբ Ծննդյան տոների առիթով:
Հանդիպման մասնակիցները շրջայց կատարեցին Մայրավանքում, աղոթեցին Մայր Տաճարում, եղան Մայր Աթոռի թանգարաններում և տարբեր կառույցներում:
Զոհված զինծառայողների ընտանիքները Երևանում ևս կայցելեն հոգևոր-մշակութային տարբեր հաստատություններ, մանուկների համար կկազմակերպվի տոնական հանդես:
Բերդի տարածաշրջանի զորամասերում կատարվեց Ջրօրհնեք և օրհնված ջուրը բարձրացվեց դիրքեր՝ առաջնագծի մարտիկներին
Հունվարի 8-ին կատարվեց Ջրօրհնեքի արարողություն Բերդի տարածաշրջանի զորամասերում: Բերդ քաղաքի Սուրբ Հովհաննես եկեղեցու հոգևոր հովիվ արժանապատիվ Տեր Արամ քահանան բարեշնորհ Մարտուն սարկավագի հետ միասին օրհնեցին զորամասերի ջուրը, այնուհետև օրհնված ջուրը բարձրացվեց նաև դիրքեր՝ առաջնագծի մարտիկներին: Մեջբերում ենք Տեր Արամի քարոզից մի հատված. «Սուրբ Ծնունդն իսկապես մեծագույն խորհուրդ ունի, Աստված մարդանում է, որ մարդն Աստվածանա, Աստված
... Ավելին.Բերդի տարածաշրջանի զորամասերում կատարվեց Ջրօրհնեք և օրհնված ջուրը բարձրացվեց դիրքեր՝ առաջնագծի մարտիկներին
Հունվարի 8-ին կատարվեց Ջրօրհնեքի արարողություն Բերդի տարածաշրջանի զորամասերում: Բերդ քաղաքի Սուրբ Հովհաննես եկեղեցու հոգևոր հովիվ արժանապատիվ Տեր Արամ քահանան բարեշնորհ Մարտուն սարկավագի հետ միասին օրհնեցին զորամասերի ջուրը, այնուհետև օրհնված ջուրը բարձրացվեց նաև դիրքեր՝ առաջնագծի մարտիկներին:
Մեջբերում ենք Տեր Արամի քարոզից մի հատված.
«Սուրբ Ծնունդն իսկապես մեծագույն խորհուրդ ունի, Աստված մարդանում է, որ մարդն Աստվածանա, Աստված մեր նման է դառնում, որ մեզ իր նման դարձնի: Սուրբ ծննդյան խորհրդի մեջ մարդ պետք է գտնի իր Աստվածապարգև էությունը: Շնորհակալ ենք ձեր ծառայության և ձեր կյանքի համար, որ բերում եք մեզ, մեր հայրենիքի պաշտպանությանը: Իմ ու իմ ժողովրդի անունից շնորհակալություն եմ հայտնում ձեր մեծ ծառայության համար:
Ձեր ծառայությունը տարբերվում է, դուք պաշտպանում ու պահպանում եք Հայաստանի Հանրապետության դարպասները»:
«Իսկ Տավուշում բոլորը դատապարտված են զինվոր լինելու: Նրանք առաջնորդվում են մի սկզբունքով՝ սահմանն ամուր է, երբ սահմանի թիկունքում գտնվող համայնքը հզոր է»:
«Բանակը մեզ համար մի մեծ ընտանիք է, ու այսօր մենք գտնվւոմ ենք ձեր կողքին, որպես ձեր ընտանիքի անդամներ»:
«Իսկ երբ մենք հավաքական ու միասնական ենք, մեր լեզվամտածողությունից վերանում է «անհնար» բառը ու այն փոխարինվում է «հրաշք»-ով»:
Զինվորների կառուցած փայտաշեն մատուռն օծվեց Տավուշի թեմի առաջնորդի ձեռամբ
Տավուշի մարզի Չինչին գյուղի մոտ օծվեց զինվորների ձեռքով կառուցված փայտաշեն մատուռը: Հաղթանակի օրը լիարժեք տոն դարձավ հյուսիսարևելյան սահմանի զինվորների կյանքում: Տավուշի թեմի առաջնորդ Տեր Բագրատ եպիսկոպոս Գալստանյանի ձեռամբ օծվեց դիրքապահ զինվորների ձեռքերով կառուցված փայտաշեն մատուռը: Զինվորները մատուռի կառուցման գործը մեծ պատասխանատվությամբ ու նվիրումով են իրականացրել: Զինվորությունը պարզ զինակրություն չէ, այլ հոգու կերտվածք, սեր ու նվիրում
... Ավելին.Զինվորների կառուցած փայտաշեն մատուռն օծվեց Տավուշի թեմի առաջնորդի ձեռամբ
Տավուշի մարզի Չինչին գյուղի մոտ օծվեց զինվորների ձեռքով կառուցված փայտաշեն մատուռը:
Հաղթանակի օրը լիարժեք տոն դարձավ հյուսիսարևելյան սահմանի զինվորների կյանքում: Տավուշի թեմի առաջնորդ Տեր Բագրատ եպիսկոպոս Գալստանյանի ձեռամբ օծվեց դիրքապահ զինվորների ձեռքերով կառուցված փայտաշեն մատուռը:
Զինվորները մատուռի կառուցման գործը մեծ պատասխանատվությամբ ու նվիրումով են իրականացրել: Զինվորությունը պարզ զինակրություն չէ, այլ հոգու կերտվածք, սեր ու նվիրում հայրենյաց արժեքներին, հողին, պատմությանը: