Նորություններ
ՏԱՎՈՒՇԻ ԹԵՄԻ ԱՌԱՋՆՈՐԴԻ ՇՆՈՐՀԱՎՈՐԱՆՔՆ ՈՒ ՕՐՀՆՈՒԹՅՈՒՆԸ ԳԻՏԵԼԻՔԻ ՕՐՎԱ ԱՌԹԻՎ
Տավուշ աշխարհի սիրելի՛ ուսանողներ, աշակերտներ, ուսուցիչներ, կրթական մշակներ, Աստծով օրհնված այս պայծառ և լուսավոր աառավոտյան ողջո՜ւյն ձեզ և օրհնություն ուսումնական տարվա առաջին օրվա առիթով: Դարձյալ եռում է կյանքը Տավուշ աշխարհում ուսումնական տարվա սկզբի ուրախությամբ: Թող այսօրվա տոնական, սպասելիքներով, հույսով ու սիրով լցված օրը ուղեկցի ձեզ ողջ տարվա ընթացքում՝ ամեն օրը վերածելով նոր ձեռքբերումների, նոր որակների և
... Ավելին.ՏԱՎՈՒՇԻ ԹԵՄԻ ԱՌԱՋՆՈՐԴԻ ՇՆՈՐՀԱՎՈՐԱՆՔՆ ՈՒ ՕՐՀՆՈՒԹՅՈՒՆԸ ԳԻՏԵԼԻՔԻ ՕՐՎԱ ԱՌԹԻՎ
Տավուշ աշխարհի սիրելի՛ ուսանողներ, աշակերտներ, ուսուցիչներ, կրթական մշակներ,
Աստծով օրհնված այս պայծառ և լուսավոր աառավոտյան ողջո՜ւյն ձեզ և օրհնություն ուսումնական տարվա առաջին օրվա առիթով:
Դարձյալ եռում է կյանքը Տավուշ աշխարհում ուսումնական տարվա սկզբի ուրախությամբ: Թող այսօրվա տոնական, սպասելիքներով, հույսով ու սիրով լցված օրը ուղեկցի ձեզ ողջ տարվա ընթացքում՝ ամեն օրը վերածելով նոր ձեռքբերումների, նոր որակների և հմտությունների զարգացման ու կրթական անբասիր միջավայրի ստեղծման աննվազ ժամանակահատվածի:
Հատկապես մեր տարածաշրջանում, որտեղ կրթությունն ու ուսումնառությունը թե’ պատմականորեն և թե՛ ներկայիս բնական ձգտում է, որտեղ սահմանային անվտանգությունն ու անհանգստությունը փորձում են խաթարել մեր բնականոն կյանքը՝ մեզ համար էլ ավելի մեծ պատասխանատվություն է զորացնել ու զարգացնել մեր կրթական կյանքը թե՛ հավաքական և թե՛ անձնական ճիգերով ու ջանքերով՝ խավարը վերածելով լույսի, ծուլությունը՝ աշխատանքի, խնդիրը՝ հնարավորության, անհուսությունը՝ հույսի, դժկամությունը՝ սիրո, միշտ գիտության ու կրթության բարձրունքներին ձգտող իսկատիպ տավուշեցու՝ Հույսի Աշխարհի, նկարագրին համարժեք:
Շնորհավորում եմ բոլորիս ու բոլորիդ, մաղթելով անսպառ եռանդ, արթուն միտք, անսասան հավատք, անհատնում համբերություն և ծովացող սեր ողջ ուսումնական տարվա ընթացքում:
Աստված օրհնի ձեր ընթացքը
սիրով և աղոթքով
Բագրատ եպիսկոպոս Գալստանյան
ՇԱՐՈՒՆԱԿՈՒՄ ԵՆՔ ՍԵՐՏԵԼ ՍՈՒՐԲ ԳԻՐՔԸ
Իջևանի երիտասարդների Աստվածաշնչի հերթական հավաքը Սբ. Ներսես Շնորհալի եկեղեցում: Ամեն երկուշաբթի մենք հավաքվում ենք՝ ընթերցելու Աստվածաշունչն ու միասին սերտելու այն։
... Ավելին.ՇԱՐՈՒՆԱԿՈՒՄ ԵՆՔ ՍԵՐՏԵԼ ՍՈՒՐԲ ԳԻՐՔԸ
Իջևանի երիտասարդների Աստվածաշնչի հերթական հավաքը Սբ. Ներսես Շնորհալի եկեղեցում: Ամեն երկուշաբթի մենք հավաքվում ենք՝ ընթերցելու Աստվածաշունչն ու միասին սերտելու այն։
ՄԻ ԱՓ ԵՐՋԱՆԿՈՒԹՅՈՒՆ ՍԵՎԱՆԻՑ․ ԵՌՕՐՅԱ ՃԱՄԲԱՐ
Իջևանի և սահմանապահ Բերդավան ու Ազատամուտ համայնքների մանուկներն ու պատանիները օգոստոսի 29-31-ը հրաշալի օրեր անցկացրին Տավուշի թեմի կազմակերպած ճամբարում: Ամառային ճամբարի 3 ուրախ օրերի ամփոփումը՝ մեր տեսանյութում․
... Ավելին.ՄԻ ԱՓ ԵՐՋԱՆԿՈՒԹՅՈՒՆ ՍԵՎԱՆԻՑ․ ԵՌՕՐՅԱ ՃԱՄԲԱՐ
Իջևանի և սահմանապահ Բերդավան ու Ազատամուտ համայնքների մանուկներն ու պատանիները օգոստոսի 29-31-ը հրաշալի օրեր անցկացրին Տավուշի թեմի կազմակերպած ճամբարում:
Ամառային ճամբարի 3 ուրախ օրերի ամփոփումը՝ մեր տեսանյութում․
ԱՍՏՎԱԾԱՇՆՉԻ ՍԵՐՏՈՂՈՒԹՅՈՒՆ
Քո խոսքը ճրագ է իմ ոտքերի համար,և լուսավորում է իմ շավիղները: Սաղմոս 118.105 Երանի այն մարդուն, որ իմաստություն կգտնի, և այն մահկանացուին, որ հանճար կստանա, քանզի իմաստությունն ավելի թանկ արժե, քան ոսկու և արծաթի գանձերը: Այն առավել հարգի է, քան անգին քարերը, և չկա ոչ մի չար բան, որ հակառակ կանգնի նրան: Առակաց 3.13-15 Իջևանի
... Ավելին.ԱՍՏՎԱԾԱՇՆՉԻ ՍԵՐՏՈՂՈՒԹՅՈՒՆ
Քո խոսքը ճրագ է իմ ոտքերի համար,և լուսավորում է իմ շավիղները:
Սաղմոս 118.105
Երանի այն մարդուն, որ իմաստություն կգտնի, և այն մահկանացուին, որ հանճար կստանա, քանզի իմաստությունն ավելի թանկ արժե, քան ոսկու և արծաթի գանձերը: Այն առավել հարգի է, քան անգին քարերը, և չկա ոչ մի չար բան, որ հակառակ կանգնի նրան:
Առակաց 3.13-15
Իջևանի երիտասարդները Տավուշի թեմի առաջնորարանում սերտում են Սուրբ Գիրքը։
«ՀՈՒՅՍԸ ՊԵՏՔ Է ԼԻՆԻ ՄԵՐ ԵԼԱԿԵՏԸ»․ ՏԱՎՈՒՇԻ ԹԵՄԻ ԿԻՐԱԿՆՕՐՅԱ ԴՊՐՈՑՆԵՐԻ ՈՒՍՈՒՑԻՉՆԵՐԻ ՏԱՐԵՍԿԶԲԻ ՀԱՎԱՔԸ
Օգոստոսի 28-ին Իջևանում կայացավ Տավուշի թեմի կիրակնօրյա դպրոցների ուսուցիչների մեկնարկային հավաք-սեմինարը. կիրակնօրյա դպրոցները սեպտեմբերից կսկսեն իրենց արդեն երկրորդ ուսումնական տարին: Օրվա սկզբին ուսուցիչները Սուրբ և Անմահ Պատարագի մասնակցեցին Իջևանի Սբ. Ամենափրկիչ եկեղեցում, ապա հանդիպումը շարունակվեց Տավուշի թեմի առաջնորդարանում: Քննարկվեցին կիրակնօրյա դպրոցների ընդհանուր ուսումնական ծրագիրն ու ռազմավարությունը, սեմինար-քննարկում անցկացրեցին թեմում արդեն մեկ տարի գործող «Լույս մանկանց»
... Ավելին.«ՀՈՒՅՍԸ ՊԵՏՔ Է ԼԻՆԻ ՄԵՐ ԵԼԱԿԵՏԸ»․ ՏԱՎՈՒՇԻ ԹԵՄԻ ԿԻՐԱԿՆՕՐՅԱ ԴՊՐՈՑՆԵՐԻ ՈՒՍՈՒՑԻՉՆԵՐԻ ՏԱՐԵՍԿԶԲԻ ՀԱՎԱՔԸ
Օգոստոսի 28-ին Իջևանում կայացավ Տավուշի թեմի կիրակնօրյա դպրոցների ուսուցիչների մեկնարկային հավաք-սեմինարը. կիրակնօրյա դպրոցները սեպտեմբերից կսկսեն իրենց արդեն երկրորդ ուսումնական տարին:
Օրվա սկզբին ուսուցիչները Սուրբ և Անմահ Պատարագի մասնակցեցին Իջևանի Սբ. Ամենափրկիչ եկեղեցում, ապա հանդիպումը շարունակվեց Տավուշի թեմի առաջնորդարանում: Քննարկվեցին կիրակնօրյա դպրոցների ընդհանուր ուսումնական ծրագիրն ու ռազմավարությունը, սեմինար-քննարկում անցկացրեցին թեմում արդեն մեկ տարի գործող «Լույս մանկանց» ծրագրի համակարգող Նանե Խաչատրյանը, ձեռքի աշխատանքի հմտություններ դասավանդող Ռուզաննա Հայրապետյանը և հոգևոր դաստիարակության, ծրագրերի պատասխանատու Սուսաննա Տեր-Հովհաննիսյանը:
Տավուշի թեմի առաջնորդ Բագրատ Սրբազանի խոսքերով՝ առավել պատասխանատու այս երկրորդ տարում կիրակնօրյայի ուսուցիչների առաքելությունը մեկն է՝ հույսը, առանց որի անհնար են նյութական, տնտեսական բարիքները, տարածել ու փոխանցել ուրիշներին. «Հույս ունեցող մարդը հրաշքներ է գործում…Այն պետք է լինի ո՛չ թե մեր արտադրանքը, այլ մեր սկզբնական հիմքը. հույսը պետք է լինի մեր ելակետը»:
ՆՈՐ ՈՒՍՈՒՄՆԱԿԱՆ ՏԱՐԻՆ ՎԵՐԱՆՈՐՈԳՎԱԾ ԴԱՍԱՍԵՆՅԱԿՆԵՐՈՒՄ. ՍԱՐԻԳՅՈՒՂ
Սահմանապահ Սարիգյուղի երեխաների ուսումնական տարին կսկսվի վերանորոգված դասարաններում. 3 շաբաթ տևած շինարարական աշխատանքներն ավարտվեցին դասարանների բացումից րոպեներ առաջ: Դեռ նախորդ տարվա նոյեմբերին ՀԲԸՄ Ֆրանսիայի ճյուղը Տավուշի թեմի առաջնորդ Բագրատ եպիսկոպոս Գալստանյանին հայտնել էր համայնքին օգնելու պատրաստակամության մասին: Սահմանամերձ Սարիգյուղի դպրոցի նախակրթարանի նորոգման ծրագիրը կազմելուց հետո 33 հոգանոց խումբը ձեռնամուխ եղավ միջոցների հայթհայթմանը: Համերգներից ու միջոցառումներից
... Ավելին.ՆՈՐ ՈՒՍՈՒՄՆԱԿԱՆ ՏԱՐԻՆ ՎԵՐԱՆՈՐՈԳՎԱԾ ԴԱՍԱՍԵՆՅԱԿՆԵՐՈՒՄ. ՍԱՐԻԳՅՈՒՂ
Սահմանապահ Սարիգյուղի երեխաների ուսումնական տարին կսկսվի վերանորոգված դասարաններում. 3 շաբաթ տևած շինարարական աշխատանքներն ավարտվեցին դասարանների բացումից րոպեներ առաջ:
Դեռ նախորդ տարվա նոյեմբերին ՀԲԸՄ Ֆրանսիայի ճյուղը Տավուշի թեմի առաջնորդ Բագրատ եպիսկոպոս Գալստանյանին հայտնել էր համայնքին օգնելու պատրաստակամության մասին:
Սահմանամերձ Սարիգյուղի դպրոցի նախակրթարանի նորոգման ծրագիրը կազմելուց հետո 33 հոգանոց խումբը ձեռնամուխ եղավ միջոցների հայթհայթմանը: Համերգներից ու միջոցառումներից ստացված հասույթով, էլեկտրոնային նվիրատվությամբ և անհատ բարերարների միջոցներով հանգանակված գումարով խումբը եկավ հայրենիք:
Տեսանյութը՝ Շողակաթ ՀԸ-ի
ՄԿՐՏՎԵՑԻՆ ԼՅՈՒՍԻ ՊՈՂՈՍՅԱՆԻ ԱՆՎԱՆ ԿԻՐԱԿՆՕՐՅԱ ԴՊՐՈՑԻ ՍԱՆԵՐԸ
-Այս երախան ի՞նչ է ցանկանում -Հավատք, հույս, սեր և ՄԿՐՏՈՒԹՅՈՒՆ Այսօր Իջևանի ս.Ամենափրկիչ եկեղեցում մկրտվեցին կանադահայ Լուսի Պողոսյանի անվան կիրակնօրյա դպրոցի շուրջ 50 մանուկներ: Նրանք երկար էին պատրաստվել այս օրվան և խորհրդի մաքրամաքուր գիտակցությամբ մոտեցան սուրբ ավազանին: Մկրտությանը ներկա էր Լուսի Պողոսյանի դուստրը՝ Սոսի Մանուկյանը
... Ավելին.ՄԿՐՏՎԵՑԻՆ ԼՅՈՒՍԻ ՊՈՂՈՍՅԱՆԻ ԱՆՎԱՆ ԿԻՐԱԿՆՕՐՅԱ ԴՊՐՈՑԻ ՍԱՆԵՐԸ
-Այս երախան ի՞նչ է ցանկանում
-Հավատք, հույս, սեր և ՄԿՐՏՈՒԹՅՈՒՆ
Այսօր Իջևանի ս.Ամենափրկիչ եկեղեցում մկրտվեցին կանադահայ Լուսի Պողոսյանի անվան կիրակնօրյա դպրոցի շուրջ 50 մանուկներ: Նրանք երկար էին պատրաստվել այս օրվան և խորհրդի մաքրամաքուր գիտակցությամբ մոտեցան սուրբ ավազանին:
Մկրտությանը ներկա էր Լուսի Պողոսյանի դուստրը՝ Սոսի Մանուկյանը
Հաղարծնի շաբաթ. «Տավուշի թեմը վերջին 2 տարիների ընթացքում մագնիսի պես իրեն է ձգում մեր ժողովրդի զավակներին» Երվանդ Երկանյան, կոմպոզիտոր, ՀՀ արվեստի վաստակավոր գործիչ
Առհասարակ, երբ ես ոտք եմ դնում Հաղարծնի վանք, յուրահատուկ զգացումներ եմ ունենում: Այնքան ներդաշնակ է, բնության մի կարևոր անբաժան մասն է կազմում մեր վանքը, որ ուղղակի մարդուն կտրում է առօրյայից, բարձրացնում է վեր, որտեղ բացի հոգևոր բարձր վայելքից ուրիշ զգացողություն ունենալ բնականաբար հնարավոր չէ: Իսկ ինչ վերաբերում է նրան, որ եկեղեցում հնչում է մեր դարավոր
... Ավելին.Հաղարծնի շաբաթ. «Տավուշի թեմը վերջին 2 տարիների ընթացքում մագնիսի պես իրեն է ձգում մեր ժողովրդի զավակներին» Երվանդ Երկանյան, կոմպոզիտոր, ՀՀ արվեստի վաստակավոր գործիչ
Առհասարակ, երբ ես ոտք եմ դնում Հաղարծնի վանք, յուրահատուկ զգացումներ եմ ունենում: Այնքան ներդաշնակ է, բնության մի կարևոր անբաժան մասն է կազմում մեր վանքը, որ ուղղակի մարդուն կտրում է առօրյայից, բարձրացնում է վեր, որտեղ բացի հոգևոր բարձր վայելքից ուրիշ զգացողություն ունենալ բնականաբար հնարավոր չէ:
Իսկ ինչ վերաբերում է նրան, որ եկեղեցում հնչում է մեր դարավոր երաժշտությունը, երգը, շարականները, պատարագի երգեցողությունից հատվածներ, սա կատարյալ է դարձնում բնության հետ մերձեցումը, մեզ վերստին տանում է հազարամյակների այն հոգևոր հարստության շտեմարանները, որից մի ամբողջական ժողովուրդ արդեն հազարավոր տարիներ կարողացել է իր հոգևոր սնունդը ստանալ և դրանով նորերն արարել:
Այսօր ինձ համար բացառիկ օրերից մեկն էր: Տավուշի թեմը վերջին 2 տարիների ընթացքում մագնիսի պես իրեն է ձգում մեր ժողովրդի զավակներին:
Հաղարծնի շաբաթ. «Թող Հաղարծնի շաբաթը դառնա թթխմոր» Միքայել եպիսկոպոս Աջապահյան, առաջնորդ Շիրակի թեմի
Շիրակի թեմի առաջնորդ գերաշնորհ Տեր Միքայել եպիսկոպոս Աջապահյանի՝ «Գեղարդ» երգեցիկ խմբի համերգից հետո խոսքից. Այսօր վերստին համոզվեցի, որ բարձր արվեստը երբեք ավելին չի լինում. երբեք չես կարող ձանձրանալ, երբեք չես կարող հոգնել: Ես էլ եմ երգչախմբին շնորհակալություն հայտնում, բայց նախ և առաջ պետք է շնորհակալություն հայտնեմ այս ամենի գլխավոր հեղինակին և մեղավորին՝ Սրբազանին, ով արդեն
... Ավելին.Հաղարծնի շաբաթ. «Թող Հաղարծնի շաբաթը դառնա թթխմոր» Միքայել եպիսկոպոս Աջապահյան, առաջնորդ Շիրակի թեմի
Շիրակի թեմի առաջնորդ գերաշնորհ Տեր Միքայել եպիսկոպոս Աջապահյանի՝ «Գեղարդ» երգեցիկ խմբի համերգից հետո խոսքից.
Այսօր վերստին համոզվեցի, որ բարձր արվեստը երբեք ավելին չի լինում. երբեք չես կարող ձանձրանալ, երբեք չես կարող հոգնել: Ես էլ եմ երգչախմբին շնորհակալություն հայտնում, բայց նախ և առաջ պետք է շնորհակալություն հայտնեմ այս ամենի գլխավոր հեղինակին և մեղավորին՝ Սրբազանին, ով արդեն երկրորդ տարին է, որ այս հիասքանչ նվերը մատուցում է բոլորիս՝ այն ժողովրդին, ովքեր որ ցանկություն ունեն այս նվերից մաս և բաժին ունենալու:
Ինձ համար մեծ պատիվ է ունենալ Բագրատ Սրբազանի նման աշակերտ (Միքայել Սրբազանը դասավանդել է Տավուշի թեմի առաջնորդին Ճեմարանում-խմբ.): Նա այսօր այսպիսի մեծ խանդավառությամբ լծվել է թեմական ծառայության և ցույց է տալիս, որ, իրոք, թեմական առաջնորդությունը ծառայություն է, ոչ թե պատիվ ու փառք: Բագրատ Սրբազանը լրիվ նոր շունչ է հաղորդել այս հինավուրց թեմին, այս հինավուրց պատերին:
Վստահ եմ, որ այս համերգով և այս օրերի իրադարձություններով Խաչատուր Տարոնացու ոգին փառավորվում է, որ այս վանքի պատերի տակ ստեղծագործեց, և այստեղ էլ իր հանգիստը գտավ:
Ամբողջ ընթացքում այս էի մտածում. ինչքան լուրջ է մեր ժողովուրդը մոտեցել եկեղեցական երգեցողության ու երաժշտության նկատմամբ. ինչպես մեր վանքերն են լակոնիկ, փոքր, բայց լուրջ. ճոռոմություն չա, ավելորդություն չկա, ցուցամոլություն չկա՝ այդպես էլ մեր երաժշտությունն է: Մեր ժողովուրդը պետք է վերադառնա իր արմատներին և իրոք այդ մաքուր, զուլալ, անարատ, անապական երգը, երաժշտությունը, հային հայկական դարձնող ամենին փարվի և դրանք արժեք դարձնի:
Թող որ Բագրատ Սրբազանի կնքած ՏաՀույսի հույսը, միավորվելով հավատքի և սիրո հետ, ողողի մեր ամբողջ Հայաստան աշխարհը:
Թող Տավուշ աշխարհում Հաղարծին վանքի այս խորհրդանշական շաբաթը դառնա թթխմոր, որ կխմորի ողջ զանգվածը. մեր երկիրն ու մեր ժողովրդին:
Միքայել եպիսկոպոս Աջապահյան, առաջնորդ Շիրակի թեմի