Նորություններ
Հաղարծնի շաբաթ . Օր7 . Տոն վերափոխման Աստվածածնի կամ խաղողօրհնեք
Հավարտ Հաղարծնի հոգևոր-մշակութային շաբաթի սուրբ և անմահ պատարագ մատուցեց Տավուշի թեմի առաջնորդ գերաշնորհ Տեր Բարգրատ եպիսկոպոս Գալստանյանը: «Այսօր մայրերի և որդիների հանդիպման մեծագույն օրն է. թե՛ մեր ֆիզիկական մայրերի ու իրենց զավակների, թե՛ Աստվածամոր պատկերով՝ մեր Տիրոջ հետ հանդիպման և թե՛ մեր մայր եկեղեցու հանդիպման օրն է իր զավակների հետ: Արդեն յոթ օր է՝ Տավուշից
... Ավելին.Հաղարծնի շաբաթ . Օր7 . Տոն վերափոխման Աստվածածնի կամ խաղողօրհնեք
Հավարտ Հաղարծնի հոգևոր-մշակութային շաբաթի սուրբ և անմահ պատարագ մատուցեց Տավուշի թեմի առաջնորդ գերաշնորհ Տեր Բարգրատ եպիսկոպոս Գալստանյանը:
«Այսօր մայրերի և որդիների հանդիպման մեծագույն օրն է. թե՛ մեր ֆիզիկական մայրերի ու իրենց զավակների, թե՛ Աստվածամոր պատկերով՝ մեր Տիրոջ հետ հանդիպման և թե՛ մեր մայր եկեղեցու հանդիպման օրն է իր զավակների հետ:
Արդեն յոթ օր է՝ Տավուշից և այլ վայրերից երիտասարդների հետ գտնվում ենք այս Աստվածային օրհնությամբ լեցուն վայրում, արծիվների ճախրանքի վայրում՝ Հաղարծնի սուրբ վանքում : Յոթ օր ու գիշեր աղոթքի, խոկումի, ազգային մշակութի տարբեր դրսևորումներով մեր երիտասարդները իրենց հավատարմության և նվիրումի զգացումն էին փոխանցում այն ժառանգությանը, որի հետընթացով մերժել են ծառա լինելու, այլ լինել որդի և ժառանգ, այնպիսի հարստությանը, որն իրենց սեփականն է, որի կրողներն են իրենք, և ես հավատում եմ, որ այսօր մեկնելուց հետո այդ ժառանգության զգացումը չի բացակայելու ձեր միջից, տեր կանգնելու զգացումը չի բացակայելու ձեր միջից, տեր կանգնեք այն ամենին, ինչ ունեք».Բարգրատ եպիսկոպոս Գալստանյան
ԱՍՏՎԱԾԱԾՆԻ ՎԵՐԱՓՈԽՄԱՆ ՏՈՆԻ ՊԱՏԱՐԱԳԸ ՄԱՆՈՒԿՆԵՐԻ ՇՈՒՐԹԵՐԻՑ
Մեր փոքրիկ երգիչներն առաջին անգամ երգեցին ամբողջ պատարագը. խմբավար Քրիստինե Շերոյանի գլխավորությամբ «Տավուշի դեսպաններ» երգչախմբի հրաշամանուկները Տիրամոր վերափոխման տոնին իրենց հրեշտակային ձայներով ողողեցին ողջ Հաղարծինը:
... Ավելին.ԱՍՏՎԱԾԱԾՆԻ ՎԵՐԱՓՈԽՄԱՆ ՏՈՆԻ ՊԱՏԱՐԱԳԸ ՄԱՆՈՒԿՆԵՐԻ ՇՈՒՐԹԵՐԻՑ
Մեր փոքրիկ երգիչներն առաջին անգամ երգեցին ամբողջ պատարագը. խմբավար Քրիստինե Շերոյանի գլխավորությամբ «Տավուշի դեսպաններ» երգչախմբի հրաշամանուկները Տիրամոր վերափոխման տոնին իրենց հրեշտակային ձայներով ողողեցին ողջ Հաղարծինը:
Հաղարծնի շաբաթ. «Տավուշն ունի չքնաղ բնություն, հերոս սահմանապահ ժողովուրդ» Նարեկ Սահակյան, Բաղանիսի գյուղապետ
Առաջին տարին չէ, որ մասնակցում եմ: Դրական լիցքեր ունեմ, ոգևորությունս այնքան մեծ է, որ ամբողջ մեդիադաշտն ու սոցիալական ցանցերը խոսում են Հաղարծնի շաբաթի մասին: Ամենակարևորն այն է, որ այս միջոցառումը տարածվել է մարզի տարածքի սահմաններից ու նույնիսկ Հայաստանի սահմաններից դուրս: Վստահ եմ, որ սա շարունակական է լինելու, քանի որ ունենք Բագրատ Սրբազանի նման Տավուշի թեմի
... Ավելին.Հաղարծնի շաբաթ. «Տավուշն ունի չքնաղ բնություն, հերոս սահմանապահ ժողովուրդ» Նարեկ Սահակյան, Բաղանիսի գյուղապետ
Առաջին տարին չէ, որ մասնակցում եմ: Դրական լիցքեր ունեմ, ոգևորությունս այնքան մեծ է, որ ամբողջ մեդիադաշտն ու սոցիալական ցանցերը խոսում են Հաղարծնի շաբաթի մասին: Ամենակարևորն այն է, որ այս միջոցառումը տարածվել է մարզի տարածքի սահմաններից ու նույնիսկ Հայաստանի սահմաններից դուրս: Վստահ եմ, որ սա շարունակական է լինելու, քանի որ ունենք Բագրատ Սրբազանի նման Տավուշի թեմի առաջնորդ: Ես միշտ ասել եմ, որ անձի գործոնը շատ կարևոր է ցանկացած ոլորտում ու հենց հոգևոր ոլորտում Բագրատ Սրբազանի դերն ու նշանակությունն ուղղակի անգնահատելի է:
Սահմանապահ Բաղանիսում և մյուս Բաղանիսատիպ գյուղերի բնակիչներն ի ծնե սահմանապահ են, դա մեր կոչումն է: Մենք պարտավոր ենք մեր զինվորին, մեր բանակին սիրել, քանի որ բանակը մեր ծոցից է ծնվել, մեր ժողովուրդն է բանակը ծնել: Մեր զինվորը երրորդ հանրապետության թիվ մեկ երաշխիքն է: Հայաստանի Հանրապետության ամենակայացած պետական կառույցը, մեր ազգային բանակն է:
Տավուշն ունի չքնաղ բնություն, հերոս սահմանապահ ժողովուրդ: Բոլորին մաղթում եմ բարձր տրամադրություն, ակտիվ մասնակցություն: Ով ծանոթ չէ հայկական ավանդույթներին, կարող են գալ այստեղ ու ծանոթանալ դրանց:
Հաղարծնի շաբաթ. Օր 5. Զինծառայողի օր
Բագրատունյաց և Զաքարյանների հաղթամակների հետքերով. օգոստոսի 11-ը Հաղարծնում զինծառայողների օրն էր: Երրորդ բանակային կորպուսի տարբեր զորամասերից իրենց հոգևոր հովիվների առաջնորդությամբ ժամանած զինվորները և մեր կամավորները միասին մեծ տոնի վերածեցին բանակին նվիրված օրը: Հաղարծինը լցվեց ուրախությամբ և երգ ու պարով: Զինվորները շրջեցին վանքում, ծանոթացան նրա պատմությանը, տաղավարների աշխատանքին: Զինծառայողների այցելությունը Հաղարծին՝ Բագրատունյաց թագավորների ու Զաքարյան իշխանների
... Ավելին.Հաղարծնի շաբաթ. Օր 5. Զինծառայողի օր
Բագրատունյաց և Զաքարյանների հաղթամակների հետքերով. օգոստոսի 11-ը Հաղարծնում զինծառայողների օրն էր:
Երրորդ բանակային կորպուսի տարբեր զորամասերից իրենց հոգևոր հովիվների առաջնորդությամբ ժամանած զինվորները և մեր կամավորները միասին մեծ տոնի վերածեցին բանակին նվիրված օրը: Հաղարծինը լցվեց ուրախությամբ և երգ ու պարով: Զինվորները շրջեցին վանքում, ծանոթացան նրա պատմությանը, տաղավարների աշխատանքին:
Զինծառայողների այցելությունը Հաղարծին՝ Բագրատունյաց թագավորների ու Զաքարյան իշխանների համար կարևոր նշանակություն ունեցած այս վայր, նրանց հաղթանակները շարունակելու վճռականության հաստատումն է:
«Շատ լավ զգացողություններ ունենք, տպավորիչ էր, հետաքրքիր էր ամենակարևորը, զինվորները լիցքաթափվեցին, վերալիցքավորվեցին: Այսպիսի միջոցառումները ոգևորիչ նշանակություն ունեն զինծառայողների համար», — նշեց ավագ լեյտենանտը:
«Ես ինքս Տավուշից եմ, իմ սիրտը ցավում է այստեղի համար, նվիրված եմ իմ ժողովրդին, բնութունն է իմը, օդն իմն է»,— հավելեց ավագ լեյտենանտ Բեգլարյանը:
Հաղարծնի շաբաթ. Նորակոչիկների երդման արարողություն
Այսօր առավոտյան Հաղարծնում զինվորական երդման արարողություն էր. նորակոչիկները երդվեցին անձնվիրաբար ծառայել Հայրենիքին և հանուն նրա չխնայել նույնիսկ իրենց կյանքը: Զինվորներին շնորհավորեց Տավուշի թեմի առաջնորդ գերաշնորհ Տ. Բագրատ եպս. Գալստանյանը՝ մաղթելով, որ որ երկու տարի հետո այս նույն օրը այս նույն գոհության զգացումով նրանք վերադառնան իրենց հայրենի տները. «Այս վայրը պատահական չի ընտրված. այստեղ են հանգչում
... Ավելին.Հաղարծնի շաբաթ. Նորակոչիկների երդման արարողություն
Այսօր առավոտյան Հաղարծնում զինվորական երդման արարողություն էր. նորակոչիկները երդվեցին անձնվիրաբար ծառայել Հայրենիքին և հանուն նրա չխնայել նույնիսկ իրենց կյանքը:
Զինվորներին շնորհավորեց Տավուշի թեմի առաջնորդ գերաշնորհ Տ. Բագրատ եպս. Գալստանյանը՝ մաղթելով, որ որ երկու տարի հետո այս նույն օրը այս նույն գոհության զգացումով նրանք վերադառնան իրենց հայրենի տները.
«Այս վայրը պատահական չի ընտրված. այստեղ են հանգչում մեր երբեմնի փառքը հյուսող արքաները՝ Հովհաննես-Սմբատ և Գագիկ Բ Բագրատունյաց թագավորները, այս վայրով են անցել Հայաստանի ազատագրության կյանքը կերտող Զաքարյան իշխանները, և, ի վերջո, սկզբից մինչև վերջ՝ այս վայրում է թագավորում Աստծո օրհնությունը և ներկայությունը». նշեց Բագրատ Սրբազանը:
«Մեր մաղթանքն է, որ մեր Տերը ուղեկցի ձեզ ձեր ողջ ծառայության ընթացքում»:
Հաղարծնի շաբաթ. Օր 4. Մանուկների օր
Մանուկների օրը ելույթ ունեցավ Տավուշի թեմի մանկապատանեկան և Բերդի երգչախմբերը. Հաղարծինը կրկին լցվեց մանկական ձայների մաքուր ելևէջներով: Մեր փոքրիկ հյուրերի շարքում էին Տավուշի թեմի «Արևիկ» սոցիալ-կրթական կենտրոնի սաները: Նրանք նկարչության բաց դաս արեցին Հաղարծնում: «Հույսի կամուրջ» ՀԿ-ի Իջևանի մասնաճյուղի սաները ֆլեշ-մոբ էին նախապատրաստել: Ներկայացնում ենք նաև մի հատված Բերդի Սբ. Հովհաննես եկեղեցու մանկապատանեկան երգչախմբի այսօրվա
... Ավելին.Հաղարծնի շաբաթ. Օր 4. Մանուկների օր
Մանուկների օրը ելույթ ունեցավ Տավուշի թեմի մանկապատանեկան և Բերդի երգչախմբերը. Հաղարծինը կրկին լցվեց մանկական ձայների մաքուր ելևէջներով:
Մեր փոքրիկ հյուրերի շարքում էին Տավուշի թեմի «Արևիկ» սոցիալ-կրթական կենտրոնի սաները: Նրանք նկարչության բաց դաս արեցին Հաղարծնում:
«Հույսի կամուրջ» ՀԿ-ի Իջևանի մասնաճյուղի սաները ֆլեշ-մոբ էին նախապատրաստել:
Ներկայացնում ենք նաև մի հատված Բերդի Սբ. Հովհաննես եկեղեցու մանկապատանեկան երգչախմբի այսօրվա ելույթից
Խմբավար՝ Հերմինե Փալանդուզյան
Հաղարծնի շաբաթ. Ժողովրդական արվեստի բացօթյա դասեր
Հաղարծնի շաբաթի ողջ ընթացքում վանքի տարածքում գործում են ժողովրդական արվեստի տարբեր ճյուղերի տաղավարներ, որտեղ կարող եք տեսնել արվեստի նմուշների ստեղծման ողջ ընթացքը, ինչպես նաև հնարավորություն ունեք պատրաստել որևէ իր մեր սիրելի վարպետների օգնությամբ: Համեցե՛ք Հաղարծին:
... Ավելին.Հաղարծնի շաբաթ. Ժողովրդական արվեստի բացօթյա դասեր
Հաղարծնի շաբաթի ողջ ընթացքում վանքի տարածքում գործում են ժողովրդական արվեստի տարբեր ճյուղերի տաղավարներ, որտեղ կարող եք տեսնել արվեստի նմուշների ստեղծման ողջ ընթացքը, ինչպես նաև հնարավորություն ունեք պատրաստել որևէ իր մեր սիրելի վարպետների օգնությամբ:
Համեցե՛ք Հաղարծին:
Հաղարծնի շաբաթ. օր3. Հայաստանի փոքրիկ երգիչները
Արդեն երկրորդ տարին «Հայաստանի փոքրիկ երգիչները» (խմբավար՝ Քնարիկ Բաբաջանյան, գեղարվեստական ղեկավար՝ Տիգրան Հեքեքյան) մասնակցեցին Հաղարծնի շաբաթին՝ իրենց հրեշտակային երգեցողությամբ լցնելով հայ երաժշտությանը կյանք տված կենտրոնը: Խորհրդանշական էր, որ ներկաները հնարավորություն ունեցան վայելել հոգևոր երաժշտության անզուգական կատարումները մեր առաջին կոնսերվատորիայում:
... Ավելին.Հաղարծնի շաբաթ. օր3. Հայաստանի փոքրիկ երգիչները
Արդեն երկրորդ տարին «Հայաստանի փոքրիկ երգիչները» (խմբավար՝ Քնարիկ Բաբաջանյան, գեղարվեստական ղեկավար՝ Տիգրան Հեքեքյան) մասնակցեցին Հաղարծնի շաբաթին՝ իրենց հրեշտակային երգեցողությամբ լցնելով հայ երաժշտությանը կյանք տված կենտրոնը:
Խորհրդանշական էր, որ ներկաները հնարավորություն ունեցան վայելել հոգևոր երաժշտության անզուգական կատարումները մեր առաջին կոնսերվատորիայում:
Հաղարծնի շաբաթ. Հանդիսավոր բացում
Այսօր Հաղարծնի շաբաթի պաշտոնական բացում էր: «Տավուշն ավելին է, քան պարզապես սահմանում պատահած դեպքերը: Մենք ուզում ենք մեր ներքին հոգևոր կյանքը, մեր մշակութային ժառանգության հարստությունն ու գեղեցկությունը փոխանցել մեր երիտասարդների՝ մեր նոր սերնդի միջոցով: Երբ հայտարարում ենք, որ Տավուշը բացառիկ է, դա ընկալում ենք որպես մի երկար ճանապարհ. կյանք ստեղծող մարդկանց բացառիկության գործընթաց». Բագրատ Սրբազան
... Ավելին.Հաղարծնի շաբաթ. Հանդիսավոր բացում
Այսօր Հաղարծնի շաբաթի պաշտոնական բացում էր:
«Տավուշն ավելին է, քան պարզապես սահմանում պատահած դեպքերը: Մենք ուզում ենք մեր ներքին հոգևոր կյանքը, մեր մշակութային ժառանգության հարստությունն ու գեղեցկությունը փոխանցել մեր երիտասարդների՝ մեր նոր սերնդի միջոցով: Երբ հայտարարում ենք, որ Տավուշը բացառիկ է, դա ընկալում ենք որպես մի երկար ճանապարհ. կյանք ստեղծող մարդկանց բացառիկության գործընթաց». Բագրատ Սրբազան
Հաղարծնում հոգևոր երաժշտությունը խառնվեց երկնային պաշտամունքին. Հաղարծնի շաբաթը մեկնարկեց Հայաստանի կամերային երգչախմբի ելույթով: (Գեղարվեստական ղեկավար և գլխավոր դիրիժոր՝ Ռոբերտ Մլքեյան): Ներկաները հնարավորություն ունեցան վայելելու հոգևոր երաժշտության ապրեցնող հնչյունները:
Ինչպես խնկի անուշ բույրը, խառնվելով օդի հետ, այն դարձնում է քաղցրահամ և անուշահոտ, այսպես և հոգևոր երաժշտության ելևէջները, խառնվելով մեր հոգու հետ, այն դարձնում են անուշաբույր և աստվածահաճո:
Բագրատ Սրբազանի խոսքերով՝ Հաղարծնի վանքին ավելի շքեղ, աղոթական ու փառաբանական ընծայում չէր կարող լինել, քան այս ելույթը: