Հաղարծին
Հաղարծնի շաբաթ. Նորակոչիկների երդման արարողություն
Այսօր առավոտյան Հաղարծնում զինվորական երդման արարողություն էր. նորակոչիկները երդվեցին անձնվիրաբար ծառայել Հայրենիքին և հանուն նրա չխնայել նույնիսկ իրենց կյանքը: Զինվորներին շնորհավորեց Տավուշի թեմի առաջնորդ գերաշնորհ Տ. Բագրատ եպս. Գալստանյանը՝ մաղթելով, որ որ երկու տարի հետո այս նույն օրը այս նույն գոհության զգացումով նրանք վերադառնան իրենց հայրենի տները. «Այս վայրը պատահական չի ընտրված. այստեղ են հանգչում
... Ավելին.Հաղարծնի շաբաթ. Նորակոչիկների երդման արարողություն
Այսօր առավոտյան Հաղարծնում զինվորական երդման արարողություն էր. նորակոչիկները երդվեցին անձնվիրաբար ծառայել Հայրենիքին և հանուն նրա չխնայել նույնիսկ իրենց կյանքը:
Զինվորներին շնորհավորեց Տավուշի թեմի առաջնորդ գերաշնորհ Տ. Բագրատ եպս. Գալստանյանը՝ մաղթելով, որ որ երկու տարի հետո այս նույն օրը այս նույն գոհության զգացումով նրանք վերադառնան իրենց հայրենի տները.
«Այս վայրը պատահական չի ընտրված. այստեղ են հանգչում մեր երբեմնի փառքը հյուսող արքաները՝ Հովհաննես-Սմբատ և Գագիկ Բ Բագրատունյաց թագավորները, այս վայրով են անցել Հայաստանի ազատագրության կյանքը կերտող Զաքարյան իշխանները, և, ի վերջո, սկզբից մինչև վերջ՝ այս վայրում է թագավորում Աստծո օրհնությունը և ներկայությունը». նշեց Բագրատ Սրբազանը:
«Մեր մաղթանքն է, որ մեր Տերը ուղեկցի ձեզ ձեր ողջ ծառայության ընթացքում»:
Հաղարծնի շաբաթ. Օր 4. Մանուկների օր
Մանուկների օրը ելույթ ունեցավ Տավուշի թեմի մանկապատանեկան և Բերդի երգչախմբերը. Հաղարծինը կրկին լցվեց մանկական ձայների մաքուր ելևէջներով: Մեր փոքրիկ հյուրերի շարքում էին Տավուշի թեմի «Արևիկ» սոցիալ-կրթական կենտրոնի սաները: Նրանք նկարչության բաց դաս արեցին Հաղարծնում: «Հույսի կամուրջ» ՀԿ-ի Իջևանի մասնաճյուղի սաները ֆլեշ-մոբ էին նախապատրաստել: Ներկայացնում ենք նաև մի հատված Բերդի Սբ. Հովհաննես եկեղեցու մանկապատանեկան երգչախմբի այսօրվա
... Ավելին.Հաղարծնի շաբաթ. Օր 4. Մանուկների օր
Մանուկների օրը ելույթ ունեցավ Տավուշի թեմի մանկապատանեկան և Բերդի երգչախմբերը. Հաղարծինը կրկին լցվեց մանկական ձայների մաքուր ելևէջներով:
Մեր փոքրիկ հյուրերի շարքում էին Տավուշի թեմի «Արևիկ» սոցիալ-կրթական կենտրոնի սաները: Նրանք նկարչության բաց դաս արեցին Հաղարծնում:
«Հույսի կամուրջ» ՀԿ-ի Իջևանի մասնաճյուղի սաները ֆլեշ-մոբ էին նախապատրաստել:
Ներկայացնում ենք նաև մի հատված Բերդի Սբ. Հովհաննես եկեղեցու մանկապատանեկան երգչախմբի այսօրվա ելույթից
Խմբավար՝ Հերմինե Փալանդուզյան
Հաղարծնի շաբաթ. Ժողովրդական արվեստի բացօթյա դասեր
Հաղարծնի շաբաթի ողջ ընթացքում վանքի տարածքում գործում են ժողովրդական արվեստի տարբեր ճյուղերի տաղավարներ, որտեղ կարող եք տեսնել արվեստի նմուշների ստեղծման ողջ ընթացքը, ինչպես նաև հնարավորություն ունեք պատրաստել որևէ իր մեր սիրելի վարպետների օգնությամբ: Համեցե՛ք Հաղարծին:
... Ավելին.Հաղարծնի շաբաթ. Ժողովրդական արվեստի բացօթյա դասեր
Հաղարծնի շաբաթի ողջ ընթացքում վանքի տարածքում գործում են ժողովրդական արվեստի տարբեր ճյուղերի տաղավարներ, որտեղ կարող եք տեսնել արվեստի նմուշների ստեղծման ողջ ընթացքը, ինչպես նաև հնարավորություն ունեք պատրաստել որևէ իր մեր սիրելի վարպետների օգնությամբ:
Համեցե՛ք Հաղարծին:
Հաղարծնի շաբաթ. «Մարդիկ բնության հետ շատ ավելի մեղմ են, լեռնային չեն, ավելի անտառային են, այո՛, Տավուշը բացառիկ է»: Գայանե Աբրահամյան, լրագրող
Նախորդ տարի չկարողացանք մասնակցել, բայց անցած տարվա տպավորությունը ֆեյսբուքյան էջից հնարավորինս վայելում էի ու ափսոսում, որ այդտեղ չեմ: Ինձ համար սա ամբողջ այս համալիրը վերակենդանացնելու, մարդկանցով լցնելու, նոր շունչ տալու երևի լավագույն գաղափարն էր: Սրբազանը սովորաբար այսպիսի հանճարեղ գաղափարներ է ունենում: Կուզենայի, որ մյուս եկեղեցիներն ու վանական համալիրներն էլ այսպիսի միջոցառումներ ունենան, դա իսկապես ժողովրդին
... Ավելին.Հաղարծնի շաբաթ. «Մարդիկ բնության հետ շատ ավելի մեղմ են, լեռնային չեն, ավելի անտառային են, այո՛, Տավուշը բացառիկ է»: Գայանե Աբրահամյան, լրագրող
Նախորդ տարի չկարողացանք մասնակցել, բայց անցած տարվա տպավորությունը ֆեյսբուքյան էջից հնարավորինս վայելում էի ու ափսոսում, որ այդտեղ չեմ: Ինձ համար սա ամբողջ այս համալիրը վերակենդանացնելու, մարդկանցով լցնելու, նոր շունչ տալու երևի լավագույն գաղափարն էր: Սրբազանը սովորաբար այսպիսի հանճարեղ գաղափարներ է ունենում: Կուզենայի, որ մյուս եկեղեցիներն ու վանական համալիրներն էլ այսպիսի միջոցառումներ ունենան, դա իսկապես ժողովրդին ու եկեղեցուն մոտեցնելու լավագույն ձևն է:
Ինձ համար Տավուշն իմ արմատներն են՝ մայրական կողմից: Տավուշը շատ տարբեր է Հայաստանի մյուս բնակավայրերից՝ մարդիկ են շատ տարբեր, բնությունն է շատ տարբեր: Մարդիկ բնության հետ շատ ավելի մեղմ են, լեռնային չեն, ավելի անտառային են, այո՛, Տավուշը բացառիկ է:
Շատ վաղուց չեմ գնացել, բայց ինձ համար Ներքին Կարմիրաղբյուր վերադառնալը մանկություն վերադարձ է, դեպի տատիկի տուն, որտեղ բոլոր ամառներն ենք անցկացրել: Շատ ծանր եմ տանում, դրա համար հաճախ չեմ գնում, որովհետև շատ բան փոխվել է, շատ բան պատերազմը կորցրել է: Իմ մանկությունը ես բաժանեցի պատերազմից առաջ և հետո, որովհետև պատերազմի ժամանակ քեռիս մահացավ, մեր մանկության տունը քանդվեց ամբողջությամբ: Այդ շատ խորը ցավն ամեն անգամ ապրում եմ:
Ես խորհուրդ եմ տալիս բոլորին, եթե Հայաստանում են, չհետևեն Հաղարծնի շաբաթին Ֆեյսբուքից, պարտադիր գան, տեսնեն, վայելեն, եկեղեցուն մարդկայնորեն մոտ լինելու հնարավորությունն օգտագործեն:
Հաղարծնի շաբաթ. օր3. Հայաստանի փոքրիկ երգիչները
Արդեն երկրորդ տարին «Հայաստանի փոքրիկ երգիչները» (խմբավար՝ Քնարիկ Բաբաջանյան, գեղարվեստական ղեկավար՝ Տիգրան Հեքեքյան) մասնակցեցին Հաղարծնի շաբաթին՝ իրենց հրեշտակային երգեցողությամբ լցնելով հայ երաժշտությանը կյանք տված կենտրոնը: Խորհրդանշական էր, որ ներկաները հնարավորություն ունեցան վայելել հոգևոր երաժշտության անզուգական կատարումները մեր առաջին կոնսերվատորիայում:
... Ավելին.Հաղարծնի շաբաթ. օր3. Հայաստանի փոքրիկ երգիչները
Արդեն երկրորդ տարին «Հայաստանի փոքրիկ երգիչները» (խմբավար՝ Քնարիկ Բաբաջանյան, գեղարվեստական ղեկավար՝ Տիգրան Հեքեքյան) մասնակցեցին Հաղարծնի շաբաթին՝ իրենց հրեշտակային երգեցողությամբ լցնելով հայ երաժշտությանը կյանք տված կենտրոնը:
Խորհրդանշական էր, որ ներկաները հնարավորություն ունեցան վայելել հոգևոր երաժշտության անզուգական կատարումները մեր առաջին կոնսերվատորիայում:
Հաղարծնի շաբաթ. «Այս օրերն են, որ մեզ ստիպելու են, որ ավելի մոտ կանգնենք մեր արժեքներին» Մանվել Բադալյան, ՀՀ Քաղաքացիական ծառայության խորհրդի նախագահ
Այսօր ճանապարհին գալիս ես ինքս ինձ տվել եմ այս հարցը (Ինչո՞ւմն է Տավուշի բացառիկությունը-խմբ): Առաջին հերթին երկիրը գեղեցիկ է իր մարդկանցով, իր բնությամբ, իր պատմությամբ և իր պայծառ ապագայով, որ ես Տավուշի ու ընդհանրապես մեր Հայրենիքի համար տեսնում եմ: Տպավորություններս ավելին էին, քան ենթադրում էի: Անկեղծ խոստովանեմ, վաղուց նման հոգևոր երաժշտություն չէի ունկնդրել, քիչ է
... Ավելին.Հաղարծնի շաբաթ. «Այս օրերն են, որ մեզ ստիպելու են, որ ավելի մոտ կանգնենք մեր արժեքներին» Մանվել Բադալյան, ՀՀ Քաղաքացիական ծառայության խորհրդի նախագահ
Այսօր ճանապարհին գալիս ես ինքս ինձ տվել եմ այս հարցը (Ինչո՞ւմն է Տավուշի բացառիկությունը-խմբ): Առաջին հերթին երկիրը գեղեցիկ է իր մարդկանցով, իր բնությամբ, իր պատմությամբ և իր պայծառ ապագայով, որ ես Տավուշի ու ընդհանրապես մեր Հայրենիքի համար տեսնում եմ:
Տպավորություններս ավելին էին, քան ենթադրում էի: Անկեղծ խոստովանեմ, վաղուց նման հոգևոր երաժշտություն չէի ունկնդրել, քիչ է ասել ունկնդրել, ես այսօր ըմբոշխնեցի իմ հոգևոր երաժշտությունը, որից ցավոք սրտի հեռացել ենք: Եվ այս օրերն են, որ մեզ ստիպելու են, որ ավելի մոտ կանգնենք մեր արժեքներին: Ձգտելու եմ լինել նաև Հաղարծնի շաբաթվա մյուս օրերին, համենայն դեպս այսօրվա տրամադրությունը նպաստելու է դրան:
Հաղարծնի շաբաթ. «Մեզ համար մեծ պատիվ համարեցինք անպայման գալ, հասնել Հաղարծին» Կարեն Դուրգարյան, ՀՀ վաստակավոր արտիստ, դիրիժոր
Հաղարծինն այն վայրն է, որտեղ ես 5 տարեկանից եմ եկել: Եթե սուտ չասեմ, շատ հաճախ եմ եղել այս վայրում: Փորձում եմ այնպես անել, որ իմ բոլոր բարեկամները, ովքեր գալիս են Հայաստան և ովքեր իմ շրջապատում են, բոլորն այցելեն վանական համալիր: Հնարավոր չէ բացատրել, թե ինչ ուժ կա այստեղ: Ինձ համար ամենակարևոր սրբավայրերից մեկն է, ամեն
... Ավելին.Հաղարծնի շաբաթ. «Մեզ համար մեծ պատիվ համարեցինք անպայման գալ, հասնել Հաղարծին» Կարեն Դուրգարյան, ՀՀ վաստակավոր արտիստ, դիրիժոր
Հաղարծինն այն վայրն է, որտեղ ես 5 տարեկանից եմ եկել: Եթե սուտ չասեմ, շատ հաճախ եմ եղել այս վայրում: Փորձում եմ այնպես անել, որ իմ բոլոր բարեկամները, ովքեր գալիս են Հայաստան և ովքեր իմ շրջապատում են, բոլորն այցելեն վանական համալիր: Հնարավոր չէ բացատրել, թե ինչ ուժ կա այստեղ: Ինձ համար ամենակարևոր սրբավայրերից մեկն է, ամեն տարի պիտի հաճախեմ: Ե՛վ իմ երեխաներին եմ միշտ այստեղ բերում, և՛ իմ բարեկամներին: Հիմա մենք 15 հոգանոց խմբով ենք ու մեզ համար մեծ պատիվ համարեցինք անպայման գալ, հասնել Հաղարծին: Տեսնում եմ, ինչ ակտիվ երիտասարդություն կա այստեղ, առիթն օգտագործելով պետք է երիտասարդներին շնորհակալություն հայտնեմ, ովքեր առանց քննարկման այստեղ են և ուրախանում են:
Առաքելական եկեղեցու ներկայացուցիչների համար հոգևոր հովիվը շատ կարևոր է: Տավուշի հոգևոր հովիվը նույնպես բացառիկ մարդկանցից է, ով ամեն ինչ անում է ի սրտե ու բարությամբ: Անում է ամեն ինչ շատ ճշգրիտ: Երբ ամեն բնագավառում հայ մարդը պրոֆեսիոնալ է, իսկ ես Սրբազանին (նկատի ունի Բագրատ Սրբազանին-խմբ) պրոֆեսիոնալ ուսուցիչ եմ համարում, ում խոսքը կարևոր է: Այնպես որ ինձ համար շատ գնահատելի է ու ես շնորհակալ եմ Աստծուն, որ այդ մարդուն գիտեմ:
Հաղարծնի շաբաթ. Հանդիսավոր բացում
Այսօր Հաղարծնի շաբաթի պաշտոնական բացում էր: «Տավուշն ավելին է, քան պարզապես սահմանում պատահած դեպքերը: Մենք ուզում ենք մեր ներքին հոգևոր կյանքը, մեր մշակութային ժառանգության հարստությունն ու գեղեցկությունը փոխանցել մեր երիտասարդների՝ մեր նոր սերնդի միջոցով: Երբ հայտարարում ենք, որ Տավուշը բացառիկ է, դա ընկալում ենք որպես մի երկար ճանապարհ. կյանք ստեղծող մարդկանց բացառիկության գործընթաց». Բագրատ Սրբազան
... Ավելին.Հաղարծնի շաբաթ. Հանդիսավոր բացում
Այսօր Հաղարծնի շաբաթի պաշտոնական բացում էր:
«Տավուշն ավելին է, քան պարզապես սահմանում պատահած դեպքերը: Մենք ուզում ենք մեր ներքին հոգևոր կյանքը, մեր մշակութային ժառանգության հարստությունն ու գեղեցկությունը փոխանցել մեր երիտասարդների՝ մեր նոր սերնդի միջոցով: Երբ հայտարարում ենք, որ Տավուշը բացառիկ է, դա ընկալում ենք որպես մի երկար ճանապարհ. կյանք ստեղծող մարդկանց բացառիկության գործընթաց». Բագրատ Սրբազան
Հաղարծնում հոգևոր երաժշտությունը խառնվեց երկնային պաշտամունքին. Հաղարծնի շաբաթը մեկնարկեց Հայաստանի կամերային երգչախմբի ելույթով: (Գեղարվեստական ղեկավար և գլխավոր դիրիժոր՝ Ռոբերտ Մլքեյան): Ներկաները հնարավորություն ունեցան վայելելու հոգևոր երաժշտության ապրեցնող հնչյունները:
Ինչպես խնկի անուշ բույրը, խառնվելով օդի հետ, այն դարձնում է քաղցրահամ և անուշահոտ, այսպես և հոգևոր երաժշտության ելևէջները, խառնվելով մեր հոգու հետ, այն դարձնում են անուշաբույր և աստվածահաճո:
Բագրատ Սրբազանի խոսքերով՝ Հաղարծնի վանքին ավելի շքեղ, աղոթական ու փառաբանական ընծայում չէր կարող լինել, քան այս ելույթը:
Հաղարծնի շաբաթ. «Աստծո ինչքա՜ն օրհնություն կա Սրբազանի գործունեության մեջ» Կարինե Գադուկյան, Շիրակի թեմի սոցիալ-կրթական կենտրոնի տնօրեն
Մի քանի գործոն է, որ անպայման է դարձնում մեր՝ ամեն տարի Հաղարծին այցելությունը: Նախ՝ հոգևոր մթնոլորտն է, որ այստեղ տիրում է, հետո՝ Բագրատ Սրբազանի անձն է, որը մեզ համար Հայ եկեղեցում առանձին կանգնած հոգևորականի կերպար է: Ամբողջ տարին ես մեծ ուշադրությամբ հետևում եմ բոլոր այն նախաձեռնություններին, որ մեծ սիրով, նվիրումով, խանդավառությամբ Տավուշի մարզում անում է
... Ավելին.Հաղարծնի շաբաթ. «Աստծո ինչքա՜ն օրհնություն կա Սրբազանի գործունեության մեջ» Կարինե Գադուկյան, Շիրակի թեմի սոցիալ-կրթական կենտրոնի տնօրեն
Մի քանի գործոն է, որ անպայման է դարձնում մեր՝ ամեն տարի Հաղարծին այցելությունը: Նախ՝ հոգևոր մթնոլորտն է, որ այստեղ տիրում է, հետո՝ Բագրատ Սրբազանի անձն է, որը մեզ համար Հայ եկեղեցում առանձին կանգնած հոգևորականի կերպար է: Ամբողջ տարին ես մեծ ուշադրությամբ հետևում եմ բոլոր այն նախաձեռնություններին, որ մեծ սիրով, նվիրումով, խանդավառությամբ Տավուշի մարզում անում է նա: Աստծո ինչքա՜ն օրհնություն կա Սրբազանի գործունեության մեջ: Այս ամենադժվար պայմաններում չի հիասթափվում, կարծես թե ավելի զորանում է:
Այս շաբաթը շատ երիտասարդական է, տարբերվող է հայաստանյան իրականության մեջ: Պահապան զարգացման հիմնադրամի նախաձեռնությունը տեսանք, միանգամից հոգուս դիպավ: Միշտ կա այն մտահոգությունը, թե ինչպես են երեխաներն ապրում այդ կրակոցների տակ: Մեր աղոթքն է, որ Աստված մեր Սրբազանին առողջություն, երկար տարիների կյանք տա, որ ծաղկի Տավուշը:
Հայաստանն ինքնին բացառիկ է, Աստծո օրհնած երկիր է: Այսպիսի ծրագրեր շատ են պետք, որ մեր ժողովուրդն ինքը սկսի մեր հողը սիրել, իր ապագան կապի բացառապես Հայաստանի հետ, հասկանա, որ այս երկրին հայ մարդը պետք է տեր լինի: