Տավուշյան առօրյա
800-ԱՄՅԱ ԱՎԵՏԱՐԱՆՈՎ ՍԱՀՄԱՆԱՊԱՀ ՉԻՆԱՐԻԻՑ ՕՐՀՆՎԵՑ ԱՇԽԱՐՀԻ 4 ԿՈՂՄԵՐԸ․ ԱՆԴԱՍՏԱՆ
Շարունակվում են Խորանաշատի վանքի 800-ամյակի միջոցառումները։ Մաշտոցյան մատենադարանից բերվել է 1224թ-ին արտագրված Ավետարանը, որի հիշատակարանը գրվել է միջնադարյան մեր մեծագույն վարդապետներից Վանական վարդապետի ձեռքով։ Խորանաշատի վանքում Սուրբ Պատարագից հետո Չինարիում կատարվեց Անդաստանի կարգ՝ օրհնվեց աշխարհի չորս կողմերը։ ․․․ Վահական վարդապետը Մխիթար Գոշի աշակերտն է և Խորանապատի դպրոցի հիմնադիրը։ Վանական վարդապետի աշակերտները՝ ոգեշնչված իրենց վարդապետի վարքով
... Ավելին.800-ԱՄՅԱ ԱՎԵՏԱՐԱՆՈՎ ՍԱՀՄԱՆԱՊԱՀ ՉԻՆԱՐԻԻՑ ՕՐՀՆՎԵՑ ԱՇԽԱՐՀԻ 4 ԿՈՂՄԵՐԸ․ ԱՆԴԱՍՏԱՆ
Շարունակվում են Խորանաշատի վանքի 800-ամյակի միջոցառումները։ Մաշտոցյան մատենադարանից բերվել է 1224թ-ին արտագրված Ավետարանը, որի հիշատակարանը գրվել է միջնադարյան մեր մեծագույն վարդապետներից Վանական վարդապետի ձեռքով։
Խորանաշատի վանքում Սուրբ Պատարագից հետո Չինարիում կատարվեց Անդաստանի կարգ՝ օրհնվեց աշխարհի չորս կողմերը։
․․․
Վահական վարդապետը Մխիթար Գոշի աշակերտն է և Խորանապատի դպրոցի հիմնադիրը։ Վանական վարդապետի աշակերտները՝ ոգեշնչված իրենց վարդապետի վարքով և մեր Տեր Հիսուս Քրիստոսի պատգամներին հավատարմությամբ, հարյուրամյակներ շարունակ նորանոր դպրոցների հիմնադրումով արթուն պահեցին հայ միտքը։
․․․
Խորանաշատի Ավետարանը Արևելյան Հայաստան է բերվել 1915թ-ին Վանի Սուրբ Վարդան եկեղեցուց։
Խորանաշատ 800․ Հանրապետության տոն․ Պատարագ սահմանապահ Խորանաշատում
Խորանաշատի վարդապետարանը 800 տարեկան է։ Վանքի հանրահռչակման միջոցառումների շարք է սկսվել։ Այսօր մեծաթիվ ուխտավորներով՝ զինվորականների ուղեկցությամբ և նրանց պահպանությանը ապավինելով, Սուրբ Պատարագ մատուցվեց Տավուշի թեմի առաջնորդ Բագրատ եպիսպոկոս Գալստանյանի ձեռամբ։ Հարյուրամյակների բաժանումից հետո, Խորանաշատի վանքում գրված Ավետարանը վերադարձավ իր ծննդավայր։ Մաշտոցյան մատենադարանի պատմության մեջ առաջին անգամ Ավետարանը գիշերը չի վերադառնա Մատենադարան, այլ կգիշերի հայրենի տանը՝
... Ավելին.Խորանաշատ 800․ Հանրապետության տոն․ Պատարագ սահմանապահ Խորանաշատում
Խորանաշատի վարդապետարանը 800 տարեկան է։ Վանքի հանրահռչակման միջոցառումների շարք է սկսվել։ Այսօր մեծաթիվ ուխտավորներով՝ զինվորականների ուղեկցությամբ և նրանց պահպանությանը ապավինելով, Սուրբ Պատարագ մատուցվեց Տավուշի թեմի առաջնորդ Բագրատ եպիսպոկոս Գալստանյանի ձեռամբ։
Հարյուրամյակների բաժանումից հետո, Խորանաշատի վանքում գրված Ավետարանը վերադարձավ իր ծննդավայր։ Մաշտոցյան մատենադարանի պատմության մեջ առաջին անգամ Ավետարանը գիշերը չի վերադառնա Մատենադարան, այլ կգիշերի հայրենի տանը՝ Խորանաշատում։
Տոնակատարությունները շարունակվում են․․․
ՀԱՄԲԱՐՁՄԱՆ ՏՈՆ։ ԻՋԵՎԱՆԻ ՍՈՒՐԲ ԱՄԵՆԱՓՐԿԻՉ ԵԿԵՂԵՑՈՒ 10-ԱՄՅԱԿ
Այսօր քառատոն է․ -Հիսուս Քրիստոսի Համբարձման տոն, -Իջևանի Սուրբ Ամենափրկիչ եկեղեցու վերաօծման օր, -Սարդարապատի հերոսամարտի օր, -Ավարայրի ճակատամարտի օր։ Իջևանի Սուրբ Ամենափրկիչ եկեղեցում այսօր Պատարագ մատուցեց Տեր Աբել քահանա Քարտաշյանը, այնուհետև հավատացյալները մեծ շուքով կատարեցին Համբարձման տոնի ժողովրդական ծեսը։ Իջևանի Սուրբ Ամենափրկիչ եկեղեցին գտնվում է Իջևանի հին թաղամասում՝ Ժամի թաղում։ Նախկինում այնտեղ նույնպես եկեղեցի է
... Ավելին.ՀԱՄԲԱՐՁՄԱՆ ՏՈՆ։ ԻՋԵՎԱՆԻ ՍՈՒՐԲ ԱՄԵՆԱՓՐԿԻՉ ԵԿԵՂԵՑՈՒ 10-ԱՄՅԱԿ
Այսօր քառատոն է․
-Հիսուս Քրիստոսի Համբարձման տոն,
-Իջևանի Սուրբ Ամենափրկիչ եկեղեցու վերաօծման օր,
-Սարդարապատի հերոսամարտի օր,
-Ավարայրի ճակատամարտի օր։
Իջևանի Սուրբ Ամենափրկիչ եկեղեցում այսօր Պատարագ մատուցեց Տեր Աբել քահանա Քարտաշյանը, այնուհետև հավատացյալները մեծ շուքով կատարեցին Համբարձման տոնի ժողովրդական ծեսը։
Իջևանի Սուրբ Ամենափրկիչ եկեղեցին գտնվում է Իջևանի հին թաղամասում՝ Ժամի թաղում։ Նախկինում այնտեղ նույնպես եկեղեցի է գործել, որը Խորհրդային տարիներին վեր է ածվել կինոթատրոնի։ Հայաստանի վերանկախացումից հետո իջևանցի Անդրանիկ Ղազարյանը ցանկացավ հին եկեղեցու տեղում կրկին եկեղեցի կառուցել, և 2010թ-ի մայիսի 26-ին օծվեց Սուրբ Ամենափրկիչ եկեղեցին։
ՏաՈւժ դպրոցների դասագրքերը ժամանեցին
«Լույսի Ճանապարհ» դասագիրքը մեր հոգու և մտքի զարգացման համար է՝ դեպի ԼՈՒՅՍԸ տեսիլքով։ Մեր երազած Հայաստան աշխարհը նաև ՀԱՅՐԵՆԱՃԱՆԱՉ ու ԱՍՏՎԱԾԱՍԵՐ առաջնորդների պատրաստմամբ է կառուցվելու․․․ Դասագիրքը տպագրվել է մեր բարեկամ և գործընկեր կազմակերպությունների շնորհիվ՝ «Ամրոց» հիմնադրամի մեկենասությամբ և Արմավ հրատարակչության ջանքերով։
... Ավելին.ՏաՈւժ դպրոցների դասագրքերը ժամանեցին
«Լույսի Ճանապարհ» դասագիրքը մեր հոգու և մտքի զարգացման համար է՝ դեպի ԼՈՒՅՍԸ տեսիլքով։
Մեր երազած Հայաստան աշխարհը նաև ՀԱՅՐԵՆԱՃԱՆԱՉ ու ԱՍՏՎԱԾԱՍԵՐ առաջնորդների պատրաստմամբ է կառուցվելու․․․
Դասագիրքը տպագրվել է մեր բարեկամ և գործընկեր կազմակերպությունների շնորհիվ՝ «Ամրոց» հիմնադրամի մեկենասությամբ և Արմավ հրատարակչության ջանքերով։
Երիտասարդական «Բարև, ես եմ» ծրագիրը Հաղարծնում
Մեր երիտասարդներն իրական միություն դառնալու ճանապարհով վստահ քայլում են առաջ։ Կայացավ Տավուշի թեմի բոլոր շրջանների ակտիվ երիտասարդներին միավորող ևս մեկ «Բարև, ես եմ» հանդիպում։ Այս անգամ Հաղարծնի վանքում էինք։ Երիտասարդները մասնակցեցին Սուրբ Պատարագին և լսեցին Բագրատ Սրբազանի խոսքը. դուք էլ լսեք։ Հանդիպում ունեցան ռազմական ու հասարակական գործիչ, գնդապետ Ալեքսան Մինասյանի հետ և կարևոր գաղափարներ փոխանակեցին
... Ավելին.Երիտասարդական «Բարև, ես եմ» ծրագիրը Հաղարծնում
Մեր երիտասարդներն իրական միություն դառնալու ճանապարհով վստահ քայլում են առաջ։ Կայացավ Տավուշի թեմի բոլոր շրջանների ակտիվ երիտասարդներին միավորող ևս մեկ «Բարև, ես եմ» հանդիպում։ Այս անգամ Հաղարծնի վանքում էինք։
Երիտասարդները մասնակցեցին Սուրբ Պատարագին և լսեցին Բագրատ Սրբազանի խոսքը. դուք էլ լսեք։
Հանդիպում ունեցան ռազմական ու հասարակական գործիչ, գնդապետ Ալեքսան Մինասյանի հետ և կարևոր գաղափարներ փոխանակեցին մեր հայրենիքի, բանակի և պետականության մասին։
Զրուցեցին ՀՀ վաստակավոր արտիստ Նելլի Խերանյանի հետ և սովորեցին, թե ինչպես պետք է զարգացնեն իրենց խոսքարվեստը։
Ծրագրի շրջանակներում մեր ակտիվ երիտասարդները պարբերաբար հավաքվում են և միասին հոգևոր-կրթական հագեցած օրեր ունենուն թեմի տարբեր համայնքներում։ Այնպես որ՝ դեռ կհանդիպենք։
ԽՈՐԱՆԱՇԱՏ 800․ ՈԳԵՂԵՆ ՍԱՀՄԱՆԱՊԱՀԸ
Այս տարի տոնում ենք միջնադարյան Հայաստանի կրթական կենտրոններից մեկի՝ Խորանաշատի վանքի 800-ամյակը։ Այս առիթով Մաշտոցյան մատենադարանի պատմության մեջ առաջին անգամ Խորանաշատի վանքում 1224թ-ին ստեղծված Ավետարանը կտեղափոխվի Խորանաշատի վանք։ Այսօր Մաշտոցյան մատենադարանում տեղի ունեցավ մամլո ասուլիս, որին հաջորդեց «Խորանաշատի ձեռագրական գանձերը» խորագրով ցուցահանդեսի բացումը. ներկայացված են Խորանաշատի վանքում ստեղծված ձեռագրերի նմուշներ։ Սրանով ազդարարվեց Խորանաշատի 800-ամյակին նվիրված
... Ավելին.ԽՈՐԱՆԱՇԱՏ 800․ ՈԳԵՂԵՆ ՍԱՀՄԱՆԱՊԱՀԸ
Այս տարի տոնում ենք միջնադարյան Հայաստանի կրթական կենտրոններից մեկի՝ Խորանաշատի վանքի 800-ամյակը։ Այս առիթով Մաշտոցյան մատենադարանի պատմության մեջ առաջին անգամ Խորանաշատի վանքում 1224թ-ին ստեղծված Ավետարանը կտեղափոխվի Խորանաշատի վանք։
Այսօր Մաշտոցյան մատենադարանում տեղի ունեցավ մամլո ասուլիս, որին հաջորդեց «Խորանաշատի ձեռագրական գանձերը» խորագրով ցուցահանդեսի բացումը. ներկայացված են Խորանաշատի վանքում ստեղծված ձեռագրերի նմուշներ։ Սրանով ազդարարվեց Խորանաշատի 800-ամյակին նվիրված միջոցառումների սկիզբը։
Ցուցադրությունը բաց կլինի մինչև մայիսի 24-ը։
Միջոցառումները կշարունակվեն մայիսի 28-ին և 29-ին։ Մայիսի 28-ին Խորանաշատի վանքում կմատուցվի եպիկոպոսական Սուրբ Պատարագ։
«Ժամանակին Խորանաշատը գտնվում էր Հայաստանի սրտում, պատմության հոլովույթում այն դարձել է սահմանապահ վանք` ուղղակիորեն գտնվելով թշնամու դիրքերից մոտ 100մ հեռավորության վրա։ Վանքից մոտ 150մ վեր գտնվում է Վանական վարդապետի շիրիմը, որն է՛լ ավելի մոտ է սահմանագծին։
5 տարի առաջ Խորանաշատում, երկարդարյա ընդմիջումից հետո, Սուրբ Պատարագ մատուցվեց։ Բայց չմատուցվեց սովորական Պատարագ, այլ եպիսկոպոսական Պատարագ՝ թեմակալ առաջնորդի ձեռամբ։
Այս տարիների ընթացքին պարբերաբար և՛ Պատարագ ենք մատուցել, և՛ հոգևոր զանազան արարողություններ ենք կատարել՝ մեր զինված ուժերի մասնակցությամբ և պահպանությամբ։
Մեզ համար շատ կարևոր է հենց մայիս 28-ը, որովհետև այդ օրը մենք այլ տեղ չենք կարող լինել, քան մեր պետության սահմանագլխին գտնվող վանքում, որը ոչ միայն հոգևոր արժեք է, ոչ միայն կրթական ու մշակութային բովանդակության կրող է, այլ նաև իր ֆիզիկական ներկայությամբ վկայում է մեր պետականության սահմանի մասին։ Այս պատճառով մայիս 28-ը հռչակեցինք Խորանաշատի վանքի ուխտի օր։
Այս՝ արդեն 5-րդ տարում, երբ նշվում է Խորանաշատի 800-ամյակը, մայիս 28-ին մենք մեր ուխտն ու հանձնառությունն ենք վերանորոգելու մեր հոգևոր կյանքի հանդեպ՝ հավատարմություն հայտնելով մեր Աստծուն, մեր հայրերին, մեր ժառանգությանը, մեր ինքնությանը և անելիքներին՝ թե ինչ և ինչպես ենք անելու։ Սա անչափ կարևոր է մեզ համար։
Խորանաշատի 800-ամյակը մեզ համար ուղղակի հիշեցում չի լինելու՝ հիշեցինք, անցանք առաջ, այն լինելու է մեր կյանքի վերատեսության կարևոր հանգրվաններից մեկը։
Գոշավանքն է Խորանաշատի վանքի մայրը՝ Մխիթար Գոշի աշակերտ Վանական վարդապետն է Խորանաշատի հիմնադիրը։ Գոշավանքը, Խորանաշատի և մի շարք այլ վանքերի մայրը լինելով, առանց պետականության, առանց բազմահազար փորձագետների և մասնագետների, շուրջ 250 տարի մեր հոգևոր, գիտական, կրթական կյանքը պահել՝ Գոշավանքից հասցնելով մինչև Տաթևի վանք»- ասաց Բագրատ Սրբազանն իր խոսքում։
«Խորանաշատ 800-ամյակի» նախաձեռնող խմբի համակարգող Գևորգ Սաղոյանը, ով ծնունդով Չինարեցի է (Խորանաշատի վանքը գտնվում է Չինարի գյուղի բարձունքին), իր խոսքում ասաց – «Ժամանակին այս վանքն անհասանելի էր և միայն զինվորականներն էին կարողանում այցելել վանք։ Տարիների ընթացքում մեր փառապանծ բանակի և շրջակա համայնքների բնակիչների շնորհիվ այսօր ունենք իրավիճակ, երբ կարող ենք Պատարագ մատուցել ու միջոցառում կազմակերպել վանքում»։
«Կիրակոս Գանձակեցուց իմանում ենք, որ Խորանաշատը եղել է միջավայր, որտեղ մարդիկ եկել են ոչ միայն իրենք հոգևոր կյանքը հղկելու, միտքը զարգացնելու, այլ Վանական վարդապետը ներկայությունը, շարժուձևը արդեն անգիր օրենք էր աշակերտների համար»- ասաց ԿԳՄՍ նախարարի տեղակալ Արա Խզմալյանը։
Ասուլիսին մասնակցում էին Մեսրոպ Մաշտոցի անվան Մատենադարանի տնօրեն Վահան Տեր-Ղևոնդյանը, գիտական քարտուղար Վահե Թորոսյանը։ Մատենադարանի կողմից պատրաստվել և հրատարակվել է Խորանաշատի 800-ամյակին նվիրված պատկերագիրք, որի շնորհանդեսը տեղի կունենա մայիսի 28-ին։
Շնորհավո՛ր տոնդ, Խորանաշատի վանք, Շնորհակալությո՛ւն քեզ, Վանական վարդապետ,Սիրելի՛ վարդապետ, բարեխոս եղիր Տիրոջը Հայաստան աշխարհի հարատևության համար։
ԱՂԱՍԻ ԱԶԻԶՅԱՆԸ ՋՈՒՂԱՅՈՒՄ ԳՈՐԾՎԱԾ ԳՈՐԳ ՆՎԻՐԵՑ ՍՐԲԱԶԱՆ ՀՈՐԸ
Այսօր հյուրընկալել ենք ԱՍԱԼԱ անդամ Վազգեն Սիսիլյանին և Մեծ Բրիտանիայում բնակվող Աղասի Ազիզյանին։ Պարոն Ազիզյանը Բագրատ Սրբազանին նվիրաբերեց իր տիկնոջ ծնողներից հիշատակ մնացած, Ջուղայում գործված գորգը և գրքեր իր անձնական գրադարանից։ Շնորհակալ ենք գեղեցիկ անակնկալի համար: Գորգը իր տեղը կգտնի Տավուշի թեմի առաջնորդարանի աղոթասենյակում։
... Ավելին.ԱՂԱՍԻ ԱԶԻԶՅԱՆԸ ՋՈՒՂԱՅՈՒՄ ԳՈՐԾՎԱԾ ԳՈՐԳ ՆՎԻՐԵՑ ՍՐԲԱԶԱՆ ՀՈՐԸ
Այսօր հյուրընկալել ենք ԱՍԱԼԱ անդամ Վազգեն Սիսիլյանին և Մեծ Բրիտանիայում բնակվող Աղասի Ազիզյանին։
Պարոն Ազիզյանը Բագրատ Սրբազանին նվիրաբերեց իր տիկնոջ ծնողներից հիշատակ մնացած, Ջուղայում գործված գորգը և գրքեր իր անձնական գրադարանից։
Շնորհակալ ենք գեղեցիկ անակնկալի համար:
Գորգը իր տեղը կգտնի Տավուշի թեմի առաջնորդարանի աղոթասենյակում։
«ՏԱՈՒԺ – ՆՈՅԵՄԲԵՐՅԱՆ» ԴՊՐՈՑԻ ՄԱՐԶԱԿԱՆ ԳՈՒՅՔԸ ՀԱՍԱՎ ՄԵԶ
Տավուշի 4 քաղաքներում ՏաՈւժ դպրոցները աստիճանաբար ստեղծում են գեղեցիկ ու ներդաշնակ միջավայր։ Յուրաքանչյուր դպրոցում դասավանդվում է որևէ մարզաձև։ Նոյեմբերյանում այդ մարզաձևը Կիոկուշին կարատեն է։ Պապոնց Տուն սոցիալ-կրթական կենտրոնի գեղեցիկ պատերի ներսում արդեն սկսվել են պարապմունքները։ Դանիայում բնակվող մեր շատ սիրելի բարեկամ Լիլիթ Սահակյանի ջանքերով ձեռք բերեցինք պարապմունքների համար անհրաժեշտ ամբողջ գույքը։ Շնորհակալ ենք Լիլիթ Սահակյանի
... Ավելին.«ՏԱՈՒԺ – ՆՈՅԵՄԲԵՐՅԱՆ» ԴՊՐՈՑԻ ՄԱՐԶԱԿԱՆ ԳՈՒՅՔԸ ՀԱՍԱՎ ՄԵԶ
Տավուշի 4 քաղաքներում ՏաՈւժ դպրոցները աստիճանաբար ստեղծում են գեղեցիկ ու ներդաշնակ միջավայր։
Յուրաքանչյուր դպրոցում դասավանդվում է որևէ մարզաձև։ Նոյեմբերյանում այդ մարզաձևը Կիոկուշին կարատեն է։ Պապոնց Տուն սոցիալ-կրթական կենտրոնի գեղեցիկ պատերի ներսում արդեն սկսվել են պարապմունքները։
Դանիայում բնակվող մեր շատ սիրելի բարեկամ Լիլիթ Սահակյանի ջանքերով ձեռք բերեցինք պարապմունքների համար անհրաժեշտ ամբողջ գույքը։
Շնորհակալ ենք Լիլիթ Սահակյանի կազմակերպած դրամահավաքի բոլոր մասնակիցներին՝ Աննա Խաչատրյանին, Բյուրակն Իշխանյանին, Արմինե Զորողլյանին, Մոնիկա Զորողլյանին, Մարիա Փիլիպոսյանին, Մերի Աթանեսյանին, Լիլիա Աթանեսյան-Լոուրսենին, Անգել Դավիդսենին, Նարինե Գրյոնինգին, Արփենիկ Հախվերդյանին, Քրիստինա Գևորգյանին, Հովհաննես Ավթավդիլյանին, Լաուրա Սարկիսյանին, Անահիտ Ավագյանին, Սևակ Ահարոնյանին, Մարիաննա Շիրինյանին, Նունե Օվսեփյանին և Լիլիթ Սահակյանին, որոնք այսպիսով մասնակից են դառնում մեր առաքելությանը։
Մարզիչ Արմեն Կիրակոսյանը վստահեցնում է՝ այս գույքով մրցաշարորում շատ շուտով արդյունքներ կգրանցենք։
ՊԱՇՏՈՆԱՊԵՍ ԲԱՑՎԵՑ ՆՈՅԵՄԲԵՐՅԱՆԻ «ՊԱՊՈՆՑ ՏՈՒՆ» ՍՈՑԻԱԼ-ԿՐԹԱԿԱՆ ԿԵՆՏՐՈՆԸ
Պապոնց՝ պապիկ-տատիկի տունը մեր ամենասիրելի վայրն է։ Նոյեմբերյանցիները «Պապոնց տուն» են անվանում նաև իրենց սիրելի սոցիալ-կրթական կենտրոնը, որովհետև սիրում են հարազատ պապիկ-տատիկի տան նման։ Այս կենտրոնի կառուցումը մարդու արժանապատվության մասին է։ Մենք ցանկանում ենք, որ մեր երեխաների համար արժանապատիվ պայմաններ ստեղծված լինեն, և նրանք նյութական բարիքին վերաբերվեն որպես սովորական երևույթի։ «Պապոնց տուն» սոցիալ-կրթական կենտրոնը Նոյեմբերյանում
... Ավելին.ՊԱՇՏՈՆԱՊԵՍ ԲԱՑՎԵՑ ՆՈՅԵՄԲԵՐՅԱՆԻ «ՊԱՊՈՆՑ ՏՈՒՆ» ՍՈՑԻԱԼ-ԿՐԹԱԿԱՆ ԿԵՆՏՐՈՆԸ
Պապոնց՝ պապիկ-տատիկի տունը մեր ամենասիրելի վայրն է։ Նոյեմբերյանցիները «Պապոնց տուն» են անվանում նաև իրենց սիրելի սոցիալ-կրթական կենտրոնը, որովհետև սիրում են հարազատ պապիկ-տատիկի տան նման։
Այս կենտրոնի կառուցումը մարդու արժանապատվության մասին է։ Մենք ցանկանում ենք, որ մեր երեխաների համար արժանապատիվ պայմաններ ստեղծված լինեն, և նրանք նյութական բարիքին վերաբերվեն որպես սովորական երևույթի։
«Պապոնց տուն» սոցիալ-կրթական կենտրոնը Նոյեմբերյանում գործում է 2015թ-ից։ Կենտրոնը գործում էր 20-րդ դարի սկզբին կառուցված խարխուլ շինությունում։ Նոր կառույցի շինարարությունը սկսվեց 2019թ-ի դեմտեմբեր ամսին։
Նոր շինության կառուցումը հնարավոր դարձավ մեծապես ՀՀ-ում Ճապոնիայի դեսպանության և «Ցե-Կվադրատ Ամպեգա Ասեթ Մենեջմենթ Արմենիա» ընկերության ներդրման շնորհիվ։
Կենտրոնը կծառայի Նոյեմբերյանի և հարակից գյուղերի 200 երեխաների, հատկապես, զանազան պատճառներով խոցելի դարձած ընտանիքներից։ Կոնտրոնում գործում են կավագործության, նկարչության, կարպետագործության, շախմատի, ազգային ու եկեղեցական երգի, անգլերենի դասընթացներ։ Կենտրոնում կգործի նաև Տավուշի թեմի «ՏաՈւժ-Նոյեմբերյան» դպրոցը։
Ընթացքդ բարի՛, Պապոնց տուն: