Իջևան
Աստվածամոր Վերափոխման տոնն է այսօր և Խաղողօրհնեքը
Վերափոխման տոնը: Այն Հայ Եկեղեցու հինգ տաղավար տոներից չորրորդն է։ Ավանդությունը պատմում է, որ Բարդուղիմեոս առաքյալը Հայաստանում էր, երբ ննջեց Տիրամայրը, վերադառնալով Երուսաղեմ և իմանալով սուրբ Կույսի ննջումի մասին, ստիպեց առաքյալներին, որ բացեն գերեզմանը՝ Տիրամորը վերջին հրաժեշտը տալու համար։ Սակայն Աստվածամոր մարմինը գերեզմանում չգտան, քանի որ Հիսուս Քրիստոսն իր խոստմանը համաձայն նրան տարել էր իր
... Ավելին.Աստվածամոր Վերափոխման տոնն է այսօր և Խաղողօրհնեքը
Վերափոխման տոնը: Այն Հայ Եկեղեցու հինգ տաղավար տոներից չորրորդն է։
Ավանդությունը պատմում է, որ Բարդուղիմեոս առաքյալը Հայաստանում էր, երբ ննջեց Տիրամայրը, վերադառնալով Երուսաղեմ և իմանալով սուրբ Կույսի ննջումի մասին, ստիպեց առաքյալներին, որ բացեն գերեզմանը՝ Տիրամորը վերջին հրաժեշտը տալու համար։
Սակայն Աստվածամոր մարմինը գերեզմանում չգտան, քանի որ Հիսուս Քրիստոսն իր խոստմանը համաձայն նրան տարել էր իր մոտ։
Մեր ավանդությունը պատմում է նաև, որ Տիրամոր պատկերն է տրվել Բարդուղիմեոս առաքյալին, ով էլ այն բերել է Հայք։ Այնուհետև Անձևյաց գավառում կառուցել են Սուրբ Աստվածածին եկեղեցին, ապա կուսանոց և Հոգեաց վանքը, իսկ պատկերը դրվել է այնտեղ։ Դարերի ընթացքում սրբապատկերի հետքերը կորել են, բայց մնացել է տոնը և Աստվածածնի անունը կրող եկեղեցիներ ու վանքեր ուխտի գնալու սովորույթը։
Վերափոխման տոնի օրը Պատարագից հետո, կատարվում է խաղողօրհնության կարգ և ապա օրհնված ողկույզները բաժանվում են ժողովրդին:
․․․
Դրվագներ Իջևանի Սուրբ Ամենափրկիչ եկեղեցում վերափոխման տոնի Պատարագից և Խաղողօրհնեքից։
***
Հայկական ավանդության համաձայն, Տիրամոր պատկերը տրվել է Բարդուղիմեոս առաքյալին, ով էլ այն բերել է Հայք։ Այնուհետև Անձևյաց գավառում կառուցել են Սուրբ Աստվածածին եկեղեցին, ապա կուսանոց և Հոգեաց վանքը, իսկ պատկերը դրվել է այնտեղ։ Դարերի ընթացքում սրբապատկերի հետքերը կորել են, բայց մնացել է տոնը և Աստվածածնի անունը կրող եկեղեցիներ ու վանքեր ուխտի գնալու սովորույթը։
Վերափոխման տոնի օրը՝ Ս. Պատարագից հետո, կատարվում է խաղողօրհնության կարգ և ապա օրհնված ողկույզները բաժանում ժողովրդին:
ՀԱՅ ԵԿԵՂԵՑԻՆ՝ ՄԻԱԲԱՆՎԱԾ ԻՋԵՎԱՆ ՔԱՂԱՔՈՒՄ
Իջևան քաղաքից օրհնվում են երկրի չորս ծագերը․ Անդաստանի կարգ կատարվեց Իջևանի շատրվանների հրապարակում Մեծի Տանն Կիլիկիո Կաթողիկոսությունից, Երուսաղեմի և Կոստանդնուպոլսի Հայոց Պատրիարքություններից ժամանած 56 վարդապետներն ու աբեղաները այս օրերին Մայր Աթոռ Սուրբ Էջմիածնում միաբանական համագումարի են։ Տավուշ են ժամանել մեր նահատակ հերոսների ընտանիքներին և վիրավորում ստացած տղաներին այցելության նպատակով։ Սրանով թող Տիրոջ օրհնությունն ու շնորհը
... Ավելին.ՀԱՅ ԵԿԵՂԵՑԻՆ՝ ՄԻԱԲԱՆՎԱԾ ԻՋԵՎԱՆ ՔԱՂԱՔՈՒՄ
Իջևան քաղաքից օրհնվում են երկրի չորս ծագերը․ Անդաստանի կարգ կատարվեց Իջևանի շատրվանների հրապարակում
Մեծի Տանն Կիլիկիո Կաթողիկոսությունից, Երուսաղեմի և Կոստանդնուպոլսի Հայոց Պատրիարքություններից ժամանած 56 վարդապետներն ու աբեղաները այս օրերին Մայր Աթոռ Սուրբ Էջմիածնում միաբանական համագումարի են։
Տավուշ են ժամանել մեր նահատակ հերոսների ընտանիքներին և վիրավորում ստացած տղաներին այցելության նպատակով։
Սրանով թող Տիրոջ օրհնությունն ու շնորհը հեղվի Հայաստան աշխարհի և նրա զավակների վրա։
Հայոց ցեղասպանության սուրբ նահատակների հիշատակության օրը՝ Պատարագ Իջևանի Սրբոց Նահատակաց բաց խորանին
Այսօր` ապրիլի 24-ին, իջևանցիներն ու հյուրերը՝ պաշտոնյաների ուղեկցությամբ, Տավուշի մարզպետարանի մոտից երթով քայլեցին դեպի Ցեղասպանության քաղաքային հուշահամալիր։ Հուշահամալիրի տարածքում է գտնվում Սրբոց Նահատակաց բաց խորանը, որին այսօր Պատարագ մատուցեց Տեր Աբէլ Քարտաշյանը։ Ներկա էին Իջևանում և հարակից շրջաններում սպասավորող մեր բոլոր հոգևորականները։ ․․․ Ապրիլի 24-ը 2015թ-ին՝ Հայոց ցեղասպանության 100-րդ տարելիցին փոխեց իր բնույթը՝ մտնելով Հայ
... Ավելին.Հայոց ցեղասպանության սուրբ նահատակների հիշատակության օրը՝ Պատարագ Իջևանի Սրբոց Նահատակաց բաց խորանին
Այսօր` ապրիլի 24-ին, իջևանցիներն ու հյուրերը՝ պաշտոնյաների ուղեկցությամբ, Տավուշի մարզպետարանի մոտից երթով քայլեցին դեպի Ցեղասպանության քաղաքային հուշահամալիր։
Հուշահամալիրի տարածքում է գտնվում Սրբոց Նահատակաց բաց խորանը, որին այսօր Պատարագ մատուցեց Տեր Աբէլ Քարտաշյանը։ Ներկա էին Իջևանում և հարակից շրջաններում սպասավորող մեր բոլոր հոգևորականները։
․․․
Ապրիլի 24-ը 2015թ-ին՝ Հայոց ցեղասպանության 100-րդ տարելիցին փոխեց իր բնույթը՝ մտնելով Հայ Եկեղեցու տոնացույց․ սրբադասվեցին ցեղասպանության ընթացքում հանուն հավատքի նահատակվածները։
Եթե մինչև 2015թ-ը մենք ցեղասպանության զոհերի համար հոգեհանգիստ էինք անում, բարեխոսություն էինք հայցում իրենց համար, հիմա մենք իրենց՝ արդեն սրբադասված անձանց բարեխոսությունն ենք խնդրում մեզ համար։
Մեր մեծ սրբեր, բարեխոսե՜ք Տիրոջը Հայաստան և Արցախ աշխարհի, հայ ազգի, մեր գալիք ՀԱՂԹԱՆԱԿԻ և ՍՐԲԱԶԱՆ ՎՐԵԺԻ իրագործման համար։
Քրիստոս յարեա՜ւ ի մեռելոց
«Նշեք ձեր անմահության տոնը, ժողովուրդ ջան։ Մեռնել չկա մեզ համար։ Նրանք, ովքեր Քրիստոսի հավատարմության մեջ են, իրենց ժառանգության հավատարմության մեջ են, իրենց համար մահ գոյություն չունի, որքան էլ որ այն կենսաբանորեն այցելի մեզ» – Բագրատ Սրբազան։
... Ավելին.Քրիստոս յարեա՜ւ ի մեռելոց
«Նշեք ձեր անմահության տոնը, ժողովուրդ ջան։
Մեռնել չկա մեզ համար։
Նրանք, ովքեր Քրիստոսի հավատարմության մեջ են,
իրենց ժառանգության հավատարմության մեջ են, իրենց համար մահ գոյություն չունի, որքան էլ որ այն կենսաբանորեն այցելի մեզ» – Բագրատ Սրբազան։
ԽԱՉԵԼՈՒԹՅԱՆ ԿԱՐԳ․ ԻՋԵՎԱՆ
Ավագ Ուրբաթ օրը մեր Տիրոջ՝ Հիսուս Քրիստոսի խաչելության և թաղման օրն է։ Եկեղեցիներում կատարվում է Խաչելության կարգ։ «Քրիստոս Իր մարմնով մեր մեղքերը բարձրացրեց խաչափայտի վրա» (Ա Պետրոս 2:24): Քրիստոս Իր մահով մերցրեց մեր մեղքերը և հաշտեցրեց մեզ Հայր Աստծո հետ, ազատեց անեծքից և հավիտենական դատապարտությունից: Բագրատ Սրբազանն իր խոսքում ասաց,- «Եթե մենք ընդունելու ենք դառնությունը,
... Ավելին.ԽԱՉԵԼՈՒԹՅԱՆ ԿԱՐԳ․ ԻՋԵՎԱՆ
Ավագ Ուրբաթ օրը մեր Տիրոջ՝ Հիսուս Քրիստոսի խաչելության և թաղման օրն է։ Եկեղեցիներում կատարվում է Խաչելության կարգ։
«Քրիստոս Իր մարմնով մեր մեղքերը բարձրացրեց խաչափայտի վրա» (Ա Պետրոս 2:24):
Քրիստոս Իր մահով մերցրեց մեր մեղքերը և հաշտեցրեց մեզ Հայր Աստծո հետ, ազատեց անեծքից և հավիտենական դատապարտությունից:
Բագրատ Սրբազանն իր խոսքում ասաց,- «Եթե մենք ընդունելու ենք դառնությունը, հասկանալու ենք այդ դառնության խորքերը, ճանաչելու ենք այն, և այն չենք դարձնելու մեզ համար ՀԱՐՈՒԹՅԱՆ և ՀԱՂԹԱՆԱԿԻ ճանապարհ՝ իմաստազրկված և բովանդակազրկված է մեր կյանքի ընթացքը։
Մենք կոչված ենք ընդունելու այդ դառնությունը, ճաշակելու այդ դառնությունը և այն վերածելու հաղթության։
Այլ ճանապարհ ՉԿԱՐ մեր Տիրոջ համար, այլ ճանապարհ չկա նաև մեզ համար։
․․․
Այսօր մեզ վրա էլ են վիճակ նետում, մեր մեծ պատմուճանը՝ մեր Հայրենիքը, մեր ինքնությունը, արժանապատվությունը՝ կիսելու, բաժանելու, քայքայելու, որի ակունքում 30 արծաթն էր։
30 ԱՐԾԱԹ, ՇԱՏ ՆՄԱՆ 29800-Ի»։
ԽԱՎԱՐՄԱՆ ԿԱՐԳ
Ավագ Հինգշաբթի երեկոյան եկեղեցիներում կատարվում է Խավարման կարգ, որը Քրիստոսի մատնության և չարչարանքների հիշատակն է: Այսօր հիշատակում ենք Գեթսեմանիի պարտեզում Քրիստոսի աղոթքը, Հուդայի մատնությունը, Հիսուսի հանձնումն ամբոխին, ձերբակալությունը, չարչարանքները, խաչելությունը, մահը, Պետրոսի երեք անգամ ուրացությունն ու զղջումը: Սակայն սա սոսկ հիշատակում չէ, այլ այդ դեպքերը կատարվում ենք հենց այսօր։ Տիրոջ մատնության գիշերը․․․ «Մերժեք ձեր Հայրենիքը
... Ավելին.ԽԱՎԱՐՄԱՆ ԿԱՐԳ
Ավագ Հինգշաբթի երեկոյան եկեղեցիներում կատարվում է Խավարման կարգ, որը Քրիստոսի մատնության և չարչարանքների հիշատակն է:
Այսօր հիշատակում ենք Գեթսեմանիի պարտեզում Քրիստոսի աղոթքը, Հուդայի մատնությունը, Հիսուսի հանձնումն ամբոխին, ձերբակալությունը, չարչարանքները, խաչելությունը, մահը, Պետրոսի երեք անգամ ուրացությունն ու զղջումը: Սակայն սա սոսկ հիշատակում չէ, այլ այդ դեպքերը կատարվում ենք հենց այսօր։
Տիրոջ մատնության գիշերը․․․
«Մերժեք ձեր Հայրենիքը բզկտելը, թշնամուն հանձնելը, ուրանալը, մերժեք վախենալը, սարսափելը, դավելը, մերժեք, արթնացեք այդ բոլորից։
Արթնացեք և վերահաստատեք ձեզ տիեզերական ճշմարտության մեջ, վերահաստատեք ձեզ քաջության մեջ, սխրանքի մեջ, աստվածսիրության մեջ, հայրենատիրության մեջ, ձեզ վստահված ժառանգության մեջ, հզորության մեջ, ձեր ինքնության լավագույն դրսևորումների մեջ, ձեր՝ որպես ազգ, որպես մարդ ընտրված լինելու մեջ։ Վերահաստատեք ձեզ սիրո մեջ՝ բոլոր սերերի մեջ, որոնք միայն բարիք են բրում, որոնք միայն լույսի ճանապարհ են հարթում մարդու համար, որովհետև սիրո մեջ բնակվողը Աստծո մեջ է բնակվում և Աստված էլ իր մեջ է բնակվում։
Սերը զարմանալի երևույթ է՝ տալուց է ավելանում, վերցնելուց կարծես սպառվում է։ Տալուց շատանում, առատանում է, փոխվում է կյանքի որակը, փոխվում է ներքին հոգևոր և հոգեբանական զգացողությունը, ԱՐԹՆԱՆՈՒՄ է մարդը։
***
30 արծաթի պատմությունը չի վերջացել․ աշակերտի, մտերիմի, սիրողի՝ սիրելով 30 արծաթը վերցնողի պատմությունը չի վերջացել։
Համբույրով մատնելու պատմությունն էլ չի վերջացել։ Հացով, սրբությամբ մատնելու պատմությունն էլ չի վերջացել։
Ում հետ սնվում ես, կիսում ես այդ սրբությունը, հենց իրեն էլ մատնելու պատմությունը չի վերջացել։
***
Այսօր մենք մեծ փորձության մեջ ենք, շատ մեծ փորձության մեջ։ Քնած ենք կարծես։ Մեր Տերը մեզ համար հոգևոր պատերազմի մեջ է գտնվում, անընդհատ ձգում է մեզ դեպի իրեն, մենք էլ կա՛մ հանգիստ են զգում մեզ, կա՛մ մեր ներքին վախերով, կա՛մ ինքներս մեզ համար ձևաներպումներ տված, և չենք ուզում տեսնել ՎԵՐԵԼՔԻ պատմությունը, դեպի Ինքը գնալու պատմությունը և իր միջից մեր բոլոր փորձությունները վերացնելու, դրանք հաղթելու և հաղթահարելու պատմությունը։
Կարծես խավար գիշերի մեջ ենք ապրում։ Հոգևոր թմրության, խավարի և այն գիշերվա խորհրդի մեջ(Տիրոջ վերջին գիշերը Գեթսեմանիի պարտեզում), որը նաև քողը դարձավ մատնության համար։ Մեր կյանքը կարծես այդպես գիշերված և խավարած լինի»։
ՈՏՆԼՎԱ․ ԻՋԵՎԱՆ
«Նա վեր կացավ ընթրիքի սեղանից, մի կողմ դրեց զգեստները և մի սրբիչ վերցնելով՝ մեջքին կապեց: Եվ ապա ջուր վերցնելով՝ լցրեց կոնքի մեջ և սկսեց իր աշակերտների ոտքերը լվանալ եւ սրբել մեջքին կապած սրբիչով»: (Հովհ․ 13։4-5) Երուսաղեմում՝ Վերնատանը, Վերջին ընթրիքի ընթացքում Քրիստոս կատարեց լցավ աշակերտների ոտքերը՝ պատգամ թողնելով բոլորին՝ սիրով ծառայել միմյանց։ Խոսք Ոտնլվայի արարողության ժամանակ՝
... Ավելին.ՈՏՆԼՎԱ․ ԻՋԵՎԱՆ
«Նա վեր կացավ ընթրիքի սեղանից, մի կողմ դրեց զգեստները և մի սրբիչ վերցնելով՝ մեջքին կապեց:
Եվ ապա ջուր վերցնելով՝ լցրեց կոնքի մեջ և սկսեց իր աշակերտների ոտքերը լվանալ եւ սրբել մեջքին կապած սրբիչով»:
(Հովհ․ 13։4-5)
Երուսաղեմում՝ Վերնատանը, Վերջին ընթրիքի ընթացքում Քրիստոս կատարեց լցավ աշակերտների ոտքերը՝ պատգամ թողնելով բոլորին՝ սիրով ծառայել միմյանց։
Խոսք Ոտնլվայի արարողության ժամանակ՝ ԱՌԱՋՆՈՐԴՆԵՐԻՆ, ԶԻՆՎՈՐԱԿԱՆՆԵՐԻՆ, ՊԱՏԱՆԻՆԵՐԻՆ՝ Առաջնորդ, սիրեցիր քեզ վստահվածներին՝ կանես ամեն ինչ։ Սիրեցիր ինքդ քեզ՝ կավիրես ամեն ինչ։
Ավագ Հինգշաբթի է․․․ Հաղորդության Խորհրդի հաստատումը
Առէք կերէք, այս է մարմին Իմ․․․ Արբէք ի սմանէ ամենեքեան. այս է արիւն Իմ նորոյ ուխտի․․․ Ավագ Հինգշաբթի մատուցվում է Սուրբ Պատարագ՝ խորհրդանշելով Խորհրդավոր ընթրիքի ժամանակ Հիսուս Քրիստոսի կողմից Սբ. Հաղորդության խորհրդի հաստատման: Խորհրդավոր ընթրիքի ժամանակ Հիսուս Քրիստոս վերցնում է հացը, օրհնում և կիսելով տալիս աշակերտներին՝ ասելով. «Առեք, կերեք, այս է Իմ Մարմինը»: Այնուհետև գինու
... Ավելին.Ավագ Հինգշաբթի է․․․ Հաղորդության Խորհրդի հաստատումը
Առէք կերէք, այս է մարմին Իմ․․․
Արբէք ի սմանէ ամենեքեան. այս է արիւն Իմ նորոյ ուխտի․․․
Ավագ Հինգշաբթի մատուցվում է Սուրբ Պատարագ՝ խորհրդանշելով Խորհրդավոր ընթրիքի ժամանակ Հիսուս Քրիստոսի կողմից Սբ. Հաղորդության խորհրդի հաստատման:
Խորհրդավոր ընթրիքի ժամանակ Հիսուս Քրիստոս վերցնում է հացը, օրհնում և կիսելով տալիս աշակերտներին՝ ասելով. «Առեք, կերեք, այս է Իմ Մարմինը»: Այնուհետև գինու բաժակն է տալիս՝ ասելով. «Խմեցեք դրանից բոլորդ, որովհետև այդ է Նոր Ուխտի Իմ Արյունը, որ թափվում է շատերի համար, իրենց մեղքերի թողության համար»:
Ծաղկազարդ է․ Իջևանի Սուրբ Ներսես Շնորհալի եկեղեցի
ԱՅՍՕՐ ԲՆՈՒԹՅՈՒՆՆ ՈՒ ԱՐԱՐՉԱԳՈՐԾՈՒԹՅՈՒՆԸ ԾԱՂԿԱԶԱՐԴՎԱԾ ԴԻՄԱՎՈՐՈՒՄ ԵՆ ՄԵՐ ՏԻՐՈՋԸ Այսօր հիշատակում ենք Հիսուս Քրիստոսի հրաշափառ մուտքը Երուսաղեմ։ Ծաղկազարդը հռչակվել է նաև Մանուկների Օրհնության Օր։
... Ավելին.Ծաղկազարդ է․ Իջևանի Սուրբ Ներսես Շնորհալի եկեղեցի
ԱՅՍՕՐ ԲՆՈՒԹՅՈՒՆՆ ՈՒ ԱՐԱՐՉԱԳՈՐԾՈՒԹՅՈՒՆԸ ԾԱՂԿԱԶԱՐԴՎԱԾ ԴԻՄԱՎՈՐՈՒՄ ԵՆ ՄԵՐ ՏԻՐՈՋԸ
Այսօր հիշատակում ենք Հիսուս Քրիստոսի հրաշափառ մուտքը Երուսաղեմ։ Ծաղկազարդը հռչակվել է նաև Մանուկների Օրհնության Օր։