Մանկան ժպիտ Տավուշից
ՏԱՎՈՒՇԻ ԹԵՄԻ ՄԱՆԿԱՊԱՏԱՆԵԿԱՆ ԵՐԳՉԱԽՈՒՄԲԸ ԱՐԱՄ ԽԱՉԱՏՐՅԱՆ ՀԱՄԵՐԳԱՍՐԱՀՈՒՄ
Խաղաղության կոչը՝ սահմանից աշխարհին… Երգչախումբն արդեն երկրորդ անգամ մեծ բեմում է: Մանկապատանեկան երգչախմբում են Տավուշի սահմանապահ Կոթի, Վազաշեն գյուղերի և Բերդ ու Իջևան քաղաքների երեխաները: Համերգը մեկնարկեց Տավուշի թեմի առաջնորդ գերաշնորհ Բագրատ եպիսկոպոս Գալստանյանի աղոթքով:
... Ավելին.ՏԱՎՈՒՇԻ ԹԵՄԻ ՄԱՆԿԱՊԱՏԱՆԵԿԱՆ ԵՐԳՉԱԽՈՒՄԲԸ ԱՐԱՄ ԽԱՉԱՏՐՅԱՆ ՀԱՄԵՐԳԱՍՐԱՀՈՒՄ
Խաղաղության կոչը՝ սահմանից աշխարհին…
Երգչախումբն արդեն երկրորդ անգամ մեծ բեմում է:
Մանկապատանեկան երգչախմբում են Տավուշի սահմանապահ Կոթի, Վազաշեն գյուղերի և Բերդ ու Իջևան քաղաքների երեխաները:
Համերգը մեկնարկեց Տավուշի թեմի առաջնորդ գերաշնորհ Բագրատ եպիսկոպոս Գալստանյանի աղոթքով:
ԴԻԼԻՋԱՆՈՒՄ ԿԱՅԱՑԱՎ ԿԻՐԱԿՆՕՐՅԱ ԴՊՐՈՑՆԵՐԻ ԵՐԿՐՈՐԴ ՎԻԿՏՈՐԻՆԱՆ
Տավուշի թեմի կիրակնօրյա դպրոցների աշակերտների միջև, գիտելիքների ստուգման, հետագա անելիքների ուղղվածության, կրթական կյանքն էլ ավելի աշխույժ պահելու նպատակով, անցկացվեց արդեն երկրորդ վիկտորինան: Դիլիջանի տարածաշրջանի կիրակնօրյա դպրոցների միջև կայացած վիկտորինայի հաղթողը Գոշի կիրակնօրյայի թիմն է: Վիկտորինան տեղի ունեցավ Դիլիջան քաղաքում և անցավ չափազանց ակտիվ ու դրական մթնոլորտում, և որ ամենակարևորն է, մասնակիցները գերազանց արդյունք ցուցաբերեցին: Թիմերի
... Ավելին.ԴԻԼԻՋԱՆՈՒՄ ԿԱՅԱՑԱՎ ԿԻՐԱԿՆՕՐՅԱ ԴՊՐՈՑՆԵՐԻ ԵՐԿՐՈՐԴ ՎԻԿՏՈՐԻՆԱՆ
Տավուշի թեմի կիրակնօրյա դպրոցների աշակերտների միջև, գիտելիքների ստուգման, հետագա անելիքների ուղղվածության, կրթական կյանքն էլ ավելի աշխույժ պահելու նպատակով, անցկացվեց արդեն երկրորդ վիկտորինան:
Դիլիջանի տարածաշրջանի կիրակնօրյա դպրոցների միջև կայացած վիկտորինայի հաղթողը Գոշի կիրակնօրյայի թիմն է:
Վիկտորինան տեղի ունեցավ Դիլիջան քաղաքում և անցավ չափազանց ակտիվ ու դրական մթնոլորտում, և որ ամենակարևորն է, մասնակիցները գերազանց արդյունք ցուցաբերեցին:
Թիմերի միջև մրցակցությունը թեժ էր:
Հիշեցնենք, որ թիմերը բաժանվել են ըստ տարածաշրջանների: Տարածաշրջանների հաղթողները անցնում են մարզային փուլ և փորձելու են դառնալ տարվա թիմը:
Իջևանի տարածաշրջանի հաղթողը Ներքին Ծաղկավան գյուղի կիրակնօրյայի թիմն է:
Հաջորդ վիկտորինան տեղի կունենա սույն թվականի մարտի 14-ին Բերդում՝ Բերդի տարածաշրջանի բոլոր կիրակնօրյա դպրոցների մասնակցությամբ:
Տավուշ, ՏաՀույս
Հոգևոր կրթության մշակույթի արմատավորումը:
ԿԻՐԱԿՆՕՐՅԱ ԴՊՐՈՑՆԵՐԻ ՎԻԿՏՈՐԻՆԱՆ ՄԵԿՆԱՐԿԵՑ ԻՋԵՎԱՆՈՒՄ
Մարտ ամիսը հիշարժան կլինի Տավուշի կիրակնօրյա դպրոցների համար: Մարտի 6- ին Իջևանի թիվ 3-րդ դպրոցում կայացավ վիկտորինա՝ Իջևանի տարածաշրջանի բոլոր կիրակնօրյա դպրոցների մասնակցությամբ: Հաղթող թիմը Ներքին Ծաղկավան գյուղի կիրակնօրյա դպրոցն է, որն էլ կմասնակցի մարզային փուլին, որտեղ կմրցեն մնացյալ տարածաշրջանների հաղթող թիմերը նույնպես . Դիլիջանի, Նոյեմբերյանի և Բերդի տարածաշրջանների կիրակնօրյաները: Վիկտորինան իրականացվում է Աստվածաշնչյան թեմաներով:
... Ավելին.ԿԻՐԱԿՆՕՐՅԱ ԴՊՐՈՑՆԵՐԻ ՎԻԿՏՈՐԻՆԱՆ ՄԵԿՆԱՐԿԵՑ ԻՋԵՎԱՆՈՒՄ
Մարտ ամիսը հիշարժան կլինի Տավուշի կիրակնօրյա դպրոցների համար:
Մարտի 6- ին Իջևանի թիվ 3-րդ դպրոցում կայացավ վիկտորինա՝ Իջևանի տարածաշրջանի բոլոր կիրակնօրյա դպրոցների մասնակցությամբ:
Հաղթող թիմը Ներքին Ծաղկավան գյուղի կիրակնօրյա դպրոցն է, որն էլ կմասնակցի մարզային փուլին, որտեղ կմրցեն մնացյալ տարածաշրջանների հաղթող թիմերը նույնպես . Դիլիջանի, Նոյեմբերյանի և Բերդի տարածաշրջանների կիրակնօրյաները:
Վիկտորինան իրականացվում է Աստվածաշնչյան թեմաներով:
Հիշեցնենք, որ Տավուշում այժմ կան 4 տասնյակից ավելի կիրակնօրյա դպրոցներ, ավելի քան 74 ուսուցիչ և 1974 աշակերտ:
Կիրակնօրյաները նպատակ ունեն զարկ տալու հոգևոր կրթությանը, արվեստի ճյուղերի զարգացմանը, եկեղեցու պատմության ուսումնասիրությանն ու քրիստոնեական արժեքների պահպանմանը:
Եկե՛ք սպասենք հաջորդ վիկտորինաներին և թիմերի հաղթանակներին:
ՏԱՎՈՒՇԻ ԹԵՄՈՒՄ ԱՄՓՈՓՎԵՑԻՆ ԿԻՐԱԿՆՕՐՅԱ ԴՊՐՈՑՆԵՐԻ ԱՄԱՆՕՐՅԱ ՄԻՋՈՑԱՌՈՒՄՆԵՐԸ
Տավուշի թեմի կիրակնօրյա դպրոցների Սուրբ Ծննդյան և Ամանորյա միջոցառումների շարքն ամփոփվեց Դիլիջանի տարածաշրջանում։ Դեկտեմբերի 27-ի առաջին տոնական միջոցառումը տեղի ունեցավ Գոշում․ այստեղ էին հավաքվել Խաչարձանի, Աղավնավանքի և Գոշի կիրակնօրյա դպրոցներում ուսանող մանուկները։ Հաջորդ գեղեցիկ միջոցառումը Հաղարծնի միջնակարգ դպրոցում էր՝ Սուրբ Ծննդյան ավետիսը հնչեցրին Հաղարծին և Թեղուտ համայնքների կիրակնօրյաների սաները։ Միջոցառումներին ներկա էին Տավուշի թեմի առաջնորդ
... Ավելին.ՏԱՎՈՒՇԻ ԹԵՄՈՒՄ ԱՄՓՈՓՎԵՑԻՆ ԿԻՐԱԿՆՕՐՅԱ ԴՊՐՈՑՆԵՐԻ ԱՄԱՆՕՐՅԱ ՄԻՋՈՑԱՌՈՒՄՆԵՐԸ
Տավուշի թեմի կիրակնօրյա դպրոցների Սուրբ Ծննդյան և Ամանորյա միջոցառումների շարքն ամփոփվեց Դիլիջանի տարածաշրջանում։
Դեկտեմբերի 27-ի առաջին տոնական միջոցառումը տեղի ունեցավ Գոշում․ այստեղ էին հավաքվել Խաչարձանի, Աղավնավանքի և Գոշի կիրակնօրյա դպրոցներում ուսանող մանուկները։ Հաջորդ գեղեցիկ միջոցառումը Հաղարծնի միջնակարգ դպրոցում էր՝ Սուրբ Ծննդյան ավետիսը հնչեցրին Հաղարծին և Թեղուտ համայնքների կիրակնօրյաների սաները։
Միջոցառումներին ներկա էին Տավուշի թեմի առաջնորդ Տեր Բագրատ եպիսկոպոս Գալստանյանը, ինչպես նաև յուրաքանչյուր համայնքում՝ կիրակնօրյա դպրոցների խնամքը տանող հոգևորականները․ Գոշում՝ Տեր Սեդրակ քահանա Աղասյանը, Հաղարծնում՝ Տեր Սամվել վարդապետ Մխիթարյանն ու Տեր Արիսակես վարդապետ Այվազյանը։
Ամանորյա տոնական տրամադրությունը օրվա երկրորդ կեսին տեղափոխվեց Դիլիջան՝ Լևոն և Աննա Աֆեյանների անվան կիրակնօրյա դպրոց։ Այս օրերին բազում երեխաների շուրթերից հնչած խաղաղութան աղոթքի ու Քրիստոսի Սուրբ Ծննդյան ավետիսի հնչյուններին միացավ նաև Դիլիջանի մանուկների սրտաբուխ խոսքը, աղոթքն ու մաղթանքը։ Բացի կիրակնօրյա դպրոցում սովորող մանուների ծնողներից, միջոցառմանը ներկա էր նաև Դիլիջանի հոգևոր հովիվ Տեր Շավարշ քահանա Սիմոնյանը։
Նշենք, որ Դիլիջանի տարածաշրջանում մանուկները Սուրբ Ծննդյան նվերներ ստացան՝ ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ ու լոսանջելեսաբնակ մի խումբ բարեկամների աջակցության շնորհիվ։
Այսպիսով՝ ՏաՀույսում ամփոփվեց դեկտեմբերի 21-27-ը տևած Սուրբ Ծննդյան միջոցառումների շարքը․ իրենց ամանորյա ելույթներով այս միջոցառումներին մասնակցեցին 43 համայնքների շուրջ 2000 մանուկներ։
ՇԱՄՇԱԴԻՆԻ ԿԻՐԱԿՆՕՐՅԱ ԴՊՐՈՑՆԵՐՈՒՄ ՏՈՆՈՒՄ ԵՆ ՍՈՒՐԲ ԾՆՈՒՆԴՆ ՈՒ ԱՄԱՆՈՐԸ
Տավուշի թեմի 43 կիրակնօրյա դպրոցներում շարունակում են տոնել Սուրբ Ծնունդն ու Ամանորը․ դեկտեմբերի 26-ին Շամշադինի տարածաշրջանի Նորաշեն համայնքում կայացավ հերթական միջոցառումը։ Նորաշենի դպրոցում հավաքվել էին Չորաթան, Վերին Կարմիրաղբյուր և Նորաշեն համայնքների կիրակնօրյա դպրոցների սաները, նրանց ուսուցիչներն ու ծնողները։ Ներկա էր Տավուշի թեմի առաջնորդ տեր Բագրատ եպիսկոպոս Գալստանյանը, ինչպես նաև այս դպպրոցների խնամքի համար պատասխանատու հոգևոր
... Ավելին.ՇԱՄՇԱԴԻՆԻ ԿԻՐԱԿՆՕՐՅԱ ԴՊՐՈՑՆԵՐՈՒՄ ՏՈՆՈՒՄ ԵՆ ՍՈՒՐԲ ԾՆՈՒՆԴՆ ՈՒ ԱՄԱՆՈՐԸ
Տավուշի թեմի 43 կիրակնօրյա դպրոցներում շարունակում են տոնել Սուրբ Ծնունդն ու Ամանորը․ դեկտեմբերի 26-ին Շամշադինի տարածաշրջանի Նորաշեն համայնքում կայացավ հերթական միջոցառումը։
Նորաշենի դպրոցում հավաքվել էին Չորաթան, Վերին Կարմիրաղբյուր և Նորաշեն համայնքների կիրակնօրյա դպրոցների սաները, նրանց ուսուցիչներն ու ծնողները։ Ներկա էր Տավուշի թեմի առաջնորդ տեր Բագրատ եպիսկոպոս Գալստանյանը, ինչպես նաև այս դպպրոցների խնամքի համար պատասխանատու հոգևոր հովիվները՝ Տեր Աբել քահանա Քարտաշյանն ու Տեր Արամ քահանա Միրզոյանը։
Մանուկներին տրվեցին ամանորյա նվերներ, որոնք իրականություն են դարձել ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ ու լոսանջելեսաբնակ մի խումբ բարեկամների աջակցության շնորհիվ։
Բագրատ Սրբազանը, շնորհակալություն հայտնելով կիրակնօրյա հաճախող երեխաների ծնողներին՝ վստահեցրեց, որ այն, ինչ արվում է այսօր, պարզապես գործ չէ, այլ նրանց օժանդակելուն ուղղված առաքելություն․ «Ուզում ենք, որ մեր բոլոր զավակները մեծանան ամբողջական առողջությամբ՝ հոգով, մտքով ու մարմնով։ Ինչպես կասեր բանաստեղծը՝ ոսկին բռնենք, թող հոգի դառնա․ և այդ ոսկին դուք տալիս եք, ու մենք հոգին ենք վերադարձնում․․․․»։
Տավուշի թեմի առաջնորդը նաև վստահություն հայտնեց, որ կիրակնօրյա դպրոցներում նվիրյալ ուսուցիչների ցանածը տարիներ հետո մեծ պտղատվություն է ունենալու՝ Հայրենիքին նվիրելով բարձր գիտակցությամբ և մեր ինքնության ամբողջական հասկացողությամբ արժանապատիվ քաղաքացիներ։
«Մեր երեխաներն այլ բանի մասին չեն խոսում, քան Հիսուսի Ծննդով աշխարհին փոխանցված մեծագույն Ավետիսի մասին․ երկրում խաղաղություն լինի, մարդկանց մեջ՝ հաշտություն, և այդ բոլորը լինեն Աստծո փառքի մեջ։
Մեր տարածաշրջանն ամենաշատն է, որ առարկայորեն, շոշափելիորեն այս բոլորի կարիքն ունի, և ես համարում եմ, որ մեր երեխաների պատգամը երկնքին անտարբեր չի թողնի, և մենք կունենանք մեր բաղձալի խաղաղությունը՝ անվտանգության իմաստով, և խաղաղությունը մեր սրտերում ու հոգիներում՝ մեր ներդաշնակ և զարգացող կյանքի համար»։
Բագրատ Սրբազան
ՄՈՎՍԵՍ․ ԽԱՂԱՂՈՒԹՅԱՆ ԱՎԵՏԻՍԸ ՍԱՀՄԱՆԱԳԾԻՆ՝ ՄԱՆՈՒԿՆԵՐԻ ՇՈՒՐԹԵՐՈՎ
Շամշադինի տարածաշրջանի կիրակնօրյա դպրոցների Ամանորի և Սուրբ Ծննդյան միջոցառումներն ամփոփվեցին սահմանապահ Մովսեսում՝ տեղի կիրակնօրյա դպրոցի ու Այգեձորի «Լույս Մանկանց» ծրագրի սաների ելույթներով։ Մովսեսի մշակույթի կենտրոնի դահլիճում էին հավաքվել նաև կիրակնօրյա հաճախող երեխաների ծնողները, ներկա էին տավուշի թեմի առաջնորդ Տեր Բագրատ եպիսկոպոս Գալստանյանը, տարածաշրջանի հոգևոր հովիվներ Տեր Աբել քահանա Քարտաշյանն ու Տեր Արամ քահանա Միրզոյանը։ Սուրբ
... Ավելին.ՄՈՎՍԵՍ․ ԽԱՂԱՂՈՒԹՅԱՆ ԱՎԵՏԻՍԸ ՍԱՀՄԱՆԱԳԾԻՆ՝ ՄԱՆՈՒԿՆԵՐԻ ՇՈՒՐԹԵՐՈՎ
Շամշադինի տարածաշրջանի կիրակնօրյա դպրոցների Ամանորի և Սուրբ Ծննդյան միջոցառումներն ամփոփվեցին սահմանապահ Մովսեսում՝ տեղի կիրակնօրյա դպրոցի ու Այգեձորի «Լույս Մանկանց» ծրագրի սաների ելույթներով։
Մովսեսի մշակույթի կենտրոնի դահլիճում էին հավաքվել նաև կիրակնօրյա հաճախող երեխաների ծնողները, ներկա էին տավուշի թեմի առաջնորդ Տեր Բագրատ եպիսկոպոս Գալստանյանը, տարածաշրջանի հոգևոր հովիվներ Տեր Աբել քահանա Քարտաշյանն ու Տեր Արամ քահանա Միրզոյանը։
Սուրբ Ծննդյան խորհրդի մեծագույն ու առանցքային պատգամը՝ Քրիստոսի Ծննդյան գիշերը հրեշտակների բերած խաղաղության ավետիսն էին հնչեցնում սահմանապահ մանուկները՝ դրա կենսականությունը դարձնելով շատ մոտ ու իրական։
Բագրատ Սրբազանի խոսքերով՝ հենց այս խաղաղությունն է ամենաթանկ, ամենափնտրված և կարծես թե ամենաանհասանելի իրականությունը մեր կյանքում․
«Ավելի առարկայական, ավելի զգալի, ավել շոշափելի ավետիս ու պատգամ որևէ այլ տեղ չի կարող հնչել ու դառնալ սեփականը, քան հենց այստեղ, այս համայնքում, որ սահմանագոտուց մի քանի հարյուր մետր է հեռու, և մեր ամբողջ Տավուշ աշխարհում՝ ծայրից ծայր։ Դուք Հայրենիքի դարպասներն եք՝ սահմանագոտու կրողները՝ վեհ ու հպարտ՝ հակառակ ամեն տեսակի դժվարությունների»։
Հիշեցնենք, որ այս օրերին ընթացքի մեջ են Տավուշի թեմի կիրակնօրյա դպրոցների ամանորյա միջոցառումները, որոնց մասնակցում են 43 համայնքներ շուրջ 2000 երեխաներ։
Նշենք նաև, որ Բերդի տարածաշրջանում երեխաներն ամանորյա նվերներ են ստանում ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ ու լոսանջելեսաբնակ մի խումբ բարեկամների աջակցության շնորհիվ։
ՍՈՒՐԲ ԾՆՆԴՅԱՆ ԱՎԵՏԻՍԸ ՄԱՆՈՒԿՆԵՐԻ ՇՈՒՐԹԵՐԻՑ. ՎԱՐԱԳԱՎԱՆ
Այս օրերին ՏաՀույսում անդադար հնչում է Սուրբ Ծննդյան Ավետիսը և մանուկների շուրթերից ամեն օր հարյուրավոր աղոթքներ են վեր առաքվում․ Տավուշի թեմի կիրակնօրյա դպրոցների սաները շարունակում են տոնել Սուրբ Ծնունդը։ Դեկտեմբերի 25-ին Սուրբ Վարագավանքի սիրառատ հովանու ներքո՝ Վարագավան համայնքում համախմբվել էին Վերին Ծաղկավանի, Վարագավանի և սահմանապահ Պառավաքարի կիրակնօրյա դպրոցների սաները։ Ներկա էին Տավուշի թմի առաջնորդ Տեր
... Ավելին.ՍՈՒՐԲ ԾՆՆԴՅԱՆ ԱՎԵՏԻՍԸ ՄԱՆՈՒԿՆԵՐԻ ՇՈՒՐԹԵՐԻՑ. ՎԱՐԱԳԱՎԱՆ
Այս օրերին ՏաՀույսում անդադար հնչում է Սուրբ Ծննդյան Ավետիսը և մանուկների շուրթերից ամեն օր հարյուրավոր աղոթքներ են վեր առաքվում․ Տավուշի թեմի կիրակնօրյա դպրոցների սաները շարունակում են տոնել Սուրբ Ծնունդը։
Դեկտեմբերի 25-ին Սուրբ Վարագավանքի սիրառատ հովանու ներքո՝ Վարագավան համայնքում համախմբվել էին Վերին Ծաղկավանի, Վարագավանի և սահմանապահ Պառավաքարի կիրակնօրյա դպրոցների սաները։
Ներկա էին Տավուշի թմի առաջնորդ Տեր Բագրատ եպիսկոպոս Գալստանյանը, կիրակնօրյաների ուսուցիչները, մանուկների ծնողները, ինչպես նաև Բերդի տարածաշրջանի հոգևո հովիվ Տեր Արամ քահանա Միրզոյանը։
Իրենց ելույթների ավարտին երեխաները նաև Սուրբ Ծննդյան նվերներ ստացան, որոնք նվիրաբերվել են ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ ու լոսանջելեսաբնակ մի խումբ բարեկամների կողմից։
Նշենք, որ Վարագավանի միջոցառմանը մասնակցում էին շուրջ 150 մանուկներ, իսկ Բերդի ողջ տարածաշրջանում կիրակնօրյայի սաների թիվը հասնում է 700-ի։
ԱՄԱՆՈՐՅԱ ԵՎ ՍՈՒՐԲ ԾՆՆԴՅԱՆ ՄԻՋՈՑԱՌՈՒՄ ՏԱՎՈՒՇ ԳՅՈՒՂՈՒՄ
ՏաՀույսում շարունակվում են Ամանորի և Սուրբ Ծննդյան միջոցառումները․ Տավուշ գյուղում խաղաղության ու սիրո տոն էր։ Դեկտեմբերի 25-ին Տավուշի դպրոցական ջերմ հարկի ներքո էին համախմբվել Նավուրի, Բերդի կիրակնօրյա դպրոցների և Տավուշ գյուղի «Լույս Մանկանց» ծրագրի սաները՝ մոտ 150 հոգի։ Մանուկների շուրթերից հնչեց Սուրբ Ծննդյան պատմությունը, նրանց երգով ու աղոթքով ևս մեկ անգամ ներկաների սրտերին հասավ Սուրբ
... Ավելին.ԱՄԱՆՈՐՅԱ ԵՎ ՍՈՒՐԲ ԾՆՆԴՅԱՆ ՄԻՋՈՑԱՌՈՒՄ ՏԱՎՈՒՇ ԳՅՈՒՂՈՒՄ
ՏաՀույսում շարունակվում են Ամանորի և Սուրբ Ծննդյան միջոցառումները․ Տավուշ գյուղում խաղաղության ու սիրո տոն էր։
Դեկտեմբերի 25-ին Տավուշի դպրոցական ջերմ հարկի ներքո էին համախմբվել Նավուրի, Բերդի կիրակնօրյա դպրոցների և Տավուշ գյուղի «Լույս Մանկանց» ծրագրի սաները՝ մոտ 150 հոգի։ Մանուկների շուրթերից հնչեց Սուրբ Ծննդյան պատմությունը, նրանց երգով ու աղոթքով ևս մեկ անգամ ներկաների սրտերին հասավ Սուրբ Ծննդյան խաղաղության պատգամը։
«Խաղաղության ավետիսն առավել որևէ տեղ ավելի շոշափելի, զգալի չէ, քան մեր տարածաշրջանում, Մեր երեխաները այդ ավետիսը, այդ աղոթքը, այդ պատգամն են հղում, մենք էլ պետք է գործենք ամբողջ ուժով, որպեսզի մեր խաղաղությունը լիակատար լինի, ամբողջական, զգալի, շոշափելի և նյութականացած․․․»․ իր խոսքում նշեց մանուկներին այցի եկած Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը։
Նա նաև շնորհակալություն հայտնեց ներկա գտնվող ծնողներին՝ իրենց զավակներին վստահելու, այս կարևոր հոգևոր առաքելությանը նվիրելու համար․ «Մեզ համար կարևոր է մեր զավակների ամբողջական կյանքը՝ հոգու, մտքի և մարմնի․ առողջ, պաշտպանված, անվտանգ և հավատքով ու սիրով լեցուն կյանք․ սա է մեզ առաջնորդողը»։
Միջոցառման ավարտին մանուկները Սուրբ Ծննդյան նվերներ ստացան՝ պատրաստված ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ ու լոսանջելեսաբնակ մի խումբ բարեկամների աջակցության շնորհիվ։
Տարածաշրջանի հոգևոր հովիվ արժանապատիվ Տեր Արամ քահանա Միրզոյանի խոսքերով՝ այս օրերին «մանուկների շուրթերից հազարավոր խաղաղության ավետիսի հնչյուններ են առ Աստված բարձրանում, և մենք առավել քան վստահ ենք, որ այդ աղոթքները պետք է տեղ հասնեն»։
Կոթիում Սուրբ Ծննդյան Ավետիսը հնչեց սահմանապահ մանուկների շուրթերից
«Փա՜ռք Աստծուն բարձունքներում, երկրի վրա Խաղաղություն ու մարդկանց մեջ հաճություն․․․»․ Ղուկաս 2․14 Կոթիում Սուրբ Ծննդյան Ավետիսը հնչեց սահմանապահ մանուկների շուրթերից՝ դառնալով խաղաղության պատգամ համայն աշխարհին։ Դեկտեմբերի 24-ին Տահույսում հերթական տոնական օրն էր՝ Կոթիի դպրոցում Ամանորի և Սուրբ ծննդյան ուրախությունն էին բերել սահմանապահ Ոսկեպարի ու Կոթիի կիրակնօրյա դպրոցների սաները։ Միջոցառման հյուրերն էին Տավուշի թեմի առաջնորդ Տեր
... Ավելին.Կոթիում Սուրբ Ծննդյան Ավետիսը հնչեց սահմանապահ մանուկների շուրթերից
«Փա՜ռք Աստծուն բարձունքներում, երկրի վրա Խաղաղություն ու մարդկանց մեջ հաճություն․․․»․ Ղուկաս 2․14
Կոթիում Սուրբ Ծննդյան Ավետիսը հնչեց սահմանապահ մանուկների շուրթերից՝ դառնալով խաղաղության պատգամ համայն աշխարհին։
Դեկտեմբերի 24-ին Տահույսում հերթական տոնական օրն էր՝ Կոթիի դպրոցում Ամանորի և Սուրբ ծննդյան ուրախությունն էին բերել սահմանապահ Ոսկեպարի ու Կոթիի կիրակնօրյա դպրոցների սաները։
Միջոցառման հյուրերն էին Տավուշի թեմի առաջնորդ Տեր Բագրատ եպիսկոպոս Գալստանյանը, ինչպես նաև Նոյեմբերյանի հոգևոր հովիվ Տեր Սմբատ քահանա Աբրահամյանը, ում խնամքի ներքո են այս կիրակնօրյա դպրոցները։
Մանուկների տոնն ամբողջացավ Սուրբ Ծննդյան նվերներով, որոնք իրականություն են դարձել ԵՀԽ «Կլոր Սեղան» գրասենյակի, ինչպես նաև Տավուշի թեմի կանադահայ և լոսանջելեսաբնակ մի խումբ բարեկամների աջակցության շնորհիվ։