Տավուշյան առօրյա
ՍՈՒՐԲ ԾՆՆԴՅԱՆ ԵՎ ԱՍՏՎԱԾՀԱՅՏՆՈՒԹՅԱՆ ՏՈՆԸ ՏԱՎՈՒՇԻ ԹԵՄՈՒՄ
Ավետի՜ս Քրիստոս Ծնավ և Հայտնեցավ, Օրհնյալ է Հայտնությունը Քրիստոսի, Մեզ և ձեզ մե՜ծ ավետիս։ Հունվարի 6-ին Հայ Եկեղեցին տոնում է Սուրբ Ծնունդն ու Աստվածհայտնությունը: Քրիստոս Հոդանան գետում մկրտվեց Հովհաննես Մկրտչի կողմից, այդ պահին երկնքից հնչեց ձայնը. «Սա է իմ սիրելի որդին, որ ունի իմ ողջ բարեհաճությունը»: Հենց այս սուրբգրային դրվագն ենք անվանում Երկրորդ Աստվածհայտնություն: Հունվարի
... Ավելին.ՍՈՒՐԲ ԾՆՆԴՅԱՆ ԵՎ ԱՍՏՎԱԾՀԱՅՏՆՈՒԹՅԱՆ ՏՈՆԸ ՏԱՎՈՒՇԻ ԹԵՄՈՒՄ
Ավետի՜ս
Քրիստոս Ծնավ և Հայտնեցավ,
Օրհնյալ է Հայտնությունը Քրիստոսի,
Մեզ և ձեզ մե՜ծ ավետիս։
Հունվարի 6-ին Հայ Եկեղեցին տոնում է Սուրբ Ծնունդն ու Աստվածհայտնությունը:
Քրիստոս Հոդանան գետում մկրտվեց Հովհաննես Մկրտչի կողմից, այդ պահին երկնքից հնչեց ձայնը. «Սա է իմ սիրելի որդին, որ ունի իմ ողջ բարեհաճությունը»: Հենց այս սուրբգրային դրվագն ենք անվանում Երկրորդ Աստվածհայտնություն:
Հունվարի 6-ին` Պատարագի ավարտին կատարվող Ջրօրհնեքի արարողությունը խորհրդանշում է Հիսուս Քրիստոսի մկրտությունը, իսկ խաչը ջրի մեջ իջեցնելը՝ Քրիստոսի մտնելը Հորդանան գետ:
Պատարագիչը խաչով, ապա մյուռոնով օրհնում է ջուրը և հավատացյալներն այդ ջրից տուն են տանում, որպես օրհնություն ու բուժիչ դեղ հիվանդների համար: Այնուհետև քահանան այցելում է հավատացյալների տներն` ավետելու Հիսուս Քրիստոսի Ծնունդը: Այստեղից էլ առաջացել է Տնօրհնեքի կարգը:
Եկեղեցու հայրերի հաստատած կանոնների համաձայն` Ջրօրհնեքի ժամանակ ընտրվում է կնքահայր` խաչքավոր: Ջրօրհնեքից հետո խաչքավորը, խաչը ջրից հանելով, տանում է իր տուն:
Խաչքավոր ընտրվում են եկեղեցու համայնքից: Ընտրվում է այն անձը, ով աչքի է ընկել համայնքի կյամքում իր ավանդով, նախանձախնդրությամբ:
Խաչքավորը ներկայացնում է Հովհաննես Մկրտչի խորհուրդը:
Սուրբ Ծննդյան Ճրագալույցը Տավուշի թեմում
«Մի՛ վախեցեք, որովհետև ահա ձեզ մեծ ուրախություն եմ ավետում, որը ամբողջ ժողովրդինը կլինի. որովհետև այսօր Դավթի քաղաքում ձեզ համար ծնվեց մի Փրկիչ, որ օծյալ Տերն է» (Ղուկաս 2:10-11) Այսօր հրեշտակք յերկնից իջան, աւետիս, Ընդ մեզ օրհնեն զանմահ արքայն, աւետիս: Քրիստոս ծնաւ եւ յայտնեցաւ։
... Ավելին.Սուրբ Ծննդյան Ճրագալույցը Տավուշի թեմում
Տարին սկսում ենք օրհնությամբ․ Նռնօրհնեք Իջևանի Սուրբ Ներսես Շնորհալի եկեղեցում
Տարին սկսում ենք օրհնությամբ։ Թող այս տարին դառնա մեր ժողովրդի ԴԱՐՁԻ տարի, որպեսզի ապրենք ՉԱՐԱԶԵՐԾ և ՑԱՎԱԶԵՐԾ Հայրենիքում։
... Ավելին.Տարին սկսում ենք օրհնությամբ․ Նռնօրհնեք Իջևանի Սուրբ Ներսես Շնորհալի եկեղեցում
Տարին սկսում ենք օրհնությամբ։
Թող այս տարին դառնա մեր ժողովրդի ԴԱՐՁԻ տարի, որպեսզի ապրենք ՉԱՐԱԶԵՐԾ և ՑԱՎԱԶԵՐԾ Հայրենիքում։
Թեմի միասնական աղոթքի օր․ Որոտման որդիների տոնին՝ թեմական Պատարագ
ՄԻԱՍԻՆ․․․ Տավուշի թեմն ունի կարևոր ավանդույթներ։ Օրինակ` տարբեր տոների առիթով թեմի բոլոր հոգևորականները մեկտեղվում են և աղոթում իրար հետ, զրուցում և կիսում կարևոր գաղափարներ, ապրումներ։ Որոտման որդիների` սուրբ Հակոբ և Հովհաննես առաքյալների տոնը նույնպես յուրահատուկ է մեզ համար։ Ամեն տարի այս օրը Պատարագի խորհրդի շուրջ հավաքվում են ոչ միայն քահանաները, այլ նաև իրենց ընտանիքները, առաջնորդարանի
... Ավելին.Թեմի միասնական աղոթքի օր․ Որոտման որդիների տոնին՝ թեմական Պատարագ
ՄԻԱՍԻՆ․․․
Տավուշի թեմն ունի կարևոր ավանդույթներ։ Օրինակ` տարբեր տոների առիթով թեմի բոլոր հոգևորականները մեկտեղվում են և աղոթում իրար հետ, զրուցում և կիսում կարևոր գաղափարներ, ապրումներ։
Որոտման որդիների` սուրբ Հակոբ և Հովհաննես առաքյալների տոնը նույնպես յուրահատուկ է մեզ համար։ Ամեն տարի այս օրը Պատարագի խորհրդի շուրջ հավաքվում են ոչ միայն քահանաները, այլ նաև իրենց ընտանիքները, առաջնորդարանի աշխատակազմը, որոնք նույնպես անմասն չեն ՏաՀույսի առաքելությունից։
Այսօր մեզ համար յուրահատուկ տոն է. մեր քահանայից դասին է միացել նորաօծ Տեր Աբգար քահանա Կարապետյանը, ով այսուհետ իր ծառայությունը կբերի Տավուշ աշխարհում։
Հոգևոր հայրերն աղոթքով ամփոփեցին տարին, հույսով, որ հայոց գալիք հաղթանակն իրականություն կդառնա, չնայած բոլոր փորձություններին։ Բնականաբար` բոլորիս մտքում ու սրտում Արցախն է։ Դե իսկ Սրբազանի պատգամը գողացված ուրախության, արժանապատվության, ծառայասիրության մասին էր։
«Որքա՜ն բարի, որքա՜ն վայելուչ է, որ եղբայրները բնակվում են միասին» (Սաղմոս 132:1):
ՍՈՒՐԲ ԾՆՆԴՅԱՆ ԵՎ ԱՄԱՆՈՐԻ ՄԻՋՈՑԱՌՈՒՄ ՏԱՎՈՒՇԵՑԻ ՄԵՐ ՆԱՀԱՏԱԿ ՀԵՐՈՍ ԵՂԲԱՅՐՆԵՐԻ ԸՆՏԱՆԻՔՆԵՐԻ ԵՐԵԽԱՆԵՐԻ ՀԱՄԱՐ
Համեստ, ուրախ, ինտերակտիվ միջոցառում էինք կազմակերպել մեր սիրելի ընտանիքների երեխաների համար։ Բագրատ Սրբազանից պատգամ ենք ստացել՝ միշտ ուշադրության կենտրոնում պահել սխրանք գործած մեր հայրերի ու եղբայրների ընտանիքները՝ պարզ ողջույն տալ, որպիսությունը հարցնել։ Այս չքնաղ միջոցառմանը մասնակցեցին «ՀԱՏԻԿ» բենդը, «ՇՈՒՇԻԿԻ» բենդը, հումորիստ Արթուր Մուսայելյանը, բլոգեր Հրանտ Ղազումյանը։ Միջոցառումը «վարեց» Տեր Աբել քահանա Քարտաշյանը: Այսօր մեր կյանքը
... Ավելին.ՍՈՒՐԲ ԾՆՆԴՅԱՆ ԵՎ ԱՄԱՆՈՐԻ ՄԻՋՈՑԱՌՈՒՄ ՏԱՎՈՒՇԵՑԻ ՄԵՐ ՆԱՀԱՏԱԿ ՀԵՐՈՍ ԵՂԲԱՅՐՆԵՐԻ ԸՆՏԱՆԻՔՆԵՐԻ ԵՐԵԽԱՆԵՐԻ ՀԱՄԱՐ
Համեստ, ուրախ, ինտերակտիվ միջոցառում էինք կազմակերպել մեր սիրելի ընտանիքների երեխաների համար։ Բագրատ Սրբազանից պատգամ ենք ստացել՝ միշտ ուշադրության կենտրոնում պահել սխրանք գործած մեր հայրերի ու եղբայրների ընտանիքները՝ պարզ ողջույն տալ, որպիսությունը հարցնել։
Այս չքնաղ միջոցառմանը մասնակցեցին «ՀԱՏԻԿ» բենդը, «ՇՈՒՇԻԿԻ» բենդը, հումորիստ Արթուր Մուսայելյանը, բլոգեր Հրանտ Ղազումյանը։ Միջոցառումը «վարեց» Տեր Աբել քահանա Քարտաշյանը:
Այսօր մեր կյանքը լի է վիշտերով, անորոշություններով, արժեքների փոփոխություններով, սակայն Սուրբ Ծննդյան ավետիսը, ուրախությունը բոլորին, մանավանդ մեր մանուկներին հասցնելը բոլորիս առաքելությունն է։
«Փառք Աստծուն՝ բարձունքներում և երկրի վրա խաղաղություն և հաճություն՝ մարդկանց մեջ»: (Ղուկ. 2:14)
Աստծո օգնությամբ և մեր ջանքով թող հաղթանակած խաղաղություն լինի մեր երկրում։
Մեր երգչախմբի սաները «ընկերացան» Ալեքսանդր Սպենդիարյանի հետ
Ինքնաճանաչողության մեծ ճամփորդության մեջ մեր կարևորագույն հանգրվածններից մեկն էր Ալեքսանդր Սպենդիարյանի տուն-թանգարանը։ Սպենդիարյանի որոշ ստեղծագործությունների մենք արդեն ծանոթ էինք, սակայն կոմպոզիտորի ստեղծագործություններից հատվածների ունկնդրումը, դրանց ստեղծման մանրամասներին էքսկուրսավարներ Կատրինի և Մարիամի օգնությամբ ծանոթանալը, մեզ ավելի «սիրահարեցրին» կոմպոզիտորին։ «Օնլայն դիրիժոր»-ով ինքներս փորձեցինք ղեկավարել օնլայն նվագախմբի կատարումը, փորձեցինք նվագել «Սպենդարիաֆոնով» (երաժշտական գործիք, որը ստեղծել է Ալ․ Սպենդիարյանը)
... Ավելին.Մեր երգչախմբի սաները «ընկերացան» Ալեքսանդր Սպենդիարյանի հետ
Ինքնաճանաչողության մեծ ճամփորդության մեջ մեր կարևորագույն հանգրվածններից մեկն էր Ալեքսանդր Սպենդիարյանի տուն-թանգարանը։
Սպենդիարյանի որոշ ստեղծագործությունների մենք արդեն ծանոթ էինք, սակայն կոմպոզիտորի ստեղծագործություններից հատվածների ունկնդրումը, դրանց ստեղծման մանրամասներին էքսկուրսավարներ Կատրինի և Մարիամի օգնությամբ ծանոթանալը, մեզ ավելի «սիրահարեցրին» կոմպոզիտորին։
- «Օնլայն դիրիժոր»-ով ինքներս փորձեցինք ղեկավարել օնլայն նվագախմբի կատարումը,
- փորձեցինք նվագել «Սպենդարիաֆոնով» (երաժշտական գործիք, որը ստեղծել է Ալ․ Սպենդիարյանը)
Մեր շնորհակալությունը թանգարանի տնօրեն Մարինե Օթարյանին, ում հոգատարության, սիրո և նվիրումի շնորհիվ Ալեքսանդր Սպենդիարյանի տուն-թանգարանը պահպանվել, զարգացել և այսօր դարձել է մայրաքաղաք Երևանի ամենագեղեցիկ վայրերից մեկը։
Մեր ձեռքում արդեն ոչ միայն թանգարանից ստացած հուշանվերներ են, այլև անմոռանալի օրվա հավերժող պահերը։
***
Closer to art
Alexander Spendiaryan’s House-museum was one of the most essential destinations in our incredible journey.
We were already familiar with some of Spendiaryan’s works, but listening to excerpts from the composer’s works, getting to know the details of their creation with the help of tour guides Katrin and Mariam, made us fall in love with the composer even more.
Our special thanks to Mrs M. Otaryan, the director of the museum, for creating a unique opportunity for us to be closer to Maestro’s story and art and we are back by
having not only interesting postcards from the museum, but also the ever-lasting moments of an unforgettable day.
44-ՕՐՅԱ ՊԱՏԵՐԱԶՄԻ ՏԱՎՈՒՇԵՑԻ 1-ԻՆ ՆԱՀԱՏԱԿ ԿԱՐԵՆ ՄԱՐԳԱՐՅԱՆԻ ԿԻՍԱՆԴՐՈՒ ԲԱՑՄԱՆ, ՆՐԱ ՀԻՇԱՏԱԿԻՆ ՆՎԻՐՎԱԾ ՄԱՏՈՒՌԸ ԽԱՉԻ ՕԾՄԱՆ ԱՐԱՐՈՂՈՒԹՅՈՒՆԸ
Այսօր պառավաքարցի մեր հերոս զավակի՝ 44-օրյա պատերազմի տավուշեցի առաջին նահատակ Կարեն Վահրամի Մարգարյանի ծննդյան տարեդարձն է։ Այս առիթով այսօր տեղի ունեցան մի շարք միջոցառումներ։ Կատարվեց ծաղիկների խոնարհման արարողություն և հոգեհանգստյան աղոթք, Պառավաքար գյուղի մանկապարտեզն անվանակոչվեց Կարեն Մարգարյանի անունով։ Այսօր տեղի ունեցավ նաև Կարեն Մարգարյանի կիսանդրու բացման արարողությունը։ Հաջորդաբար օծվեց նահատակ հերոս, Օմարի արծիվ Կարեն Մարգարյանի
... Ավելին.44-ՕՐՅԱ ՊԱՏԵՐԱԶՄԻ ՏԱՎՈՒՇԵՑԻ 1-ԻՆ ՆԱՀԱՏԱԿ ԿԱՐԵՆ ՄԱՐԳԱՐՅԱՆԻ ԿԻՍԱՆԴՐՈՒ ԲԱՑՄԱՆ, ՆՐԱ ՀԻՇԱՏԱԿԻՆ ՆՎԻՐՎԱԾ ՄԱՏՈՒՌԸ ԽԱՉԻ ՕԾՄԱՆ ԱՐԱՐՈՂՈՒԹՅՈՒՆԸ
Այսօր պառավաքարցի մեր հերոս զավակի՝ 44-օրյա պատերազմի տավուշեցի առաջին նահատակ Կարեն Վահրամի Մարգարյանի ծննդյան տարեդարձն է։ Այս առիթով այսօր տեղի ունեցան մի շարք միջոցառումներ։
Կատարվեց ծաղիկների խոնարհման արարողություն և հոգեհանգստյան աղոթք, Պառավաքար գյուղի մանկապարտեզն անվանակոչվեց Կարեն Մարգարյանի անունով։ Այսօր տեղի ունեցավ նաև Կարեն Մարգարյանի կիսանդրու բացման արարողությունը։
Հաջորդաբար օծվեց նահատակ հերոս, Օմարի արծիվ Կարեն Մարգարյանի հիշատակին Բերդի տարածաշրջանի մուտքին կառուցված մատուռի խաչը, օրհնվեց մատուռը՝ հանդիսապետության Տավուշի թեմի առաջնորդ Տեր Բագրատ եպիսկոպոս Գալստանյանի։
Տավուշի թեմի մանկապատանեկան երգչախմբի ֆանտաստիկ համերգ ունեցավ Թբիլիսիի Vaso Abashidze State New Theatre -ում
Տավուշի թեմի մանկապատանեկան երգչախմբի ֆանտաստիկ համերգ ունեցավ Թբիլիսիի Vaso Abashidze State New Theatre -ում Հայաստան-Վրաստան դիվանագիտական հարաբերությունների հաստատման երեսնամյակի առթիվ։ Երբ մեր փոքրիկները երգեցին Սայաթ-Նովա, դահլիճը հիացած էր, շատերը նույնիսկ արտասվում էին հուզմունքից։ Իսկ «Թբիլիսո»-յի մեր կատարումն ուղղակի ցնցեց բոլորին․ շատերն էին հարցնում՝ ինչպե՞ս են հայ երեխաները այսպիսի ճիշտ շեշտադրումներով վրացերեն երգ կատարում։ Վրաստանից վերադառնում
... Ավելին.Տավուշի թեմի մանկապատանեկան երգչախմբի ֆանտաստիկ համերգ ունեցավ Թբիլիսիի Vaso Abashidze State New Theatre -ում
Տավուշի թեմի մանկապատանեկան երգչախմբի ֆանտաստիկ համերգ ունեցավ Թբիլիսիի Vaso Abashidze State New Theatre -ում Հայաստան-Վրաստան դիվանագիտական հարաբերությունների հաստատման երեսնամյակի առթիվ։
Երբ մեր փոքրիկները երգեցին Սայաթ-Նովա, դահլիճը հիացած էր, շատերը նույնիսկ արտասվում էին հուզմունքից։ Իսկ «Թբիլիսո»-յի մեր կատարումն ուղղակի ցնցեց բոլորին․ շատերն էին հարցնում՝ ինչպե՞ս են հայ երեխաները այսպիսի ճիշտ շեշտադրումներով վրացերեն երգ կատարում։
Վրաստանից վերադառնում ենք նոր մարտահրավերներ հաղթահարելու և մշտապես հաղթելու վճռականությամբ։
Մեր մարզիկները վերադարձան Լիսաբոնում կայացած Կյոկուշին կարատեի Եվրոպայի առաջնությունից
Մարզիչ Արմեն Կիրակոսյանի գլխավորությամբ՝ Նոյեմբերյանի տարածաշրջանից 4 մարզիկներ մասնակցեցին Պորտուգալիայում տեղի ունեցած Եվրոպայի առաջնությանը և տուն վերադարձան մեկական բրոնզե, արծաթե և ոսկե մեդալներով։ Գոռ Կիրակոսյանը, ով նաև մեր ՏաՈւժ-Նոյեմբերյան դպրոցի աշակերտ է, դարձավ չեմպիոն և Հայրենիք բերեց ոսկե մեդալը։ Վերադառնալուց հետո մարզիկները՝ մարզիչի գլխավորությամբ, եկան Սրբազան Հոր օրհնությունը ստանալու։ Ինչպես ասաց Բագրատ Սրբազանը՝ երբ որևէ
... Ավելին.Մեր մարզիկները վերադարձան Լիսաբոնում կայացած Կյոկուշին կարատեի Եվրոպայի առաջնությունից
Մարզիչ Արմեն Կիրակոսյանի գլխավորությամբ՝ Նոյեմբերյանի տարածաշրջանից 4 մարզիկներ մասնակցեցին Պորտուգալիայում տեղի ունեցած Եվրոպայի առաջնությանը և տուն վերադարձան մեկական բրոնզե, արծաթե և ոսկե մեդալներով։
Գոռ Կիրակոսյանը, ով նաև մեր ՏաՈւժ-Նոյեմբերյան դպրոցի աշակերտ է, դարձավ չեմպիոն և Հայրենիք բերեց ոսկե մեդալը։
Վերադառնալուց հետո մարզիկները՝ մարզիչի գլխավորությամբ, եկան Սրբազան Հոր օրհնությունը ստանալու։
Ինչպես ասաց Բագրատ Սրբազանը՝ երբ որևէ առաջնությունում ձեր շնորհիվ բարձրանում է Հայաստանի դրոշը, երբ դուք դրոշը վեր եք բարձրացնում, դուք ամբողջ Հայաստանն եք ձեր ուսերին կրում այդ պահին։