Հաղարծին
ԱՍՏՎԱԾԱՄՈՐ ՎԵՐԱՓՈԽՄԱՆ ՏՈՆԸ՝ ՀԱՂԱՐԾՆԻ ՈՒԽՏԻ ՕՐ
«Այսօր Աստվածամոր նկարագիրը մարդու և Աստծո հարաբերության մեջ մարդու զղջումի, իրեն տրվածը խոնարհությամբ ընդունելու, Աստծո հետ հաշտվելու և Աստծո՝ մեզ հետ հաշտվելու պատմությունն է։ Այսօր մարդն ու Աստված հաշտվում են իրար հետ, մարդը և Աստված ձգտում են իրար՝ ոչ թե վերացական կերպով, այլ իրար հետ հաշտ ու զղջումով ապրած լինելու միջոցով։ Այդ պատճառով մենք այլևս
... Ավելին.ԱՍՏՎԱԾԱՄՈՐ ՎԵՐԱՓՈԽՄԱՆ ՏՈՆԸ՝ ՀԱՂԱՐԾՆԻ ՈՒԽՏԻ ՕՐ
«Այսօր Աստվածամոր նկարագիրը մարդու և Աստծո հարաբերության մեջ մարդու զղջումի, իրեն տրվածը խոնարհությամբ ընդունելու, Աստծո հետ հաշտվելու և Աստծո՝ մեզ հետ հաշտվելու պատմությունն է։ Այսօր մարդն ու Աստված հաշտվում են իրար հետ, մարդը և Աստված ձգտում են իրար՝ ոչ թե վերացական կերպով, այլ իրար հետ հաշտ ու զղջումով ապրած լինելու միջոցով։ Այդ պատճառով մենք այլևս ծառաներ չենք կոչվում, այլ՝ որդիներ, և եթե որդի, ուրեմն՝ նաև ժառանգ մեր ամբողջ ունեցածի՝ մեր կյանքի, միմյանց ու մեր ամբողջ ժառանգության։
Աստվածամայրն այն մեծ սիրո պատմությունն է, որ մարդը կարող է և կոչված է ցուցաբերել Աստծո և իր նմանի նկատմամբ։ Սա սիրո պատմություն է, և այդ սիրո պատմության ճանապարհորդությունն է, որ մեզ մտածել է տալիս, առաջնորդում է դեպի մեր կյանքի փրկությունը և արդարությունը»։ Բագրատ Սրբազան
Աստվածածնի Վերափոխման տոնին, պատարագից հետո, կատարվում է Խաղողօրհնեքի կարգը, որի միջոցով գոհանում ենք Աստծուց, մեզ առատապես պարգևած այգիների բերքի համար և խնդրում, որպեսզի Նա օրհնի տաճարին ընծայված խաղողի այս պտուղներն Իր սկզբնական օրհնությամբ և շնորհի մեզ որպես գինի ուրախության և կերակուր առողջության՝ հոգու և մարմնի: Միաժամանակ դիմում ենք սուրբ Աստվածածնի բարեխոսությանը, ում միջոցով մեզ տրվեց կյանքի և անմահության Պտուղը՝ Հիսուս Քրիստոս:
Երիտասարդական «Բարև, ես եմ» ծրագիրը Հաղարծնում
Մեր երիտասարդներն իրական միություն դառնալու ճանապարհով վստահ քայլում են առաջ։ Կայացավ Տավուշի թեմի բոլոր շրջանների ակտիվ երիտասարդներին միավորող ևս մեկ «Բարև, ես եմ» հանդիպում։ Այս անգամ Հաղարծնի վանքում էինք։ Երիտասարդները մասնակցեցին Սուրբ Պատարագին և լսեցին Բագրատ Սրբազանի խոսքը. դուք էլ լսեք։ Հանդիպում ունեցան ռազմական ու հասարակական գործիչ, գնդապետ Ալեքսան Մինասյանի հետ և կարևոր գաղափարներ փոխանակեցին
... Ավելին.Երիտասարդական «Բարև, ես եմ» ծրագիրը Հաղարծնում
Մեր երիտասարդներն իրական միություն դառնալու ճանապարհով վստահ քայլում են առաջ։ Կայացավ Տավուշի թեմի բոլոր շրջանների ակտիվ երիտասարդներին միավորող ևս մեկ «Բարև, ես եմ» հանդիպում։ Այս անգամ Հաղարծնի վանքում էինք։
Երիտասարդները մասնակցեցին Սուրբ Պատարագին և լսեցին Բագրատ Սրբազանի խոսքը. դուք էլ լսեք։
Հանդիպում ունեցան ռազմական ու հասարակական գործիչ, գնդապետ Ալեքսան Մինասյանի հետ և կարևոր գաղափարներ փոխանակեցին մեր հայրենիքի, բանակի և պետականության մասին։
Զրուցեցին ՀՀ վաստակավոր արտիստ Նելլի Խերանյանի հետ և սովորեցին, թե ինչպես պետք է զարգացնեն իրենց խոսքարվեստը։
Ծրագրի շրջանակներում մեր ակտիվ երիտասարդները պարբերաբար հավաքվում են և միասին հոգևոր-կրթական հագեցած օրեր ունենուն թեմի տարբեր համայնքներում։ Այնպես որ՝ դեռ կհանդիպենք։
Լուսավոր օր․ 44֊օրյա պատերազմի նահատակ Մանվել Մանուչարյանի նորածին եղբոր` Էմմանուելի 40֊օրյա ընծայման կարգը
Էմմանուելը ծնվել է մեր Տիրոջ Ծննդյան և Աստվածհայտնության տոնին՝ հունվարի 6-ին։ Այսօր՝ Տիրոջ՝ Տաճարին ընծայման տոնին, երբ 40 օրական Հիսուսին ընծայեցին Տաճարին, այնպես էլ այսօր Հաղարծնի վանքում մեր Էմմանուելին ընծայեցինք։ Բազմաթիվ հարազատների հետ միասին արարողությանը ներկա էին նաև մեր մյուս նահատակի՝ Վահեի ծնողները՝ «Հավերժ» ՀԿ-ի համահիմնադիր Կարինե Մուրադյանը և Արթուր Եղիկյանը։ «Մեր տղերքն իրենց եղբայրներով
... Ավելին.Լուսավոր օր․ 44֊օրյա պատերազմի նահատակ Մանվել Մանուչարյանի նորածին եղբոր` Էմմանուելի 40֊օրյա ընծայման կարգը
Էմմանուելը ծնվել է մեր Տիրոջ Ծննդյան և Աստվածհայտնության տոնին՝ հունվարի 6-ին։
Այսօր՝ Տիրոջ՝ Տաճարին ընծայման տոնին, երբ 40 օրական Հիսուսին ընծայեցին Տաճարին, այնպես էլ այսօր Հաղարծնի վանքում մեր Էմմանուելին ընծայեցինք։
Բազմաթիվ հարազատների հետ միասին արարողությանը ներկա էին նաև մեր մյուս նահատակի՝ Վահեի ծնողները՝ «Հավերժ» ՀԿ-ի համահիմնադիր Կարինե Մուրադյանը և Արթուր Եղիկյանը։
«Մեր տղերքն իրենց եղբայրներով ու քույրերով չեն վերածնվում, ամեն մեկն իր կյանքով ու պատասխանատվությամբ բացառիկ արժեք է։ Մեր Մանվելը հետ չի եկել, այլ մենք ենք գնալու իրեն տեսնելու, եթե արժանի լինենք։ Էմմանուելը նոր կյանք, նոր ծնունդ, նոր լույս, նոր արժեք է։
Մեծ խորհուրդ եմ տեսնում այստեղ, որ այդ ամբողջ ցավի ու տառապանքի մեջ Մանվելի մեկնելուց հետո այս լույսը ծագել է ձեր ընտանիքում և մեր ողջ ժողովրդի կյանքում։
Պատահական չէ, որ այսօր մեր սիրելի Վահեի ծնողներն էլ են այստեղ, որոնք ընկերակից, զինակից, զորակիցն են, այդ դառնության մեջ կիսում են այս ուրախությունը։
Մշտապես շեշտել եմ և այսօր էլ եմ ուզում շեշտել․ մեր տղաների նահատակությունը ընտանիքներին չի պատկանում, միայն իրենցը չի ոչ ցավը, ոչ դժվարությունը, ոչ էլ տառապանքը, դա մեր ընդհանրական նկարագիր ունեցող ողջ ժողովրդինն է։
Այսօր էլ Էմմանուելի ծնունդը դարձյալ մերը՝ բոլորինս է՝ ձեր կյանքից ծնված, ձեր սիրով ծնված։
Էմմանուել և Մանվել նշանակում է Աստված մեզ հետ է։ Մաղթում եմ, որ Էմմանուելը հենց այդ ճանապարհի մեջ աճի, մեծանա, սուրբ մկրտության արժանանա, իր եղբորն արժանի եղբայր ու մեր ազգին արժանի զավակ լինի։Թող մեր տղերքը երկնքում այսօր ուրախանան՝ տեսնելով այս համախումբ ներկայությունը։ Արսեն ջան, Լիլյա ջան, շնորհակալություն ձեզ՝ այս ծննդյան համար շնորհակալություն ձեզ, ձեր վեհության համար շնորհակալություն ձեզ։
«Ուժեղ» չխաղաք երբեք, այստեղ ուժեղության հարց բացարձակ չկա։ Առաքյալի խոսքերով՝ մեր զորությունը մեր տկարության մեջ է՝ թույլ տալու, որ Հոգին մտնի մեր կյանք ու Հոգին առաջնորդի մեր նավը, այնպես, ինչպես առաջաստանավն է առաջնորդվում տկար, թույլ կտորից պատրաստված առագաստով և մարդկանց տանում է փոթորիկների միջով, որովհետև այնտեղ Հոգին է»,- ասաց Բագրատ Սրբազան իր խոսքում։
ՏԱՎՈՒՇԻ ԹԵՄԻ ԴՊՐԱՑ ԲԱՆԱԿԸ ՀԱՂԱՐԾՆՈՒՄ
Քրիստոսի Ծննդյան ավետիսը մեր շուրթերին՝ երկու օրհնաբեր օր ունեցանք Հաղարծնում։ Տավուշի թեմի եկեղեցիներում ծառայող մանուկ դպիրները հերթական անգամ առիթն ունեցան լսելու Սրբազան Հոր, թեմի հոգևորականների խրատներն ու հորդորները և աղոթեցին միասին։ Դպրաց բանակի շարքերն օրեցոր համալրվում են, ինչն էլ հավատք է արթնացնում առ այն, որ «ՏաՀույսն» ուղղակի խոսք չէ։
... Ավելին.ՏԱՎՈՒՇԻ ԹԵՄԻ ԴՊՐԱՑ ԲԱՆԱԿԸ ՀԱՂԱՐԾՆՈՒՄ
Քրիստոսի Ծննդյան ավետիսը մեր շուրթերին՝ երկու օրհնաբեր օր ունեցանք Հաղարծնում։
Տավուշի թեմի եկեղեցիներում ծառայող մանուկ դպիրները հերթական անգամ առիթն ունեցան լսելու Սրբազան Հոր, թեմի հոգևորականների խրատներն ու հորդորները և աղոթեցին միասին։
Դպրաց բանակի շարքերն օրեցոր համալրվում են, ինչն էլ հավատք է արթնացնում առ այն, որ «ՏաՀույսն» ուղղակի խոսք չէ։
ՃՐԱԳԱԼՈՒՅՑԻ ՍՈՒՐԲ ՊԱՏԱՐԱԳ ՀԱՂԱՐԾՆԻ ՎԱՆՔՈՒՄ
Քրիստոս ծնավ և հայտնեցավ, մեզ և ձեզ մեծ ավետիս. Օրհնեալ է հայտնությունը Քրիստոսի«Փառք Աստծուն՝ բարձունքներում և երկրի վրա խաղաղություն և հաճություն՝ մարդկանց մեջ»: (Ղուկ. 2:14)
... Ավելին.ՃՐԱԳԱԼՈՒՅՑԻ ՍՈՒՐԲ ՊԱՏԱՐԱԳ ՀԱՂԱՐԾՆԻ ՎԱՆՔՈՒՄ
Քրիստոս ծնավ և հայտնեցավ, մեզ և ձեզ մեծ ավետիս. Օրհնեալ է հայտնությունը Քրիստոսի«Փառք Աստծուն՝ բարձունքներում և երկրի վրա խաղաղություն և հաճություն՝ մարդկանց մեջ»: (Ղուկ. 2:14)
ՁԵՌԱԳՐԵՐԻ ԿՐԿՆՕՐԻՆԱԿՆԵՐ ԵՆ ՊԱՏՐԱՍՏՎՈՒՄ ՀԱՂԱՐԾՆԻ ՎԱՆՔԻ ԹԱՆԳԱՐԱՆԻ ՀԱՄԱՐ
Այսօր ստորագրվեց պայմանագիր Մաշտոցյան Մատենադարանի և Տավուշի թեմի միջև, համաձայն որի մինչև 2022թ-ի վերջ Հաղարծնում կբացվի մշտական ցուցադրություն՝ ներկայացնելով Տավուշի վանքերում (Հաղարծին, Խորանաշատ, Դեղձուտ, Մշկավանք, Չարեքայ Անապատ և այլն) ստեղծված ձեռագրական ժառանգությունը։ Կրկնօրինակման և մակետավորման բաժինն արդեն սկսել է աշխատանքները։ Մատենադարանի մասնագետները մեկ տարվա ընթացքում ավարտին կհասցնեն 12 ձեռագրերի կրկնօրինակման աշխատանքները: ․․․Մեր բոլոր վանքները եղել
... Ավելին.ՁԵՌԱԳՐԵՐԻ ԿՐԿՆՕՐԻՆԱԿՆԵՐ ԵՆ ՊԱՏՐԱՍՏՎՈՒՄ ՀԱՂԱՐԾՆԻ ՎԱՆՔԻ ԹԱՆԳԱՐԱՆԻ ՀԱՄԱՐ
Այսօր ստորագրվեց պայմանագիր Մաշտոցյան Մատենադարանի և Տավուշի թեմի միջև, համաձայն որի մինչև 2022թ-ի վերջ Հաղարծնում կբացվի մշտական ցուցադրություն՝ ներկայացնելով Տավուշի վանքերում (Հաղարծին, Խորանաշատ, Դեղձուտ, Մշկավանք, Չարեքայ Անապատ և այլն) ստեղծված ձեռագրական ժառանգությունը։
Կրկնօրինակման և մակետավորման բաժինն արդեն սկսել է աշխատանքները։ Մատենադարանի մասնագետները մեկ տարվա ընթացքում ավարտին կհասցնեն 12 ձեռագրերի կրկնօրինակման աշխատանքները:
․․․Մեր բոլոր վանքները եղել են գրչության կենտրոններ։ Այդ կենտրոններում ստեղծված ձեռագրերն ու մատյաններն են հիմա պահվում Մատենադարանում։ Տավուշի ականավոր վանքերից էին Հաղարծինը, Գոշավանքը, Խորանաշատը և այլն։
․․․Սա առաջին քայլն է՝ ստեղծել ձեռագրերի ցուցասրահ-թանգարան Հաղարծնի վանքում, որպեսզի ավելի ընկալելի լինի և՛ մեր հայրենակիցներին, և՛ օտարերկրյա զբոսաշրջիկներին, թե ինչ ժառանգություն են թողել մեր միջնադարյան հոգևոր հաստատությունները և մեր մեծ հայրերը՝ Մխիթար Գոշը, Վանական վարդապետը և այլոք։
Պայմանագիրը ստորագրեցին Մատենադարանի գիտական գծով փոխտնօրեն Կարեն Մաթևոսյանը և Տավուշի թեմի առաջնորդ Բագրատ եպիսկոպոս Գալստանյանը։ Ստորագրման հանդիսավոր արարողությանը ներկա էր Հաղարծնի վանահայր Տեր Սամվել վարդապետ Մխիթարյանը։
ՁԵՌԱԳՐԵՐԻ ԿՐԿՆՕՐԻՆԱԿՆԵՐ ԵՆ ՊԱՏՐԱՍՏՎՈՒՄ ՀԱՂԱՐԾՆԻ ՎԱՆՔԻ ԹԱՆԳԱՐԱՆԻ ՀԱՄԱՐ
Այսօր ստորագրվեց պայմանագիր Մաշտոցյան Մատենադարանի և Տավուշի թեմի միջև, համաձայն որի մինչև 2022թ-ի վերջ Հաղարծնում կբացվի մշտական ցուցադրություն՝ ներկայացնելով Տավուշի վանքերում (Հաղարծին, Խորանաշատ, Դեղձուտ, Մշկավանք, Չարեքայ Անապատ և այլն) ստեղծված ձեռագրական ժառանգությունը։
Կրկնօրինակման և մակետավորման բաժինն արդեն սկսել է աշխատանքները։ Մատենադարանի մասնագետները մեկ տարվա ընթացքում ավարտին կհասցնեն 12 ձեռագրերի կրկնօրինակման աշխատանքները:
․․․Մեր բոլոր վանքները եղել են գրչության կենտրոններ։ Այդ կենտրոններում ստեղծված ձեռագրերն ու մատյաններն են հիմա պահվում Մատենադարանում։ Տավուշի ականավոր վանքերից էին Հաղարծինը, Գոշավանքը, Խորանաշատը և այլն։
․․․Սա առաջին քայլն է՝ ստեղծել ձեռագրերի ցուցասրահ-թանգարան Հաղարծնի վանքում, որպեսզի ավելի ընկալելի լինի և՛ մեր հայրենակիցներին, և՛ օտարերկրյա զբոսաշրջիկներին, թե ինչ ժառանգություն են թողել մեր միջնադարյան հոգևոր հաստատությունները և մեր մեծ հայրերը՝ Մխիթար Գոշը, Վանական վարդապետը և այլոք։
Պայմանագիրը ստորագրեցին Մատենադարանի գիտական գծով փոխտնօրեն Կարեն Մաթևոսյանը և Տավուշի թեմի առաջնորդ Բագրատ եպիսկոպոս Գալստանյանը։ Ստորագրման հանդիսավոր արարողությանը ներկա էր Հաղարծնի վանահայր Տեր Սամվել վարդապետ Մխիթարյանը։
Բագրատ Սրբազանի քարոզը Սուրբ Ծննդյան Ճրագալույցին
Հիսուսի Ծնունդը փողոցի մերժումն է ու ՏԱՃԱՐԻ ձգտումը։ ․․․ Այս Ծնունդը մեր ընտրված լինելու խորհուրդն է։ Չկա ավելի մեծ արժեք։ ․․․ Անսերացել ենք, ժողովուրդ։ Ինքնասիրահարվել ենք, ժողովուրդ Բագրատ եպիսկոպոս Գալստանյան
... Ավելին.Բագրատ Սրբազանի քարոզը Սուրբ Ծննդյան Ճրագալույցին
Հիսուսի Ծնունդը փողոցի մերժումն է ու ՏԱՃԱՐԻ ձգտումը։
․․․ Այս Ծնունդը մեր ընտրված լինելու խորհուրդն է։ Չկա ավելի մեծ արժեք։
․․․ Անսերացել ենք, ժողովուրդ։ Ինքնասիրահարվել ենք, ժողովուրդ
Բագրատ եպիսկոպոս Գալստանյան
Այսօր Հաղարծնի ուխտի օրն է՝ Աստվածամոր վերափոխման տոնը
Ավանդությունը պատմում է, որ Բարդուղիմեոս առաքյալը Աստվածամոր ննջման և թաղման օրերին Հայաստան աշխարհում էր, և երբ նա հասավ Երուսաղեմ ու իմացավ կատարվածը՝ վշտացավ, որ չկարողացավ վերջին անգամ տեսնել Աստվածամորն ու ստանալ վերջին օրհնությունը, ինչպես մյուս առաքյալները: Խնդրեց մյուս առաքյալներին, որ բացեն Տիրամոր գերեզմանը և ցույց տան Աստվածածնի մարմինը:Առաքյալներն ահով ու դողով կատարեցին իրենց եղբոր փափագը.
... Ավելին.Այսօր Հաղարծնի ուխտի օրն է՝ Աստվածամոր վերափոխման տոնը
Ավանդությունը պատմում է, որ Բարդուղիմեոս առաքյալը Աստվածամոր ննջման և թաղման օրերին Հայաստան աշխարհում էր, և երբ նա հասավ Երուսաղեմ ու իմացավ կատարվածը՝ վշտացավ, որ չկարողացավ վերջին անգամ տեսնել Աստվածամորն ու ստանալ վերջին օրհնությունը, ինչպես մյուս առաքյալները: Խնդրեց մյուս առաքյալներին, որ բացեն Տիրամոր գերեզմանը և ցույց տան Աստվածածնի մարմինը:Առաքյալներն ահով ու դողով կատարեցին իրենց եղբոր փափագը. բացեցին գերեզմանը, սակայն այն դատարկ գտան: Նրանք սկզբում խիստ զարմացան, բայց այնուհետև հիշեցին, որ Տերը խոստացել էր Տիրամորը փոխադրել իր մոտ և հիանալով՝ փառք տվեցին Աստծուն:
․․․Հաղարծնի վանքի խորհրդանիշ համարվող Աստվածամոր բարձրաքանդակը, որը, հավանաբար, 12-րդ դարում զարդարում էր վանքի սբ․ Աստվածածին եկեղեցու գավթի դռան վերնամասը՝ որպես բարավոր, այժմ զարդարում է նույն եկեղեցու խորանը։Վերջին տարիներին այն որպես հայկական ճարտարապետությունն ու միջնադարյան քանդակագործությունը ներկայացնող արժեքավոր նմուշ ցուցադրվել է Հայաստանի Պատմության Թանգարանում և անգամ մեր երկիրը ներկայացնող ցուցանմուշներից մեկը եղել Լուվրում։ Ի վերջո, այս տարի հունվարի 30-ին Հաղարծնի Աստվածամայրը վերադարձել է տուն։
Հենց Հաղարծնի Աստվածամոր խորդրդով է Վերափոխման տոնը հռչակվել Հաղարծնի ուխտի օր։
Հաղարծնի ուխտի օրը՝ Աստվածամոր վերափոխման տոնը. Բագրատ Սրբազանի քարոզը
Մենք, որպես մեղավոր մարդիկ, ցանկությունն ունենք Աստծո հետ ապրելու, բայց արդյո՞ք ամբողջությամբ՝ մեր կյանքով ու գործով, մեր վկայությամբ, հավատարմությամբ ապրում ենք իր հետ։ Ցանկանո՞ւմ ենք, որ այդպես լինի, թե՞ այդպես ապրում ենք։ ․․․ Երբեմն այնպիսի պատասխանատվություն ենք ուզում ստանձնել, որն ինքնին ծառայում է անպատասխանատու լինելուն։ Պատասխանատու անպատասխանատվության լավագույն արտահայտությունը և միջավայրը, որի մեջ այսօր բոլորս
... Ավելին.Հաղարծնի ուխտի օրը՝ Աստվածամոր վերափոխման տոնը. Բագրատ Սրբազանի քարոզը
Մենք, որպես մեղավոր մարդիկ, ցանկությունն ունենք Աստծո հետ ապրելու, բայց արդյո՞ք ամբողջությամբ՝ մեր կյանքով ու գործով, մեր վկայությամբ, հավատարմությամբ ապրում ենք իր հետ։ Ցանկանո՞ւմ ենք, որ այդպես լինի, թե՞ այդպես ապրում ենք։
․․․ Երբեմն այնպիսի պատասխանատվություն ենք ուզում ստանձնել, որն ինքնին ծառայում է անպատասխանատու լինելուն։ Պատասխանատու անպատասխանատվության լավագույն արտահայտությունը և միջավայրը, որի մեջ այսօր բոլորս ենք ապրում, մեր սոցիալական ցանցերն են, որոնք դարձել են վախկոտների անվախության օջախը, որոնք դարձել են տկարամիտների ամենաիմաստուն դրսևորում ունենալու վայրը, որոնք դարձել են անդիմագիծների ինքնանկարագիր ունենալու լավագույն տեսարանը։ Մարդիկ, որոնք կարծում են, թե պատասխանատու են, բայց ամենաանպատասխանատու պատասխանատվությունն են կրում։
Բագրատ եպիսկոպոս Գալստանյան