Պատարագ
Գոշավանք․․․ Պայծառակերպություն․․․ Սրբապատկերի և խաչվառների օծում
Տիրոջ Պայծառակերպության տոնը բոլորիս հրավիրում է՝ պայծառակերպվել ու այլակերպվել՝ Քրիստոսի օրինակով։ «Եթե մեկը կամենում է հետևել ինձ, թող ուրանա իր անձը, վերցնի իր խաչը և գա իմ հետևից, որովհետև ով կամենա իր անձը փրկել, այն կկորցնի, և ով ինձ համար իր անձը կորցնի, կգտնի այն (Մատթեոս 16։24-25): Որքան էլ պարադոքսալ թվա. հանրային բարիքի համար սեփական
... Ավելին.Գոշավանք․․․ Պայծառակերպություն․․․ Սրբապատկերի և խաչվառների օծում
Տիրոջ Պայծառակերպության տոնը բոլորիս հրավիրում է՝ պայծառակերպվել ու այլակերպվել՝ Քրիստոսի օրինակով։
«Եթե մեկը կամենում է հետևել ինձ, թող ուրանա իր անձը, վերցնի իր խաչը և գա իմ հետևից, որովհետև ով կամենա իր անձը փրկել, այն կկորցնի, և ով ինձ համար իր անձը կորցնի, կգտնի այն (Մատթեոս 16։24-25):
Որքան էլ պարադոքսալ թվա. հանրային բարիքի համար սեփական անձն ուրացած մարդը կարող է միայն սեփական անձը գտնել։
Մեր ազգի, մեր պետության կյանքի այս դժվար ժամանակահատվածում է՛լ ավելի շոշափելի է դարձել սեփական անձը ուրանալու անհրաժեշտությունը։
Տիրոջ օրինակը մեր առջև ունենալով՝ քայլենք անանձնական սիրով ու նվիրումով, որովհետև դա է ՀԱՂԹԱՆԱԿԻ ճանապարհը․․․
․․․
Պայծառակերպության տոնին Գոշավանքում կրկնակի տոն էր, քանի որ Բագրատ արքեպիսկոպոս Գալստանյանի կողմից օծվեցին Սերինե Ալեքսանյանի կողմից նվիրաբերված Սուրբ Սեղանի չքնաղ սրբապատկերն ու 2 խաչվառները։
Պատարագիչն էր Գոշավանքի վանահայր Տեր Թադեոս քահանա Թադևոսյանը։
ԱՂՋՆԱԿ ՀՌԻՓՍԻՄԵԻ ՀԱՎԱՏՔԸ՝ ՄԻ ԱՄԲՈՂՋ ԱԶԳԻ ԴԱՐՁԻ ՊԱՏՄՈՒԹՅԱՆ ՍԿԻԶԲ․ ՀՌԻՓՍԻՄՅԱՆՑ ՏՈՆ
Այսօր՝ հունիսի 5-ին՝ Հռիփսիմյանց կույսերի հիշատակության տոնին, Պատարագ մատուցվեց սահմանապահ Այգեհովիտի՝ 17-րդ դարում կառուցված Ս. Հռիփսիմե եկեղեցում։ Եկեղեցու Սուրբ սեղանի վերաօծումը կատարվել է 2 օր առաջ, և սա առաջին Պատարագն էր նորաօծ Սուրբ սեղանին։ Մեր հոգևոր հայրերի առաջնորդությամբ Սուրբ Հռիփսիմյանց կույսերի մասունքակիր խաչից օրհնություն ստացան այգեհովիտցիները և հարակից գյուղերի բնակիչները։ Պատարագիչը Դիլիջանի հոգևոր հովիվ Տեր
... Ավելին.ԱՂՋՆԱԿ ՀՌԻՓՍԻՄԵԻ ՀԱՎԱՏՔԸ՝ ՄԻ ԱՄԲՈՂՋ ԱԶԳԻ ԴԱՐՁԻ ՊԱՏՄՈՒԹՅԱՆ ՍԿԻԶԲ․ ՀՌԻՓՍԻՄՅԱՆՑ ՏՈՆ
Այսօր՝ հունիսի 5-ին՝ Հռիփսիմյանց կույսերի հիշատակության տոնին, Պատարագ մատուցվեց սահմանապահ Այգեհովիտի՝ 17-րդ դարում կառուցված Ս. Հռիփսիմե եկեղեցում։ Եկեղեցու Սուրբ սեղանի վերաօծումը կատարվել է 2 օր առաջ, և սա առաջին Պատարագն էր նորաօծ Սուրբ սեղանին։
Մեր հոգևոր հայրերի առաջնորդությամբ Սուրբ Հռիփսիմյանց կույսերի մասունքակիր խաչից օրհնություն ստացան այգեհովիտցիները և հարակից գյուղերի բնակիչները։ Պատարագիչը Դիլիջանի հոգևոր հովիվ Տեր Շավարշ քահանա Սիմոնյանն էր։
Պատարագից հետո կատարվել Անդաստանի կարգ՝ օրհնվեցին աշխարհի չորս կողմերը։ Այգեհովիտցի ռուսաստանաբնակ Ամիր Ղևոնդյանի կողմից մատուցվեց մատաղ։
———
Գեղեցկուհի Հռիփսիմեն 37 քրիստոնյա կույսերից մեկն էր, ով Գայանե մայրապետի առաջնորդությամբ եկել էր Արարատյան երկիր` Հայաստան՝ չցանկանալով ամուսնանալ Հռոմի կայսեր հետ։
Հայոց Տրդատ արքան, տեսնելով Հռիփսիմեի գեղեցկությունը, ինքը ցանկացավ տիրանալ Հռիփսիմեին: Չկարողանալով տիրանալ գեղեցկատես Հռիփսիմեին՝ հրամայեց սպանել բոլոր կույսերին:
Կույսերը նահատակվեցին։ Նրանց նահատակությունից հետո 13-ամյա բանտարկությունից ազատ արձակվեց Սուրբ Գրիգոր Լուսավորիչը, ով կոչված էր Քրիստոսի լույսը տարածել Հայոց աշխարհում:
Նահատակ կույսերի նշխարները նահատակությունից 9 օր անց գտավ և հողին հանձնեց Սուրբ Գրիգոր Լուսավորիչը։
Համբարձման տոն․ Բագրատ Սրբազանը պատարագեց Մայր Աթոռում
Մայիսի 18-ին մեր եկեղեցին նշում է մեր Տեր Հիսուս Քրիստոսի Համբարձման տոնը: Այսօր հիշատակվում է նաև 1441 թվականին Ամենայն Հայոց Կաթողիկոսական Աթոռը Սիս քաղաքից Սուրբ Էջմիածին փոխադրման օրը: Ամենայն Հայոց Հայրապետի հանդիսապետությամբ Սուրբ Գայանե վանքում Պատարագ մատուցվեց։ Պատարագիչ՝ Տեր Բագրատ արքեպիսկոպոս Գալստանյան: Սրբազանն իր քարոզում ասաց․ «Քրիստոս համբարձումից առաջ պատգամեց իր աշակերտներին՝ «Ահա ես ձեզ
... Ավելին.Համբարձման տոն․ Բագրատ Սրբազանը պատարագեց Մայր Աթոռում
Մայիսի 18-ին մեր եկեղեցին նշում է մեր Տեր Հիսուս Քրիստոսի Համբարձման տոնը: Այսօր հիշատակվում է նաև 1441 թվականին Ամենայն Հայոց Կաթողիկոսական Աթոռը Սիս քաղաքից Սուրբ Էջմիածին փոխադրման օրը:
Ամենայն Հայոց Հայրապետի հանդիսապետությամբ Սուրբ Գայանե վանքում Պատարագ մատուցվեց։ Պատարագիչ՝ Տեր Բագրատ արքեպիսկոպոս Գալստանյան:
Սրբազանն իր քարոզում ասաց․ «Քրիստոս համբարձումից առաջ պատգամեց իր աշակերտներին՝ «Ահա ես ձեզ հետ եմ․․․» (Մատթ․28։21) և թելադրեց պատասխանատվություն ստանձնել իրենց վստահված քարոզչության նկատմամբ, լինել վկաներն Իր անանցանելի ճշմարտությունների, չվախենալ դաժան հարվածներից, չերկմտել ճշմարտությունը բարձրացնելիս, անդադար քարոզել Աստծո խոսքը, դարձի բերել մոլորվածներին, վերացնել սուտն ու կեղծիքը, մարդկանց դարձնել Աստծո սեփական ժողովուրդը՝ ծառայությունից կոչելով որդիության։
Այսօր էլ մենք ապրում ենք մի իրավիճակում, երբ գերեվարված է մեր հայրենիքի մի հատվածը՝ մեր սիրելի Արցախ աշխարհը, մեր քույրերն ու եղբայրները, որոնց ոչ ոք չի կարող բաժանել մեզանից։ Երբ ապրում ենք բազմահազար զոհերի, վիրավոր զավակների, գերության տանջանքների մեջ գտնվող և անհայտնության ճիրաններում հայտնված մեր սիրելի զավակների իրողությամբ, երբ կանգնած ենք անելանելի որոշումներ կայացնելու առջև՝ փնտրելու լույսի և հույսի ճանապարհներ, երբ ապրում ենք գողացված ուրախության, գողացված պատվի, գողացված նպատակի, գողացվող հույսերի, գողացվող հավատքի և սիրո իրականության մեջ, մեր Տերը դարձյալ գալիս է մեզ հիշեցնելու և քաջալերելու՝ «Ահավասիկ Ես ձեզ հետ եմ․․․» (Մատթ․ 28։21), ձեզ հետ եմ ամեն վայրկյան, ձեր տառապանքները կրող, ձեզ հետ քայլող, ապրող, գործող և ձեր միջոցով նաև իրադարձություններին թելադրանք և ուղղություն տվող։
Այսօր էլ Հայոց Եկեղեցին բոլոր տագնապների ու մարտահրավերների մեջ վերստին կոչում և հրավիրում է իր զավակներին տեր կանգնել իրենց պատասխանատվությանը և իրավունքին, չերկնչել աշխարհի դավերից ու ցավերից, չվախենալ նահատակության փառքի պսակից, չտատամսել Աստծու խոսքի հավատարմության մեջ»։
Սուրբ Պատարագի ավարտից հետո, հանդիսապետությամբ Ամենայն Հայոց Կաթողիկոսի, կատարվեց Հայրապետական մաղթանք, որի ընթացքում հոգևոր դասն ու ներկա հավատացյալ ժողովուրդն աղոթք բարձրացրեցին առ Աստված Մայր Աթոռ Սուրբ Էջմիածնի և Ամենայն Հայոց Հայրապետության անսասանության, պայծառության ու շենացման համար:
Հայոց ցեղասպանության սուրբ նահատակների հիշատակության օրը՝ Պատարագ Իջևանի Սրբոց Նահատակաց բաց խորանին
Այսօր` ապրիլի 24-ին, իջևանցիներն ու հյուրերը՝ պաշտոնյաների ուղեկցությամբ, Տավուշի մարզպետարանի մոտից երթով քայլեցին դեպի Ցեղասպանության քաղաքային հուշահամալիր։ Հուշահամալիրի տարածքում է գտնվում Սրբոց Նահատակաց բաց խորանը, որին այսօր Պատարագ մատուցեց Տեր Աբէլ Քարտաշյանը։ Ներկա էին Իջևանում և հարակից շրջաններում սպասավորող մեր բոլոր հոգևորականները։ ․․․ Ապրիլի 24-ը 2015թ-ին՝ Հայոց ցեղասպանության 100-րդ տարելիցին փոխեց իր բնույթը՝ մտնելով Հայ
... Ավելին.Հայոց ցեղասպանության սուրբ նահատակների հիշատակության օրը՝ Պատարագ Իջևանի Սրբոց Նահատակաց բաց խորանին
Այսօր` ապրիլի 24-ին, իջևանցիներն ու հյուրերը՝ պաշտոնյաների ուղեկցությամբ, Տավուշի մարզպետարանի մոտից երթով քայլեցին դեպի Ցեղասպանության քաղաքային հուշահամալիր։
Հուշահամալիրի տարածքում է գտնվում Սրբոց Նահատակաց բաց խորանը, որին այսօր Պատարագ մատուցեց Տեր Աբէլ Քարտաշյանը։ Ներկա էին Իջևանում և հարակից շրջաններում սպասավորող մեր բոլոր հոգևորականները։
․․․
Ապրիլի 24-ը 2015թ-ին՝ Հայոց ցեղասպանության 100-րդ տարելիցին փոխեց իր բնույթը՝ մտնելով Հայ Եկեղեցու տոնացույց․ սրբադասվեցին ցեղասպանության ընթացքում հանուն հավատքի նահատակվածները։
Եթե մինչև 2015թ-ը մենք ցեղասպանության զոհերի համար հոգեհանգիստ էինք անում, բարեխոսություն էինք հայցում իրենց համար, հիմա մենք իրենց՝ արդեն սրբադասված անձանց բարեխոսությունն ենք խնդրում մեզ համար։
Մեր մեծ սրբեր, բարեխոսե՜ք Տիրոջը Հայաստան և Արցախ աշխարհի, հայ ազգի, մեր գալիք ՀԱՂԹԱՆԱԿԻ և ՍՐԲԱԶԱՆ ՎՐԵԺԻ իրագործման համար։
Քրիստոս յարեա՜ւ ի մեռելոց
«Նշեք ձեր անմահության տոնը, ժողովուրդ ջան։ Մեռնել չկա մեզ համար։ Նրանք, ովքեր Քրիստոսի հավատարմության մեջ են, իրենց ժառանգության հավատարմության մեջ են, իրենց համար մահ գոյություն չունի, որքան էլ որ այն կենսաբանորեն այցելի մեզ» – Բագրատ Սրբազան։
... Ավելին.Քրիստոս յարեա՜ւ ի մեռելոց
«Նշեք ձեր անմահության տոնը, ժողովուրդ ջան։
Մեռնել չկա մեզ համար։
Նրանք, ովքեր Քրիստոսի հավատարմության մեջ են,
իրենց ժառանգության հավատարմության մեջ են, իրենց համար մահ գոյություն չունի, որքան էլ որ այն կենսաբանորեն այցելի մեզ» – Բագրատ Սրբազան։
Մակարավանքի բարձունքից Սուրբ Հարության ավետիսը՝ ձեզ, Քրիստոս հարյավ ի մեռելոց
Ողջո՜ւյն ձեզ, ողջ եք «Մեր սիրելի՛ նահատակ հերոս զավակներն այսօր երկնքում տոնում են հարություն առած։ Հաղթանակած երկրային կյանքով ՀԱՂԹԱՆԱԿԱԾ երկինքն ունենք մեզ վրա բացվող։ Հաղթանակած՝ իրենց համար, բայց դեռևս պարտության դառնության հատակը ճաշակած՝ մեզ համար։ Մեր Տիրոջ Հարությամբ այսօր երկինքն է բացվում, գերեզմանի գաղափարն է քանդվում մեր Տիրոջ Հարությամբ։ Գերեզմանողների բոլոր տեսակի խարդավանքներն ու դավերն
... Ավելին.Մակարավանքի բարձունքից Սուրբ Հարության ավետիսը՝ ձեզ, Քրիստոս հարյավ ի մեռելոց
Ողջո՜ւյն ձեզ, ողջ եք
«Մեր սիրելի՛ նահատակ հերոս զավակներն այսօր երկնքում տոնում են հարություն առած։
Հաղթանակած երկրային կյանքով ՀԱՂԹԱՆԱԿԱԾ երկինքն ունենք մեզ վրա բացվող։ Հաղթանակած՝ իրենց համար, բայց դեռևս պարտության դառնության հատակը ճաշակած՝ մեզ համար։
Մեր Տիրոջ Հարությամբ այսօր երկինքն է բացվում, գերեզմանի գաղափարն է քանդվում մեր Տիրոջ Հարությամբ։ Գերեզմանողների բոլոր տեսակի խարդավանքներն ու դավերն են լուծվում մեր Տիրոջ Հարությամբ։
Երկնքից բացվող հայացքի ներքո, մեր նահատակ տղաներն այսօր ուզում են ասել․ «Ողջո՜ւյն ձեզ, ողջ եք, մի՛ վհատվեք, մի՛ երկյուղեք, որովհետև դուք փնտրում եք մեզ այլ վայրերում՝ ԳԵՐԵԶՄԱՆՆԵՐՈՒՄ, ԽԱՉԵԼՈՒԹՅԱՆ ՄԵՋ, բայց մենք հարության մեջ ենք՝ վեր հառնած, մեր Աստծո հարազատության մեջ։ Ինչպես այդ օրերին էինք փարված Իր ոտքերին ու ձեռքերին, այնպես էլ այսօր մենք։ Բայց մենք սպասում ենք նաև այդ հաղթանակ իրականությունն ու ազատագրված տիեզերական ճշմարտությունը դուք ևս իրագործեք՝ ոչ միայն մեզ վրա թողնելով այդ բեռը»։
Մակարավանքի բարձունքից Սուրբ Հարության ավետիսը՝ ձեզ
Քրիստոս հարյավ ի մեռելոց
Օրհնյալ է Հարությունը Քրիստոսի
Այսօր Սուրբ Հարության Ճրագալույցն է։ Տիրոջ Սուրբ Սեղանի լույսը բոլորը տարան իրենց տները։
Տիրոջ Հարության լույսից թող ծնվեն մեր Հայրենիքի ՀԱՂԹԱՆԱԿՆԵՐԸ․․․
Ծաղկազարդ է․ Իջևանի Սուրբ Ներսես Շնորհալի եկեղեցի
ԱՅՍՕՐ ԲՆՈՒԹՅՈՒՆՆ ՈՒ ԱՐԱՐՉԱԳՈՐԾՈՒԹՅՈՒՆԸ ԾԱՂԿԱԶԱՐԴՎԱԾ ԴԻՄԱՎՈՐՈՒՄ ԵՆ ՄԵՐ ՏԻՐՈՋԸ Այսօր հիշատակում ենք Հիսուս Քրիստոսի հրաշափառ մուտքը Երուսաղեմ։ Ծաղկազարդը հռչակվել է նաև Մանուկների Օրհնության Օր։
... Ավելին.Ծաղկազարդ է․ Իջևանի Սուրբ Ներսես Շնորհալի եկեղեցի
ԱՅՍՕՐ ԲՆՈՒԹՅՈՒՆՆ ՈՒ ԱՐԱՐՉԱԳՈՐԾՈՒԹՅՈՒՆԸ ԾԱՂԿԱԶԱՐԴՎԱԾ ԴԻՄԱՎՈՐՈՒՄ ԵՆ ՄԵՐ ՏԻՐՈՋԸ
Այսօր հիշատակում ենք Հիսուս Քրիստոսի հրաշափառ մուտքը Երուսաղեմ։ Ծաղկազարդը հռչակվել է նաև Մանուկների Օրհնության Օր։
Թեմի միասնական աղոթքի օր․ Որոտման որդիների տոնին՝ թեմական Պատարագ
ՄԻԱՍԻՆ․․․ Տավուշի թեմն ունի կարևոր ավանդույթներ։ Օրինակ` տարբեր տոների առիթով թեմի բոլոր հոգևորականները մեկտեղվում են և աղոթում իրար հետ, զրուցում և կիսում կարևոր գաղափարներ, ապրումներ։ Որոտման որդիների` սուրբ Հակոբ և Հովհաննես առաքյալների տոնը նույնպես յուրահատուկ է մեզ համար։ Ամեն տարի այս օրը Պատարագի խորհրդի շուրջ հավաքվում են ոչ միայն քահանաները, այլ նաև իրենց ընտանիքները, առաջնորդարանի
... Ավելին.Թեմի միասնական աղոթքի օր․ Որոտման որդիների տոնին՝ թեմական Պատարագ
ՄԻԱՍԻՆ․․․
Տավուշի թեմն ունի կարևոր ավանդույթներ։ Օրինակ` տարբեր տոների առիթով թեմի բոլոր հոգևորականները մեկտեղվում են և աղոթում իրար հետ, զրուցում և կիսում կարևոր գաղափարներ, ապրումներ։
Որոտման որդիների` սուրբ Հակոբ և Հովհաննես առաքյալների տոնը նույնպես յուրահատուկ է մեզ համար։ Ամեն տարի այս օրը Պատարագի խորհրդի շուրջ հավաքվում են ոչ միայն քահանաները, այլ նաև իրենց ընտանիքները, առաջնորդարանի աշխատակազմը, որոնք նույնպես անմասն չեն ՏաՀույսի առաքելությունից։
Այսօր մեզ համար յուրահատուկ տոն է. մեր քահանայից դասին է միացել նորաօծ Տեր Աբգար քահանա Կարապետյանը, ով այսուհետ իր ծառայությունը կբերի Տավուշ աշխարհում։
Հոգևոր հայրերն աղոթքով ամփոփեցին տարին, հույսով, որ հայոց գալիք հաղթանակն իրականություն կդառնա, չնայած բոլոր փորձություններին։ Բնականաբար` բոլորիս մտքում ու սրտում Արցախն է։ Դե իսկ Սրբազանի պատգամը գողացված ուրախության, արժանապատվության, ծառայասիրության մասին էր։
«Որքա՜ն բարի, որքա՜ն վայելուչ է, որ եղբայրները բնակվում են միասին» (Սաղմոս 132:1):
100-ամյա ընդմիջումից հետո Սուրբ Պատարագ մատուցվեց Հաղարծին գյուղի Սուրբ Աստվածածին եկեղեցում
Հաղարծին գյուղական բնակավայրի ժամանակակից պատմության մեջ առաջին անգամ բարեկարգվել է Սբ. Աստվածածին եկեղեցին, և այսօր Հաղարծնի վանահայր Տեր Սամվել վարդապետ Մխիթարյանի ձեռամբ մատուցվեց Սուրբ Պատարագ:
... Ավելին.100-ամյա ընդմիջումից հետո Սուրբ Պատարագ մատուցվեց Հաղարծին գյուղի Սուրբ Աստվածածին եկեղեցում
Հաղարծին գյուղական բնակավայրի ժամանակակից պատմության մեջ առաջին անգամ բարեկարգվել է Սբ. Աստվածածին եկեղեցին, և այսօր Հաղարծնի վանահայր Տեր Սամվել վարդապետ Մխիթարյանի ձեռամբ մատուցվեց Սուրբ Պատարագ: